陸記正宗桂林米粉

營業中

休息中

味道OK食過幾次都不錯，多是要麻酸辣，覺得可以再辣D，上次食咖哩雞米線就普通D；但是服務一般；下次要試雙豬未試過

由於地段關係，我不常到元朗。但原來在元朗又新街/阜財街附近有很多食肆，從openrice的搜尋結果便可略知一二。上星期日(1-13)的晚上，又新街新順興潮州滷味專門店更是大排長龍等買滷味外店，不過我的目的是要找堂食，所以來了陸記。星期日晚上六時半，還可以輕易地找到位子。點了晚餐\(雞絲飯)，賣相可以，味道不錯，最正難忘的是那隨晚餐\附送的水晶涼粉。雖然說是涼粉，但卻是半透明而不是黑色的，不加糖漿而加淡奶，沒有黑涼粉那種苦味，感覺比黑涼粉更上一層樓。

今次叫左豬頸肉米粉，碗粉唔洗等好耐就到。豬頸肉質爽口，味道唔明顯，米粉煮得適中，湯底冇乜特別，全靠有香蒜片吊味。間唔中食下都ok既。地方係污糟dd。哩幾間鋪附近都係有陣怪味，唔知點解。

陸記的米線果然與眾不同,比一般的米線粗,好有口感..加上他的涼粉,不像街買的,黑色而是白色...口感有點像大菜糕....真係好好食哦!

一入去,好大陣"壓"味,要隔一段時間才可適應下來!味道一般,d豬好un,冇想像中好食!坐位太狹窄!態度麻麻地!

我同HONEY每個星期六日餐晏都會出去食，通常都近近地係屋企附近食就算！哩間係我地其中心水食店之一，因為貪佢平靚正，下午茶餐好掋食，我次次去到都係食蒜香豬扒/雞扒撈粉+甜品，佢D蒜香豬扒同雞扒炸得幾香，食落好香口又大件，D米線同出便果D唔同，係粗D架！我個人鐘意D味濃D既食物，所以唔揀湯米線改撈粉，D撈汁撈埋D米線既味道岩岩好，唔太鹽又唔太淡，GOOD! SUGGET ^O^ 反而我覺得湯米線好普通，唔建議揀！仲有個酸荀肉碎飯都好好味！不過會辣左D，唔食得辣就唔好揀LA! 因為舖面好細，所以D位座得唔係咁舒服，迫左D，尤其係下午茶時間！而服務就唔係咁好，有個短髮帶眼鏡有紋身果個呀姐好惡好串GA!

　噚日瞓到點幾鐘，老肥一場嚟到，梗係去探吓好耐無幫趁既雙豬反加水晶涼粉．　雙豬反(肉燥底)$32跟餐有涼粉有嘢飲，是日因病到傻傻吓，都係食D清清地，嗌咗時菜冬菇雞絲米線$17(下午茶餐跟涼粉)．雖然去到已經3點幾，但雙豬係熱賣，所以個燒肉皮都係脆卜卜，點都忍唔住食咗一嚿，好好味．至於我個米線都唔差，時菜係椰菜，本人好鐘意食啱晒口味，估唔到個冬菇雞絲整得都好有heart，食到有酒醃過，雞絲就算係雪藏過都處理得好好，兩樣都做得好香好味，米線粗身雖然唔夠滑身，但起碼夠稔但未到一口粉，都算合格．總括咁既價錢，算係物超所值，千祈唔好摺埋呀!!

幾個月冇幫襯, 前幾日再訪陸記, 好彩唔多人有位!雞奕同雙豬飯依舊好有水準!熱檸蜜原來都幾好飲!真係元朗必吃餐廳之一呀!

前牌叫左三次外賣, 分別係紅燒排骨粉, 麻辣雞絲粉同麻辣豬耳粉. 紅燒排骨粉- 排骨好入味, 但係略為份量小do羅!麻辣雞絲粉同麻辣豬耳粉- 麻辣味夠麻, 但係唔夠辣!佢地所謂既桂林米粉只不過係比米線粗d既粉, 但係值得一讚係就算隔夜再叮番黎食, d粉都好彈牙, 唔錯唔錯!

本身住元朗, 又唔中意煮野食, 所以就會成日落街打包,我都幾鐘意呢間d野食,因為d野食幾抵同埋又飽肚,同埋d野食又唔會太過spicy, 對我黎講岩岩好,有時都仲可以加埋包紅色既辣粉食,仲正! 我既心水推介係酸豆角肉碎粉,無咩肉既(因為我唔係太鐘意食肉),酸酸死,又辣辣地,仲有好多花生呀配菜咁既野, d粉又幾彈牙。其他飯呢,都食過一次,食garlic 雞扒飯, 飯就麻麻地啦我覺得,d飯太林,唔係好熱,又無咩飯香,仲要得舊肉同少少garlic 汁送飯, d 雞勁多油,整走晒d皮都舊肉都仲好多既~~ 整體我推介都係食粉~~

上星期日本想去吃雙豬飯，哪知道一坐下才發現又加價了@0@雙豬飯(全日)現在都$32 (飲品+涼粉/例湯) 凍飲+$2可謂一點都不便宜~"~所以就叫個下午茶飯餐，蒜香雞翼飯+凍華田=$23 (假日+$1 凍飲+$2)價錢已經不太像下午茶感- -"坐位越來越逼，差不多都可以碰到背後的人，到飯來了，跟以前一樣，飯不夠"熱"！對我來說只能用"溫"來形容@"@雞翼很脆很香口，但不會太乾，而且那天的飯好像有點煮生米的感覺，咬下去怪怪的，下次可能真係想吃雙豬飯才會去吧(嘆

1) 時菜冬菇雞絲粉($23 / 包一杯飲品或水晶涼粉)好多料喎！粉好有口感，唔錯！幾抵食！水晶涼粉即係透明粉+ 花奶我唔食花奶，我冇試到，我同事話幾好味。2) 絶代雙豬飯($29 / 包一杯飲品及水晶涼粉)嘩！個名勁型！雙豬係脆皮燒肉& 豬頸肉我同事話好味，脆皮燒肉勁脆，半肥瘦，再加埋滷水汁，絶配！套餐凍飲加$2舗頭細細間，一般茶餐廳服務，份量都算大，O,K,架！

今晚路經,先食過飯才回家,聽同事說好似這間的米線唔錯向招牌嘢中挑,就秘制鍋燒肉粉啦+凍飲。碗粉來到都幾好樣而且炸過的蒜片香味不斷撲來,試了1口湯底,鹹度適中,自然。雪白的粗身米線入口幾有咬口,以中式粉麵來講甚為少見。很多時食pasta要求廚師煮硬d,都無料到,反而這個中式米線好有咬勁,不過食到尾,就略嫌中心硬咗d麵還是其次,燒肉是炸過,有芝麻皮嗰隻,大致是薄切,頭尾除外。肉多脂肪少,入口出奇的"un",尤其是炸過肉嗰part,唔多咬得開,有d同佢角力feel。去到中心薄切部份就好少少,但d肉質仍是"鞋",好粗今天是4肢疲累的1天,"滕"出"滕"入,件衫濕完乾咗,又來濕過.無得點坐,企到腰都直埋。估唔到夜晚連棚牙都要做運動見網友幾個月前的食評都有讚,莫非我唔好彩?服務就好似入咗茶餐廳咁攞,笑容免問,但咁唔代表無效率

以前住元朗, 呢間必是我首選飯堂, 我最愛是他的酸筍枌, 在hk 不容易找到有大陸風味的菜式, 有都會是香港式的大陸菜, 這個算是令我可以懷念一下鄉下的騾絲枌的味道! 其他如雙豬枌/飯, 雞奕都好好味~

以前已試過它的絕代雙豬粉, 今次就試其他口味.星期日下午茶時間, 好多人, 因地方細, 所以很迫, 不過要食好嘢無辦法啦.老公叫了麻棘五香牛展粉+凍檸茶, 因是招牌餐, 所以要$29, 無下午茶特價. 老公話牛展好腍好入味, 米粉夠彈牙, 好味道, 只是稍為不夠棘, 他要再加棘醬才滿足.我叫了蜜汁叉燒粉+凍檸茶, 這個有下午茶特價, 才$18, 好抵食, 米粉真是好彈牙, 叉燒合格, 整體都好味食得過. 老公話下次不須叫招牌餐, 因不算太特出, 反而價錢不算抵, 普通的下午茶餐就真是好抵食.