雄館特式小廚 (已結業)

雄館小廚一星期都黎幾次員工服務態度好🥳有禮貌 夠積極食物質素佳🤩每次都食到舔舔脷👅價錢實惠🤑每次食到飽住走👍每次黎都會介紹一班朋友黎個個食完都讚好👍一間餐廳最用心嘅地方就黎令顧客受重視🥰期待每一次嘅黎臨😝

中秋佳節細佬booked依間 邀請我地成家一齊過中秋餐單是預先安排好讓餐廳 早準備好不同材料真心唔錯呀！圖中見到既 唔係吹水你食過就知冰鎮鮑魚 爽爽的 我慢慢品嘗到肉碎粥來 連同一齊食 ～ 變鮑魚粥煙燻雞 好香 又唔乾 好食喎炒蟶子 勁大隻 好好味😋反沙芋 第一次食 勁好食 我愛既質地呀！上樓鋪 銅鑼灣 好方便 我諗唔介紹唔會上去食因為佢做熟客比較多！上邊環境 坐得舒適 有板間開隔離台 老闆 好多熟客 招呼 大家係銅鑼灣 想食中菜時 都可以試下呀

今天是友人的生日，我們一行五人到了 雄館特色小廚慶祝，我們提前一星期訂座，侍應很細心send餐牌給我們留菜，我們叫了西蘭花炒帶子，黃金魚皮,椒鹽鮮魷，滷水豬腳，全部都好大碟，好好食😋

這裏的菜式很吸引，冰鎮鮑魚爽口，鮑魚味濃，好吃。蠔仔雞蛋仔，賣相吸引，雞蛋仔是香港傳統的美食，在餐廳裏這樣吃還是第一次，在每一粒的雞蛋仔內都含有蠔一隻，蠔肉鮮味，是不錯的選擇。最驚喜的是奄仔蟹，裏面的蟹油都滿溢了，蟹膏也很多，蟹肉鮮甜，人間極品。

你問我食店最罪無可恕是什麼？是價錢貴嗎？服務態度差嗎？食物難食嗎？環境差嗎？上菜慢嗎？原來都不是，一間食店既死罪係 [唔比飽飯你食！」碟碟野價錢收到頂爆貴，但份量就超級誇張細，當一碟一碟餸菜上枱時，你既希望就逐一幻滅見，頭髮生煙，奈何，嗰晚是同太太做生日，所以沒有向食店發難話說我一行9 人，預早9 天訂枱，今次是第三次幫襯，頭兩次都知呢間野唔平，但好味，所以都訂， 訂左7樣野，9人食，同食店溝通份量佢地會控制足夠9人1️⃣薑蔥焗桶蠔 $2682️⃣糯米炒羔蟹兩隻 $10003️⃣冰鎮鮑魚9隻 $5224️⃣青芥牛柳粒 $985️⃣涼瓜龍躉頭腩煲$1686️⃣梅菜蒸菜心x1 $787️⃣糖醋麵x2 $216故事開始，第一度菜上個桶蠔，嘩，得6隻，鐵板上，菜單寫薑葱焗桶蠔喎，而且得6隻點夠9 人食呢？叫待應來，佢仲話係呀，得6隻，頂，無言，焗住笑住口叫佢囉刀來切開佢一人半隻啦，食完好似食空氣，咁就成惠$268再加一$300大元。。好啦，期待隻糯米炒羔蟹挽回啦，因我食過超正超大，當年4人叫一隻已好滿足，今次兩隻應無失拖，點知今次一上枱，已比上次嗰隻細隻左，雖有兩，但一睇都知唔係好夠9 人分，心中想，如果好食，都算，因為

和友人一行兩人，來到餐廳的門口，待應叫我們坐低、放下餐牌之後，問: 「你地幾位！」(無錯, 係無尾音)我地三個人，佢再次表演無尾音講野方式:「佢幾時到！」其中一個朋友答5-10分鐘,跟住我同另一友人對望了一下，態度十分差，像盤問我們一樣。待應態度實在太差，完全打消用餐的興致。友人當面向店長投訴，而待應沒有一句「對唔住」還再來一句，「我唔知邊句激嬲你囉。」之後其實入到座大家都無咩心機食, 求其叫左3杯野飲就算....我本身話不如去食第2間..但友人話:唔好....邊會俾佢趕客趕得咁易.....之後我地再去左另一間不論態度, 質素同價錢都俾佢優勝...但今次都食得幾唔開心囉.....最大的問題在於不知自己犯罪，而且不承認，那只會不斷退步，而慢慢被淘汰。

雄館的午市套餐價錢經濟實惠，所以一般都需要排隊。所有午市套餐都跟 例湯和飲品。乾炒安格斯牛河好味有鑊氣，牛肉有水準。 但乾炒安格斯蝦米腸就好失水準，鑊氣味道依然好，可惜腸粉又腍又爛。芝士焗海蝦脆麵就完全唔掂，海蝦冇味，可能雪得太耐 雪到死死實實，而且麵唔脆，太多汁浸淋曬啲麵，其實這味菜色汁應該要另上。蠔仔肉碎湯飯 $58 分量十足 豪仔粒粒新鮮飽滿。籠仔荷葉龍躉蒸飯 $64 蒜味濃郁，如果怕食蒜頭就要慎選，龍躉肉好少上面鋪咗好多梅菜，冇辦法將貨就價。

今日朋友帶我去左雄館食中菜，雄館位於銅鑼灣渣甸中心，上到去地方唔算好大，老細安排左間房卑我地用餐，有私隱度之餘又唔會嘈親人，正冰鎮鮑魚鮑魚冰鎮過後更加彈牙，鮮味十足金莎炸魚皮魚皮炸得鬆脆，每塊都有滿滿既咸蛋黃包住，惹味又邪惡懷舊蝦多士除左蝦膠外，仲有原隻既蝦係蝦多士上面，炸得幾鬆脆，但略嫌炸得燶左少少，蘸個芥末沙律一齊食都幾夾菁芥窩筍絲窩筍刨成絲狀，口感更加爽，撈埋芥末醬，少少刺激味蕾之餘味道亦都好fresh 檸檬白酒煮花甲花甲隻隻都開晒口，鮮甜美味豉椒有膏鵝腸非常惹味既一道菜，鵝腸夠爽但d肥膏我就麻麻，同埋成碟偏油酥炸桶蠔隻蠔唔算好大隻，但勝在炸既時間拿捏得不錯，漿粉唔厚，隻蠔外脆入面仲好juicy，個汁我就覺得同隻蠔唔太夾，唔蘸仲能食到原汁原味煙燻BB鴿乳鴿外脆內嫩，色水都好靚，蘸喼汁食一流秘製鹽燒雞燒得幾嫩滑，外皮香脆，可惜隻雞醃得好咸，有d嘥左隻雞柚子骨用上柚子醬作調味，味道酸酸甜甜，又食到柚子既清香，好鍾意呀甜品炸朱古力芝麻流心湯圓湯圓就食得多，炸湯圓就真係好少會係餐廳食到，口感都幾得意，呢個食法幾有新鮮感反沙芋粒好講求烹調技巧既一道潮汕甜品，亦都整得好好整體食物不錯，價錢都

像一些樓上食肆，雄館地方唔大，枱與枱距離近，裝修簡潔。涼瓜淡而無味味，入口有啲油。彈牙蝦膠，麵包有少少脆，好彩唔索油，點啲蜜糖芥末醬，食落冇咁漏。每一粒雞蛋仔都有一粒蠔仔，但雞蛋仔冇香味唔脆，蠔仔普通，心思同手工搭夠。蟹細細隻，肉質鮮甜，唔係好多膏，糯米飯好夠味，但上枱不久就變硬🙁賣相唔好😳，啲皮縮起晒。雞肉好淋，入口有濃濃的煙燻味，雞皮甜甜哋，連雞胸肉都唔嚡👍🏻送飯後甜品，夠薑味，唔係好甜。侍應話可以解吓酒，我哋都冇飲酒😂每位侍應都好親切，每樣餸上枱時都講解做法，亦因有員工朋友聲浪太大，同我哋道歉。

為咗慶祝母親節，所以一家人就去到呢間餐廳食小菜如果係需要食海鮮嘅話，就要預早一日預訂首先嗌咗一隻荔枝木熏雞本身我個人都唔鍾意食炸子雞但係呢一隻雞嘅外皮好香煙熏味所以好特別而且個外皮超級香脆入邊嘅雞肉都非常之嫩滑令人忍唔住一舊左一舊豉油王鵝腸腸都幾肥而且唔會有浸臭味蠔仔雞蛋仔初頭會覺得唔知會唔會夾因為一個係中式小菜，而雞蛋仔係一個街頭小食甜品結果出到嚟又有驚喜wo加埋蜜糖芥末沙律醬好夾味每一粒雞蛋仔入邊都有一粒蠔仔炸魚片頭呢個我就覺得冇咩特別都係魚片頭係爽口啲，彈牙啲不過都係一個啱小朋友嘅餸菜唔怕小朋友去到呢間餐廳冇嘢食椒鹽九肚魚呢個九肚魚同平時大排檔嘅椒鹽九肚魚唔同出邊嘅係原條炸呢一個九肚魚係切開，入邊係冇咗條軟骨食落就更方便煎肉餅配蒸包侍應介紹呢個係一個中式漢堡包將鹹魚煎肉餅夾包到食好香口又唔會好油膩，兼飽肚黃金炸魚皮每一舊魚皮出邊都包住蛋黃超級香，每一啖都非常之邪惡小炒王都好多餸有魷魚，蝦米，鮮菇，腰果，韮菜花用嚟送飯，鹹鹹香香一流反沙芋粒好多地方都唔會有呢一種甜品所以就叫咗黎食入面有開仲係熱辣辣而且糖炒得好鬆脆甜品係木瓜雪耳糖水，唔使錢

又一餐豐富滿足的晚餐雖然黎過好多次，真心覺得呢間私房菜好有心去做每一道菜，繼續保持水準👍🏻，店舖唔算好大，有兩間廂房，老闆招呼很好，我介紹每個朋友上嚟食完再介紹朋友個個都話好好食，今次我真係要介紹值得品嚐的佳餚美食，頭盤黃金炸魚皮，椒鹽九肚魚呢兩個簡直無敵😋 煙燻BB鴿-同出面乳鴿唔同佢有種煙熏味，好食😋老闆預留新鮮蒸元貝，👍🏻生拆蟹肉炒桂花、反沙芋粒，雞蛋仔版豪餅，老闆話遲啲呢個唔做，黃金蟹肉炒飯-呢個飯真係吵得好好食😋好食嘅嘢實在太多講唔晒下次再食其他嘢再介紹俾大家

午市特式套餐 (有例湯，主食，熱飲)是日例湯係紅蘿蔔節瓜煲豬肉湯，夠熱度，仲有湯料，我呢碗有節瓜，例湯嘅味道!主食係呢客鮑魚海鮮燴飯，原隻鮑魚放係飯面上，賣相OK海鮮包括蝦仁，小柱貝，菇及豬肉，汁醬味道似福建炒飯，鮑魚口感一般，白飯份量足夠二人分享同場加映，潮州蠔餅(鷄蛋仔版) ($108)，另有魚露及芥末沙律醬點食預訂食物，咁岩今日即時有得柯打，即叫即製，說穿了即係鷄蛋仔入面有蠔仔餡料，鷄蛋仔口感係腍嘅，加入蠔仔一齊食，沒有想像中般驚喜，試過便算!餐飲要熱奶茶，鐵杯裝夠大杯似茶記出品免加一，味道一般但夠份量，大食仔/女應該幾歡喜!

同朋友約咗去雄依度食飯一入到去老闆已經好熱情咁歡迎我哋又成日行過黎同我哋講笑本身觀感已經好好我哋叫咗蠔仔餅，煎肉餅 ，荷葉飯，鹽燒雞，菜煲每碟餸嘅份量都好足 ，蠔仔餅香口，荷葉飯粒粒分明，煎肉餅好入味又煎到金黃色，每一樣餸都好味，呢度嘅味道偏重，配飯或者啤酒就更加一流。食完主菜，我哋見到隔離枱叫咗反沙芋，睇見咁靚仔，我哋都叫返個，嚟到嘅時候超級熱辣辣，外層糖衣脆卜卜。返沙芋嘅份量都好大 ，四個或以上share食就差唔多。

從朋友口中認識雄館特式小㕑，之後又在電視節目中介紹，幾隻為食貓決定到銅鑼灣試試⋯⋯渣甸中心食店林立，地點方便，於是安排來個Happy Friday 升降機直達樓上舖七樓全層⋯⋯鮮墨魚~$198先來一些下酒小吃，鮮墨魚，自家製，入味質地夠彈牙，但份量相比較少。萵筍~$68荷包雞翅$888~當端上來熱騰騰的，這點已令大家大喜。鹽焗醃仔蟹~$1788醃仔蟹已是水尾，吃大閘蟹更合季節性，可是為食貓是蟹精，說今年吃得太少醃仔，故此希望食店再找爆膏之作，老實說，在這個季節能找到如此水準，已經相當不錯，一讚。豉油王花竹蝦~$398食店每晚時段都有大放送，顧名思義，㕑子有好嘢介紹，當晚在衆多選擇中，為食貓選了花竹蝦，確實不錯。鐵板薑蔥魚卜魚春豬潤~$288老牌菜，鑊氣小炒，濃味者喜，口感有層次。豉油王炒麵~$98炒得條條乾身分明，值得一讚。整體來說:小菜果然有特色，很喜歡這裡每一道菜端出來都是熱騰騰的，夠晒鑊氣小炒的感覺。其實當晚還有很多餸菜沒有拍照紀錄。冇法啦！朋友太耐冇見，忙得掛住聚舊，分身不下作紀錄，由於食物配酒，為食貓吃得起勁！最後朋友們都很喜歡那些甜品，包括流心芝麻湯圓配黑朱古力醬、和反沙芋

食晏嚟左呢邊食蒸飯。由於疫情關係，今日餐廳冇咩人，直情我同朋友包場咁制。我自己叫左麻辣龍躉蒸飯，佢有配埋湯上，計埋禮拜六85折大概50幾蚊左右，係銅鑼灣嚟講唔算貴。蒸飯有塊荷葉墊底，飯既份量正常唔算多，但絕對夠OL食。麻辣香料鋪係飯面聞落香噴噴，加埋豉油撈起上好香口惹味。魚塊份量算多，不過大家食既時候要小心魚骨，費事插親口。例湯正正常常，唔算禁青。餐牌上仲有其他等色蒸飯同炒野，上湯大蝦伊麵都，打算下次要試試佢