雙魚亭

營業中

休息中

聖誕節不想擁擠，決定吃得簡單一點。來到了雙魚亭，以往吃過質素不錯，看過餐單，比我所預期簡單的豐富很多，覺得挺有特色，很是吸引。加上晚上較早到達，見人不多，於是走了進去。一向喜歡西式，餐單裏選擇很多，又是full standard set，看來挺豐富，與朋友分別點了紅酒汁煎豬扒伴意粉及咖喱雞配烤餅為主菜。先來了芝麻餐包及南瓜忌廉湯，餐包充滿芝麻香，焗得暖、鬆軟而皮脆，湯濃淡得宜，並配有一顆蒜茸粒，屬高水準。紅酒汁味道富層次，豬扒煎得香軟不靭，配菜見心思。咖喱雞裏是咖喱雞脾，份量足，配有甜味的咖喱汁，汁較稀，但達到水準；烤餅有一定厚度，但非常香脆，我認為頂級好吃，值得讚賞。凍檸茶有茶香，無澀味；甜品tiramisu不太甜，用於餐後恰當，但若質感再軟更好。因為聖誕節，餐廳佈置令人感覺舒適，又有聖誕禮物，增添了氣氛。雙魚亭，謝謝！

媽媽說今晚不煮飯，我就提議到這間餐廳食飯。早已光顧過無數次，這次是第一次為它寫食評。這次我和妹妹都點了咖哩，我的是咖哩牛坑腩配意粉，她的是咖哩海鮮配白飯，媽媽點了芝士白汁焗海鮮飯。我的咖哩牛坑腩很快就來了，意粉是細身的，很彈牙，重要的是份量很多，尤其比起快餐店的。咖哩甜而不辣，牛坑腩不會煮得過火，很入味，不會油膩。咖哩海鮮和焗海鮮飯未見出色。

好老公B 係為食之人, 當然會四周搜尋好野食啦. 由於老婆B 唔得閒, 由老公出馬"御駕親征". 今次我去左雙魚亭, 上水中心近惠康那處, 我叫左個set dinner. 頭盤係吞拿芝士波, 一大粒似個世界盃金球咁. 見到佢有點掛住我之前隻松鼠狗 "波波B" (又係成個波咁). 講番件芝士波, 個芝士波梗有芝士啦, 但吞拿魚無吞拿囉....味道OKAY 啦, 唔係太執著既話, 都可以接受既. 接住就是主菜, 什扒五件( 肉眼, 豬扒, 雞扒, 腸, 煙肉), 跟白飯配黑椒汁. 雞扒真係有雞味, 豬扒又有豬味, 簡潔些講, 唔係一般冰鮮野, 亦無醃過左龍. 肉眼都幾淋... 你知啦, 有D 餐廳既什扒連豬牛羊都差唔多味, 好似現在些人, 男女都好難辨, 社會既野, 有時真係好難講... 一碟雖然五件, 但五件都係細細件, 加埋其實係得一大件囉. 食就食唔飽架, 當減肥餐都唔錯...In conclusion, 咁既價錢, 我覺得質素好過扒王少少, 但份量好少+ 有點膩. 地方唔算好中上和romantic , 似合家歡多些. 唔緊要啦, 反正老婆B 係family m

上水街市差不多已經食過晒, lunch時間開始係附近四圍搵野食.其實呢間舖係上水中心一角,不過lunch時段經常見人頭湧湧,相信都唔會差得去邊掛?店內檯與檯之間真係好逼,就算快到兩點,依然有九成滿,駛唔駛咁多人呀!唔駛講一定係搭檯,檯又幾細下,放多樣野都唔得,好彩伙計夠快手, 一見人食完野就拎走.先黎一件餐包,有點微溫,再配上獨立包裝的"romi"牛油,雖然是大路貨,不過總算有點誠意,而且餐包尚算軟熟,幾好.餐湯是羅宋湯,份量當然不多,但湯料又真係幾足,再加上夠火侯,什菜煲至糜爛,最合我心意,是一個幾啱口味的前奏,唯一美中不足是我仲未飲完,伙計已經企係度等收碗,好急下喎!西蘭花南瓜丸子煙肉白汁長通粉 : 話明意大利餐廳,帶點意式風情的長通粉當然不成問題,相信西蘭花只不過用作裝飾,可能是個人喜好吧,份量是少了點,南瓜用食具整到成個小丸子咁大,煮得夠淋,而且南瓜本身帶果甜,同白汁好配合,長通粉汆水做得好,有點柔韌又不至於硬心,白汁加入忌廉,煙肉碎及洋蔥粒,又香又滑,實在令我好鐘意,唔駛五分鐘食晒.加埋凍檸茶都唔駛三十五蚊,可惜食完都好似未飽,唯有再食下一餐..............@@p

已經第三次黎啦~頭兩次係食晚餐，覺得d意粉同西冷牛扒好味，今次就試下個下午茶朋友叫左肉醬意粉，晚餐都試過叫around$55，下午茶$26咋，雖然係細碟d，但d意粉真係唔錯，幼身好味^^值得推介我叫左公仔麵餐配豬骨湯，餸係照燒雞扒~都係$26，叫果時心諗其實食個公仔麵餐$26算貴，但黎到見到果時，又真係有$26蚊既水準豬骨湯底一般但配左半個熟蛋，嗚門卷同海苔(唔知係咪叫海苔)好似日式麵食咁~~塊雞扒size ok，塊皮亦脆，照燒汁稍咸睇左其他食評，e度真係有個阿嬋態度麻麻(3次去都覺)，另一個唔知係咪事頭婆既對客既語氣就好似命令式咁問多一問都好似唔耐煩咁.....餐廳環境都算ok，我有時食食下會望住d燈~~毛球燈(自己改)幾得意

因為隔離一間食牛腩麵的茶餐廳執咗, 搞到要去呢間食早餐. 其實當佢新開張的某年聖誔都去過食佢的聖誔餐, 真係不敢再恭維. 隔咗咁多年忘記慘痛教訓諗住食個早餐無事掛. 點知再領嘢.一入到去個札馬尾身型稍胖的女人, 我企咗好耐都無彩我, 跟住索性自己搵位, 那個女人就好惡咁講 "你坐呢度!". 我當時都忍唔住講咗句 "乜呢態度咁惡劣架!". 跟住叫咗個餐蛋公仔麵, 無味, 啲餐肉係碎的. 以後一定唔會再去呢間嘢.

午飯時兩位美少女提議去這間雙魚亭食晏，去到時見門外有不少人包括不少學生在排隊候位，幸好有人先去取籌，所以等了不用十分鐘已可以入座，店門環境不錯但座位排得比較密，座位較迫了一些。 午市套餐共有六款，三款寫在枱面的餐牌，另外三款則貼在牆上，午餐價錢已包餐湯、餐包及泠熱飲品，優惠學生減收五蚊，難快引來不少學生捧埸。印尼香辣巴東牛肉我們大多數人都選了這款巴東牛肉(BEEF RENDANG)，我則選配白飯，巴東牛肉是有名的傅統印尼菜，道裹的是否正宗我唔肯定，但真的幾好味，牛肉燜得軟腍入味卻不失嚼勁，而且醬汁夠辣味，用作伴白飯簡直一流！ 笑麥鷄的巴東牛肉配薯菜，薯角又大條又香脆，看來也是唔錯的選擇。什菇野菜忌亷汁焗薯蓉嫩鷄柳寬意粉一位同事叫了這道焗飯，最後才上枱，應該是下單後才即焗的，雖然沒有試過，不過從香氣及賣相來判斷也是不俗的。果然係食物好食嘅食肆才有人甘心排隊等候，今日食完大家都很滿意，日後必定會翻叮！

Set dinner1) 千島汁香芒吞拿魚pizza ($58)包飲品1杯 & 餐湯一般喇！當然唔夠pizza hut等專門店好食......個餅低都o.k.嘅。2) 西班牙穫仔海鮮飯 ($80)包飲品1杯 & 餐湯 & 甜品 & 頭盤頭盤：香芒粟米沙律都O.K.嘅，份量算多西班牙穫仔海鮮飯： 啲飯太乾 & 硬，嘛嘛哋！啲海鮮都夠多嘅，有魚、魷魚、青口......甜品：蘋果批伴雪糕有少少驚喜唔錯！地方太窄，枱都好細張，整間餐廳感覺不夠整齊清潔

同朋友食晚飯，見有唔錯既食評就幫襯下，先講餐湯有白、紅兩湯任選，我選了紅湯羅宋湯，湯很淡碗內無咩料，餐飽轉了要蒜蓉包，蒜蓉包唔錯、夠香口，另餐配前菜菠蘿蟹肉沙律，一上枱已經覺得買相唔靚，點知試了一口，又好大陣臭腥味，又雪到d沙律好冰，好似雪左好耐咁，眼見一粒蟹肉都無，試了一口便無再食，係等上主菜其間，店內有位長髮女待應，拎碟剛焗好既意粉比個客時，我見個女待應差點隻碟"辣"到有位低頭飲緊湯既食客，到我地個三碟主菜黎時，又係該女待應招待，佢將個幾碟野放係我地面前"呯呯澎澎，雖然我唔要求你有高級餐廳既招呼，但都唔好大牌檔式招待啊，晚餐主菜叫左鰻魚蛋包飯，份量好少，味道唔太差，另叫了芝士焗海鮮飯及西班牙鍋仔焗飯，呢兩碟係全晚比較好食既，最後待應又無聲無色放低左甜品，但都無開口講係咩甜品，放低便轉身行開，想問句都無機會，個甜品食落係雞蛋味蛋糕入面有塊罐頭水蜜桃，不過唔知係咪焗得太耐好硬，用隻匙更都好難整開，食左一口就無再食，每個set都起碼要八十蚊以上，價錢以西餐黎講係合理，但以咁既食物質素真係唔值，如果想留得住客人，味道係其次，最緊要係以禮待客，真係無下次！

很開心媽媽星期四中午來和我吃午餐 於是選了就在學校附近的雙魚亭~之前一直都想試試 可惜每次都因為太多人等位而改道去了第2間~這天因為只有2個人 所以很快就有位 終於可以一試雙魚亭了~是天的餐很合我的口味(這裡天天的set都不同 )紅湯 , 白湯 - 2款都不是罐頭湯 湯的材料豐富 有不少在湯內~ 但紅湯淡了一點~餐包 - 烘過的暖暖餐包 雖然很是普通 不過脆脆的包面加上牛油 也不錯~ 芝士菠菜焗吞那魚新蝦意粉 - 香濃的焗芝士 一聞已經想吃~ 有3隻蝦左右 吞那魚是罐頭貨~ 蝦應該不是新蝦 但都算彈牙的~ 不過菠菜很碎很少 意粉又不太夠味~ 只有芝士味~芝士蛋漢堡扒配家鄉燴薯 - 雞蛋熟了一點 沒有蛋漿流出~ 漢堡扒算厚身 味道也不錯~不過沒有甚麼肉汁~ 配上一些燴雜菜+豆 和幾塊不是燴的煎薯仔 比前者的芝士意粉少了一份的飽滯感~ 份量也不會太過的多(雖然我想芝士多一點和扒厚一點''XDD)熱咖啡, 好立克 - 媽媽的咖啡比一般的茶記香滑 我也忍不了喝了幾口~好立克則是普通味上菜的時候 旁邊台的漢堡扒是配意粉 不是薯菜~

7-8-2008同個朋友去哩間野lunch，我地都order左個set lunch，>>>"香草cream銀雪魚配飯"果d汁哩....又酸又咸!怪到不得了!我食左2口已經食吾落!我同個侍應講，佢同老闆娘傾，之後回覆我話因為只係我吾o岩食，所以冇得換!而且仲話我d魚切過!我問佢"未切過你諗住俾其他人食呀?"現場仲有幾個人點哩個菜...好多人都話d味好怪!但就冇人出聲....

經常lunch都會跟同學一起去雙魚亭食,喜歡它每天都會有不同的餐無選擇而且非常抵食學生餐價錢由$25-30, 普通其他人就30多元左右套餐包括一個餐湯, 主菜和餐飲價錢大眾化。而且食物質素不錯, 很多時都會以芝士做汁, 口感豐富就連隨餐附送的餐包亦不錯, 熱烘烘, 脆卜卜如果堂食覺得要30多元不值的話,可以考慮選擇外賣套餐, 價錢約$22, 十分抵食

完全係錯一入去有啲唔知員工定咩既人座係度,我叫咗個肉眼扒餐,另外叫咗個唔係餐既肉眼扒叫咗兩杯嘢飲係凍奶茶同熱檸樂,一嚟杯嘢比咗凍檸樂我錯跟住個扒佢落枱時同我講西冷扒囉,咁我同佢講我叫肉眼扒喎,最攪笑個侍應同我講肉眼扒係大啲西冷扒係細啲,>O< 晒咀侍應走去問廚房我都冇理佢照食一食個汁錯晒==同我朋友對換咗唉....個廚房佬仲要出嚟望下我地喎咩意思先到最後食晒佢都冇話我聽我食既係咩扒頂....好彩個扒(淋)唔係我都唔食佢...最後同大家講當時得兩枱客都可以錯到咁仲一句sorry唔好意思都未聽過去!

係上水區黎講，呢間餐廳既食物的確係唔錯，但d侍應真係好唔掂，就連個經理都好差。有次我見到個女仕一個人邊食野，邊等朋友黎，都未食完，個經理就要佢調台，因為d位要俾等緊位既人，佢女仕話佢既朋友黎緊，但個經理唔埋，終於調左個二人俾佢後，佢四個朋友就到左，叫個經埋安排番d位俾佢地，經埋既答覆係"出去再排過隊啦"，言氣好差，勁唔掂﹗

很早的時侯已經常聽到我女朋友提起這家餐廳，因餐廳離傻瓜瓜公主的家很近，所以我倆如果不出遠行都會在這裡享受悠閒的一餐。雖然沒有論壇、雜誌大肆宣傳，但食物的水準的確不比那些『大名牌』差，製作亦很認真，還要是價值得宜。介紹幾款推介食品:早餐的扒餐。汁料調較得有水準，扒亦有肉汁，不是麻布一塊，份量岩岩好飽肚。香辣聖子雜椒炒意粉。實在是很香，hin汁味道的確有水準，意粉炒的火候岩岩好，聖子亦新鮮，不是太辣，令人胃口大增。強烈推介。豬扒包。之前吃的很香口味美，中間的扒造得很出色。可惜小公主說現在多了一些醬汁在包中間，影響了口感，但亦可以一試。另外炒飯亦算一個好選擇，師父的手藝有功架，不太油亦不太乾，唯獨味道可以鹹一點。總括來說絕對是一間很出色的隱世餐廳，很難得在屋苑的地鋪有這樣的水準。我和我的小公主強烈建議!!