隠家拉麵工場 (已結業)

隱家可說是我第一間接觸沾麵的麵店, 它在西九龍中心已經有差不多九年, 以Meter Chan經營及統籌的和食店而言, 有着最久的歷史, 這樣的年期對一間拉麵店來言也算難得, 特別是它沒有任何業務上的擴充, 和剛開張時有所不同的, 也許就是沒有由裝支裝汽水的箱轉換而成的座位, 沾麵選擇和其風味可說是差不多. 重回舊地, 點了它的隱世黑傳, 也就是黑蒜油加上豬骨魚介濃湯的沽麵, 麵身厚實扁平, 麵芯口感爽中帶硬, 掛汁能力不錯, 也沒有餘下煮麵水, 裝麵的碗印有山手也就是其製麵工序的根源, 來自東京上野的山手拉麵. 黑蒜油味道夠濃, 再加上炒製過的芝麻, 一嗅就有其獨特的香氣, 魚介咸香度夠, 略嫌豬骨在湯底的味道被黑蒜油和魚介蓋過, 而且湯底不夠濃稠, 有點浠身. 叉燒炙燒過, 油香夠而肉質不韌, 水準之作. 煎餃子的確做到底部如雞皮般香脆, 內餡有肉汁但不算澎湃, 餃子皮不會太厚, 吃起來也算舒服, 只是價格不算化算, 五件餃子差不多$40, 以沾麵的價錢及深水埗的物價作Benchmark也算是蠻奢侈吧!

終於嚟到呢間拉麵店，好驚訝唔需要排隊就可以入場，落單採用好日本式嘅自動販賣機，令人諗返起日本食拉麵嘅情懷。舖頭選擇不多，同同事嗌左唔同味道嘅沾麵，我叫咗赤沾麵，以為係辣沾麵，點知係蕃茄沾麵湯底，湯底厚身，重蕃茄味，蕃茄嘅甜味混合沾麵嘅鹹味，令到湯底本身嘅味道變得有趣， 拉麵本身的硬度非常合我口味，同埋最欣賞呢一度沒有要客人選擇硬度，相當的日本風格，肉有兩塊，最有驚喜咁係溏心蛋，蛋黃的質地有gel, 好好吃。不過，同事叫咗黑沾面，湯底非常鹹，所以如果食唔到咁鹹嘅朋友就唔好叫了。

隱家拉麵一食上癮久不久就會想起他，原因價錢平，用料靚、湯麵正。👍店子就如置身日本一樣先購票再入座，大大碗熱騰騰沾麵幾分鐘就會送到，香氣撲鼻湯底濃郁🤤，麵條軟糯沾一沾濃湯好吃得不得了！日式叉燒軟腍可口肥瘦均勻甘香肉滑，糖心蛋軟滑如蜜糖蛋黃一食愛上😍😍，別忘了筍絲腌得入味又爽脆。😋😋

記得呢間好多年前成日好爆，排隊要排好耐，呢日咁啱見到冇人排，即刻試吓。佢係自助式買票，好似係日本食拉麵咁😃叫咗沾麵，味道相當唔錯，無論麵質或沾麵汁都係我中意嘅口感😋

📍深水埗欽州街37號西九龍中心7樓7083號室行行吓西九龍中心好想食啲重口味嘅嘢，然間記得蘋果商場有得食沾麵，又咁啱唔使排隊就係佢架自動售賣機度買咗啦🤣🤣🤣點知買錯咗，個心好想食黑蒜，點知就買咗赤伝🤦🏻‍♂️🤦🏻‍♂️1)隱世赤伝，蕃茄蓉湯底，有一浸濃厚蕃茄味再加上拉麵之後入口味道就適中，唔會太酸。沾麵食完之後可以加湯，更加可以品嚐呢個拉麵湯👍🏻👍🏻👍🏻環境係超級日本風，有自動售賣機，坐得都好舒服。$100有得找嘅沾麵好少何，西九龍呢一間簡直性價比好高，所以一定推介😁😁😁

由於男朋友真係好愛沾麵所以真係食過唔少呢間真係數一數二嗌左一黑一白一赤丸赤丸基本上係加左辣椒嘅豬肉加落去個沾麵即刻豐富左味道唔算好辣但好香白既我無食到XD黑既蒜油好香加左店家提供嘅海帶醋無咁膩要讚既係個沾麵汁夠濃郁好容易掛麵而家味道好夠仲夠熱個人覺得黑有d略咸下次試白溏心蛋超讚店家係全隻蛋喺湯入面上咬開仲好流心之餘略燙口好正仲好有蛋味係靚蛋呢間位置有少少隱蔽喺蘋果商場嘅深處但愛沾麵既真係不能錯過呀而且個裝修仲好似去咗日本咁添

好多年冇再吃了，今日經過去吃，非常之失望，同以前不一樣，湯非常之鹹，好似用鹽水沾面吃，跟高湯拉不上關係，那些麵有鹼水，居然用行貨鹼水面，帶黃色的面，以前係白色的日本面，以前彈性十足，咬下去好似有回彈力，一定吾會再去，跟以前真的不同。根本吾明白OpenRice 為什麼要200 字才可以提供，佢係一個平台給予我們發表意見，食店出品食物只有好食與不好吃之分別，為什麼一定要作200 字的文章，這樣會嚇退很多想提議見的人

個個都話舖頭好隱蔽，其實舖頭真係好隱蔽。今日叫咗隱世黑伝，加叉燒兩枚再加日本溫泉蛋。其實佢個麵本身已經有兩嚿叉燒同一隻溫泉蛋，大家加嘅時候要注意食量！上到嚟個賣相都okay，一個沾麵嘅湯加上一碗面。個麵嘅份量都幾充足，都夠一個成年男人食嘅～黑伝，即係黑蒜油味。佢個湯頭幾厚幾濃嘅，將麵點落去都掛到上啲麵度。味道方面都有黑蒜味，本人就再落埋佢隔離啲炸蒜，真係好食㗎～不過湯太鹹，我覺得可以調整吓。咬開隻蛋，佢係流心嘅，完全冇問題，而且都幾入味。係好食㗎。佢啲叉燒有煎（可能係用火槍燒？）過，增添咗啲香氣，而且佢有肥瘦均勻，食落唔會乾。我食完所有嘢之後，都未覺得會太口乾，但都有少少口乾，可能同佢鹹有關。anyway，唔算太驚艷，但起碼係好食。

嚟到深水埗我已經食過一間首屈一指嘅沾麵小店（在麥當勞隔離），朋友介紹有另一間同樣出色，在西九龍中心7樓入面，就去試下啦小店唔算好大，約有20個坐位。要入坐就先去買飛揀邊款拉麵先，都幾特別。我食黑蒜湯底，賣相唔錯，望到第一眼已經覺得掂呀，湯底濃郁，有葱花蒜茸調味。麵底排得靚靚太太食正常豬骨湯沾麵湯底夠濃，掛上麵度入口非常滿足。不過嚴格嚟講就喊咗少少。但整體好好本身有三塊薄薄叉燒，再加左一口叉燒，林得嚟又入味，好正

叫咗一個白，同一個黑…味道偏鹹，只有鹹味突出，其他味唔係好食得出。食完我朋友先肚屙，嗰時都唔覺得係碗沾麵事，跟住就到我都屙了。如果有21年7月18號(星期日)光顧過此店的朋友注意了……同埋揸車嘅朋友注意，此店嘅單據係不能作為停車場免費停車的…一定唔會再幫襯……完………………………………………………………………………………，……………

本來無諗過出去架，但就因為個盒子突然死機，男人個晚要睇波，所以即刻出去買XD 既然去開深水埗（其實仲有好多想再食或試），最後就揀左呢間首先，我從來無諗過係呢棟野入面，佢個位比較入，聽聞平時都好多人排，個日去到排左兩組人就到我地，算好快啦～不過因為個日我做完運動先去，個袋又比較大，呢個就有點唔太方便隱世赤伝 $99我個日點左男人幫我揀，諗住“赤”應該都係辣啦！我都係咁諗，碗野黎到都係咁諗，但食落.. e!? 蕃茄喎! 都有少少辣味既，但就唔係我expect而又好好食隱世白雲伝 $79魚湯底，好正，好濃，沾麵都係要配呢隻麵先好好掛，如果再黎，我一定會揀呢個火之丸 $18呢粒野好得意，佢係辣肉碎丸，混埋落個湯同麵多左個味，就咁食又唔會話太鹹，所以好好味～

🍜深水埗隱世沾麵店▫️呢間隠家拉麵工場係引入左日本山手拉麵的沾麵專門店，位置坐落於西九龍中心蘋果商場嘅角落位置內，真係店如其名，夠晒隱蔽！店家裝修充滿日本風格，而門外放置左一部拉麵自動販賣機，好有日本feel🇯🇵▫️🍜隱世黑伝 ($89)🍜隱世白伝 ($79)▫️黑伝就即係黑蒜油啦，湯底混合後非常香，味道夠濃厚。沾面加左魚介粉、葱同芝麻令到個豬骨湯底增添左香味，拉麵係偏硬身嘅粗面，啱晒我口味😋而且仲好掛汁添，食曬啲沾麵後就可以再叫店員加啲熱水溝稀湯底飲下嘅～溏心蛋就煮得半熟，而叉燒亦肥瘦適中。正常份量係180g，都好夠食，都食到好飽！而如果大胃王嘅你驚唔夠食嘅話都可以要求免費升級至220g～▫️整體來講，沾面豬骨湯底普通，不過不失，略嫌店舖環境就有啲迫夾。▫️地址：隠家拉麵工場深水埗欽州街37號西九龍中心7樓7083號室。▫️為食指數:6（10分為最多)抵食指數: 7▫️#goeat深水埗#深水埗美食#深水埗沾麵#goeat日本菜 #goeat拉麵 #麵屋丸京 #深水埗拉麵#隠家拉麵工場 #隱家拉麵工場#おまかせ #さしみ #すし #ぎゅうどん #鯛白湯 #鯛魚拉麵#ZaginSoba #心齋橋 #

西九龍一向都多嘢食，今日就捐窿捐罅搵呢一間隱世拉麵當作夜晚。店舖嘅位置絕對唔特別好玩，喺一堆嘅格仔舖中間，小編都兜咗幾個圈先見到呢一間拉麵，絕對有喺迷宮覓食嘅感覺。拉麵位置不多，點名表先喺店舖外嘅機器內選擇以及付款，注意一點拉麵店係只接受現金。拉麵餐單非常簡單，只係有三款拉麵，隱世白伝，隱世赤伝，隱世黑伝，代表三款唔同湯底，白係醬油$79，赤係蕃茄$99，黑係黑蒜$89。今次就嗌咗一個黑蒜，一個番茄湯底嘅沾麵。雖然係小店，但拉麵嘅份量絕對唔少，黑蒜湯底味道非常濃郁，包含兩塊肥隻手適當嘅叉燒同一整粒糖心蛋。分量嚟講女仔絕對夠食，湯汁掛麵能力不錯，入口大滿足。對比之下蕃茄湯底雖然唔差，程度就冇黑蒜湯底咁令人滿足，但味道就相對較為清新，湯底亦都見到大大粒煮溶咗嘅蕃茄。特別一提，拉麵店嘅干荀非常入味，令人忍唔住一條又一條咁放落口值得加錢。

🎒中學開始幫襯隱家，要講沾麵平靚正既話，我心中隱家始終第一 ，咁耐都好似無點加價，久唔久都番去食下。🙈見證住蘋果商場由以前開滿小店，中學生逗連既地方，而家好多店鋪都凋空，而隱家都由以前要排隊，到而家假日都唔洗點等就入得。🇯🇵小店座位有限，但幾有日本味道🕹而家都係用店外呢部自助售快賣機點野食比埋錢，可惜當晚去到期間限定既餃子賣曬⚪️隱世白伝 $79香港好多沾麵難食原因，一係麵質難掛麵，一係湯底無層次又淡味，淨係油。但隱家係我食過湯底幾濃郁，有番日本沾麵感覺，而且我超鍾意隱家依種有咬口既麵質。. 🥰我唔敢講佢係香港第一沾麵，但以依個價錢 ，$80都唔洗，已經有好好食既溏心蛋，紫菜，兩大塊肥瘦適中既叉燒，荀，湯加左好多魚介粉，葱同芝麻。仲可以免費加麵既份量到220g, 🤩真心平靚正。🔥火之丸 $18食左咁多次一直唔敢叫火之丸，今次第一次試，以為質感係彈牙既肉丸，但其實似肉醬多啲，都幾辣，幾惹味，不過我覺得沾麵湯已經夠味，再食火之丸好似會過咸。

記得以前食過是好好味的，很有日本的感覺，因為沒有得去旅行，於是再去回味，可惜，失望而回，同上次差太遠了、太遠了，麵淋，湯超鹹，要另外再加清湯才可以食未必會再有下次了。另外我估計湯一定很鹹，因為我隔離坐的女仔都要加清湯