陸記正宗桂林米粉

營業中

休息中

秘制鍋燒肉真係好好味, 皮脆脆的, 肉又唔鞋又硬, 又唔太肥, 好味! 不過如果自己食一碗會幾溜.

- 秘制鍋燒肉粉～佢地ｄ燒肉我就覺得好好食，d 皮好脆，好香，湯底又夠味，仲有炒香的花生同埋蒜蓉片。送甜品~ 水晶涼粉-原来是白凉粉，口感像普通涼粉與jelly 之間再加上少许花奶而已。没什么特别。

31/3左揀右揀搵食，見到第一間無入到，再行左陣見到lee間，有位wor，就係度食個下午茶。原本$16一碗+ 一杯飲品，星期六、日加$1。1) 紅燒排骨米粉--- 米粉(米線)很好、彈牙。排骨普通，以為幾多，原來有幾舊淨骨=.=" (可能排骨d醬令到個湯底好咸)2) 時菜冬菇牛肉米粉--- 冬菇真係有煮過，好味。但牛肉就好"諧"，唔得(lee碗就係清湯，係清ge味精湯)3) 炸大腸($18) --- d 腸大小不一，有d勁大舊，有好多肥膏、有d勁碎，唔多夠脆順帶一提，見到鄰春卷雖然八條一份係抵，但炸得頗焦，感覺上真係得個粉得!

食完涼粉,仲需要食d野...兩點幾,店內還是坐得滿滿...地方淺窄,坐得都幾逼...點了麻辣肉醬撈粉+凍奶茶...桂林米粉粗粗的,有點兒像米線,頗滑,食落比米線硬少少...麻辣肉醬,肉唔算多,麻辣醬唔夠辣,不過都幾麻,食完之後條脷有d痺...加上蔥,花生,令到麻辣醬,米粉食落更加香口...不過自己嫌麻辣醬比較稀,同埋油...但整體食味已經交到功課...至於凍奶茶,還是存在奶味重的問題...見到對面人地話燒肉,水晶涼粉好食,下次會試下...

週五唱詩前找地方開餐，龍想食米線，故來了陸記。是次光顧的是教育路分店，沒有又新街店那麼逼，環境ok。　陸記做的是街坊生意，價錢都是十分大眾化：　小食海哲($10)-不特別好吃，純粹過下口癮而叫麻辣豬肚米線($23)-很喜歡它做到正宗的麻辣效果，當中居功至偉應為花椒；米線也滑，配合湯底實在不錯!紅燒腩肉飯($26)-煮得香香軟軟的飯，淋上鮮味肉汁很好吃，反而腩肉稍嫌未夠稔身，不然會更好紅豆冰(隨餐送)-紅豆的甜味與稔度都很好，椰汁又香，比前晚雅苑的出品高了好幾班!水晶涼粉(隨飯餐送)-口感介乎涼粉與jelly之間，加上花奶，簡單而特別，我幾鍾意!　整體真的不錯，配得上快靚正的稱呼!

陸記係我係元朗一支公個時既飯堂之一例牌會叫雙豬飯, 紅燒排骨飯, 或者三鮮湯飯晚餐基本上25/26蚊已經可以飽住甘走人去得呢間野都唔好預期佢有乜野好裝修同招呼但味道確實係唔錯另外,個水晶涼粉都好好味, 唔係周街都有既特式甜品

有好幾年無食過呢間野, 夜晚同男朋友試試...(教育路店)紅燒排骨粉($18),無咩特別, d粉我覺得太粗, 與一般米線無異..滷水雞翼$15) 有5, 6隻, 但一上枱, 嘩!!..好多毛呀!!!!! 噁心! 而且最大問題係食落口好大陣豬肚"壓"味!!! 因為佢用一大鍋滷水浸晒d野, 唔得~~~~完全比佢攪到你唔想食~成碟食左2隻就放棄~水晶雞凍($15),d透明啫喱無味, 雞又乏味, 差!!!!d野剩晒, 又食唔飽..唉..真係唔洗$唔好去@!

時常來食,都係雙豬粉最好食,雙豬即是豬頸肉+燒肉,鹵水豬頸算係咁啦,都係燒肉好食D,所謂燒肉其實是炸肉,果D皮炸得好鬆脆,d肉瘦得黎又唔"un",最怕肥又為食d女仔,D桂林米粉雖然好似意大利粉咁粗,但好滑,加埋d蒜片花生蔥及調味的辣椒魚露,$26包括一杯飲品,已經食到好滿足.不過地方真係幾迫,D人多時真係背靠背手撞手,都食得幾唔舒服架.

我和同事久不久就會來光顧, 這裡勝在「抵食挾大件」。晚上我多數會吃豬頸肉飯, 一方面我喜歡吃豬頸肉, 另外又有甜品送, 覺得很抵!!!豬頸肉質素不錯, 非常肥味之餘, 亦夠入味, 份量又多, 男孩子一定夠飽, 而且「汁」方面亦一點也不馬虎, 有一點點的肉碎呢。而附送的水晶涼粉亦很特別, 口感不錯, 加上花奶, 頗清新, 致於茶水方面則是較弱的一環, 有改善的必要!!環境方面, 較一般的茶餐廳乾淨一點, 但以這樣的價錢, 也不能太苛求了!!

想食米粉，但係又唔想去平時食開既地方，叫左男朋友陪我黎呢度食，而佢都say之前食過唔錯，所以去左陸記。想食辣，但係又怕胃痛，最後都係決定係得清清淡淡好，而陸記個menu入面都有一個系列係清淡之選，就點左一個時菜冬菇雞絲米粉，男朋友點了一個叉燒米粉。男朋友的叉燒米，始終唔係燒臘店，當然水平唔會好到去邊，應該係放雪櫃有人叫先拎出黎，所以放入口係微暖。而我的清淡米粉，望落去係清，但係實際上有好多油係面，不過d冬菇絲係幾入味，呢個唔錯既。至於米粉，質地偏硬有口感，我自己幾鐘意。環境幾光猛，但係座位之間較窄，面亦擺放左菜莆，辣椒油共4款以調味之用，都ok既。

非常亂尼, d送求其, 湯冇味, 有陣酸叔味, 唔係一般果個酸味啵, 仲之送比我都唔會食, 平是平, 但始終開門做生意, 唔可以d野咁求其囉

平日都會食呢度貪佢平(tea $16)同好食呢度豬肉類0既食物其實都做得唔錯雙豬,排骨,腩肉,豬扒等都做得唔錯個人覺得夾米粉就0岩0岩中和番濃膩0既肉類唔錯水晶涼粉又係唔錯的

我地果日完活動，所以是是但但咁就走左入去喇！入到去我第一樣見到就係燒肉，所以我叫左一個燒肉飯囉～佢地ｄ燒肉我就覺得好好食，但食得多會厭，我就同其他人交換ｄ餸食...原來食飯係會送一個水晶涼粉,個炒好好食~只係我覺得唔凍囉~

無端端隻手又麻又痺，忍唔住瘁之走入元朗揾個家庭醫生睇睇。離開疹所時都接近一點，都唔知食乜好。因為台風影嚮，天氣開始變壞，下着雨，走起路來也不暢快。突然想起有網友介紹元朗大馬路有間拉麵店，但記不起店名，祇記得舖面喺紅色的，于是邊走邊揾，可惜都喺揾唔到，决定放棄而走入內街，突然就見倒“陸記”，於是就喺呢度食午餐。倆人都喺叫套餐，要麻辣豬腸米線、鹵水豬肚米線十熱啡。Ｄ豬肚喺切絲嘅，少少鹵水味，Ｄ豬腸又唔麻又唔辣，似鹵水多Ｄ，仲要自己加辣添。講到個米線就認真失望喇，記得第一次嚟食，喺滑嘟嘟，幾乎揾番我喺桂林食過個Ｄ新鮮米粉嘅感覺，但而家所食倒嘅喺又粗又硬，食後飲埋杯飲品都仲喺好口乾，仲要出去揾凍飲添，唔怪得而家大把位任坐，以前擠擁情况冇咗囉。逆水行舟，不進則退，唔好以為出咗名就可以掉以輕心，雖然喺平價嘢，都要用心去做，否則遲早被人取代，枉佢仲以專門店姿態營業添。

今日我係元朗個間陸記度買左1碗外賣既三仙粉番屋企食喇!!點知我1開左個蓋\之後碗粉入面有煙蒂囉\"咩叫衛生\"尼間鋪都唔知囉!!邊有人俾1碗有煙蒂既米線俾客人嫁\"同埋佢\D服務態度好差囉\"真係唔投訴唔得囉€大家話係咪喇\"我諗尼間野既人同埋D師父好冇衛生\"佢\地連咩叫衛生常識都唔知囉,,邊有可能係1碗粉入面會有個煙蒂嫁!?我係尼度投訴都係唔想有第2個客好似我咁囉!!P.S 大家已後去食野真係要小心D囉!唔想再有第2D人會好似我咁牙*