雄赳赳冰廳 (已結業)

今日叫左個午餐，上海豬扒粗炒，等左20分鐘都未有，朋友既蒸排骨都已經食緊。舉手同店員講已經20分鐘了，佢居然答我，廚房未煮出黎我都無辦法架！！！天呀，我只想你睇下有無漏單，或者你敷衍我追下都可以呀！！到底老闆知唔知自己的伙計是怎樣趕客的呢！！！！

真係好伏嘅一間店，完全唔識做生意！啲嘢又難食！快啲執笠啦！（小弟第一次咁火爆寫食評！）我哋見到餐廳出面貼著學生優惠套餐，跟住問職員出示學生證有冇優惠，個職員同我哋講有，跟住我哋就入左去食。見到餐廳入面都唔少人，應該唔會伏掛，點知伏到爆！！我哋打開左成頁寫住學生餐嘅餐牌，嗌咗兩個學生餐。一開始上餐就上錯左杯嘢飲，睇張單先發現佢落錯單，跟住同個職員講左之後幫我哋轉返啱嘅。飲左一啖奶茶，難飲到想嘔！上左一個餐之後，另外一個餐竟然等左足足20幾分鐘！唔知係咪搞針對！等唔係一個問題，問題係等完成碗麵仲要好鬼死難食！真係火都黎埋！！由於杯嘢飲打錯，咁成張單重新打過，後面我哋先發現仲有問題，成張單都冇學生優惠，係正常價格，咁諗住出去嘅時候同個職員講返聲，攞返個優惠啦（正常餐46，學生餐36，我哋都係因為睇到有學生優惠先入黎食）。點知個職員話落咗單之後就冇得改，話正常係我哋主動出示學生證俾佢哋睇，話有d客都會睇學生餐牌嗌嘢⋯⋯黑人問號？？我打開成頁學生餐落單，當時你哋職員冇叫我哋出示學生證，咁我哋出黎埋單出示返，你話冇得轉返學生優惠？哈哈哈哈哈哈，真係好搞笑，想賺錢就唔該你哋唔好整學生優惠啦！上餐仲要

【122】用家自費分享！Walk in唔使等，約七成滿。8️⃣0️⃣CP值，2023/12/11/一/14:04，平日下午茶時段，二人埋單免加一共$106，平均每人$53。店在商場內，易揾嘅，裝修企理光猛，感覺乾淨，坐位闊落，坐得舒服，招呼正常，落單快，上菜快，整體算好味，價錢平，會再去。8️⃣5️⃣午餐土魷蒸肉餅餐$52，非常非常好味，推薦。7️⃣0️⃣下午茶海南雞飯餐$48，雞好滑，油飯就乾咗小小。6️⃣0️⃣跟餐另加$3凍咖啡，有啡味。0️⃣0️⃣跟餐另加$3罐裝可樂。

過到嚟藍田唔知食乜嘢好見到呢間雄赳赳餐廳所以入去試吓，今日嗌咗個茶餐廳必備嘅乾炒牛河。個人唔係好鍾意茶餐廳黑柒柒，因為感覺好似唔乾淨咁樣，而雄赳赳餐廳燈光非常光猛唔會係暗沉沉嗰種啲餐具同埋枱凳都冇黐粒粒嘅感覺。叫完都上菜，唔使5分鐘啱晒趕時間嘅香港人。乾炒牛河啲河粉炒得夠乾身唔會太油牛河上面嘅牛肉份量算多食落去唔會太鹹感覺到鑊氣都夠嘅正常茶餐廳的出品。絕對對得住佢嘅收費一碟乾炒牛河都只係$55連飲品一杯凍飲加$3完全係物超所值

坐低等汁台！揮手叫左三個侍應三種態度，第一個男生叫我地等等，等到佢收拾其他台(張台冇人)都未到我地張台，第二個叫完佢 望左我地一眼冇出聲，拿住個地拖係到拖地，可能地下污嘈，等佢拖完地，又係唔理我地喔，繼續做其他野。第三個又係睇到我地，但佢走去汁隔離張台，第一個男生已經汁過張台，我吾明點解要再汁喔。終於等到第一個男生幫我地落單，都係未幫我地汁台，叫佢比兩杯水我地，都係等等咯。最後自己動手豐衣足食，五分鐘後，個男生再翻來問我地是否凍飲(我地只叫過熱飲)，然後見佢走去打單，原來甘耐都係冇落到單。評論一下食物，普通，我叫左個雞扒，雞扒係未熟，食左大半先發現，朋友有叫我通知侍應，我冇通知。真心不明白，唔係忙到冇時間幫人收拾台，而是不懂分輕重寧願兩個人去收拾冇人坐的台。總之係到等，等到有人記得你就成功了。不了。ps:最後幫我地汁台係第四個人

母親節選咗嚟呢度剧扒（鉄板加$10，但因為我唔鐘意有油煙冇加錢叫）可能八點比較晚，落單時待應已經告知冇薯菜，唯有選意粉，等待時八卦望下鄰座食緊碟生果沙律配什菜，估佢都應該係叫扒餐，之後待應有通知西冷冇曬，咁就換咗肉眼，餐湯係一碗紅色只有酸味的湯，我唔肯定佢係羅宋湯定係咩，冇油，好清，唔知係冇貨賣加水加醋再出餐定點？之後來頭盤，原來係什果生沙律，唔係罐頭什果，仲加咗椰果添，可能冇曬什菜，份沙律好大碟，呢個時候待應通知冇曬意粉，咁唯有改曬配白飯，首先上的是什扒配卡邦尼汁，目測都正常，再來份T骨配牛肝菌汁，大大件味道唔錯，白飯份量都好多呀！呢個時候待應又通知肉眼冇香芒汁，咁又改埋做牛肝菌汁啦！之後最後一份扒都上了，肉眼味道都唔錯！不過飲品係唔包響餐度要半價收費！

今日去咗「紅豆餐廳」食早餐，真係好滿足喎！佢哋有好多款早餐選擇，我揀咗份火腿通粉，仲有煎蛋腸仔、多士同埋熱奶茶。啲通粉煮得啱啱好，唔會太腍，加埋微煎嘅火腿，個味道好香濃又夠熱，係正常嘅港式味道。煎蛋腸仔一樣煮得岩岩好，煎到表面微微焦香，再蘸少少番茄醬，好好味。多士就係普通嘅白吐司煎到金黃色，夾埋牛油，又鬆軟又香口。最後嘅熱奶茶就係傳統港式早餐嘅必備，味道濃郁香滑，同啲其他餐廳嘅唔同之處就係佢哋嘅奶茶冇唔會澀，塔塔子唔落糖飲都覺得好飲!整體黎講，「紅豆餐廳」嘅早餐好正，份量又十足，仲有好多其他選擇嘅菜式，值得一試。有機會試下其他小菜先！

今日試下舊位係 東成，現新開嘅呢間。茶餐 什扒燴意 食黑椒汁，汁不辣帶甜。煙肉唔乾，反映唔係放好耐，豬雞扒都正常。侍應全女班，有啲比較新，熟手嘅見我冇湯，自動問我補返比我。$53算不錯，可能地方大，感覺侍應們欠衝勁。祝生意興隆，火火紅紅！雄赳赳冰廳 (藍田)藍田碧雲道223號德田邨德田廣場2樓219號舖

今日同屋企人見新開就諗住去試下服務方面:首先人手不足又慢落單等左半個鐘寫一個入一次機 完全拖慢進度食物方面：叫咗一個五香肉丁炒蛋公仔麵冇咩味道 個五香肉丁仲要有啲臭酸味之後叫左一個店鋪推介嘅鮮茄湯牛肉通粉^_^完全係冇咩味道 好淡 好似溝咗好多水吾知到係新開未Ready好定係咩但暫時都吾建議大家去食