雲南味味小食

營業中

休息中

這間雲南米線可算是由細食到大食極都不厭！有時候外出旅行十多天 就會想吃一下 ！招牌有麻辣雞米線 ，臭豆腐 ， 豬頭肉， 豬扒等麻辣雞又香又辣用洋蔥炒起， 配落米線真係一流。 這店的米線不會煮得很硬身， 軟軟的。 臭豆腐和香港街頭小食的不同。 他們碟碟都是新鮮即炸 ，臭味不會遠播 值味道已夠臭， 配上丁丁華鹽， 正！ 豬扒就算幾飽都會忍不住加一加送， 很入味很軟常味道的豬扒。 家裡沒飯吃 在這吃碗面的確是不錯的選擇。當然小店環境不是很舒服 ， 但是老闆禮貌很好 很有人情味 。

同朋友係馬鞍山食米線，搵間做得比較耐諗住好些少。點知食物質素同價錢仲要衰過隔離間嘜仔。叫吃水餃米線(HKD 35) 中SIZE和豬扒米線。真係搞鬼，水餃得果三粒，食左好似冇食。隻餃一來細隻，又唔夠豬肉，完全冇味道，好似食菜咁一樣。睇返價錢牌，原來淨米線已經(HKD 23)，貴到離譜。 坦白講，米線毫無口感之言，唔彈口，食食下又有少少硬粒。食過朋友碗米線豬扒，又硬又乾又難入口。豬扒相信雪得太耐，肌肉纖維受偒了。扮野放係米線上面吸湯水會冇咁乾，玩咩。塊扒係品質差就係差，點整係都係搞得唔好食最難接受就係個服務生，同一隻手收錢，同一隻手包水餃。岩岩仲要食完.....真係不過佢有樣野最好，就係難食，好難食。

好耐都無入來這區, 如果唔係搵朋友食飯都應該唔會來呀..朋友帶路話這間米線唔錯價錢實惠講真座位都唔會舒服, 不過喜歡家庭式食店感覺親切, 這裡米線分大中小, 岩晒我胃口唔大又唔想浪費食物, 點左個手撕雞同朋友share, 細酸菜肉米線同豆漿就算點左個細米線份量都幾大份, 酸菜夠多夠開胃, 下面有好多芽菜岩晒我喜歡食菜既人, 至於個手撕雞好香麻油但可惜只有辣味而食唔到有麻味對這個小食有點失望整體上來講食物都唔錯價錢夠晒街坊價唔怪之得中午時份都幾多人幫襯.地址:馬鞍山富輝商場地下G3 , G4 舖

今晚叫了麻辣雞中米線，這裡有個特別好的地方，就是米線份量可選細中大三款size，我第一次去唔知究竟有幾細幾大，就穩穩陣陣叫中size啦～米線黎到之後發現份量都唔少㗎，如果平時細食的話，可以叫細就ok了。味道黎講，唔知係咪我未去到前已經對佢有些期望，所以吃了之後就覺得沒什麼特別。。望落去個米線湯底應該係普通清湯（他們都不像其他米線店有幾款湯底選的，湯底是冇得揀的），上面就加了一堆麻辣雞連洋蔥和醬汁，雞的份量是頗多的，但食落去真係食唔出麻辣味，覺得有辣味但麻味就欠奉了。雞肉就有少少鞋，不過都可以接受。米線的質量反而不錯，粗幼適中，很滑，吃得耐米線也沒有發漲的感覺。

我丫媽勁中意食尼間啲米線，真係好忠心，係我由細食到大。我就唔知有咩咁特別~ 通常每一次去，我都係嗌粟米火腿細米線，感覺上健康啲(我都幾著重健康) 米線有大中細簡，細嘅份量已經夠我食~ 味道正正常常，粟米甜甜地我就岩食架啦～份量可見圖。我媽就會叫水餃麻辣雞米線。水餃係自家制，有3大粒，好味嘅。雞嘅味道都唔會係加工野，家庭煮出黎嘅咁，不過我唔食得辣，要洗下先食到。我都幾中意尼2個餸，通常一齊share咁食。我諗將來都會keep住食，因為我媽太忠心

以前住係樓上, 成日會同媽咪細佬落黎食,自從搬走左, 就無返黎食,甘岩呢日黎開馬鞍山就帶老公黎懷念一下我以前細個食開既米線,甘耐無黎, 好彩無執到,叫左個餃子米線,本來想叫酸菜米線加水餃,不過店員好好, 話甘樣叫會無甘抵,不如食水餃米線會抵D,有3-4隻水餃, 有炸醬, 有肉碎, 有酸菜,老公自己都叫左豌米線, 但我唔記得左佢叫咩另外叫左碟臭豆腐同埋午餐肉,臭豆腐依舊係點果D粉, 味道依舊,豌米線一樣係以前既味道,連老公食完都話真係幾好食,真係好懷念以前所有野都好食,抵食, 唯獨係我覺得午餐肉一D都唔抵食,好薄身,3薄片, 好似$9定$10下次再黎開MA ON SHAN一定都會返黎食

因工作關係，常常在馬鞍山吃午餐，這間的米線餸菜雖然只有數種款式選擇，但已經有兩三款均是自己喜歡的。今天就專程去吃那裡的涼拌米線，沒有加湯，但有炸醬、酸菜、粟米等拌著吃，在這樣熱的天氣下吃真是不錯！另外，喜歡吃辣的可以叫加辣，很好吃呢～

雲南味味小吃今天與弟弟到了這間雲南米線餐廳吃午餐，由於想不到吃什麼好，所以便和弟弟到了這裏吃米線，因為我們都很喜愛吃米線啊！一坐下，我們便已想好吃什麼，我選擇了炸醬腩肉米線，等了大約五分鐘，米線便上枱了！湯底的味道非常濃味，腩肉是有醃製過的，吃起上來有陣陣醬油味，炸醬的味道有少少辣，炸醬肉碎慢慢溶化在湯底裡，令整碗米線更為惹味！

雖然天氣炎熱出外工作都幾辛苦, 但係出外工作就可以去唔同既地區試下美食, 咁樣動力工作先會開心.今日經過此店見到餐牌有臭豆腐, 自然要入去試下.叫左個臭豆腐, 麻辣雞同酸菜米線.個豆腐只係聞又唔覺佢好臭, 不過食落時又散發出陣陣既臭味十分過癮, 味道都唔錯豆腐炸得金黃.至於個小食麻辣雞就好一般, 又唔麻又唔辣, 雞肉又鞋煮得過火.反而個酸菜肉米線都算唔錯, 配菜夠多酸菜醒胃十分可口.

是日出差到馬鞍山, 同事話雲南味味啲豬扒米線好食不過, 上一次叫外賣的失望經驗, 隔左咁耐, 一於去堂食試多次啦!佢地啲麵有分大中小三個Size, 今次要個"小"的~小麻辣豬扒米線 $22豬扒碎上, 分量都 OK 得喎!!! 豬扒唔夠淋, 硬左少少, 不過, 都可以接受小小麻辣香, 辛辛地, 味道唔錯喎!!!

一個月總有幾日想到這家吃碗熱辣辣米線貪其熱乎乎、有味的米線湯底！不知是味精是鹽還是好湯底，就是喜歡最愛炸醬、其次麻辣雞，夠辣、夠熱、夠油麻辣雞雞肉的確「鞋」，不過不痴牙，沒有骨芽菜韭菜米線好配搭獨孤一味，沒有試過其他的，最奇特的粟米火腿米線，咩人會鍾意食???????????????加價了，一個月吧 ...一個月前跟今天，相差了$2這兩蚊似乎有點打擊我

行過好想食米線，馬鞍山無啲出名連鎖米線食店，見到呢間嘢咪入去試下囉！叫左碗水餃米線，再加一碟小食豬扒，等左十分鐘到。先食豬扒係凍既，豬扒煎到裏面啲肉乾晒，唉。唔緊要拉，唯有寄望碗米線，一食啲水餃，啲皮好厚，灣仔碼頭餃好食好多，啲米線唔彈，普通街市買既米線，唉。佢最特別有個小食叫豬頭肉，都有人叫，味道我就唔知拉，因為唔會再黎，無機會試！

放工好攰,唔想再番屋企煮,所以落街食,平時經過見佢都幾多人食,有時仲要等位,應該不錯(心諗)點知勁失望 1) d湯淡如水,連味精都唔俾多d我2) 麻辣雞,ok la ,都有d麻辣味,但太油3) 酸菜肉,名副其實,酸菜酸到 ,肉還肉無味,下次咪攪我!!!!!!!!

次次都係食"酸菜肉多酸菜",有時d酸菜會好酸,有時又唔酸當然愈酸愈好啦,因為我太喜歡食酸野喇!!!!臭豆腐又係唔差,但質素幾唔穩定有時好食,又時唔好食...但我通常都會叫水餃就唔會喇,我覺得個皮太厚,如果薄d我諗會好食好多豬頭肉我都覺得幾好食,個汁好味因為佢係酸酸辣辣,好開胃,好岩我lei間我試既唔太多,試過既野亦覺得麻麻地,例如:涼拌,,,麻辣雞~我都覺得不太好可能係因為我中情於酸菜啦

上星期入開馬鞍山睇醫生，見無咩胃口，剛好路過此處，見到有我平日最愛的雲南米線，於是就入左去試下。叫左一碗酸菜肉米線（小）（$17）試下，份量都真係幾小下，不過對於我呢Ｄ病人就剛剛好。米線偏諗，湯底夠酸夠味，但好明顯是味精水，不是用雞或豬骨煮的湯底。至於酸菜肉，酸菜都算下得夠多，但所謂「肉」我就覺得連肉碎都稱不上，只是一些肥膏而已。整體而言，$17呢個份量同質素絕對唔抵。特別是對於食開「雲南風味」、「雲貴川」、「譚仔」、「南記」的朋友來說。而且佢仲有一個好大問題，就是食完超口乾口渴，我行到去新港城中心已經頂唔順要買野飲。本來諗住食得清清地，最後反而令喉嚨受罪，早知回家自己煮米粉食好過。