隨心華人喇沙海南雞

營業中

休息中

行過鰂魚涌，原來呢一間隨心華人海南雞係喺另外一條街搬過嚟，啱啱新開張冇幾耐，店舖位置以卡位為主坐得都幾舒服。無骨海南雞飯 ($75)海南雞都好滑，配上三色醬汁，都幾乎冇乜嘢可以挑剔。另外，要讚油飯香口，但係望落唔油膩！平時我好怕出面見到油飯太多油，但呢個啱啱好。海鮮喇沙 ($85)海鮮Laksa湯底比較重椰香味，唔會太辣! 淨係睇個湯底顏色就知道，味道都好香濃，海鮮都一點唔馬虎! 配料有大蝦、帆立貝、魚片、蛋等，豆卜仲好大件！能夠完全吸收晒湯嘅精華。聽店員講，二人餐都幾好食又抵食，套餐包括主食、飲品和兩款餐廳著名的小食，不過因為今次想試墨魚餅，所以無點到！我覺得跟餐餸嘅小食都好正！不得不提，手打墨魚餅 ($68)真係要叫！見好夠人都有食，金黃色一睇就知正！炸香咗之後香脆非常，入邊仲食到淡淡的墨魚粒，彈牙可口，配上泰式酸甜醬，尤其開胃。呢一個熱氣之物真係夠邪惡！好好食！另外點了一個東南亞小食烏達 ($48)，就咁睇好似唔知食乜，原來是辣魚肉。味道有點似泰式魚餅，不過質感比較腍身。幾特別，都值得一試！總括而言，呢一間小店實在有驚喜，喺附近返工嘅朋友可以一到訪。

今日去咗位於呢一間係鰂魚涌嘅餐廳，餐廳地址距離地鐵站到非常近，行過去大概都只係需要5分鐘距離，話說呢間餐廳最近開咗新店喎!我先前試過佢哋既海南雞系列同特色小吃,不過最近去咗新店睇睇,發現餐牌非常有特色，就決定同朋友入去試下，果然整體都冇令到我失望，以下推薦幾款菜式！海南雞飯:雞肉依舊煮得唔錯,油飯嘅味道亦都非常夾！不過餐後杞子雞湯就好好喝,補充咗全盤味道。呢個價錢嚟講仲有湯飲，真係算非常抵食！海南雞喇沙:湯底濃郁夠味,好有滋味。麵條嘅質地又唔似一般油麵或米粉,有自己嘅特色。整體嚟講都幾好食。新加坡炒蘿蔔糕:真係好惹味!蘿蔔糕同雞蛋一齊炒,甜甜鹹鹹嘅咁令人非常開胃,真係令人垂涎欲滴。不過新店裏仍然維持咗高水準。手打墨魚餅:每塊墨魚餅都好大塊,又夠彈牙,真係好開心啊!上碟嗰陣都仲熱辣辣,新鮮程度夠高。希望新店開張後仍然能維持呢個標準。總之,呢間餐廳雖然開咗新店,但係各款招牌菜式同特色小吃嘅水準都超穩,真係唔錯!期待佢哋未來會進一步提升,為食客帶嚟更出色嘅用餐體驗!而且價錢都非常親民，推薦大家一試！有機會會再返嚟幫襯！

今日同朋友嚟咗呢一間位於鰂魚涌間餐廳食飯，喺地鐵站附近好方便。餐廳好新淨，坐位主要以卡位為主，好闊落，坐得好舒服，而且食物價錢亦都唔係好貴。餐廳選擇都好多有好多唔同嘅套餐可以選擇，而且亦都有好多小食點。而我們二個人就點了兩份套餐同埋一個小食。隨心海南雞飯，海南雞肉質很嫩滑多汁，不會乾柴，油飯亦都香，有三個醬汁，而且配埋杞子雞湯，雞湯味都很濃郁 。另外一份係點左馬來西亞肉骨茶配白飯，肉骨茶大約有四大舊，炆得好淋，肉骨茶亦都好入味，而且仲有有冬菇，同埋其他配料最正係有埋油炸鬼!而我地亦都點咗一份小食，就係手打墨魚餅，有四大粒，外脆內嫩，而且真係好紮實充滿墨魚，食落好有口感 。飲品方面，我哋就點咗兩杯熱飲，一杯係熱紅棗茶，好滋潤。另外一杯就係熱生薑茶，有少少辣，又有少少甜，驅寒一流。性價比高，值得再光顧！

隨心華人喇沙海南雞今日同朋友去鰂魚涌做運動後就去食晚飯，鰂魚涌都有好多食店，我個朋友就話記得附近有間好食又抵食嘅東南亞餐廳，有星加坡菜嘅海南雞，亦有馬來西亞菜嘅肉骨茶，這間餐廳叫隨心華人喇沙海南雞，位於鰂魚涌海堤街6-16號龍景大廈地下4號舖，港鐵鰂魚涌站B出口，行幾分鐘就到，非常方便，我同朋友都好鍾意食海南雞，當然要入去食啦。這間餐廳室內裝修都好靚好整潔，而地方亦寬敞，牆壁上有條海調魚非常可愛，座枱有餐枱同卡位，座位都係梳化，令人坐得舒服，餐廳員工有禮貌，服務態度好，來這裏食都唔錯。這間餐廳有午餐、下午茶、晚餐提供，而午餐及晚餐價錢都唔貴，仲加幾蚊就可叫埋杯飲品，好有價值，而二人餐同四人餐更正，尤其是二人無骨海南雞餐，有半隻無骨海南雞配油飯及肉骨茶，仲可選一款小食或甜品，還有兩杯凍熱飲品。餐牌入邊嘅食物相都影得靚，令人見到都好想食，餐牌仲有好幾種食物推介，有肥牛喇沙、無骨海南雞飯、馬來炒麵、咖央多士、星加坡炒貴刁，亦寫明本店食物不添加味精，這間餐廳真係有好多好正嘅食物選擇。我哋當然要點叫二人無骨海南雞餐配油飯及肉骨茶，亦選咗一款甜品班蘭椰子球，同飲品嘅柚子茶和檸檬薏米水。首先上枱係熱

喇沙海南雞喇沙湯底香味濃郁，見到都食慾大增。海南雞非常滑溜，雞油十足，食落唔會覺得肥膩，皮下脂肪厚度適中，必食推介！叻沙湯麵！湯底非常濃郁，熱辣辣！有兩種面底，口感特別，仲有豆卜同蔬菜。古法燒雞扒飯：充滿泰式嘅風味，味道唔錯，份量十足。沙嗲串燒：有雞肉串同豬肉串各3串，燒得幾均勻，唔佢太乾配埋沙嗲醬味道一流。熱薑茶，甜度適中，有好多薑皮，喝落暖笠笠。凍馬拉拉茶：茶香十足，甜度適中，頗有驚喜。總結：小店嚟講頗有驚喜特別係海南雞同拉茶。