雞煲王

營業中

休息中

中午嚟雞煲王，試吓醉雞米線，餐廳入面有八成人都係食醉雞米線，其餘係食蒸魚飯。午餐$55每日都有唔同餐單，凍飲+$5，熱飲+$3，霸王雞就一早賣晒，好受歡迎。今日試咗醉雞米線，米線用鍋上，有魚片頭、🥜花生、蔥花同娃娃菜，魚片頭都幾彈牙～🥃🐓醉雞係新鮮雞，質地結實嫩滑，清楚睇到皮肉中間嘅啫喱狀，雞件🐓有淡淡酒香，唔會太濃太苦，入口順滑，好食！😋午餐價錢$60，都好抵食～^_^醉雞，冇得加錢要求要雞髀，都係睇師傅隨機安排部位。雖然係午市時間，但姐姐好好人，唔會趕人走，食完都叫你慢慢坐下先，唔洗急住走。

今日Lunch唔知食咩好，經過呢間雞煲王，見咁岩門口又泊得車就即管入去試下，樓面姐姐好熱情招呼，介紹佢地個醉雞米，個個食過都贊喎，心諗有冇咁犀利，就聽佢講試下。😅食物一到，🤔係咪黎錯呢，佢鍋米粉有幾舊魚片頭喎，我叫醉雞米點解黎左雙併嘅，一問之下，原來呢個小鍋醉雞米原來咁有驚喜。鍋米入面係有3舊魚片頭，一棵娃娃菜，底下仲有芽菜嫁😍，另外，醉雞係用個碗仔分開上的，即時覺得呢餐好豐富😂，叫埋佢杯凍檸茶，嘩，好大杯嫁，大杯到居然係飲唔哂，茶味都算濃，的確係我杯茶👍🏻，埋單$65，有咁嘅質素去邊到搵呀。支持小店，一定會再返黎食

星期日 2點左右去到，唔洗等位🤩雞煲王 晚市做返雞煲，得午市先有砂鍋雞品食想試既人要留意下😉😉砂鍋雲吞雞(米粉) $55 推薦🔥🔥🔥滿滿🥰雲吞有2粒 普通豬肉雲吞雞件都幾多，啖啖肉👍🏻👍🏻👍🏻湯係超好飲！無味精🤩🤩🤩金湯酸菜魚(米粉) $55😋😋😋 必食推薦金湯唔算係好辣，易入口，好飲😋豆卜4粒，都幾大粒，索湯😋超正魚片都多！冇骨！🤩🤩米粉分量都多手打檸檬茶 跟餐+$10見到個師傅好用力咁打d檸檬🫢🤣檸檬味幾香！好飲！ 推薦🔥總結：有下次！真心正！唔算貴！

今日去左雞煲王食米線，竹笙花膠雞米線，加多柸百香果多多。（不過唔記得咗影柸飲品）😝 送上枱先要試淡湯，好濃⋯ 再食舊花膠，佢係花膠筒而唔係雪魚膠，再食舊雞，冇雪味，雞又滑，會再幫襯⋯ 比想像中好味😋

晚餐係雞煲，中午賣雞湯米線。叫左招牌花膠雞湯米粉及砂窩雲吞雞米線，差唔多有半隻雞，雞湯濃味但食完唔口渴。叫左兩杯特飲，菠蘿手打檸檬茶，係新鮮菠蘿。老公叫左百香果多多，甜度適中。環境乾淨舒服。

雞煲真係好好味！又不會太鹹！份量十足食過一定會返轉頭！食材新鮮 涼拌皮蛋涼拌黃瓜好清爽 一定要試一下一點都無油膩醬料特別等位又無會太耐員工熱情又禮貌 老闆娘都幾風趣幽默 好好傾

比一般雞煲辣分為：BB辣/小辣/中辣/大辣如果唔太食得辣的，只可以叫BB辣。雞煲分量足，3個人都夠食，味道很好，不會太咸，之後可以點火鍋材料。火鍋材料新鮮，味道好，分量不太多。

老闆娘好好人，佢地做熟客多，見我生面口，問我邊個介紹haha我話，我係前兩日行過見到坐滿人又好鬼香，好惹味咁所以黎試下佢知我第一次黎請我地食小食個掠拌撈得好好味😍😍😍（太好食，食到一半先記得影相）我地兩個人食唔到咁多野老闆娘好有心推薦我地叫啲咩同埋比我地雙拼唔洗浪費又試到多啲野叫左胡椒豬肚雞，飲完湯再食啲雞幾嫩，個湯唔會太咸，但好夠香！個豬肚夠林，可以即刻食😍最好食係個雪花肥牛，好香牛味！同埋唔會切到好薄，好有質感！一定會再幫趁！

在元朗的一隅，我又發現了一家雞煲，聽聞開了很多年，熟客比較多，像我這種生客則比較少，老闆娘非常熱情，介紹了幾款食品給我們我們選擇都是雞煲名物，小辣雞煲，安格斯，西洋菜，自制水餃小辣雞煲＄２３８雞件偏大，件件都滑嫰無比，看見他們用瓦煲去焗，所以雞件不會過老，口感軟稔味道不會重咸，少見的雞煲不會太重口味涼拌青瓜＋皮蛋＄４５＋４５份量有夠多，青瓜爽口多水份，皮蛋溏心，而且辣椒加蒜的辛香味非常好吃，再加點下面的醋非常開胃安格斯＄２１８厚切！安格斯的油花均衡，厚切的程度有普通肥牛一比三的比例，脂香濃，煮久了點也非常有牛肉香，而且尺寸不一，相信是即切的吧？自制水餃＄６０皮的厚度適中，口感非常爽脆帶不少雲耳，而且件頭不小，八件吃完都有點飽了，不俗西洋菜＄３２有夠多的西洋菜非常爽口，水份充足而且很吸味，跟雞煲湯很配~

中午叫左個3杯雞餐，佢個湯冇咩野只係冇落鹽，杯凍檸茶冇茶味仲要唔甜，最大問題黎啦，我叫雞餐咁當然係食雞啦，成碟得2件仔係肉，其他嘅係一對雞爪，雞翼尖同雞頸呢個餐收54蚊，我唔會再食個環境就一般，係多野飛黎飛去服務都算唔錯，幾有禮貌同熱心如果佢張夜晚唔要嘅野唔整午餐比人食會好d,成碟都係唔太食得，仲以為係比狗食如果要食佢d野，我唔推介呢個3杯雞套餐我諗食碟頭飯可能會正常少少，唔信大家可以試試祝佢好運

呢間鋪頭叫雞煲王，但我反而鍾意食呢間啲豬骨煲哈哈。。呢個胡椒豬骨煲入邊非常足料，有成四條大大件嘅豬骨，亦都有好多唔同種類嘅配料，我記得有冬菇、蘿蔔同粟米。值得一題係個湯底，每次上煲後，員工都會提醒可以先飲下個湯，個湯好正，好重胡椒香味，我每次都飲幾碗，但唔食得辣嘅人要小心呀哈哈。重點係啲豬骨，員工會好細心提供埋飲筒俾我地啜舊豬骨，再配埋辣椒豉油，簡直係完美啊。我哋仲會叫其他餸，例如即日包嘅手工水餃同雲吞，都好新鮮架。

本人自問對食都好隨便,但好食會講,難食就最多冇下次,但呢間就一定有下次,自問雞煲都食過好多間,來來,一品,長城,筲箕灣的,如果話係水煮....又未至於,倒不如話間間都各有特色,但呢間個味道真係咁多間都不及,的獨特GA香味,其餘個幾間,其實有兩間係偏咸左少少,食唔出個雞味,唔知係唔係用來遮左D雪味喇?另外兩間仲似水煮(水浸),食件雞就冇咩味上到,雞本身都唔新鮮,但呢間真係好明顯雞滑,入味之餘,仲食得出食材本身既味道,而且份量好似比其他鋪多DD,食完個煲好滿足,好奇妙.食完個雞煲,加湯做火鍋,先明白,上雞煲時,老闆娘叫伙記起煲時動作,原來係令D醬料唔黐底,打邊爐時冇咁易爖底.到火鍋料,脆骨腩非常脆(新鮮),原來老闆娘會自己包水餃同餛飩,就點左來食,明顯係即日新鮮包,唔係包定雪幾日個D,大大粒,足料,完全唔同其他鋪頭,西洋菜,超甜栗米,正~~仲點左個炸支竹同,皮蛋同青瓜,等水滾時食都好正,炸支竹係新鮮炸,就咁食都好好食,所以好快食哂影唔到,最後點埋個午餐肉,識食既都知打邊爐食佢係幾咁邪惡既事.

早前朋友帶我去元朗食雞煲~心想雞煲我食過好多~自己整都唔差過鋪頭呀～但這間係馬田唔起眼既鋪頭個胡椒雞煲真係正~老板娘係一個好熱誠既人~佢話胡椒一定要用雲南最好~當然因成本雞就係冰鮮但都每日新鮮運到……雞煲出來一定要先飲個胡椒湯飲夠再加過湯又可要求加胡椒~個胡椒湯好正連飲三碗再食雞豬肚最好煲15分鐘至食~我加左一隻雞同手切肥牛好新鮮好滑好食脆肉鯇魚好爽脆~個辣雞煲都好食但記得唔好大火攪到焦左就唔好~食完我愛上左帶家人，朋友食左幾次都大滿足讚好食……!

突然想食番元朗某川菜館，於是當日中午長洲食完海鮮後就快船轉 968 入元朗。失望的是去開的那間元朗川菜餐廳無位，唯有轉戰其他。奈何週六晚上元朗食肆大多旺場，但起臭渠較靜既另一岸邊，見到一間尚有大量空位，環境乾淨企理的世外桃園 - 雞煲王。由於怕夜無 268C (11 點半)，於是抱住試既心態，唔考究佢無人幫襯既原因，入左去！金玉其外，敗絮其中餐廳內燈火光猛，白色光管配白色牆磚，但不見得餐廳有任何污漬，可見員工有花心機心思保養。自問食雞煲都唔少，連鎖既至尊、荃灣一品、灣仔等等都有，但最愛始終都係筲箕灣 (搬左的那間)。$198 點了麻辣雞煲，員工還會問客人需否加麻 從環境以至員工態度，令我對此餐廳充滿期待。等了十多分鐘，雞煲到！最期待既畫面出現了，員工一打開蓋…究竟我點了雞煲還是水煮雞？疑似事頭的竟然跟我說︰「雞煲係咁，你未食過雞煲咩？」雞還雞，汁還汁…恕我見識少，唔識分水煮雞同雞煲既分別。雞肉嫩滑，但完全唔入味！侍應經常幫客人清理碟上的骨，service 係唔錯。個水煮雞就係惡夢！

收工落大雨，2條友是旦搵啲嘢食，去到雞煲王門口咁岩有位停，所以就去試試。奇味雞煲中辣-味道夠濃（個人覺得有點偏鹹）辣度下次會揀大辣，因為比較鐘意辣。$198份量十足，雞肉嫩滑彈牙。 粉腸-原來可以落單時一起加雞炒，現在分開來叫，變相煮得不夠林身。西洋菜-季節到好難唔好食豆卜，如果剪開會更佳，現在是我們自己用筷子叉開，等佢索味炸枝竹，這個好驚喜，係一片片果隻樣，上枱可以即食，完全無油膩感，脆口之餘，有少少甜。放湯就略嫌太大片，不好控制。鐘意脆口感覺多過浸林最後是紅薯粉，其實已經飽到食唔落，不過照樣煮熟帶回家用來做明天的午餐吧！不要隨便浪費食物喔