雲南味味小食

營業中

休息中

麻辣雞米線：辣味一樣，不過賣相無上次咁靚，而且食落去無上次咁香，湯底無咁好飲~炸醬米線：仲係咁好食，不過都係湯底衰咗~酸菜肉米線：d 酸菜比上次多咗，所以酸咗好多，唔知點解會有人叫「多酸菜」，真係酸死

麻辣雞米線(中) $23：好香，睇落去已經流哂口水，尤其是D洋蔥，雖然好似有D九唔搭八，但係食落去係同D雞肉非常配搭。雖然油好似太多，不過辣度剛好，正~ 炸醬米線(中) $22 ：睇落去好好食咁，但係d肉唔夠味，d湯卻很甜~酸菜肉米線(中) $22 ：夠哂味，D肉同D菜嘅酸度剛剛好，食到流口水XD~豬頭肉 ($11)用酸醋醃過，食落去又正又開胃~臭豆腐($6)聞下去不太臭，但食落去反而很臭，但臭得來又很香，非常好食~

在馬鞍山住了幾年, 已幫襯了很多次。這間米線店的出品, 和出面的"人氣"米線店, 其實不能同時比較...酸菜肉、麻辣雞、炸荳腐等餸料吃起來像是很簡單的, 而米線也是淋淋的, 有種親切感覺, 吃得出一種家庭味道, 若果吃東西不只是吃味道的話, 會明白為何這店會有笑評...

呢日訓到勁晏, 家姐想食米線就黎左呢間~以前都幫襯開, 不過最近少左, 有時經過見到佢爆哂~勁多人今日晏左少少, 冇乜人, 見到門口有位, 即刻坐低~叫左炸醬米線(小): 一般~ 可以辣返少少~酸菜肉米線(小): OK$17 X 2不過黎襯呢度都會幫襯埋對面間天河的炸燒賣同炸大腸..^^

叫左個麻辣雞米線，嘩一飲d湯，普通味精水，一d酸麻辣味都無！米線太淋，湯面太多油，如果同重慶九哥或者雲貴風味比簡直唔入流！臭豆腐新鮮炸起都唔脆雞翼尖又肥又淋比細路仔食就ok（唔怪得有好幾台都係一家大細）呢間野試一次就夠

本人一向鐘情雲南米線那晚忍著炎熱,到這間在區內出了名的米線店買外買!!!苦行十分鐘回家,一身汗臭,只想盡早開飯!結果就出事了我要的是豬排麻辣米線一開蓋一碗白雪雪但不是滑嘟嘟而是溶成一pat漿糊的物體遽然出現在眼前!!!!!我的麻辣湯底呢?還有米線!!!只是十分鐘,只是十分鐘!!!!原本可能是米線的物體糊作一團,用筷子怎樣都夾不起來,只好用湯匙來"吃"湯亦完全消失了,但從味道來說,這裡的清湯跟水沒兩樣。再吃仍有餘溫的炸豬排,真的比我呀嬤的臉還要乾!!!沒有豬味,但算得上香口,不過很un,不建議假牙人士食用。太傷心連相也懶得拍!,不想浪費SD CARD的SPACE!!!!!!!

我睇完D食評之後..乜真系甘差咩?-3-我細細個就跟住媽咪黎食.我媽咪同老闆好熟咖..次次黎親,如果老細得閒,就會一路食煙一路同我媽咪傾計{講真如果吾系識佢,我會好僧呢D人-.-)D牙姐多數都好人既,不過牙老細就無良左D好多時都系得一個牙姐...生意又好喎,,辛苦到死.次次黎親都系叫"炸醬細全走"!!全走即系走9菜同芽菜=]有時我吾記得叫全走,,連D牙姐都會記得問下我系咪全走咖!所以話我地同D牙姐好熟^^同埋以前一入到黎老細就問"系咪都系"炸醬細全走"牙??我勁細個果陣都中意食火腿栗米咖仲有豬排!!真系好好食咖!我由以為15蚊一碗食到宜家17一碗=.=豬排由5蚊到6蚊=_=真系乜都貴-0-其實佢甘好生意都吾裝修下佢= =D碗牙筷子牙佢地都好少換-,-仲聽D牙姐講佢地一個鐘甘辛苦一腳踢都真得25個鐘T^T

平時開檔的葉生葉太去左旅行，成兩個幾月都未返，現在由葉太個老豆頂住，d食物質數差了。 $11豬頭肉原本有香蒜、香醋、辣等味道，現在得返咸咸地、少少酸，雖然肉質仍然很爽口，但味道不及從前。 $17酸菜肉米線，味道不錯，但唔抵食law，得幾粒肉、酸菜，收人$17蚊，好過份。 $21麻辣雞米線，以前好滑架，依家就好老好鞋，得死辣加洋蔥，都唔好食既。 $11炸豆腐與以前一樣，保持咸辣而脆的口感，惟一有以前水平。 整體來說，米線的質素與份量也與價錢不是正比，但在馬鞍山區沒有別的地方可食到，所以只好用來過過口隱，如真係想食好野，都係要出返去旺角或荃灣才行。

以馬鞍山來說,呢度D米線算幾受歡迎,我D同事都很喜歡吃這裡的米線,每次也清湯~!!我就唔會啦!講好味,始終荃灣米線好味D,我反而鍾意佢D臭豆腐,因為比較少地方有得食,佢D臭豆腐係細細塊,沾上辣椒淮鹽,真係好好味至於米線就一般啦! 味道普普通通 ,D餸菜以豬扒,炸醬最好味,痲辣雞我覺得一般及都幾油,總括來說,唔想出咁遠食米線,呢度可以考慮嘅,但就唔算值得由第二區特登走黎食.而且佢D衛生就麻麻地,同圍都好似油淋淋

呢間米線小舖我一頭半個月都會幫襯一次，見大家寫食評寫得好似好差咁，但我的經驗又唔係咁喎！我每次都係食淨水餃，餃皮比較厚，但餡就幾好味，湯又夠熱。加上他們在湯中加了大量芽菜和酸肉，我覺得十分好味。之所以只食水餃，是因為我覺得佢D米線麻麻地，可能是我唔鍾意食米線掛！因此如果你覺得米線唔掂，試下淨水餃喇！佢唯一缺點就係地方唔乾淨，扣了很多分。

我每次去都會叫酸菜肉米線.."ma"辣雞..豬排..好好味..我平時食野既份量唔會太多..但每次去親都會揀"大"仲要成碗食哂..真係好好味..但我搬左去元朗..已經少食..但我覺得甘多間米線最好味係呢間..可能合我口味啦..以上都係我既意見..誠意推介=]

相比起雲貴川、雲南桂林過橋米線，呢度既米線就比較清，但亦有不少捧場客。一向最鍾意食佢既涼拌米線 ~ 有炸醬、酸菜、粟米火腿、牙菜、仲有... 好好味既醋伴底。酸酸 'mei mei'，好開胃，夏天食就最岩。不過今次就食粟米火腿米線 + 麻辣雞 (另上)。鍾意食佢粟米火腿米線既原因係.. 佢本身既湯底比較清，再加上粟米火腿都不算是多油的食物，所以就「清上加清」了。而佢既粟米又係零舍清甜的，所以好多時都會叫。除此之外，佢枱面上既辣椒醬好好味架. 都算幾辣，但又唔拿喉... 配埋 D 醋就一流.. 所以如果叫湯米線的話，就係叫粟火火腿，再自己加「調味料」 ~ 其他配料就全部另上了。另外，佢既麻辣雞都幾好食 ~ 之前食就覺得好辣，但今日食就覺得 OK .. 係麻而不會過辣果隻。 D 雞切成一粒粒，變左好入味，而 D 洋蔥林林地，但又唔會好散.. 不過衰一樣野，就係好多油 (見圖. 但今次既相效果麻麻，唔好意思 ) 所以就一定要另上，如果唔係.. 你碗米線就係會變左一碗「油湯米線」了。而佢既豬扒亦係可以一試的，不過下面食評已經提及，這兒從略。呢度亦都有唔少人會叫水餃米線.. 但佢水餃米線會自動同

睇完食評先去, 但係都係比較失望 上星期去食, 叫左豬扒炸醬米線同臭豆腐豬扒好乾好硬, 比起我阿媽整o既仲差, 亦差過客家莊同味真餞臭豆腐好特別, 一食落口有好大陣鹹魚味, 唔點佢o個d特別o既淮鹽都已經好鹹, 加左仲更加鹹添... 如果淡口d會好食好多炸醬係三樣'送'裏面算最好味架喇

同事極力推薦豬扒米線,佢話好好味, 差不多每次都叫,即管試下, 就來一碗外賣豬扒米線,打開碗蓋...超級失望!豬扒:::煎豬扒一片, 只係熟左, 白雪雪, 煎唔夠, 唔香口, 唔惹味!湯底:::十分清澈, 好過清水少少, 連米線食, 都幾難頂!米線:::湯米線內, 附送"一條約1.5cm的銀色小鐵絲", 差少少成口血!以呢啲分量及質素, 22元唔包飲品, 外賣仲要自取, 太貴喇!

坐街邊, 食物味道亦只是街邊"那喳"麵級數, 全無雲南風味可言. 坐低後問呀姐有什麼出名好介紹, 除了回應一個不耐煩的面孔外, 已沒作一聲, 可能她自己也知道沒一樣好吃吧.(雲南風味卻沒有雲南過橋米線)食物到, 豬排米線, 餐蛋米線, 粟米火腿米線, 豬耳, 炸香腸, 豆漿, 米線最重要湯底, 這家米線湯底只是加了鹽的水, 其餘食物任何街邊檔也食到, 服務態度極度惡劣, 沒有免費停車處, 可謂一無是處卻自大無窮, 永不錄用.