隨您鍾意 (已結業)

以前都係外賣，試過一次外賣之後去徬邊條街自助坐底食。但真正堂食就真係嚇一跳。亂到完全似係玩咁。唔熟真係唔好做喇，都係外賣好。

由於經常都見到好多人排隊，於是今日都去了試…入到去看餐牌，見D套餐無寫實D壽司、刺身、小食係邊款種類，於是捉了一個侍應問，點知佢俾了一些講完等完無講的答案我，好似唔知咁，後來隔離的人叫佢洛單，佢竟然叫客人等等，搵第二個侍應過來，後來經我們觀察所得，D待應原來分左兩類，一種當然係熟手，另一種就只負責斟水、傳及收拾﹗我們問了一個老手，今次佢就好清晰地解答俾我們聽，不過好搞笑，除了個手卷外，其他食物都唔係特定的，會視乎當時用緊邊款材料…我們就點了二人套餐A，個套餐都幾抵食，有10件壽司、一客刺身(有6款，每款3件)，2客手卷(有海膽、牛油果煙三文魚與及另一款選擇)、與及一個小食，整個餐都只不過是148…而且食物的質素都唔係太差…不過係服務生個度，我都係覺得佢地應該將唔同level 的侍應做d識別，等客人知道應該問邊個，唔駛好似俾人敷衍咁﹗

同百佳特價時做的壽司size一樣咁細件, 雖則係新鮮, 不過咁既價錢真係唔會幫襯佢, 情願去元氣買外賣好過。仲有個老板黑人憎, 在客面前對員工都呼呼喝喝, 開口就門小班店員, 咁既老板真係希望佢早日蝕到破產。

見有時都有人龍排..言念住都唔會差啦.點知d壽司好細舊..百佳d都大舊同新鮮過佢...手卷好細呀...元氣價錢相約, 但size大好多...總括來說係唔多value for money!

成日坐巴士經過，望到門口好多人排隊，所以都想試下係咪好正。在上個星期六兩點多去到，冇人等，諗住好正啦！入到去，見到幾個年青人，應該下午落場，出出入入行來行去，其中更有人又伸直隻腳坐係sofa到圍埋一起又吹水又覺。同我地落單個waitress仲唔掂，著住對木拖鞋"撻撻聲"，完全一D服務員應有的態度都冇。今時今日這樣的服務態度..........唉！食物方面就唔見得好好味，一般貨仔，魚生不夠新鮮。

此食評係比灣仔鵝頸橋分店既:今日見到lunch有套餐, $30有10年壽司+前菜+麵鼓湯好似幾平就試下啦, 但d 野唔係太得.我個fd 叫左三文魚刺身餐, 但d 刺身毫無味道的,好難食.壽司一般, 唔覺好食又唔係難食.但食食下有顧客話在店內唔見左電話....之後仲報左警tim...但我唔知結果係點, 因為食完就走, 費事比人扣留.