雄館特式小廚 (已結業)

朋友叫食飯，訂咗枱，用 google map 搵。原來是平時返工食午餐嘅樓上，儍咗。上到去都要等咗一陣先有位，ok呢。朋友已經訂唒菜，冇睇menu, 就同D朋友打食雞. Haha. 上菜，有雞蛋仔，原來係蠔仔煎蛋。食咗一粒冇蠔仔🤪。味道我仲係種意傳統煮法。蟹好多膏，正，之後先諗胆固醇。又有喊蛋魚皮，係熱㗎，正，又係胆固醇 😔。重有燒雞同魚，還可以。最後嚟個朱古力湯丸，不是很特別。埋單每位三舊，睌餐走唔甩。😂

我跟同事兩位一齊去食飯。試吓新野。在銅鑼灣50幾蚊一個午餐是屬於正常的價錢。我們每人叫咗一個午餐還有小食。老火湯比較多味精，我飲咗一啖就放棄。龍仔荷葉龍躉蒸飯，味道不錯份量不少，50幾蚊來講，魚的份量也算多，加少少豉油就可以食飽飽，仲要係配炒飯底，不錯不錯。蟹肉脆麵，有少少蟹肉小小蟹子，再加咗個玻璃軒，不過不失，個麵好脆，我鍾意食脆口野一流。加$10有一碟油菜，在銅鑼灣$10食多啲菜已經好平。小食口水雞成為$58，OK不過不失。

辣子大腸$108， 香燻雞$168半隻 。 大腸用乾紅椒， 紅尖椒 、長尖椒、 芹菜 、腰果、 花椒油溝埋一齊炒， 用花椒油有麻辣舌頭， 引起食慾 。呢碟辣子大腸，比較偏鹹 ，鹽味重手咗 。 香薰雞個皮，好脆，皮下的脂肪， 都冇， 個皮好似食薯片。 佢哋斬雞都斬得比較大件頭。 地方細細，廚房一出嚟， 就放上枱， 熱辣辣十足 。 宣傳多生意好 自然壓力大 突然之間，咆哮大叫 ， 電腦壞咗呀 在場食客，都畀佢嚇到啞雀無聲 。 人多佔一張枱比較好。2人就要 隔條罅同隔嚟排排坐 。 價錢唔貴有加一 ，茶位十蚊位， 白飯十蚊一個，冇飯香味 ，少少乾白米飯。地方小小 。 下次有機會你們再去試下， 人哋講嘅感受， 只可作參考，自己試過先知道 。

放學放工10點同朋友即興來這間新開的食飯，店內位置不多，剛到時爆滿，幸好食客開始走，所以唔駛等有位。老闆好nice好招呼, 提我地下次來訂位訂菜。食物有水準，好食。下次帶成班朋友再來幫襯，可以叫多啲

同5個女仔泥試下呢間新開嘅小菜館，果然驚喜萬分，有心思，有水準不在話下，特別係一試難忘嘅咸豬手-皮脆肉嫩，別樹一格嘅奄仔蟹生炒糯米飯-入味可口。。其餘菜式都相當美味，下次泥幫襯嘅日子應該會好快

第一次到這家餐廳吃飯，環境乾淨舒適，碗碟亦顯出老闆有放心思佈置，員工親切有善，上菜亦很快。我們一共試了兩款茶，分別是玫瑰菊花跟洛神花玫瑰菊花，茶很清香有層次。椒鹽九肚魚好脆，冇骨，送酒一流炸魚片頭有驚喜，跟調味粉出奇地match炸豬手入口即溶，必吃蠔餅以雞蛋仔樣上菜，有特色，粒粒都有蠔，正爆菊雞煲不算太辣，好惹味，吃完另再叫了牛柳粒放進去炒，好吃到停不了奄仔蟹炒糯米飯，蟹同飯都好好食，好鮮甜，另有手套提供，很方便薰雞好香煙薰味，很出色通菜煲跟蝦醬黑豚肉都有水準，好選合配飯冰鎮鮑魚一定要吃，大大隻，好好味另外餐廳而家有賣榴槤冰皮月餅，買了未試，但期待

今日同朋友行街見到新開所以上來試下、環境ok舒服吾逼、點左雞煲、豬手、同特別的蠔仔雞蛋仔 、啲小菜好快就到、估吾到雞蛋仔加埋蠔仔出奇地夾仲幾好食😋雞煲啲雞好滑、豬手都好好食好脆、下次會再來試下其它菜價錢仲比其他小菜館抵

今晚又有朋友帶我食好西😏朋友一早就訂左位，所以不用等位就可以入座。餐廳不算大，有細、中枱，而另外會有兩間房間可以給12位至14位用膳。先上兩碟前菜椒鹽九肚魚- 炸得脆又乾身，送酒一流👍🏻炸魚片頭 - 七味粉令魚片頭更香脆皮咸豬手 - 上枱就聞到好香，豬手皮好香口香煎蠔仔餅 - 呢間既蠔餅同一般外面食店的蠔餅外觀完全唔同，超有驚喜，蠔餅+雞蛋仔模有無得諗，原來係得架🤣！每一燈雞蛋仔都有蠔，好足料👍🏻麻辣雞煲 - 又係一上枱就聞到好香，少少辣，雞件很好吃，好滋味，連煲內的配菜、洋蔥都清晒🤤糯米炒蟹 - 蟹肉新鮮又鮮甜而且糯米飯炒得很香很好味大澳蝦醬蒸黑豚肉片- 蝦醬豚肉片蒸出來很香好餸飯荔枝葉煙燻雞 - 雞皮帶荔枝葉的香味，雞肉算嫩滑啫啫通菜煲 - 好大隻蝦乾👍🏻冰鎮鮑魚配泰式辣醬 - 鮑魚鮮甜好味最後黎到甜品點了木糠布甸、香蕉pancake及芒果pancake 各一木糠布甸真係好好味，入口即溶👍🏻而兩款pancakes 都ok飽住咁走🙈好滿足會再黎幫襯💪🏻

一間好有心思的中餐，真心好味，入口即溶的豬手，真係一試難忘，仲有十分有創意的雞蛋仔蠔仔餅，yummy,值得一試的好餐廳，餐廳仲有兩間房，私隱度充足，可同朋友開心聚會，一定再黎❤️

早陣子在報章見到小炒的專題報道，一共推介了五間，雄館是其中之一。新開的餐廳跟其他四間開得久而有點名氣的小炒並列，叫人好奇。果然是新開張，裝潢新簇，地方乾淨。餐牌很多頁，小炒菜式應有盡有。胡麻茄子先從冷盤開始。茄子淋滿芝麻醬仍然不失清新。金沙魚皮魚皮炸得十分鬆脆，一咬下去咔嚓一聲，香口而沒有半點油膩。適量的鹹蛋黃著量調味，沒有大部份金沙菜式的浮誇，反有難得的細膩。這是整夜最出色的一道。冰鎮鮑魚口感彈牙，還好。沒甚味道，只有少少甜。青芥牛柳粒入口先是芥辣輕輕嗆的刺激，咬著軟嫩的肉質，滲出少少肉汁，慢慢吃到牛肉味，不錯。豉椒炒花甲點了豉椒炒蜆，上菜時變了花甲。加了辣，果然炒得夠辣，不過只有辣，不惹味。而且花甲鮮甜欠奉，淡而無味。黃金涼瓜新鮮炸起，香脆可口，包著爽口的涼瓜。一個熱氣，一個清熱，炸粉的油香跟涼瓜的甘亦夾，配搭一流。生炸BB鴿薄薄的皮夠乾脆，肉不嚡不韌，又是香口的一道。奄仔蟹蟹要預訂，有兩款，一個本地蟹，一個菲律賓蟹。訂了各一隻，卻獲告知沒有本地蟹，始終新開，還需要些時間改善安排。奄仔蟹鮮甜。炒糯米飯更吸引。炒得乾身，同時帶點油香，又不失煙韌。味道亦不俗。荔枝茶香煙燻雞未吃已聞到茶

銅鑼灣實在太多上樓菜館，要搵食真係幾頭痛！但終於比我搵到間有水準有特式的小館六個人食咗出名嘅荔枝木煙熏雞、又熱又脆又皮薄的咸旦炸魚片配冰凍啤酒、非常特式黑松露焗桶𧐢又滑又Juicy、冰梅醬肉排、新鮮到飛起的鮮尤魚炒貢菜、荷葉飯！食完非常滿足，決定下次再去食過

難得放假 ，約左朋友去銅鑼灣慶祝朋友生日飯， 生日果位朋友對食物方面十分挑剔左揀右揀😔 ，一出銅鑼F1出口，有個叔叔派左張傳單，話新開試業中，見到張傳單既價錢同食物都好吸引，平時嘴刁既豬友話不如試下呢間，於是我成全左，其實我都好想試😄😄😄💞💞💞💞又一聚會好去處嘴刁朋友仔話下次又來😄😄😄