雄館特式小廚 (已結業)

香港多災多難....2019下半年社會運動，好多商店難以經營，食肆首當其衝。2020年有世紀疫症 做飲食好多都已經關門大吉！今日嚟到係參加朋友嘅日本清酒晚宴 🍶記得電視有介紹過呢間餐廳，不過如果唔係朋友嘅清酒晚宴都未必會嚟當晚嘅主角當然係所有嘅清酒配搭，但係餐廳水準意想不到 👍我食食下都要求睇餐牌， 因為對其他食物相當有興趣 最後自己擅自點了豉椒炒鵝腸爽脆又唔肥！ 其實每一道菜都好有水準，但係所有朋友都一致認為最後尾壓軸上嘅豉油王炒麵雖然最簡單大炒得勁好食！ 所以疫情底下呢間餐廳都做得住， 希望再次有機會嚟試過啦！

適逢父親節，由於爸爸只愛吃中菜，唔想去酒樓食傳統嘢。就揀咗呢間雄記特色小㕑，見佢啲菜式都好新奇好有心思，所以就帶一家人嚟試下啦！呢度飲啤酒係用傳說中嘅戰鬥碗！頗有風味！有酒緊係唔少得送酒小菜啦！呢碟蜆個蜆肉鮮甜多汁！辣辣地送酒一流。好開胃☺️造型成餅雞蛋仔咁，好明顯佢唔係一餅雞蛋仔咁簡單啦！其實佢係蠔仔餅嚟架！可以分開一粒粒咁食都幾方便😂比起傳統嘅蠔餅，佢用呢個方法令到表面乾身香脆冇咁油膩！每一粒入面都有蠔仔，脆卜卜咁👍🏻蝦鬆入面配菜清爽夾包食都幾有心思!

昨晚終於去了雄館吃我們約了很久的聖誕大餐～我們的頭盤當然是必點的「冰鎮鮑魚」，很彈牙和鮮甜 😋 然後店員跟我們說今天又有特別菜式，所以我們點了其中的「蝦多士」、「海膽櫻花蝦蒸蛋白」、「上湯龍蝦仔加稻庭烏冬」和「上湯浸豆苗」。首先來說說蝦多士，炸得得金黃，脆脆的，很香口。中間那隻蝦蝦也很淡淡肉，配上他們的wasabi沙律醬簡直是絕配 🤤然後便是海膽櫻花蝦蒸蛋白，海膽很鮮甜，應該是用了日本海膽，沒有苦澀味和蒸蛋白的底部原來還藏有瑤柱，正 🥴我們的主菜當然是上湯龍蝦仔加稻庭烏冬，大廚用了2隻龍蝦仔～怪不得一端上枱，我以為用了1隻大龍蝦煮給我們 😂 龍蝦仔很新鮮，很多肉；而且我很喜配烏冬這個搭法，差不多全部都給我清光光了 🤫 吃完主菜後，我們的豆苗便來了～皆因我們三位女孩子很久沒飯聚，我們也想談多一會兒，所以後加了普寧炸豆腐。豆味很濃，可能有些人不太會接受，覺得像 “穫氣” 味道。最後，老闆還送了一碗小的、熱辣辣的雪梨雪耳糖水給我們作結尾 🤗

今天一行四人去食午餐，不知是否因為天氣寒冷，所以要揀些食得飽飽的午餐。係這間餐館，我們要了四款不同午餐一齊分享，有乾炒安格斯牛河（$68）、龍仔荷葉海鮮蒸飯（$72）、蟹肉炒麵（$70）和龍仔臘味蒸雞飯（$70）。午餐還包括例湯和熱飲，最先每人會有一碗例湯，應該是青紅蘿蔔粟米湯，味道也不錯。首先上枱是乾炒安格斯牛河，炒得夠乾身，又夠穫氣！這裡的蒸飯真的不錯，是用木盤上的，最底就鋪上荷葉，可以聞到陣陣的荷葉香味，海鮮包括了蝦、魚肉和蜆肉，而臘味蒸鷄就有臘腸和臘肉，當然有鷄喇！兩款都很香和惹味！反之蟹肉炒麵就沒啥特色，驟眼看去以為是肉絲炒麵，大概因為蟹肉比較小和細！最後每人還有熱飲一杯添！大致上以這樣的價錢，能夠有這種水準是很不錯了，平均每人也是$70就已經吃得飽飽了！

#小秘書 好快就要搬喇👉🏻👈🏻 趁呢幾日得閒，先清哂啲櫃、再搬埋積咗千年嘅文件出嚟攞去回收... 🥱攰到呢！本來已經病病地嘅我，感冒又加深😷 有諗過放飛機唔去食飯，不過應承咗唔想推朋友.... 一於頂硬上😅經朋友介紹，呢晚我哋嚟到 #雄館特式小廚 為我哋嘅 #大小姐 預祝生日🎉 估唔到樓上舖都幾好生意，雖然餐廳地方唔算大，不過座位都尚算寛僘。#壽星女 一向事業心重，今日都唔例外... 我哋唯有幫佢揸主意叫哂我哋鍾意食嘅餸😆 之前聽佢介紹過 #冰鎮鮑魚、#鹽焗奄仔蟹，就先要呢兩個。#鮑魚 似乎 #日本清酒 浸過，咬落去有陣陣清酒嘅香氣；#奄仔蟹 爆哂羔咁，望落都幾肥美，不過就食唔出蟹嘅鮮味，有啲失望😅 而我就最鍾意食 #蠔🦪 所以 #大廚 都特別為我哋整咗個 #薑蔥焗桶蠔... #蠔煲 未上枱，遠遠已經聞到薑蔥嘅香味，當 #服務員 將食物蓋打開，si Li sa la聲響... 蠔汁沿著香氣標出，真係殺死人😆 除咗蠔肉，#小秘書 更愛嘅係用嚟伴碟嘅 #薑蔥，非常惹味😋 至於其他嘅餸菜都ok嘅，係隻 #雞 🐔 對我嚟講生咗啲，不過我啲朋友又接受到，咁就無問題啦！整體價錢比我預算高咗啲，不過

啲海鮮全部都好新鮮好鮮甜。鹽焗蟹蟹味好夠，鹹味又適中，好多蟹膏添！唯一不足係啲鮑魚好似醃多咗啲蠔油味，食落有啲奇怪，又蓋住了鮑魚原本鮮味，但肉質非常煙韌。牛面頰用紅酒與醬汁炆得好入味好林，質地又似牛筋又似牛展。食落會有啲黏口的感覺，肉汁豐富。鹽焗清遠雞要早一日訂，因為餐廳話係本地活雞。又滑而且一啲都唔肥膩。非常推薦！餐廳環境行大眾化路線，雖然裝修不起眼，個場比較細，但平日晚市都會坐滿，可見食品質素有返咁上下先會客似雲來。服務員態度非常好，又主動。

朋友生日一大班人決定食中菜揀咗呢間貪佢有私房菜feel兩個女侍應都好好服務同朋友們都好傾得介紹咗唔少菜式俾我哋豪仔雞蛋仔侍應推介，話好脆口每一粒都係有豪仔,但真係唔脆冰鎮鮑魚侍應介紹點芥辣豉油但我食過覺得就咁食已經好鮮味辣味花甲還可以啦椒鹽南瓜推介，佐酒一流蛋黃魚皮味道剛剛好而且唔會太油蒸馬友蒸得剛剛好肉質很嫩但係爭左啲鮮味最後要求廚房落鹽煮了一些熟油點左之後鮮味出晒嚟啫啫通菜煲推介，再叫了一煲反沙芋推介，甜度啱啱好整體而言所有菜式都好有鑊氣有咩意見可以同侍應溝通喺香港少有一間有人情味嘅菜館

香港的蜑家菜, 除了金東大外, 最近在銅鑼灣新開張的雄館也是, 成為為數不多但又十分本土的本土菜選擇. 蜑家菜自然是和海鮮有關, 又因為長期在海上工作的關係, 利用乾曬作為保存海鮮方法的海味, 自然是另一種常用的食材. 花膠在這餐廳的菜式常常見到, 加上獅子頭但少了濃油赤醬, 咸鮮味代替了濃厚重味, Fusion了蜑家和上海菜, 也令原版本高貴了不少. 至於梅子豉汁蒸鱔魚的豉汁味濃烈, 上色也很平均, 但略嫌鱔魚肉不夠厚, 當然鱔魚現在比很多食材更高貴就是. 荔枝茶香燻雞外皮如炸子雞, 雞肉也夠軟滑, 而淡淡的荔枝香不會蓋過雞味, 比傳統的茶燻雞有趣.

朋友食過話幾好所以上來試試晚巿人不是太多, 待應熱情推介即日精選, 話不在餐牌之內，限時供應於是叫左個辣酒煮花螺花螺個味夠濃, 有辣勁但不會入不到口, 不吃辣的人都可以接受, 夠惹味見食評推介茶薰雞，於是又叫左個荔枝茶薰雞雞皮好味, 好有煙薰味, 真係食得出荔枝香, 不過雞肉有點乾和鞋見餐牌有個雞糕仔蠔餅， 造型取勝，待應講到明唔及蠔餅好食不過又冇估到，個人覺得都幾難食, 蠔仔細粒又有點腥, 最重要係個雞蛋仔好乾, 食左一粒之後冇再食要其他朋友幫手KO濃湯花膠獅子頭, 都好足料, 好味。叫左個白飯送下，唔錯。整體來說, 喺附近做野可以一來, 但唔使特登來。

朋友唔知喺邊度睇到廣告覺得好味, 所以訂位來試一入到門口, 聞到一陣香味, 覺得唔錯,平日的晚巿，大約半滿, 不是很多人得2個人唔叫得多, 見網上食評讚佢嘅花膠撈麵的確係唔錯, $98碟, 份量足, 食過有膠質花膠都有4、5片, 粗麵好味聽店員推介, 叫左個辣酒花螺味道啱口味, 不過就咁睇, 份量少左啲, 汁多過螺, 要撈起先見到$168, 抵唔抵見仁見智朋友忽發其想話要食魚香茄子煲,濃味好送飯, 油多

同事介紹左一間銅鑼灣上樓私房菜，雖然地方細細但菜式卻是出色！下次會試椒鹽奄仔蟹！介紹一下我食咗d乜荔枝柴茶熏雞 推介 茶熏味濃，皮脆肉嫩山楂茶真材實料煲，唔太甜帶點酸，好適合夏天飲消暑，仲可以飲到山楂渣反沙芋 - 依家唔係度度都食得到梅菜蒸菜心 蠔仔雞蛋仔 - 特色菜，打卡好，每一粒都有只蠔仔，但味道一般冰鎮鮑魚 - 夠大隻又爽口 櫻花蝦海鮮炒飯 - 一定要試，好鮮味，蝦同元貝都超新鮮 燜魚腩 - 平時要訂先有，今日咁啱燜咗兩煲，好入味

有朋友介紹，銅鑼灣有間好食既荷葉蒸飯，咁就同同事lunch去食啦，但我地搵左10分鐘都搵唔到間餐廳係邊，最後原來係我地附近，哈哈荷葉飯係大陸就見得多，香港真係唔係度度有，最後我叫左個龍躉臘味荷葉飯，仲送例湯。個飯有荷葉香，料都比得好充足，但略嫌飯既份量充少左d。例湯亦都好好飲，飲到唔係味精湯既味道。最後埋單一人大約$70，係今時今日香港，而且係銅鑼灣入面食到咁好味既荷葉飯都算係超值了，推薦大家去試一下

新手第一次寫食評，如寫得不好，請多多指教 🙏🏻我和我的好朋友每年必定會一起吃生日飯，以往都是吃西餐；今年選了中式小炒，便來到『雄館』。選了這裡的原因都是因爲被他們的雞蛋仔蠔餅所吸引 😋首先頭盤有胡麻茄子和金沙炸魚皮，魚皮很香脆，鹹蛋黃香，令人吃到停不了口；而茄子就很清新、鮮甜，不過本人較喜歡少一點麻醬 🤔然後便到冰鎮鮑魚和檸檬白酒煮馬刀貝（要預訂），鮑鮑很鮮甜、彈牙，我們三位女孩子都想再encore多一隻；而馬刀貝的湯底很清甜，整鍋都給我們喝光光了🙈重頭戲是奄仔蟹（要預訂）和雞蛋仔蠔餅，奄仔蟹淡淡肉、蟹膏爆燈，吃後充滿罪惡感的 😂；而蠔餅不像傳統那種般油膩，口感特別，每粒都充滿蠔味並脆軟適中。最後便是辣子炒大腸和雄館的燉湯，大腸爽口，麻辣度適中，是送酒的好伙伴；而燉湯份量十足，有花膠、鏍片等，最適合我們三位女士養顏 🥰今年的生日飯局也完美地結束，我們仨都十分推薦這個地方，亦會再次光臨去試其他菜式 😊

今日小編膽粗粗O系冇BOOK台既情況底下去左呢度食飯，因為都已經差不多大半個月冇黎，心思思好掛住佢地D野食仲有個山楂茶，唸起都流口水。小編髮現今日採取既策略頗成功，皆因今日我地一行6個人雖然冇BOOK台食飯甘大膽但原來如果遲D黎既話（即係AROUND 12：30之後至黎）好似情況冇甘惡劣，係有台既，又可能今日天口慶啦所以D人寧願叫外賣返OFFICE食，今日冇平時甘迫，起碼只坐滿9成，系架，坐滿9成已經唔算系多人架啦，小編仍然記得上次ＢＯＯＫ台都仲要等人埋單架，真心好誇張！明白，好食又唔貴既Ｏ系老銅真心買少減少架啦，真心一個餐收你６２元有老火湯送（Ｄ湯都唔係ＨＥＡ味精湯黎架）可以去得便度揾先？而起碼對於小編黎講平唔係最大因素吸引我返兜佢而係佢Ｄ野食係有水準既，海鮮新鮮，個鹹蛋魚皮堅冇得輸，炸魚片頭真心食完返唔到轉頭，小編我唔係吹水架，次次食都冇失準，今次既鹹蛋魚皮仲要多鹹蛋過之前Ｏ個幾次，真係爆正！大家如果系鹹蛋ＦＡＮＳ，呢個ＭＵＳＴ　ＬＩＫＥ，炸魚片頭典解甘得係因為真心堅食得出Ｄ魚片頭系堅新鮮魚片頭而唔係好多街外Ｄ老翻野，老翻野即係其實佢唔係魚片頭而係扮魚片頭甘ＬＯＲ，即係其實你係返工

話說呢間小廚，係老公中午食過，話必定要帶我去食既店鋪！今日lunch，終於可以去見識一下呢間特式小廚💖！先講地點，係銅鑼灣老虎堂直行既渣甸中心7/F，地點易搵，上到去，環境舒服，坦白講，中午時間要係銅鑼灣搵一個舒服環境食一個中午，絕對唔係一件易事，所以一入到去巳經有種輕鬆既感覺，實在難得！😆內有圓枱，適合一大班朋友/公司同事一齊用餐！點餐後，先會上一個例湯，紅蘿蔔粟米，湯比較清淡，紅蘿蔔🥕同粟米🌽都甜度十足，飲得出無落味精，比較健康！等左約5分鐘，點既食物巳經到齊，點左一個鮑魚海鮮燴飯（$74），同一個籠仔荷葉海鮮蒸飯（$72）！先講燴飯，眼見同場都好多人點左呢個，先講一上枱，外觀巳經贏左，一大隻鮑魚放係飯中央，四周環繞住滿滿既海鮮汁，海鮮汁亦唔係得個名，用料十足，有多粒鮮元具貝粒，瑤柱絲，蝦粒，雞肉，冬菇粒同菜粒而成，味道一流，飯量亦多，係飯面林上海鮮汁，真係味道一流👍！而鮑魚夠曬林，入口甜甜，呢個絕對要試！👅籠仔荷葉海鮮蒸飯，同樣外觀唔錯，用木盆上餐，令人眼前一亮，用荷葉鋪底，食落有陣陣荷葉香，香味十足，配有豉油，海鮮有龍躉肉，蒜蓉開邊蝦，同蒜蓉蜆，質量高，用料亦唔少，款款都有4-