雞功房 (禧利街)

營業中

休息中

本身好鍾意食雞，不過好食嘅又唔算好多上環食嘢都多選擇，有平有貴我就偏向食平民美食呢個頭抽醬油雞飯好似好吸引好濃味，好香頭抽味，雞又夠滑相比之下菜膽雲吞雞湯麵比較失色，好普通湯底好清比較淡味

Lunch Time 又來到附近覓食都係一樣咁多人🤣 見到呢間主打雞飯嘅專門店既雞肉好似好吸引🤤 本身見到啲醬油雞好大期望 而且價錢要午餐來講唔算平🤎 食完覺得比起一般燒味店無特別亮點 整體黎講CP值唔高不會再訪💰⭐️ 客家黃酒煮雞肉湯麵 🍜本身諗住冬天食個黃酒雞湯暖暖身🍂 雞湯既雞味唔濃比較似一般Chicken Stock 🍲睇落有唔少紅棗杞子雲耳🍓 但欠缺酒味同藥材味🥂 去骨雞肉白烚咁口味一般🍗以呢個價錢配料得荷包蛋響鈴同菜🍳完全不合格

同事熱情推介，所以有日得閒就黎試下啦！- 黃酒雞湯足料好飲，裡面有蟲草花飲完即刻暖笠笠- 白飯我對白飯既要求就係唔濕！哈哈。唔知係咪珍珠米，粒粒分明，將啲頭抽醬油倒入去撈飯一流，啲米吸晒啲醬油，平時唔敢食晒一碗米既我都食晒！- 主角：頭抽醬油雞份量幾多，目測可能有1/4隻雞，大食嘅男仔都夠飽。雞件好滑，醬油好入味，驚食雞皮既我都照樣食埋，因為真係好好味。總結：會再黎食，下次想試下配蝦頭油炒麵，如果有時間等下下午茶更抵食！午餐略嫌少少貴啦🥲

海南雞飯 配客家黃酒雞湯 ($75)(轉雞髀加$10)首先讚吓雞肉非常嫩滑唔乾身😋係比我想像中淡味少少雞油飯粒粒分明而且幾有𡁻口😙黃酒雞湯係成餐既精華飲落好補身嘅味道有啲似雞精但無雞精個種苦澀味飲完亦都唔會頸渴☺️

試過約7/8 間上環區海南雞飯餐廳，哩間都算係頭三難食。- 一打開外賣，無附上一般海南雞用醬汁，以為係佢嘅特色，睇返係俾漏。- 75 蚊一隻毛都未清乾淨嘅雞全翼搭5 舊雞胸，份量見人見智，我就唔會再食。見倒一堆雞毛都唔開胃。- 雞皮非常之肥同油，食兩舊已經滯。飯係日本米咬口幾好，但唔知點解要用咁多雞油嚟煮個飯，成口都係油。- 跟餐一個有當歸味嘅味精湯。哩個價錢咁嘅質素同服務，我買個燒味飯切雞轉髀/ 幫襯同區另一間出名又平啲嘅海南雞飯好過。唔怪之得等外賣時好似俾行過啲人笑，終於知點解。

之前同朋友explore咗呢間海南雞飯，勁好味又好抵食！6x嘅價格包一碟雞、飯仲有湯。雞勁嫩滑，食到停唔到口。米飯好彈牙，湯又煮得好好味😋上環地鐵站一出就到，好容易搵到！

食了招牌油雞，味過甜，皮厚肥，全冇🐔味，求其一間燒味鋪油雞都好過佢！D面唔知係咪綠得過火，好淋，成pat野咁，好油！八十幾一個餐，算罷啦，好又一餐唔好又一餐，自己覺得唔好食，人哋可能喜歡，真係冇所謂，但係，受氣先慘！等餐等了十分鐘，怕漯了單，唔想呆等，禮貌追一追，誰不知男侍應卻目露凶光，粗聲粗氣話，冇漯單，嚟緊，等等！等多三分鐘就即上，放低碗碟在枱面時卻很大力大聲！今時今日唉，雞食了兩舊，面食了兩啖，受氣也飽了！

喺上環做完嘢，差唔多8:00pm，行到落去淨係見到呢間嘢開咗，所以就入咗去食個快飯之後返屋企。嗌咗個海南雞飯套餐，印象中要$75.講真，唔係食過最好食嘅海南雞，但係係一個性價比嘅角度嚟睇，呢間嘢真係no.1.首先份量夠大，差啲食唔晒。加上佢啲醬汁都好食。但係最主要都係隻海南雞夠嫩，同埋唔會偷工減料比啲下欄嘢你。個湯我就覺得好似有啲藥材味但係我唔清楚，整體來講我都覺得好好飲。.唔記得咗叫佢轉白飯，但係就係因為咁樣我可以減肥休息，唔會話好油，真係值得推介。

唔三唔四時間到訪，所以醬油雞已經賣晒，要等到晚市先有🥲 一場嚟到，一於試吓海南雞飯。慣咗食無骨海南雞，要lur骨唔太慣😅，感覺d雞骨多過肉。油飯香而不膩，加自家菜莆，非常之好送飯。黃酒雞湯喜出望外，有酒香而冇酒澀味，可以再來一碗👍

有個同事好似中咗「雞功房魔咒」，成日都好想食菜膽雲吞雞新竹米粉。我個人就唔太中意喺外面點雞類食物，因為好怕餐廳處理得唔好而有陣雪味。今日同事又嚷著話想食，就一於陪下佢食啦。我地都一樣嗌左「菜膽雲吞雞髀新竹米粉」，外賣平台連運費後平均$111/份，都幾貴。報道指佢哋會用客家人傳統嘅方法煮雞，唔烚雞，會先將雞塗滿鹽醃味，吊起風乾再隔水蒸煮，最後用保鮮紙包住隻雞防止肉汁流失。果然，食落去係覺得幾Juicy。但可能係外賣既關係，硬係覺得唔夠熱既雞都係有陣雪藏味。另外餐廳既另一賣點係客家黃酒雞湯底，不過可能又係因為外賣緣故，送到黎唔夠熱，覺得無乜特別希望餐廳可以換d更保溫的包裝器皿啦

冇諗過食嗰雞飯會令我如此朝思暮想🤤食完第二日又想再食🥺不過夜晚好似淨係做私房菜😯————————————————————————🐕 客家黃酒雞湯（ 跟餐送）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯除咗湯麵餐外 都會送呢碗湯✨聽友人講黃酒雞湯麵會淡啲黃酒雞湯是招牌之一湯內的紅棗蜜味香甜酒香濃醇 暖胃非常不消多秒已咕嚕咕嚕地把湯喝清光————————————————————————🐕海南雞飯（$75）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯冇加$10轉雞脾海南雞油潤嫩滑不過如同勇記海南雞相比 勇記做到皮爽 肉質粉嫩 雞味濃同去骨呢間雖已不錯 但仍略輸一籌 而且啲雞連雞殻上碟 要自己啃骨就麻煩啲最令人驚喜喺嗰飯 好食過勇記珍珠米粒粒圓潤飽滿 沾滿雞油整個香得不得了 混上醬料更是惹味非常最愛它嘅質感 軟糯軟糯 正！想辣少少嘅 可以加埋辣菜莆🤤————————————————————————🐕 招牌頭抽醬油雞配蝦頭油撈麵（$87）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯聽聞醬油雞每日數量有限醬油雞上色不錯 誘人非常外皮甜甜的 帶些許玫瑰露的香氣不過肉身就未夠入味撈麵喺另一驚艷之作蝦頭油掛上

招牌頭抽醬油雞配蝦頭油撈麵及客家黃酒雞湯 $87這家主打豉油雞飯，有家的味道，雞滑肉嫩，豉香豐富，色澤紅亮，吃來有滋有味😋😋😋😋😋客家黃酒雞湯濃郁的雞味，黃酒、紅棗、龍眼肉，色香味俱全，真係想飲多幾碗👍👍👍👍👍👍

路經禧利街，「雞功房」右下寫住「招呼客家黃酒雞湯」抱住期待心情入去，侍應招呼上樓上坐，地方都幾大。睇完menu, 我哋分別叫咗個客家黃酒煮雞肉湯新竹米粉同菜膽雲吞雞黃酒湯米線。首先上枱呢個煲客家黃酒煮雞肉湯新竹米粉Err…個賣相同菜單真係相差甚遠啲煮雞望落瘦肉咁嘅款，睇落已經覺得鞋烚烚碗嘢入面有兩條菜，響鈴，有隻煎蛋同蟲草花喺面，新竹米粉份量都幾多個煮雞口感真係比較差，唔建議湯嗰方面，飲到有少少酒味，唔係好濃，似清湯而我呢個菜膽雲吞雞黃酒湯米線，等咗一段時間，不過店員有主動幫手催單，服務都ok 我碗米線賣相係ok嘅，雞食落都嫩滑，米線份量剛剛好。結論：CP值唔高，有其他平價啲嘅好選擇

本月二十四日首次光顧堂食覺得份量驚人，是以以外賣形式光顧第二次；更加為之一振。外賣的雞片數量只有四塊，遠不止堂食份量。第三次都是以外賣形式光顧，並岀於好奇與反映心態在電話下單時跟當時接電話的’ 廚房大佬’ 了解。他急著說標準是四塊，堂食那次絕對是多給了，更說若太多吃不了，可以跟侍應表達，問我是否想減少雞肉的份量。我表明是因其份量才光顧第二次，言語間卻沒有感覺到他對該誤導有任何歉意、改善，態度也令我感到不太舒服。其後，我到店舖拿取外賣，接待我的侍應於首次光顧時接觸過；覺得她對待客人禮貌，於是再向她了解。而後，坐在Cashier旁的 ’廚房大佬’ 緊接著重覆剛才電話裏的回覆，更用非常差的態度叫我不要再說，不然其他廚房同事會岀來表達不滿。奇怪的是作為客人，不被顧及，也沒有被安撫情緒之餘，反要照顧其公司職員的感受。我質疑若標準可以彈性，其它會影響客人的觀感的準則也隨之變得馬虎，例如食物質素和衛生等。對於新置不久的餐廳來說，此解決問題的方法和態度，顯然不是有心經營。本月二十四日首次光顧堂食覺得份量驚人，是以以外賣形式光顧第二次；更加為之一振。外賣的雞片數量只有四塊，遠不止堂食份量。第三次都是以外

我哋入去嗌咗個豉油雞撈麵同埋雞片湯麵，豉油雞唔夠入味同埋嗰個雞片湯麵，嗰個雞片嘅質地就好鞋，其實食物就真係一般。服務態度方面，店內有一男一女嘅侍應，首先嗰個男侍應講嘢超大聲，大聲到會嚇親啲食客，我覺得佢可以減低個聲量。第二重點就係嗰個女侍應，首先我哋嗰張枱冇餐具，我哋問佢請問有冇餐具，佢竟然答我隔離檯有，叫我地自己拎，我心諗我問得出你就畀啦。之後發生一段小插曲，隔離檯嘅男食客叫左個豉油雞飯，但等左好耐都未來，就好聲好氣問嗰個女侍應個飯幾時來，但係嗰個女侍應不但止冇追單，然之後仲要大大聲好晦氣同嗰個男士客講要啲時間㗎等多陣啦，態度非常悔氣及無禮，好似畀人嘅感覺佢係客人而唔係服務人嘅侍應。由一開始入到呢間餐廳嘅感覺係俾人一種無形嘅壓力，因為男侍應同埋女侍應嗰個態度真係算係有啲無禮，而且畀人一種壓迫感。其實一餐飯食物質素固然重要，但都在乎係食客與侍應之間嘅交流。如果嗰個侍應咁嘅服務態度呢，我相信會係有啲趕客，我相信其他客人都會感受到嘅。價錢方便豉油雞撈麵大約八十幾蚊一個，雞片湯湯麵大約七十幾蚊。咁嘅價錢嘅食物我覺得唔值，另外加埋服務質素，我覺得係收得偏貴。總結，服務態度超差，食物質素一般。