陸記正宗桂林米粉

營業中

休息中

上星期夜晚有事去元朗,唔知食乜,走左入呢間所謂好出名既桂林米粉鋪頭,order左一個冬茹牛肉米粉,上台既時候個樣都幾好既,有好多牛肉.即刻食件牛先,嘩!簡直鞋既乜咁,唔怪得比咁多啦(差)到食冬茹啦,無特別囉到米粉時,呢o的係好粗到好似米線咁既米粉,口感都幾好.但個湯真係好似清水咁淡(呢樣簡真係差中之差)老公食左個又係好出名既燒肉反,佢比左件我,我原全食唔到邊度有肉囉,應該叫做燒肥膏反先o岩!!呢間野,打死都唔會食多次

同朋友食飯，見唔係好肚餓，就試試呢度既豬頸肉米線同蒜香雞翼。米線同o的湯都冇咩味，而個蒜香雞翼我都食唔到有蒜香味，同kfc o的雞翼差唔多冇咩特別。

拜完山經開元朗,亂打亂撞下就入左呢間食lunch.叫左個雙豬米線~嘩!!好耐冇食過咁正既米線!米線粗而幼滑,口感好,湯底夠味,配合惹味既雙豬就真係一流.最鍾意就係蒜片大大塊又多,加埋勁辣既辣椒油就very good.食完又唔夠飽,叫多個麻辣雞絲米線同妹一人分半.呢個又係正,雞絲好有麻辣味,但唔太辣喎.當然要加番個出名既水晶涼粉,夠甜之餘口感也不錯.不過舖頭就細左d,坐得密麻麻.價錢方面,唔見得特別平.皆因元朗有好多平野食,相對黎講陸記就係中下價啦.有機會既話,我一定會試其他款既米線!!

昨日同女友去元朗行街搵好野食...噤0岩經過唸住好耐都無去過"陸記"...咪走入去囉, 一坐低真係好奇怪...發覺入面D人食飯多過食米線,就知~ 道唔多對路囉,我就試少少睇環境:1) 水晶雞絲凍- 死實實無呢味道, 我仲以為咬住舊刷膠好"鞋口".2) 豬頸肉雞翼米線-雞翼都可以, 但D豬頸肉就好鬼"淋"囉...無晒口感, D米線最差...粗到意大利粉噤大條, "又淋" 又無味道好唔掂囉!3) 桂林辣汁皮蛋- 皮蛋好唔新鮮(好硬), 一味靠辣汁幫手,如果唔係真係好難食.4) 凍奶茶X 2... (( Do Good))

我覺得呢間幾好食，我同媽咪去食，佢叫左個鍋燒肉，我就係豬頸肉，真係好多食，又幾抵食。另外水晶涼粉就係必食﹗﹗﹗但我覺得佢個海哲既汁就唔係幾好，只有酸味。我較鍾意去教育路果邊果間食，果間既服務好d架。

同個朋友食, 我就叫左碗燒排骨米粉, 佢就麻辣牛展米粉, 再一碟水晶雞絲凍兩份share. 加兩杯凍飲.D 桂林米粉幾正, 粗幼適中, 比鳥冬幼, 比公仔麵粗, 而且很爽口. 燒排骨就普通了點.水晶雞絲凍係有層膠質既野包住d 雞絲, 果層膠質應該都係雞既唔知邊忽拗出黎既, 可能係雞軟骨.之前黎開陸記都係食飯, 食飯係抵d 飽d.

完全搵返桂林米粉果d味,係香港好似西貢都有得食.燒腩肉太誘人.

一入去﹐發覺入面D人食飯多過食米線真係覺得有D搞笑。。我試左個麻辣雙豬米線﹐唔錯﹐係正宗既桂林米線辣法。好大碗好多豬!

星期五，因有事過元朗一趟，曾經在此網瀏覽過此店不過不失，就走進去一試。點了鯪魚球米，冬菇雞絲米，豆漿，雜果涼粉。當冬菇雞絲米粉來到時，只見滿滿的湯，米粉少量，又其是冬菇雞絲米，一層層油份在湯面飄浮，感覺噁心，枉叫「清淡之選」，雞絲應是絲狀，卻成塊狀，湯底淡而無味，猶如清水一般，不了解為何有兩三條薑絲依付與米粉上，是否誤放，實在難以理解。朋友的鯪魚球米粉，試吃了一塊魚球，結實無比，沒有魚味，入口不酥化，猶如齋麵。雜果涼粉，水晶涼粉究竟有沒有切過，一塊有尾指長度，花奶過多，雜果是地們熱帶雜果，應該是沒有「鯨」水，太濕。整體惡劣。

男友入天水圍洗牙﹐順便入元朗搵食。5點左右系度食左個TEA SET$16---蒜香雞扒粉﹐凍檸茶。個蒜香雞扒粉幾好﹐雞扒夠入味而且肉質十分滑。米線亦挺滑但稍微欠缺口感。湯底一般。呢餐系抵﹐但D服務態度真系認真差﹗個女肥waiter擺出一副不可一世既款。

今次係第二次幫襯...本人鐘意嗜辣, 所以鐘意呢度多辣配料: 有辣椒油, 辣椒粒同埋辣粉可供選擇湯底方面, 有淸湯或麻辣...仲有蒜片, 花生同蔥, 都算足料而米線則一般.

燒腩肉好脆好食。

陸記向來食物水準都有番咁上下既,tea time時間最抵食,米線$16,飯$20,包冷熱飲品,我最鍾意食雞扒米線同腩肉飯,味道一流,d阿姐煮野速度好神速,order完唔駛2分鐘就有得食,夜晚食飯好似$25,有埋甜品,涼粉晶都好好味架

幫襯o左陸記都有好幾年喇,由於鍾意食米線o既關係,對呢間o野印象幾深...而家都經常同男朋友o黎食,次次食o既都唔多同,不過大部份都幾好味...個人最鍾意係酸豆角肉料粉,可能係本人最鍾意食呢d咸咸酸酸o既o野,而暫時o黎講都仲未有食到另一間有d咁o既特色o野...其次就係麻辣豬耳粉,豬耳爽又有咬口...雙豬粉都唔錯,覺得燒腩d皮好正......呢度仲有一樣最好o既,就係平,tea time o黎食碗粉+飲品都係$16...飲凍檸密仲唔駛加錢添!!

搬左去元朗一年，講真仲有好多餐廳未試過... ^^" 今晚，BF又o黎元朗搵我，咁就大家一齊去試依間有名小店~　BF要秘制鍋燒肉飯套餐，我要獨家滷水豬頸肉粉套餐~ 份餐portion好大丫，味道都唔錯~ 餐飲可以揀好多野，我就揀左豆漿，幾有豆味唔錯；BF既紅豆冰則唔夠甜/豆太硬~ 最後仲有份水晶涼粉，唔，普通啦，但就令成個晚餐飽晒! 　係幾抵食，味道都okay，但又唔值山長水遠o黎元朗食~