雙魚座咖啡館

營業中

休息中

途經旺角快富街，被一間以白色為主調嘅餐廳吸引到。門前餐牌顯示食物種類多元化，有意大利麵，海南雞飯，酸菜魚，各類甜品，咖啡……。泰式無骨海南雞飯金黃色澤，皮下脂肪不多，肉質嫰滑，啖啖肉。秘製汁非常惹味，另雞肉味道多了一個層次。雞油飯粒粒分明，不油膩。鹹蛋黃單骨雞翼勁邪惡！即叫即做，熱辣辣！香脆香口。自家製巴斯克芝士蛋糕綿滑，芝味香濃，入口即化，最重要不甜膩。鮮奶咖啡咖啡質素也不錯，飲後餘韻還停留在口腔內。

平時喺旺角搭Van仔返屋企，等車個位都有啲靜。某一天經過突然間見到一間好法式的咖啡館，窗邊玻璃望入去有一種法式田園的感覺，雪白的座椅，打卡一流。睇睇 《雙魚座咖啡館 》餐牌一啲都唔貴， 中式西式fusion菜，加上店長熱情招呼決定入來一試。 泰式無骨海南雞飯 配 雞油飯泰式無骨海南雞飯 配是日湯、雞油飯 伴 秘製汁是日精選沙律跟餐免費每日新鮮製海南雞，配搭秘製醬汁，很有驚喜的香茅酸辣，原來係自家新鮮打汁的。泰式無骨海南雞唔止肉質彈滑，仲要鮮味豐厚，口感超彈牙，濃郁鮮味加上大大啖無骨嘅滿足感。雞油飯 伴 秘製汁一次過衝擊我們的味蕾。熱鮮奶咖啡熱鮮奶咖啡拉花漂亮，是店內超熱賣的款式。鮮奶咖啡滑溜，口感香濃綿密，讓人一試愛上。青醬煙三文魚扁意粉必點！煙三文魚夠香，質感良好，份量也不少，再加上扁意粉軟硬度適中，吸收青醬汁精華，好入味，掛汁一流，足夠兩個人吃，醫飽肚仔大滿足！是日精選餐湯一點也不馬虎，忌廉味道濃郁。金沙咸蛋王單骨雞翼滿滿的金沙咸蛋王包圍着單骨雞翼，堅好吃。一口咬下去雞翼Q彈鮮美，一點都不膩。Affogato 阿法奇朵當甜品一流，雪白清甜的雲呢拿雪糕，淋上熱辣辣的 double e

呢間Cafe轉咗餐牌，食物款式變得更多選擇，餐廳環境以白色及木系為主，感覺舒適「快富貴」酸菜魚送是日精選沙律🥗，有一塊煙三文魚加新鮮沙律。酸菜魚揀咗配寬粉，口感煙韌，湯底酸辣，酸菜魚塊都幾多，口感滑溜班尼迪蛋、三文魚配 牛角包窩夫及田園沙律呢個比想像中好味😋個牛角包窩夫整得非常出色，口感唔會太硬或太腍，配上班尼迪蛋➕煙三文魚食，十分美味可口金沙鹹蛋王單骨雞翼有8️⃣件單骨雞翼，每一口都充滿鹹蛋王香味鮮奶咖啡熱鮮奶咖啡有拉花，飲落咖啡味香濃紅棗、杞子、桂圓、雪耳燉鮮奶呢個熱嘅燉鮮奶幾好飲，牛奶香滑，又唔會太甜

係旺角鬧市中見到一間好有情調嘅CAFE店，環境幾靚鬧中取靜。這裡不僅擁有精緻的西式菜品，還有別具特色的亞洲風味料理。先食沙律🥗開開胃，每款套餐均奉送是日精選沙律☕鮮奶咖啡 咖啡豆全部都係人手即磨，味道香濃醇厚☕虹吸式咖啡：埃塞俄比亞 （草莓甜心 草莓、芒果、百香果、酒香）飲過幾次虹吸式咖啡，今次係第一次覺得好飲唔苦，酒香味濃，口感幽雅甘醇🍴蟲草花杞子 黃金雞湯 伴米粉 蟲草花份量亦十足，雞湯好濃，米粉吸飽了湯汁，口感十分滑順🍴青醬煙三文魚扁意粉青醬的香氣撲鼻而來，與煙三文魚相得益彰🍴金沙咸蛋王單骨雞翼（8件）單骨好方便食，鹹香濃郁的蛋黃包裹著嫩滑多汁的雞肉🍴自家製巴斯克芝士蛋糕濃郁的芝士，卻又不會感到膩滯，甜度恰到好處

📍 雙魚座咖啡館 -旺角 以星座打造嘅咖啡館～食物都會相當出神入化第一次喺coffee shop度，可以食到海南雞飯同酸菜魚🐟都係一個幾特別嘅餐廳，主打菜式🥢可以近距離欣賞細膩嘅拉花手藝拉花精緻，咖啡高質，咖啡師用心製作既樣子❣️✨泰式無骨海南雞飯（秘製汁）海南雞非常軟嫩不會有雞腥味雞肉爽滑厚肉，無骨啖啖肉自製醬汁吃起來有夠帶勁🐥雞油飯完美滲透至飯粒中，油飯甘香滋味🍚✨ 「快富貴」酸菜魚寬粉湯頭飲落去夠麻夠辣，麻唔會太搶，味道濃郁，唔算油膩🍲魚肉非常滑嫩，魚肉夠大塊，夾起嚟唔會散開，而且冇細骨，魚份量算非常之多，厚肉入口啖啖肉，而且夠入味，將酸菜魚湯嘅精華吸收咗👍寬冬粉，吸飽湯汁後的美味程度超絕🥢✨ 鮮奶咖啡拉花超靚❣️口感滑順，味道較Fruity入口鮮奶味道明顯，同時亦有咖啡香氣，飲落順口香濃☕️✨ 夢幻仙子（玫瑰愛玉、三色小芋圓、紅豆、芒果星鎖00果、黑糖寒天、荔枝、香甜脆片）最後已發光藍色甜品做最後終結。打卡一流📸

星期五7點半行入鋪唔爆場的，揀好野食諗住落單，但顯示餐廳離線未能線上下單，叫左女店員過嚟，好似一臉不悅咁叫我地用多一部電話試，試完都係唔得，先話可能 wifi問題，人手幫我地落單Menu 冇 set 叫，換言之只可以散叫，當以為升級套餐係會有得加錢有餐湯同飲品，但原來升級只可以揀1樣，我用優惠價揀左飲品就唔可以同時再揀餐湯，以價錢上唔抵，點解唔直接有個選項係餐湯+飲品？食物質素 ok, 但又稱不上出色，相約價錢喺旺角可以有其他選擇服務方面：女店員過嚟話就快收鋪，叫我地埋單先，但又唔講要去櫃檯，咁準備好信用卡，見女店員一直冇過嚟拎，到9點7就衝過嚟話收9點8, 先叫我地去櫃檯埋單，然後用一副阻佢收工既面口直接收左檯面請兩杯水，而我當時仲飲緊餐飲，其實等多1,2分鐘，等個客起身埋單先清理係咪會影響好大？當刻覺得勁冇禮貌。總結：唔會再幫襯，主要嚟自店員既態度

同朋友行到攰攰哋,見佢門面幾靚咁咪入去囉招呼好差,愛理不理咁!掃碼點餐又成日跳呢頁果頁好麻煩,問一句職員已經黑晒面,毫無招呼可言,好生意都話體諒佢太忙呀,全場加埋都無8個客,真係知道咁少生意原因點知最恐怖係啲嘢食又咸又難食,凍晒硬晒…杯咖啡直頭唔掂🤯當堂乜心情都無晒…😣仲要好貴又好意思零服務要加一,可能係黑面服務🌑我同朋友都話以後唔洗旨意再嚟,但凡有一樣做好都唔想留負評,唉講定比其他人知唔好幫襯呀!貼錢買難受

▶️在繁忙旺角難得的偷閒空間，坐在窗戶旁邊，觀察路人走過，有種很治愈的感覺▶️主打咖啡及西式餐點為主，種類頗豐，定價合理。 餐牌頭位是精品咖啡，但整間店没什咖啡氣息▶️點了牛角飽拼雪糕，擺盤有誠意，甜品有水準▶️有用餐時限▶️值得再光顧的店

在附近做完野，路經有間地舖餐廳，諗住幾個人隨便就入去食野啦， 去到門口見門關上，推開門攞位就比職員趕出門外等候，唔知係等佢執枱定做乜，過左陣仲未入得， 想推門再問下情況， 點知有個職員衝出嚟呼喝住， 門口等等啦。到有位入座， 職員就放張有QR code嘅單叫我地自己手機落單， 問两問又黑口黑面，唔多回應， 望落餐單唔算平，加一服務費就必然啦, 到食物嚟左，感覺一d都唔值呢個價嚟添，中伏。我地叫左小食併盤 ，意粉，黑松露薯條，芝士蛋糕 飲品 等等...食物續點到來， 我地邊傾邊食， 無留意嚟左幾多樣食物， 食食下突然有個職員問我地係咪嚟多左件蛋糕， 我地都即時比唔到反應，點知佢就眼啤啤咁Gip一聲拎走左其中一件， 咩態度呀 ， 佢自己做錯野喎。食物真係好一般， 但態度極惡劣， 價錢與食物質數及服務態度不相符， 如果呢個價錢可以食得更好， 一件蛋糕$60， 感覺將餅店蛋糕就咁放上碟啫，熱朱古力$45同我自己用即沖朱古力粉無咩分別 各種食物，飲品都好一般，今次嘅體驗係貼錢買難受。

响旺角shopping完，行得攰攰地，諗住搵間舒服啲嘅餐廳，雖然响垃圾站附近，但响出面望入去都好似幾乾淨。門口望啲餐牌價錢都唔算太平，諗住都試下啦，但原來得80分鐘用膳時間。但唔想再行去搵其他餐廳，就是但入去試一次。啲食物質數還算可以，無乜特別驚喜，但咁嘅價錢其實可以有好多好啲既選擇，CP值就比較低囉。飲品啲冰佔咗一半，幾十蚊就貴咗啲。服務態度就認真麻麻嘞，問多兩問就黑面，唔怪之得成晚得嗰幾枱客啦

呢個好新開既店～之前一直經過，但個佢整得好cafe ,外面見價錢牌都唔算平～所以一直冇去試😂直到最近佢推出左lunch set 後～價錢幾平。所以就去左試下食左佢個海南雞飯～顏值唔洗講～係好有質素，個茶都好飲，整體都好滿意～👍見佢仲有推下午茶。都好正～會再試

女友人今日約去旺角食晏，唔洗諗，去「雙魚座咖啡室」，朋友嚟過，推介我食海南雞餐，加配要杯latte ，完美嘅一餐。海南雞都不錯。南瓜湯好味｜環境好啱打卡。職員男男女女都好有禮貌，好喜歡。

第三次光顧雙魚座咖啡館，發現今次比之前多人。和上次一樣點了泰式無骨海南雞配雞油飯伴秘製汁。喜歡雞油飯夠香，秘製汁小辣惹味。如果雞的份量可以增多就好。點了熱latte，叫了店員減少咖啡☕️的份量，喜歡這奶和咖啡的比例。友人點了酸菜魚，我試了少少湯，辣度不會很高，頗惹味。甜品方面，窩夫🧇不夠脆，我覺得比較失望。不過，荔枝呠雪糕有驚喜，有意想不到的清香。P.S. 我覺得這cafe比較特別的是有海南雞和酸菜魚。

呢間咖啡店出嘅餐好靈活。以前覺得似日式西餐，宜家連酸菜魚、海南雞飯…都可以食到。雖然定位模糊，但食物味道都過得去嘅。今次食日式雞扒公仔麵，雞肉係煮嘅，無煎炒過，唔係我想像中雞肉會有少少脆口。肉份量算多，見價錢唔貴，仲有其他配料：菇和洋蔥…有誠意！不過公仔麵炒得濕咗啲，影響口感，有配料搭救都還好，整體來講味道都唔錯。仲有杯凍冷泡茶，唔洗加一。抵！環境舒服好坐，食物擺盤靚會再嚟

同friend喺旺角行到攰 路過呢間雙魚座 咁啱個friend係雙魚座就話不如入去試吓嗌咗杯咖啡同蛋糕 整體嚟講中規中矩咖啡豆味唔夠濃 但係拉花都唔錯打卡幾靚餐廳光線設計算溫馨 行到攰坐下可以考慮