雅苑餐廳 (豐利中心)

營業中

休息中

雅苑餐廳 (豐利中心)，位於觀塘開源道54號豐利中心地下3號舖。發現到一間性價比高嘅茶餐廳，下午茶 ～ 德國珍寶大熱狗$34、 XO雞扒炒公仔麵$50、 凍檸檬茶$3、熱齋啡。 ▫️德國珍寶大熱狗$34 ～ 熱狗腸唔算大條，但係有大量千島醬酸酸甜甜幾開胃。 ▫️XO雞扒炒公仔麵$50 ～ 炒得好惹味，雞扒有肉汁，唔乾。 ▫️凍檸檬茶$3 ～ 味道正常。 ▫️熱齋啡 ～ 我一向對茶餐廳嘅咖啡唔會太大期望，最緊要溫度夠熱就可以了。 餐廳種類多， 以後食午餐又多一個選擇了。 🏷️溫馨提示～ 整個用餐體驗均屬個人分享意見， 只作參考😊。

自從廚房轉晒師傅，三文治麵包似隔夜D奶茶一係冇茶味，－係有苦味。早餐D通粉和米粉湯底冇味，似清水，D撈面似湯面。以前差不多一日光顧三餐，現在只有趕時間才叫早餐°

行過觀塘，朋友拉我去一間茶餐廳。賣相普通，但食物嘅味道就真係出乎意料咁正！先嚟個奇味雞，嗰陣真係香到彭彭聲，洋蔥芫荽炒勻，加上豬皮，啖啖肉嘅啫喱質感配上香料，真係夠晒惹味！而家轉做打邊爐，第一槍就係手切肥牛，咁滑咁嫩，溝埋嗰特製醬汁，入口即化，食得我停唔到口！脆肉鯇嘅口感都OK，丸子就算啦，算係中規中矩。再點嗰牛膀，朋友讚好食到不得了，我嘅感受就一般般啲，可能係我唔太鍾意嗰款味道😅。呢度仲有特大杯檸檬茶，酸酸甜甜，紓解咗下飯菜嘅重口味。店員服務超級nice，睇得出嚟好用心，仲為我哋揀大枱，真係貼心！總括黎講，食嘢就係要開心，店員嘅微笑加分不少，下次再嚟，仲要叫埋新搞作嘅冬瓜盅～👏😄💯

垃圾食堂！話我自己落錯單，只係打咗 凍唔咖啡走甜，所以唔會換過一杯野飲。真係好誇張！完全諗野咖識字！！全部都講野唔正！！！態度勁差！不知所謂！又污糟！之前外賣紙袋收2蚊唔知以為佢紙袋係環保物料！！！

作為雞煲忠實fans, 不停嘗試尋找性價比高的選擇， 之前在銅鑼灣吃過一間味道不錯， 但價錢實在偏高， 而且服務不好，四人只是吃雞煲沒有加太多其他菜式已經超過800元。 終於給我們找到一間性價比高在的選擇@觀塘。我們選擇了奇味雞煲， 不辣，調味非常好， 雞煲一到來時香氣撲鼻， 我們order了半隻， 因為想留肚試其他菜式。 雞煲吃完後， 就轉為打邊爐， order 了手切肥牛， 脆肉鯇， 各類丸子, 正常水平。 另外order了牛膀，當中一人說很好吃， 我自己就麻麻，just not my cup of tea。當晚有件趣事， 我們order了兩杯特大檸檬茶， 很好喝， 所以再order第三杯， 職員要先收回我們本身的杯， 當時還不太懂為什麼， 原來特大檸檬茶的杯是特大特製的， 要收回作turn around， 作為晚飯的一件趣事分享。職員服務態度非常不錯， 本來我們坐卡位， 他們主動建議我們坐大枱因為打邊爐的餸菜會很多，很體貼。openrice book當晚有八折。

被歸類為頹飯既粟米肉粒飯一直係我至愛。雖然間間茶餐廳都有，但好食既真係小之有小。可能市場定位係頹飯，令到餐廳有錯覺，覺得客人叫左預左伏，由頹飯變左cap水魚飯。所以近依十年都無特登點，差不多價錢，50幾蚊個寧願有塊扒食咬下或者炒粉麵，蝕極都有野落肚。因為伏既粟米肉粒飯，就算好肚餓，食兩啖都唔會想食—肉粒鞋，切得一舊大一舊細、汁似水、預著飯底乾身真係gg.但依間煮得好有heart. 肉粒鬆軟，有d餐廳真係肉片當肉粒，比人感覺係食淨肉撈埋當係。個汁就較中式，我覺得可以調濃d. 我較喜歡忌簾，但依個都唔差。可能廚師本身都鍾意食，所以下午茶有依個飯點。有用心煮既粟米肉粒飯買少見少，依間大家可以放心一試。

細細個出街打邊爐，都係冬天先至有得食，而且都係小店居多，用炭爐、火水爐，甚至會將枱凳擺出行人路邊。唔記得什麼時候開始，炭爐變成迷你氣體爐；之後再變成火鍋，春夏秋冬都有得供應；食材選料也變得越來越高級。估唔到到了今時今日，甚至有部份茶餐廳晚市兼營火鍋！今晚就去【雅苑餐廳】試吓。位於觀塘工廠區，日間係茶餐廳，當然大把生意；晚上就是另一回事。可能正是為了提高生意額，夜晚轉型做雞煲同火鍋。食完雞煲、再追加清湯火鍋唔需要加錢；如果只係打邊爐就要俾湯底價錢。點餐紙正面係各款雞煲、火鍋湯底及較為貴價的配料，背面一頁就係大眾化火鍋食材。始終係茶餐廳，欠缺手打肉丸、精緻餃子等等精緻火鍋配料。雞煲味道也有幾款選擇，揀了最基本嘅奇味雞煲半隻（$180）。香口惹味，又夠熱辣辣；雖然及不上雞煲專門店，以茶餐廳質素來講，已算相當不錯。不過唔知點解，雞煲內加入了幾塊豬皮？雖然豬皮可以吸收雞煲醬汁，但似乎唔係好協調，加入菇菌更合適。墨魚滑（$68）爽滑鮮味，但就欠缺了少許煙靭咬口，可能墨魚比例唔夠高。估計並非自家炮製，只是坊間工場交來現貨。手切肥牛(小)($168) 是否真係手切？又係唔係大陸黃牛肉？抑或都係進口急

觀塘飲食日誌day 5繼續茶記之前食過呢間嘅沙嗲牛麵係唔差嘅於是試蕃茄牛通會係點價錢比同區工廠區茶記稍稍貴可能因為位置較就腳但味道真的跟其他茶記差唔多牛肉是韌的但嚼得到有鮮蕃茄食但湯頭是濃濃的人工茄膏味奄列雖然多皮煎得有點老但裏頭都滑的其實呢間餐廳的主打應是潮州粉麵但單併牛腩河連飲品要價$45有點貴雙併仲要加$12我未有準備用六十蚊食牛腩河

毫無味道， 早一晚食過乾牛河都還以， 今晚叫個咸魚雞粒炒飯，食左一大半 ， 搵一粒仔咸魚都無， 淡而無味， 真系極之失望失失望， 下次都系叫番粉粉麵比較安全， 亦有可能晚上9：30才落單， 阻住師傅收工， 希望日後有改善。

觀塘一帶出名有很多美食，也很方便上班一族。今天我們收工就來到這一間雅苑小廚試一試。餐廳位於開源道，非常方便就腳，餐廳的裝修格局就和一般茶餐廳差不多，但是很企理乾淨坐得也很舒服。我們二人點了重慶雞煲一隻，涼拌土豆絲，熟牛孖根，牛膀，手切肥牛和一杯特大檸檬茶。一隻的重慶雞煲份量非常足，而且餐廳可以自由讓你選擇配菜的份量，我們就選擇了走芫荽多洋蔥。吃雞煲的時候，紫洋蔥煮到最後是非常入味的非常好吃。餐廳選用新鮮的雞，肉多皮薄，而且雞肉煮得很嫩滑。再加上餐廳特別炮製的重慶雞煲醬，非常入味可口，也很配飯！吃過雞煲後餐廳會幫你加湯然後就可以打邊爐了！我們點了熟牛孖根，份量很多，而且牛筋煮得很筋道，牛味很香濃，在雞煲濃湯煮過一段時間後，冧滑可口，非常的好吃，建議大家來到一定要點一點。另外還點了牛膀，我們都十分喜歡吃牛膀但並不是很多餐廳有，而同樣地這間餐廳給的份量很足夠很滿足。在雞煲濃湯煮過後，牛膀非常入味香濃。很有街邊牛雜的風味。非常的好吃！另外還點了一份細分的手切肥牛，新鮮的肥牛，即叫即切出來。每一片的厚度都很均一，而且油花的紋路非常漂亮，煮熟後非常軟滑美味！大家來到這裏一定要試試。另外我們還點了一

收工約了朋友去觀塘，交收完順便附近美食，朋友介紹"雅苑餐廳"有雞煲食，雞煲也是我喜愛食，熱辣辣好滋味又美味。觀塘地鐵行前少少，開源道超方便，地方好闊落又光潔好多卡位坐，侍應生好有禮貌。介紹有好幾款雞煲，食完仲可以打邊爐，正呀!😊👍麻辣雞煲/重慶雞煲/醉雞煲 /奇味醬雞煲/胡椒豬肚雞煲。我哋叫咗奇味醬雞煲半隻 (不辣)外貌非常吸引，好多芫茜蔥，熱騰騰好香濃 ，仲有幾塊豬皮添，雞件好嫩滑，就算不辣味道都好奇妙好入味呀！👍推介加些配料，有美國雪花肥牛(小)/墨魚滑/雙拼餃有雲吞配魚皮餃/蔬菜有茼蒿和油麥菜。雪花肥牛白雪雪又紅潤，入口好嫩滑，雲吞好大隻蝦啊！基本上蝦肉多個豬肉，魚皮餃也好好味，墨魚滑是一條的，放落去大小隨意，入口有卜卜聲嘅魚子，再配茼蒿和油麥菜啱啱好。重有特大飲品~凍檸檬茶嘩！真的好大杯呀，幾乎成個檸檬好多片， 一杯就夠不用再添飲。👏多謝朋友介紹，食得好開心 ，下次可以約多幾個朋友食，選擇食物也多啲呢！😍

觀塘越嚟越多美食，今日有開源道嘅《雅苑小廚》，凍凍地食個雞煲，仲可以加料打個邊爐。呢度雞煲都有好多選擇，除咗好受歡迎嘅麻辣，仲可以有重慶、醉雞、奇味雞煲及胡椒豬肚雞煲，火鍋配料應有盡有。麻辣雞煲(半隻)，可以揀辣度，都可以揀麻度，好貼心啊！上菜時吱吱聲，香噴噴，半隻份量都唔少，謝謝店員幫忙炒起，即刻食得，雞件醃得夠味，麻辣得非常惹味，配料當然唔少得紫洋蔥、洋蔥、中國芹菜、芫茜、薑......手切肥牛~件件靚件件肥美，大概8-10秒就得啦；豬肚~一啲都唔韌，淥耐啲，爽口得嚟好淋好好食；豬紅~雙拼丸潮汕牛丸及海膽丸~呢個潮汕牛丸唔錯，彈牙爽口記得叫；凍檸樂及可樂~食雞煲打邊爐一定要叫啦。

舊同事相約有事傾談，約咗去觀塘雅苑餐廳 ，餐廳位於工業區，裝潢簡潔，主打雞煲和港式茶餐廳。胡椒豬肚雞煲：上枱打開蓋即刻聞到好香既胡椒味 ，奶白色的湯底有胡椒香濃味，但不蓋過本身湯味道，雞亦好新鮮，雞味濃、皮薄又夠滑，豬肚都好爽口，重有枝竹吸收湯的精華，又香又好味！食完雞煲就加湯打邊爐，火鍋配料都有不少選，而且重好新鮮。黑豚豬肉：豬脂肪分配均勻，食落帶有穀物的香甜味，無一般豬肉腥味。 肉質细致柔嫩。脆肉鯇魚片：脆肉鯇肉質結實、爽脆，肉味清香可口。蟹籽蝦滑：蝦滑味道特別鮮濃又彈牙。 加上蟹籽嘅點綴， 令口感更多層次，更添口感和鮮味。魚片頭魚味較出，爽口彈牙。雲吞：雲吞皮厚薄均勻，很滑溜，餡料的蝦和豬肉的比例啱啱好，入口腴盈，餡料鮮味爽滑。

今日接好姊妹放工，她提議到樓下的雅苑餐廳食雞煲兼打下邊爐飯聚，一於響應呀！我們叫了半隻雞煲，也叫了一些火鍋配料，待吃完雞煲後，之後再打邊爐。雞煲很有驚喜，雞件肉質鮮嫩，份量十足，加埋配料一起加熱，非常惹味。吃完雞煲後，店員便為我們加湯，待滾了之後，便放火鍋配料落去打邊爐，確是一鍋兩食。火鍋配料方面，我們叫了台山肥蠔、脆肉鯇魚骨腩、墨魚滑、枝竹及皇帝菜。最值得一讚的，便是台山肥蠔，一上枱時，已聞到陣陣蠔香，肥美大隻，即使淥完都不會縮小，品質超高！脆肉鯇魚骨腩都好正，魚肉爽口，魚皮爽脆，也同樣要比個大like👍🏻墨魚滑也爽口彈牙，令人食到停唔到口啊！

最近香港天氣突然轉冷，最好不過就是打邊爐了，這個豬肚雞鍋份量十足，湯底濃厚好味道.雞肉十分之細滑,豬肚也十分之入味.餐廳環境佈置舒適明亮，冷氣足夠，店員也熱情地招待，介紹當日時令菜式.各醬料也可以讓自己自由地配搭，可讓大家可以享受這一個晚上.鮮蝦雲吞，爽口彈牙，加上雲吞是自家製的質量控制比較好.手打蝦絞，用料十足，配上濃厚的湯底，簡直是最佳的配搭.這個鱔片，顯示出廚師刀工犀利，薄薄的魚片，大概10秒經已完全熟透.