雞功房 (世瑛大廈) (已搬遷) 新店位置

20190806🌦️Monday 🌹好嘢唔怕再Encore 🥢12時前已經到了門口，一定要人齊先可入座，地方細細，座位不多，名字「雞功房」，嚟到一定要叫🐔之前第一次到，Ordered 佐（1）海南雞飯配客家黃酒雞湯，雞肉真係好滑，雞湯先上檯，雞湯藥材及酒香味，簡直撲鼻 👍今次第二次到，朋友Ordered 佐（2）頭抽醬油雞飯配客家黃酒雞，我朋友一路食一路話好食😋好食😋我朋友仲話好佐今早無食早餐😅上次老闆話同隻🐔影相都唔同我影📸我答應個老闆下次影👇今次補回拍照📸我會不斷Encore 😋😋😋

佢既晚市有幾款餐單。呢款係平價版既小菜晚飯夜。都食過好幾次了，不見佢啲小菜會轉下，所以都想打番篇。今晚食完最驚艷覺得係個糖水。桃膠份量好多，一定好養顏。腐竹煲到好綿加埋薏米既qq口感。第二樣想講個陳村粉。佢好似豬腸粉，不過企身好多，硬硬地又有豉汁，個人勁鍾意，忍唔住食左好幾舊。手打蝦餅又係好正，個蝦膠打得好彈牙。炸粉簿簿地，唔會勁油。其餘既菜式都好好食。醬油雞，蟹泡飯，黃酒雞湯菜苗基本上係好多次既menu都有包，不過好味既野係應該次次都食！

今日全家人去食雞公房，全家食到舔舔脷麻油海蜇青瓜，海蜇非常爽口花雕醉雞盤，推介豬手，皮超爽，啖啖骨膠原，雞翼好入味鬼馬油炸鬼的蝦膠好彈牙，油炸鬼好脆客家黃酒清雞湯，好飲到無得頂，好香藥材味，感覺好保身，完全不肥膩紅糟棉花鮮雞，棉花好多、好入味，雞肉好嫩滑雙菇扒菜苗，選用非常新鮮的小棠菜梅菜扣腩肉配陳村粉，竟然唔覺腩肉太油，其實好甘香手拆蟹肉泡飯，肉湯非常鮮味雪耳燉桃膠，非常清甜，有好多龍眼肉，好潤基本上個套餐食到一半已經好飽，但蘇師傅廚藝確實精湛，零味精，就算飽都好想食晒

有一陣子無過黎，午餐質素依然好高，人流亦依然好多。十二點放飯要即刻衝過黎先食到。到既時候都已經八九成滿。餐牌選擇以雞同蟹為主。豉油雞係好受歡迎，如果遲少少到會賣哂的。我聽到附近好多失望既聲音😂😂😂。再一次到訪當然係要食番我既最愛-客家黃酒雞湯麵。佢有麵同米粉揀，我就要左麵。一如以往，佢既湯係最驚艷。黃酒雞湯好濃郁，入面又有元肉紅棗，飲完會feel到個人暖暖地，好適合手腳冰冷既女仔。我好少響餐廳會飲食麵既湯，不過呢個湯又有益又好味，我係將成碗飲哂。佢既配料都好足。雞功房唔洗講都知啲雞好滑。好特別地佢個麵會配一舊桃膠的，幾有趣。唯一挑剔係略嫌個麵太腍身，小妹偏好Q彈啲既麵質。順便一提，之前試過佢既晚市都幾好食。有興趣記得要book位，因為店鋪都幾細，先book先得。

今日lunch一邊睇openrice一邊諗食咩、因大家都知上環有質素嘅餐廳少之又少、一路browse就睇到雞功房！ 其實間野講咗話去試去食都大半年、一直都好想去但又唔記得咗、終於的起心肝去！我地一行三人1點到、都好多人下、等位等咗三個字、有位坐低已經係1點十五分、等位時間還可以喲～我地不約而同都叫了雞酒湯米、真係好好味、新竹米粉都吸收哂個湯、雞片好滑！ 好正！食lunch佢再送你一個chocolate flavour 嘅甜品、一般唔難食！ 我諗我會再來👍🏻

超級勁好味！推介，推介。每次一定叫A1： 海南雞飯配客家黃酒雞湯！ 個湯係超級超級好味， 啲雞好滑， 一啲都唔嚡！ 飲完個湯成身都會熱辣辣，暖笠笠！！ 下次要試下頭抽醬油雞 ，呢個每次去到都冇曬！一定要打電話留。好快冇曬！ 相信一定超好味。 炸魚皮 即叫即炸，正！！ 等位就耐啲，地方細。不過好有heart 誠意製作！！！ 送嘅甜品就麻麻地啦，每次都冇要。有機會想試下佢夜晚嘅私房菜，D菜單都好吸引。 不過就要四位起。。希望可以夾多啲人一齊去。

有朋友推薦我去位於上環永樂街既雞功房因為朋友千叮萬囑要早 d 位拎位因此舖頭 11 點開門時我已經打電話過去話想 book 位點知原來店舖不設訂座唔緊要我同朋友12點6分已經去到舖頭諗住拎位先點知有位朋友未到因此未人齊唔俾入最好唯有拎定飛先睇下個 menu 有咩食先順帶一提夜市只做私房菜但價錢同菜單性價比就見仁見智朋友一到火速同伙計講好讓安排入座今日叫左個海南雞飯配客雞黃酒雞湯雞湯好暖胃補身海南雞飯既油飯好好食而隻雞就有 d 肥比較多膏食完仲送左個阿華田布丁可以 encore

上環永樂街有一間樓上舖，她的『招牌客家黃酒雞湯』非常出名，每天中午都有很多人迫爆小店，來過幾次都因人龍太長而卻步，所以今天特意早些來，趁食店剛開舖即入內找個位置坐下。店內裝修平實，沒有華麗的裝潢，座位不多，靠的是實力吧！餐牌很簡單，大約只有十多款飯麵的選擇。『客家黃酒雞湯配新竹米粉』有多塊去骨雞肉，雞肉嫩滑唔嚡，溏心嘅土雞蛋，軟滑蛋味香濃。還有很多桃膠、圓肉、杞子、紅棗和雲耳等配菜，補血養顏，非常足料，米粉幼滑，份量多，大大碗，湯底是黃酒雞湯，上桌時已嗅到濃濃的酒香，呷幾啖感覺很暖胃，因酒精已揮發，而且湯面無肥油，喝整碗都不怕喝醉，值得一試。而且飯後還有甜品贈送，味道有點似阿華田的布丁，幾特別。

平時食晏食黎食去都個幾間，特登同同事搵下新餐廳，呢間主打黃酒雞好少有，即刻一試！當日12點半左右，但已經好多人排隊，可見呢間應該唔錯我地叫左招牌海南雞飯，因為好想純似黃酒雞湯；同事佢地叫左客家雞酒湯麵。海南雞飯既份量好多，而且雞超滑，配上佢既黃酒雞湯，濃濃既中藥味，超級正，唯一失色小小係佢既點雞既醬汁比較普通同事既雞酒湯麵都好足料，有紅朿又有土雞蛋，我地笑話岩生完仔既女人日日黎食！另外見到好多人叫醬油雞，老闆話每日整2-3隻賣晒就無，見到好似好入味，不過我地想叫都無，下次真係要試下！整體黎講，我會話呢間真係隱世小店！

今日同同事遲食飯咁就搵間近啲嘅嚟食咁聽朋友介紹呢間嘅雞飯係好好味嘅一行四人全部都係做a餐呢個雞飯首先咁就嚟咗碗黃酒雞湯啦 呢碗湯好嘢未 因為我哋飲咗之後先知其實係有份用黃酒來煮 好值得一試 好快就飲曬成日會個湯真係好好味然之後就嚟咗碗招牌菜嘅黃酒雞飯 一開頭我滿心歡喜有雞髀食點知原來個雞髀只得隻雞腳然後佢再夾埋雞胸嘅部分咁我屋企嘅瘦瘦地 但佢個醬汁真係唔錯一個蠔油 一個係個雞醬 咁記得食雞嘅時候點呀雞脾食啦先夠野味嘅最後佢送咗個糖食嘅甜品係朱古力味定係阿華田味真係答你唔到但我錫一啖之後就冇食啦咁留返個空間畀大家自己諗

呢間出名食雞，今日終於可以一試。MENU其實唔係多選擇，但淨係雞既午餐已經有好幾個，仲要個個睇落都好好味。第一次黎試下個海南雞飯先啦，反正都有客家黃酒雞湯，試到兩樣想食既菜式。可惜雞脾要加錢，即係無加錢唔洗只以咁啱有一兩舊。等緊飯黎時再望下個MENU，原來除左雞，呢度都推介蟹肉。好快黎左個湯先，聞落已經好香，飲落去仲好重酒同雞味，好暖胃啊，冬天飲應該更加正﹗海南雞飯接住黎，正常海南雞飯既醬同油飯都齊晒。雞件都多，都係個句，可惜無雞脾。雖然係雞胸同雞翼，但都唔會好鞋，而且有雞味。最後送埋個布丁甜品，顏色唔討好，食落去個味道怪怪地，好似溝浠左既朱古力飲品。嗯，好彩大家黎呢度都係為左食飯雞。

上次同同事一行五人 差唔多十二點半嚟到 已經係太多人等唔到食晏 今日有備而嚟大概12點05分到 我哋三個人攞咗7號籌 十二點半成功入座 一去到嘅時候已經望到廚房個counter上面有兩隻豉油雞 脹卜卜 本小姐已經心心眼咁望住 望一望餐牌原來係頭抽豉油雞 喺度同同事研究緊 會唔會有可能食到雞肶呢 唔好意思原來要加十蚊先有雞髀同行嘅男同事話我碟豉油雞大碟啲 問我係咪真係食得曬 即係示意我同佢交換 本小姐又係真係細食少少嘅 最終佢得逞豉油雞 嘅精髓當然係塊皮到啦 超入味 好正 分別有雞胸肉同埋雞翼 肉質好林 雞翼位好好味 仲有想讚下佢啲飯 佢係用啲肥嘟嘟嘅珍珠米 有啲煙韌嘅感覺 同個豉油雞都好match跟餐仲有一個客家 糯米酒雞湯 好濃味 冬天飲應該會好暖胃坐嘅位置就逼逼澀澀 原因都係一間小店 務求你食飽就即刻走整體嚟講啲嘢食質素都係高嘅 就唔可以要求坐得舒服 為咗隻豉油雞 本小姐係會回來的

終於在朋友努力地排隊下我們第一次步入這個超級熱門的雞店。進門看到厨房放著閃亮亮的匙油雞。專門問了可否單點雞，可惜一定要配飯，所以我們還是只點了開飯大推的黃酒雞新竹米綫。另外加配了鷄湯蔬菜以及鮮炸手打蝦餅。米綫很快就到了，裏面躺著一個鷄蛋，大概10塊雞，木耳，紅棗以及青菜和米綫。立刻毫不猶豫地喝一口馳名的黃酒雞湯，甜而帶點酒香，味道很濃鬱，滿足。然後米綫也是透明的米綫，雞入味鮮嫩，竟然不’鞋’。而蝦餅兩塊很結實，配著酸辣醬上來很開胃。總體而言感覺超級適合冬天補身子吃，下次若有機會還會來試試別的菜式。看到門口還有私房菜的菜單，每人270一位有10個菜，不知道晚餐是否也值得嘗試。美中不足的是我們吃完都略有點口渴，估計裏面無法避免的有點味精吧。

7月要搞一個飯局，有朋友介紹這間私房菜，所以先約了朋友去試一試。真心講，未去前不抱太大期望。雖不知，由前菜--菜甫已有驚喜 (忍不住買了一瓶回家)。之後由第一道菜至甜品都只有一個字--「讚」。在這只提幾味菜式: 鮮蟹肉菠菜忌廉湯--蟹味濃，但滲著淡淡的菠菜香，買相似泡沫咖啡，待涼些後可以拿起杯來喝。原隻蟹泡飯--真的原隻大肉蟹，鮮甜味美，而飯方面，據大厨說是先用蟹湯浸泡煮成，所以味道濃郁。超爽炒麵--真如名稱「超爽」。當晚因大厨有朋友到來 (他有特別要求)，所以加送了我們一道「新加坡式奄仔蟹炒米粉」--米粉炒得非常乾身，而且碟底看不見汁或油。最後，舖名叫「雞功房」，所以不得不說雞，怕太飽，只食了兩件: 翼及胸，翼--皮滑肉嫩，而胸肉沒有「鞋」的感覺，不愧為招牌菜。臨走前要訂下一餐，可惜那天沒有位。

有一排冇嚟，好似多咗好多選擇，又伊麵，又烏冬，仲多咗好多小食，蟹鉗...etc.但係都係好專一咁揀食雞飯！我同同事兩個都食頭抽醬油雞，我仲要加$10.00轉雞脾，都係照舊下次先減肥啦！不過有D失望，感覺同以前唔同咗，雞冇乜雞味，又鞋口，我哋兩個都有同感，冇咗頭幾次好食到想攬住老細𡃶啖嘅感覺。呢個醉雞翼同黑木耳都 hea，得酒嘅苦澀味，完全冇酒香。好彩碗湯保持水準，係好飲嘅，濃烈嘅胡椒味，又足料今非昔比，希望會有改善，會比多次機會，如果唔係又少間正嘢食！