雪山冰廳

營業中

休息中

終於感受到涼涼嘅秋意 代表又係食羊腩煲嘅時候😍 之前去過雪山冰廳長沙灣店已經覺得唔錯 今次就去到佢深水埗分店迷你秘製雙冬羊腩煲 份量一啲都唔迷你🐑 好多舊鮮嫩羊肉 無羊羶味 配搭羊腩煲必備冬菇 枝竹 生菜 腐乳 食完即刻暖粒粒😚天氣凍繼續食啲煲仔菜 拿手生啫滑雞煲 雞件嫩滑 仲有索滿醬汁紅椒 菇菇 送飯一流 🍚 蜜椒野菌薯角牛仔骨煲 牛仔骨啖啖肉 薯角外脆內軟沾滿蜜糖好甜好好味 加上紅椒青椒 均衡營養🫑+$15 就可享有是日滋補靚湯 蟲草花瘦肉湯可以增強免疫力同抗氧化 真材實料 飲完一啲都唔口渴🥣最後去到冰室點都要飲番杯紅豆冰 呢度就有茶走紅豆冰 港式茶走同香甜紅豆 口感豐富有層次🫘

下午茶時段黎左食野將出名既都叫左～.炸雞脾配紅豆冰 $45炸雞髀個形狀雖然唔係好靚仔😂但係食落唔會乾 味道都可以避風塘味就係上面個堆..入面既肉唔關事😂.Burger隻雞蛋係有流心既～🥴🥴漢堡嘅牛味唔係好重～係比較鬆散嘅口感～味道都算👌🏽.仲叫左個避風塘豬扒炒飯 $72炒飯有一小部份係黏住冇炒開🫥其他黎講都係做到粒粒分明，炒得乾身👌🏽頭幾啖都覺得幾好食～食食吓就開始有啲鹹啦😅😅😅..飲品要咗紅豆冰同埋樽仔奶茶樽仔奶茶比普通杯濃啲因為冇咗啲冰溶嘅影響

Indonesian fried rice 印尼炒飯 🍛 $70呢一個大大碟嘅印尼炒飯真係好吸引，扁頭有脆卜卜嘅印尼蝦片、熱辣辣嘅燒雞髀🍗同埋時間控制得啱啱好嘅半熟流心雞蛋🍳，炒飯用咗滑嫩嘅雞肉粒、臘腸片、紅燒、青椒🫑等配料，係個飽肚又好食🤤嘅main course Premium chuck in satay hotpot 特級牛肩胛香濃沙嗲鍋 🥘 $118依家好受歡迎嘅牛肉沙嗲鍋賣相已經唔錯✨，少少辣嘅湯底充滿濃郁沙嗲香🌶️，超級惹味，set 裏面有健康嘅雜菜🥬、雜菇🍄‍🟫、味道濃郁口感又唔會太煙靭嘅牛肩胛🥩、蟹棒、吸引嘅獅子狗同埋雙丸，連埋白飯一齊食，飽肚又暖胃，值得推介👍🏻

深水埗多美食，大家眾所週知。在嘉頓山下的嘉頓公司附近有一家平民冰廳，價廉物美，環境也不錯，食物也吸引.🐷 椒鹽豬扒飯豬扒外脆鎖住內裏肉汁，另外辣椒絲、蛋花、醬油炒飯底有驚喜.🥘 咖喱牛腩飯咖喱牛腩肉味香濃，牛筋軟糯，加上薯仔跟微微香料陪襯，送飯一流.🥪 棒子醬西多士切開多士流出滿滿榛子醬，牛油加上糖漿配搭不油膩.一頓飯也不會很貴，不想吃主食太多的話，他們的小食也可以選擇，榛子醬西多士是一個不錯的選擇，不只在下午茶提供，晚上也可以吃

今日收工去咗深水埗做gym，用咗咁多體力，破戒食返啲肥仔嘢補充返呢間雪山冰廳由1956年已經喺香港，都屬於其中一間老字號茶記。呢度招牌茶實屬佢哋嘅始祖椒鹽豬扒飯，呢個飯係一定要叫，首先佢個炒飯係炒底，啲飯炒到粒粒分明，唔會痴埋一舊，好乾身，而炒飯入面好惹味同辣辣地，有辣椒有蒜頭再加埋老抽炒，色香味俱全，而椒鹽豬扒煎得好香，啖啖肉，又脆又香口其實佢仲有好多唔同款式嘅傳統特色茶記美食，下次再嚟可以試吓其他菜式。

中午食飯明白人多嘅，咁你至少可以話俾我哋聽大概幾耐會有位，啲侍應比啲一個二個人嘅位置，叫我哋等咗10分鐘都未有位，突然間就同我哋講話安排唔到三人位，你安排唔到最好早少少講啦，出咗名，但係啲侍應咁差，遲早冇人食啦

關注左好耐裡間店鋪，諗住幾時去食一餐，今日就入咗去點咗傳統乾炒牛河 ，68蚊一份。有小小失望。因為份量少，味道鹹，仲特別油。唔值68蚊呢個價錢。真係去一次就夠啦。失望

一周來了三次😄常餐🍜炒飯🔥漢堡🍔奶茶都好好吃啊！🍚椒鹽豬扒飯一定要吃！我宣佈這是我在香港吃過蕞好吃的炒飯！！！太太太入味了，米飯混合醬汁和蔬菜，豬扒又香又脆又多汁，和炒飯一起爆炒🔥光看顏色就好誘人 🍔芝士煎🍳牛肉漢堡包招牌流心漢堡，麵包皮上撒了好多芝麻，牛肉煎至7分熟蓋上厚厚芝士，趁熱融化的芝士和流心蛋一大口下去，又香又爆汁，簡直太美妙了！🦞叻沙套餐好愛這一份，laksa➕滑蛋吐司的組合，料實在太足了！自制湯汁，奶香奶香的狠濃郁，蝦魚片好鮮美，特意選了兩種面混合，多層次的口感，創意滿滿👍 還有一盤滑蛋吐司，加了櫻花蝦的滑蛋，這吃飯還是頭一回，又香又脆！一份只要60r+不得不說這性價比簡直了😍🥤招牌樽仔奶茶每次來必點的招牌奶茶，地道港味，茶香濃郁，每次喝完不夠還會帶幾瓶樽裝的拿回家，美味下午茶😋

茶餐廳開了六七十年過，就在我家附近，超愛吃他們的早餐和下午茶餐，以及超濃的奶茶！推薦：🌟避風塘生炸雞腿一整只大雞腿，就刀就可以輕輕劃開外脆肉嫩，真的有驚喜！🌟招牌花生醬西多士🌟冰火菠蘿油🌟海鮮參參📍雪山冰廳深水埗青山道62D號店鋪

雪山廳一直都有光顧，在深水埗也是一間屹立多年的老字號冰室，身邊很多同事朋友有時都會專登過來吃椒鹽豬扒飯。之前在餐廳堂食也是持續保持水準，也叫過外賣同樣不錯。但這次外賣，光看食物賣相，就能想像到入口的難吃程度。首先椒鹽豬扒飯，豬扒的數量已減半，而炒飯底就完全沒有色水和鑊氣，味道大不如前。但是更令我大為震驚的是，這個”香葉肉碎煎蛋飯” 附上的圖片可看見，全是豆角沒有多少肉碎，以我認知的肉碎飯，最基本應該是乾身而不是浸滿芡汁，而整個份量也是少得可憐。真心x100%難吃，當下心情灰到盡頭，再望一望價錢70幾蚊，真心想講粗口，隨便煮個公仔麵都好食過它。奉勸餐廳專注於中式菜吧，東南亞菜真的吃到人一言難盡。。。

《雪山冰室食評分享 》 by@ihungry.hk嚟香港🇭🇰，當然要去食茶餐廳！今日會介紹位於深水埗嘅人氣冰室👏雪山冰室，雪山冰室係一間60多年老字號冰廳，主打多款懷舊港式菜記美食及飲品，仲有人人必叫嘅炸雞脾🍗，如果你係港式茶餐廳愛好者，絕對要收藏以下餐廳🔥！🔸【雞翼煎雙蛋撈公 - $45】撈公絕對係茶記必叫！充滿瑞士汁香味嘅公仔麵，加埋超入味嘅雞翼，仲有一隻超流心嘅煎雙蛋🔥！🔸【焗溫泉蛋肉醬飯 - $58】陣陣肉醬香撲鼻而來，鮮嫩肉醬慢慢燉煮，加埋半生郭溫泉蛋，簡直超級惹味，超級地道😘！🔸【生炸雞髀 - $45】炸雞髀🍗一上枱已經有一浸濃濃嘅香味，雞髀炸得外脆內軟，唔會再得太過火，肉質依然保持鮮嫩，雞髀上仲灑上香濃嘅椒鹽，好味到停唔到口，唔怪得知咁多人叫🔥！🔸【榛子醬西多 - $39】西多上能厚厚嘅糖漿同埋牛油，裏面仲夾雜着超濃郁嘅榛子醬，西多亦炸得外脆內軟，大推😘！🔸【飲品 - 跟餐+$9】茶餐廳一定要叫紅豆冰，幼滑的冰粒，仲有大大粒紅豆同埋超香濃椰奶，夏天飲真係超解渴，必叫❤️！🤪iHungry開心指數：9/10

呢支冰鎮奶茶 / 咖啡☕️完全冇冰 原汁原味 好濃郁 亦都好滑!!成大支另外今日叫咗個椒鹽豬扒飯🧂🐖🍚刺激啲叫咗一個原始既做法，係炒飯底🔥炒飯係辣辣地嘅😎有啲辣椒、蒜頭、蒜蓉、雞蛋絲，加埋老抽，令到炒飯嘅顏色非常漂亮色香味俱全😝😝😙而椒鹽豬扒，本身已經係脆卜卜又惹味炒飯底仲令到椒鹽豬扒香味大大提升😍嗌多個老火燉湯 大大碗好滋潤🍜飲落口好舒服仲有啲豬肉同埋雞腳仲嗌咗杯雜果賓治 真係夠晒風味😇

星期六去開深水埗買去旅行啲電話卡，打開Openrice見到有間雪山冰廳都幾多人comment，睇相好似唔錯。晏就差唔多3點都去到都人山人海，入去姐姐叫左我坐卡位，不過都幾迫下。食物叫左椒鹽豬扒飯炒底，仲有一個沙嗲牛肉麵常餐。可憐嘅我哋冇叫下午茶餐，其實都唔係特別抵食因為個飯冇跟餐飲。不過上咗枱都幾喜出望外，因為個椒鹽豬扒飯真係好惹味，同埋個飯辣辣地；至於過沙嗲牛肉麵個汁都幾濃，其他配菜就中中等等，個餐仲包咗個窩夫添。最後總結覺得OpenRice入邊啲食評都唔算太過譽。輕輕鬆鬆又一餐。🫵🏻 雪山冰廳 Hong Kong Tastes - Shop D, 62 Castle Peak Rd, Sham Shui Po#hkig #foodie#foodblogger #foodndaily #foodbloger ##hongkongfood #hongkongfoodie #foodblogger #likesforlike #eatateeaten #comment #share #subscribe #深水埗美食 #深水埗 #深水埗cafe #香港冰室 #茶餐廳美食

跨越半個世紀嘅港式茶餐廳《雪山冰室》換上新嘅時尚裝潢，美食仍保留地道風味。今日嚟嗌左二份下午茶✨️招牌炸髀避風塘生炸髀 配紅豆冰 $45需時15分鐘，可加配粟米什果沙律 / 辣味薯皇 +$8，而紅豆冰可以轉熱飲。炸髀香脆可口，上面灑滿金黄色嘅香蒜和麻辣粉，十分惹味，啱哂重口味人士。✨️經典芝蛋牛肉漢堡包 $40入味嘅牛肉有1cm厚，有1片熱辣辣嘅炒蛋，芝士一片己煮至半溶狀態。咁多料仲加埋飲品都只$40，非常抵食。久5久约朋友嚟呢度懷舊嘅地方，傾下計懷緬過去，不亦樂乎。#雪山冰室#深水埗#港式茶餐

跨越半個世紀嘅港式茶餐廳《雪山冰室》換上新嘅時尚裝潢，美食仍保留地道風味。今日嚟嗌左二份下午茶✨️招牌炸髀避風塘生炸髀 配紅豆冰 $45需時15分鐘，可加配粟米什果沙律 / 辣味薯皇 +$8，而紅豆冰可以轉熱飲。炸髀香脆可口，上面灑滿金黄色嘅香蒜和麻辣粉，十分惹味，啱哂重口味人士。✨️經典芝蛋牛肉漢堡包 $40入味嘅牛肉有1cm厚，有1片熱辣辣嘅炒蛋，芝士一片己煮至半溶狀態。咁多料仲加埋飲品都只$40，非常抵食。久5久约朋友嚟呢度懷舊嘅地方，傾下計懷緬過去，不亦樂乎。#雪山冰室#深水埗#港式茶餐 #雪山冰廳 #香港茶餐厅 #香港冰室 #深水埗茶餐厅 #茶餐厅 #冰室 #炸鸡髀 #红豆冰室香港 #香港椒盐猪扒饭 #西多士 #港式西多士#樽仔奶茶 #港式奶茶 #香港餐廳介紹