雲南味味小食

營業中

休息中

既然自封「米線狂人」，我當然要試盡所有好食的米線啦!看到網上各位食家的評語都不錯，於是今早專登入來馬鞍山呢度試試這間雲南米線。雖然話就話開10 點，但10 點幾都仲係未ready 好開門俾人入，不過算! 有米線食就得啦! 最後10 點差唔多45 分至正式開門，我正是第一位客人了。一入到去，有一隻好肥好大隻的貓... 看來這裡應該有好多老鼠吧...哈哈...唔知唔想知!自問又唔係好嗜辣，不過聽閒這裡的「麻辣雞米線」好食，就點都要試下。來! 一於小試牛刀，來一碗小的米線先。等左10 mins 左右，阿姐端上一碗熱辣辣的米線來。看來女生的話，細size 的米線都有可能食唔晒! (當然，比起譚仔米線，size 仲差幾皮呀!)這碗「麻辣雞米線」主要有洋蔥及雞件，再加埋好多辣椒碎秘製而成。一口一件雞，大小剛剛好，雞肉都算入味，麻辣的味道越食越出，不可小看洋蔥，都非常入味，一點都唔生。再來一口米線，入口較稔但接受，不算特別好食，中規中矩吧!洋蔥的味依然搶晒鏡!唯一唔好的係... 好油! 係比想像中更多更多更多油! 基本上整個表面都是紅色的油，想飲一啖湯都怕會肚呵...怕肥的人士真係要三思至好食呢個!

依間米線鋪,我由小學食到中學宜家都F.5都食緊!佢地係正宗嘅雲南人黎嫁,Ｄ米線好似湯炒米線完再加秘製湯洵一個人叫碗麻辣雞米線(中)(有大.中.小)、臭豆腐、細豆漿..加埋都係$30.00 個肚就漲漲的洵

我有個朋友很喜歡吃這裡的米線,每次也清湯~!!而上來看食評又甘高分,便來一試~!!其實以言價錢,有這水準真的不錯~!!d湯很清,我叫細碗炸醬米線+煎豬扒+臭豆腐!我入口的時候,已同我朋友講:"很普通姐~!!=.=""豬扒很入味,臭豆腐比平時的size小(我比較喜歡這size)!我平時食麵都鍾意一路食一路飲埋d湯,d湯真的無味精~!!但很奇怪,雖然食ga時候感覺很普通,但回到家,在口腔那湯味,維持了很久的時間,所以,我也不知總體上應該評ok還是笑~!!=.="

我叫左「炸醬麻辣雞米線」加「煎豬扒」。琴日初九，佢地先開市，９點鐘已經基乎所有野都賣晒！厲害．．．個米線真係好正！就算我連Ｄ湯飲埋，之後都無口渴，正明唔係味精湯～！黎到呢到一定要試「煎豬扒」好有住家feel之餘仲好好食！米線有分大、中、小我叫左中＄２７煎豬扒＄６抵！

因為馬鞍山太少好0野食,偶然經過,見到有最愛既米線,一試難忘。叫酸辣米線,有餐肉,大腸同牛腩(豬扒都好好食)餐肉仲煎埋tim! 水準同出面既有得比,同埋價錢合理。雖然格局一般, 不過都ok啦。另有小菜同碟頭飯, 不過唔知好唔好食。

由細食到大, 最好味的雲南米線例牌食酸菜肉米線($16小,20中) 加粟米火腿(+4)酸菜肉同米線係連湯煮, 唔係好似人地果d淋d湯上面, 酸酸地好好味, 好味到連湯飲埋都仲得呀(平時我唔會飲湯麵的湯)...比起旺角,尖咀果d連鎖店好味好多, 價錢都平d啦...

幾年前開始,成日食呢間米線,呢度既米線同出邊果d唔同,唔似譚仔呀,景霖咁,無大/中/小辣,但呢度你會食到另一種米線味道.呢度有幾樣嘢,係值得推介, 例如:酦菜,炸醬,豬扒,麻辣雞咁,都係常叫食物.酦菜醒胃,炸醬好香,豬扒你會食到細個媽咪自己煎果d味,有回憶,麻辣雞其實係雞胸肉+洋蔥,都幾惹味.小妹昨晚一人晚餐,又獨自嚟呢度,今次叫咗酦菜米線+麻辣雞,如常一樣好味,不過比平時淡少少,伸個頭望吓廚房,原來今日係亞姐煮,唔係老細煮,老細係重手d架.順帶一提,服務基本上係無咩,因為亞姐太忙,都做唔切,所以成日都見到一堆堆既碗係台面無人理,但你嗌佢,佢都識得應你.環境就如下面里奧兄所講...真係好一般,地踎格局.提一下,食麻辣雞,記住叫佢分開上,如果唔係碗嘢就會油到你喊!

如題，是否值笑臉呢？幾次都是外賣幫襯，今趟見週末閑聊，就獨自一人來客堂食，酸肉米線及麻辣豬耳。酸肉米線是一貫的食味，可算了得，起碼食到酸菜的美味；麻辣豬耳是冷盤的，爽口脆身，亦有豬耳的香味，唯一是麻辣行頭但麻辣欠奉，空有麻辣之美名。環境又不至於相當差，但企堂阿姐總是忙碌著，檯面上的碗碗碟碟未能收拾之餘，亦沒有多餘時間沫檯執拾，可說烏里單刀；而又不明為什麼總是有烏蠅飛來飛去，相當煩惱。講食味，這裡應沒舍問題，但衛生就喊臉，最後是趟只能打成平手，都是外賣有so！

見到咁多食評都話佢好食,今日就試下啦..門面不太光猛,有少少"up dup"既感覺,下茶時間竟然無下午茶提供...飲野另叫..1)酸菜肉米線(細)$16,碗米線真係好普通啦,湯底又無味,仲要d肉碎的肥豬肉粒浮晒係湯面到,(想減肥的朋友門真係要小心一點),一碗仲要賣到$16真係唔底食...2)豬排米線(細)$18,同酸菜肉米線無異,只係無左酸菜同肉碎,加番塊豬排,湯底同樣無味,塊豬排都ok,真係好似自己係屋企整咁仲有少少"鞋"添.不過食完之後又真係無口喝...用這個價錢可以有更好的選擇...行過幾步到裕發茶餐廳可以吃得更豐富,至少裕發既豬排米線都好食過佢,仲有野飲,下午茶時間都係$15(唔知有没有加價呢?)

看見這店在網站係網上大受好評,所以呢幾日特登去試下..我試過酸菜肉米線,麻辣雞米線同炸醬米線..點知比預期中差..3款米線都非常普通...湯底淡某某...只有酸肉米得酸同麻辣米得麻辣沒有特別惹味的成份...加上地方非常淺窄...服務員工只有一個..因此顯得趕頭趕尾..態度麻麻..唯一可取的...就是該店的小食...豬扒...

夜晚晚在馬鞍山,又唔想食快餐,就黎呢度食...今次點了酸菜肉米線...米線依然唔係腍腍的,湯係酸酸的,酸菜的酸味入哂湯度...肉碎,酸菜份量頗多,與米線一齊食味道唔錯,挺開胃的...不過自己還是較喜歡炸醬米線...食量大左,下次要食大碗先夠飽...

酸菜肉碎米線+豬扒係我食過全港食過最好味同有heart gar!!酸菜肉碎米線, 湯嘅酸味係由酸菜同米線一同煮成!!豬扒嘅味就好似小時外婆煮嘅!!仲之就係小舖經營,絕不粗製濫造!!!

因為要買聖誕禮物,所以就去左馬鞍山...買之前,要食左午餐先...其實果時已經成3點幾,差唔多4點,但自己仲未食晏,所以就黎呢度食...不過,雖然係3點幾,但呢度仍然坐滿人...自己叫左個中碗的炸醬米線...睇落細碗同中碗個碗好似差唔多大,但就相差$4,不過細碗的好似冇咁多米線...中碗都唔少,裝滿成隻碗,大碗就真係好大碗下,自己都食唔哂...先講米線,淋中帶咬口,都唔會話好易話散哂或者過淋...炸醬個人認為唔係好辣,但都唔錯,夠香,撈埋米線一齊食都幾好ga...湯好似係酸辣湯底,但仲係嫌唔夠辣...埋單$19,幾抵食...見到咁多人食酸菜肉米線同麻辣雞米線,又想下次試下...

這裏的米線, 是一碗碗煮出來的,所以非常之熱,所以的客人要慢慢食,有時都幾難等位.

細個去就會食酸菜肉米線, 酸菜好醒胃, 同出面食到既唔同味... 個湯底都好正大個食得辣就會食麻辣雞米線~ d 雞肉煮到勁入味, 辣得黎又唔會食得好辛苦, d 洋蔥就最吸味, 又甜, 真係無得彈!!小食方面, $5一份, 以炸豬扒/炸豆腐最搶手, 豬扒炸得好香口, 炸豆腐再配華鹽, 唔怕熱氣就一定要試下, 另外雞翼尖都唔錯...環境就真係麻麻, 舖頭細, 坐位少, 所以成日坐到出門口... 不過見佢經常坐滿哂就知有幾好味價錢好平... 分大中細, 唔怕唔夠食/食唔哂, 細碗通常都唔過$20, 加都只係$3/$5服務方面... 老細都幾talk 得架, 人客少個時都會出黎同d 客吹下水~ 有一次見到有個客唔食得辣, 阿姐都即刻拎隻碗仔出黎, 幫佢整走d 炸醬, 幾細心!!