影片
更多
2024-04-09
139 瀏覽
真係好伏嘅一間店，完全唔識做生意！啲嘢又難食！快啲執笠啦！（小弟第一次咁火爆寫食評！）我哋見到餐廳出面貼著學生優惠套餐，跟住問職員出示學生證有冇優惠，個職員同我哋講有，跟住我哋就入左去食。見到餐廳入面都唔少人，應該唔會伏掛，點知伏到爆！！我哋打開左成頁寫住學生餐嘅餐牌，嗌咗兩個學生餐。一開始上餐就上錯左杯嘢飲，睇張單先發現佢落錯單，跟住同個職員講左之後幫我哋轉返啱嘅。飲左一啖奶茶，難飲到想嘔！上左一個餐之後，另外一個餐竟然等左足足20幾分鐘！唔知係咪搞針對！等唔係一個問題，問題係等完成碗麵仲要好鬼死難食！真係火都黎埋！！由於杯嘢飲打錯，咁成張單重新打過，後面我哋先發現仲有問題，成張單都冇學生優惠，係正常價格，咁諗住出去嘅時候同個職員講返聲，攞返個優惠啦（正常餐46，學生餐36，我哋都係因為睇到有學生優惠先入黎食）。點知個職員話落咗單之後就冇得改，話正常係我哋主動出示學生證俾佢哋睇，話有d客都會睇學生餐牌嗌嘢⋯⋯黑人問號？？我打開成頁學生餐落單，當時你哋職員冇叫我哋出示學生證，咁我哋出黎埋單出示返，你話冇得轉返學生優惠？哈哈哈哈哈哈，真係好搞笑，想賺錢就唔該你哋唔好整學生優惠啦！上餐仲要
我哋見到餐廳出面貼著學生優惠套餐，跟住問職員出示學生證有冇優惠，個職員同我哋講有，跟住我哋就入左去食。
見到餐廳入面都唔少人，應該唔會伏掛，點知伏到爆！！
我哋打開左成頁寫住學生餐嘅餐牌，嗌咗兩個學生餐。
一開始上餐就上錯左杯嘢飲，睇張單先發現佢落錯單，跟住同個職員講左之後幫我哋轉返啱嘅。
飲左一啖奶茶，難飲到想嘔！上左一個餐之後，另外一個餐竟然等左足足20幾分鐘！唔知係咪搞針對！
等唔係一個問題，問題係等完成碗麵仲要好鬼死難食！真係火都黎埋！！
由於杯嘢飲打錯，咁成張單重新打過，後面我哋先發現仲有問題，成張單都冇學生優惠，係正常價格，咁諗住出去嘅時候同個職員講返聲，攞返個優惠啦（正常餐46，學生餐36，我哋都係因為睇到有學生優惠先入黎食）。點知個職員話落咗單之後就冇得改，話正常係我哋主動出示學生證俾佢哋睇，話有d客都會睇學生餐牌嗌嘢⋯⋯
黑人問號？？我打開成頁學生餐落單，當時你哋職員冇叫我哋出示學生證，咁我哋出黎埋單出示返，你話冇得轉返學生優惠？哈哈哈哈哈哈，真係好搞笑，想賺錢就唔該你哋唔好整學生優惠啦！上餐仲要鬼死咁慢，食完返學校都遲到啦！
最後，我哋俾左正常價，祝願餐廳早日光榮結業。
張貼