雲南小鍋米線

營業中

休息中

同朋友專程來過幾次，今次係第一次寫食評。由於下層太多人嘅關係，今次有得上樓上坐，冷氣加風扇，溫度十分之舒適，環境清潔望落都比一般茶記乾淨。感覺上次水準比今次好，今次湯底調味重手咗些少。配菜有很多選擇，今次叫咗生菜鷄絲小鍋米線，友人叫咗個雲耳鷄絲小鍋米線，酸辣度有得調較(個人比較怕辣)，呢間嘅湯底對我黎講就岩岩好。米線同餸的份量十分多，女仕可以考慮叫小米線(避免浪費)。如果人多仲可以再叫幾款小食share。飲品黎講就一定要加支荳漿，比起市面買到嘅無咁甜，而且飲得出唔係過份滲水。總括來就大件夾抵食。

每次揸車經過都見到舖頭外面迫滿人，心諗有冇咁好食呀？ 今日終於有機會同同事嚟試下，同事叫左小鍋米線$26，另加豬軟骨$10和炸菜肉碎$9。而我就叫左上海菜肉雲吞$32，涼拌青瓜$22。 小鍋米線：本身包芽菜、酸菜、韭菜、肉碎（有小小辣），材料足。豬軟骨有4舊，但得1舊有軟骨，其他肉又「鞋」又「實」，至於炸菜肉碎，肉碎炸得太硬太燶。米線份量夠但煮得太淋。 菜肉雲吞： 有7-8粒，皮比較厚，白菜肉碎餡幾香，清湯底有少少酸味，應該是酸菜帶出的味道，都算OK。 涼拌青瓜：清涼爽口，最啱夏天食。 食完埋單後，我和同事都話咁嘅水準，唔明點解要排隊，可能附近欠缺競爭者！ 後記：果晚食完之後要飲幾公升水解喝！😨

呢間雲南米線有好多選擇，超足料，而且份量咁多CP值好高。聽說午餐成日都高朋滿座！當日叫左小鍋米線$26，餸只叫一款最出名嘅雪花雞絲$10，湯底要小辣。小辣好辣，但好食，辣得好過癮。但食到一半兩行鼻涕直直流😂😂 用左兩張紙先夠。另外雞絲真係好雪花，雖然有人話好嚡，但我覺得好好食，吸哂湯頭超入味。面底比其他米線店多，搞到我食唔哂。聽講佢嘅豬肚絲同海帶都唔錯，見其他枱好多人都叫～

呢間米線已經聞名於世好耐，作為葵青區既居民，我都自愧不如，咁耐先過黎試佢。舖面唔大，不過佢原來係後面擴充左既。我2:30去食，就唔洗去後面啦。我叫左雞絲同埋炸醬。整碗米線係偏向咸同重口味既，不過就令人一口接一口好吸引，佢默認係有少少微辣，不過唔會令你要狂飲水果種辣度黎。炸醬我覺得一般，但係雞絲真係值得一試，因為佢大量，佢好幼細，佢好索汁。咁樣價錢係 $26+10+10, 其實抵食，因為好大碗，d 料份量唔少同事叫豬軟骨同埋螺旋藻，豬軟骨好入味，又淋，螺旋藻無味既，但同重口味既夾埋就中和到！最後成碗食曬，幾正既整體都高分，加上店員勁 nice ,我原本以為呢種小店既店員會好惡，但結果我改觀了，哈哈

【雲南小鍋米線】乜野驅使你專登係荃灣搭車入石籬食米線吖？！係為食吖！！傳聞呢間係全港最好味既米線，呢日去到都有小小人龍嫁，好彩佢有2間舖，所以等左陣就入得Yeah✌，行入去果陣已經見到食客碗大大碗米線😏，大過塊面呀下，好吸引🤗.小鍋米線 $25 (加配料每款$8/$9)小鍋米線分多種辣度，要走辣即係要走肉碎，另外就由正常至大辣、勁辣，本身碗米線既配料已經有酸菜、韮菜、芽菜同肉碎，店家配料推介有8蚊既螺旋藻、黑木耳，明既，呢啲索汁一流吖，不過K今次同屋企人就分別揀左9蚊既腩肉、炸醬同雞絲😎，上枱見到係超滿足🤞，因為雞絲完全鋪滿滿喔😆，而且雞絲係撕得好幼身，一浸落啲湯度，索哂汁吖都係，炸醬同樣係一大堆😂，中間會咬到啲花生粒，有啲卜卜脆既口感，煮得好香呢，至於腩肉就唔係果啲肥肥腩肉，反而一片片好似瘦肉咁，又有少許肥肉，所以食落唔膩又食到腩肉既香。不過整體黎講碗米線都係偏咸，食食下會覺得佢重口味左啲，不過咁多間米線黎講，佢算幾高汁，值得一試吖。

呢間米線由中學嗰陣就食到而家食咗都六七年啦，一直都係自己最鍾意食既米線，都係最近呢一兩年先知道佢已經俾人稱為宇宙第一米線。今日放假突然想食，就去左試自己既最愛！！腩肉腐竹雲南小鍋米線因為我係下晝大概4點鐘去所以唔洗等位，平時中午會大排長龍中學個陣基本上都食過曬各種餸，但最鐘意食都係呢度既腩肉同腐竹，過咗咁多年水準依然keep到，酸辣度啱啱好，而且米線好有彈性，腩肉同其他米線鋪唔同，係切到一條條好易入口，肥瘦亦都適中，十分惹味。

上次小編叫左外賣拎翻屋企慢慢食，今次就試下堂食，睇下有咩分別。點知真係有大分別！堂食既麵更加彈牙，而吾係淋曬，索曬啲湯。所以大家要食一定要揀堂食！🧐今次試新餸！豬軟骨🤩🤩醃得好入味，而且有大大4件，軟骨咬落易入口，肉吾韌。大推！👍👍 另外，必食都依然有:1. 腩肉平時岀街食既腩肉都偏肥，但依間米線店既腩肉偏瘦，只帶少少肥肉，岩曬女士們！醃肉辣得黎帶點甜味，正！😋2. 螺旋藻餸多到食到最尾都仲有。據說螺旋藻好有益， 含豐富既胡蘿蔔素，維生素，好有營養！😍同埋吾係好多地方會有依個餸，夠曬特別！

下筆寫此食評真不是件容易的事情，曾被譽為宇宙級的米線。餐廳的位置不算方便，真羨慕住在附近，能夠經常食到宇宙級米線的人啊！其實我以前正是住在附近，由細食到大，哈哈哈。他店面不大，但近年已在店後擴充，現在需要等位的時間已經大大縮短，我以前曾試過要等上半小時才能入座。腩肉是他的招牌，中午過後，腩肉多數已沽清。因為我不能食得太辣，所以沒法享受帶辣的腩肉。雞絲和蘿蔔基本上是我的「鐵膽」，而湯底，絕對是精華所在。以前他在夜晚6點就已經關門，現時已把營業時間延至8點。因為今晚比較夜去到，蘿蔔已沽清，唯有選擇剩餘的雞絲。湯底、米線和雞絲都保持一貫的高質。

石蔭呢間傳說中隱世米線店，一早想試好耐，不過地點有d隔涉，所以遲遲都未成到事。今日終於去左啦！人生第一次去石蔭，由於唔想搵路，於是同朋友係葵興搭左的士上去，大約$27蚊到，後來發現有好多巴士都經葵芳<->石蔭，巴士站仲好近米線店，下次去可以搭巴士！閒日lunchtime去食，唔洗等位，入面無乜裝修，但就有一陣地道小店feel。我同朋友都急不及待落單，menu好簡單，朋友就覺得餸既選擇唔夠多，但對我黎講就ok，因為我想食既都有。我同朋友都係叫左小鍋米線（$26）加兩餸。由於小鍋米線本身己經有小小辣，落單時姐姐都好窩心，特別提我地有辣，食得辣先好再加辣。先講湯底，湯底偏酸，本身既辣唔算好辣，大約係譚仔十小辣level，食得辣既可以再加辣！佢既湯底雖然濃味，但食完唔口渴喎！而米線份量都幾多下，口感方面就同平時食開既差不多，唔算太特別。1. 雞絲+ 蘿蔔雞絲好多呀，份量係多得誇張，而且佢係特別細條，所以食落口感真係超正，超入味。蘿蔔亦好大舊，好入味，不過蘿蔔有渣，口感就麻麻。2. 雞絲+豬大腸雞絲一樣評價啦，而豬大腸切成一片片，唔知係係咪切開左無左豬腸臭味，所以我覺得一般咋。3

呢間米線喺石蔭都算係老字號，以前食過覺得好好味，湯底好鮮甜而且雜誌都有講過佢全港最好味嘅米線，以前成日食都會排長龍，今日去到唔使排隊，可能因為佢哋擴充左鋪面，今日點咗個豬紅水餃小窩米線，但個湯底好酸好而且冇乜鮮味，有點失望，而嗰啲豬紅係凍嘅，又係冇乜味，啲水餃稍為好一點，仍能保持水準！希望呢間米缐可以做返以前嘅水準啦！

依陣子都岀左啲全港米線排名，發掘到好多隱藏係鬧市中的好食米線。🤩依間雲南小鍋米線都榜上有名，而小編就係住係依區。依間米線真係由我中學食到依家，即使岀了名，多了人流，味道依然。☺️☺️今日中午12點黎到，門口已經堆滿曬人。😲所以小編決定叫外賣，拎翻屋企慢慢嘆。😆有幾個餸係必食推介！1. 腩肉 😋腩肉腌得好入味，得少少肥肉。但味道偏辣，叫腩肉個湯底要減辣道。2. 螺旋藻 😋落手認真大方，半碗面都係螺旋藻。味道有啲似海帶，但比較爽口，重重地口味都可以有啲蔬菜食下。👍3. 腐竹😋大大塊既腐竹，非油炸，豆味新鮮。

.📍雲南小鍋米線 (石蔭)呢間係🐷屋企樓下嘅人氣米綫，之前多人到傻，啲人專發入黎食😂所以早排多人到呢，特別係星期六日，所以我都好耐冇食過喇，不過早排佢租多間鋪好似即刻唔洗排隊咁濟，不過好似質素比以前差左絕對值得黎試嘅，如果鐘意食辣或者米綫更加唔可以錯過，雖然價錢係比其他嘅貴，但話曬都係全港第一米線都值得嘅—————————————————————❣️雞絲+木耳+螺旋藻+薯粉(外賣$53）平時就食米線既，不過嗰日突然好想食薯粉，點知發現下次都係嗌番米線，match好多😂但呢個配搭真係不能轉，啲雞絲真係好味到呢，睇樣都知好食啦係咪🤤不過今次冇嗌辣！下次要食翻bb辣雞絲真係手撕，吸曬啲湯汁真係好正🥰螺旋藻增加左整體口感—————————————————————不專業評分👅好味指數:4.5/5💰性價比:4/5👍🏻推薦:5/5—————————————————————🏡地址:雲南小鍋米線 (葵涌)葵涌梨木道112號葵寶大廈地下5號舖—————————————————————#chuchu食在葵涌#chuchu食港式#chuchu食米線#香港美食 #hkfood #852food #相機食先 #香港

呢度係我住果頭食過最好味嘅米線，擴咗鋪之後唔使排咁耐隊，去食嘅意欲都大左😋今日叫左腩肉金菇小鍋米線$45☺️小鍋米線$26 湯底加左肉碎、芽菜、韭菜同埋酸菜，酸酸辣辣，夠濃郁，好惹味！米線都好彈牙同滑嘟嘟😛配料我一向揀開:腩肉$10，係佢嘅招牌，少少辣，肥瘦適中，食落唔會鞋，幾嫩嘅😛整得好入味，好想問下點樣整😋不過份量好似少左，唔夠喉😭金菇菜 $9， 應該都有半包金菇，索晒啲湯汁，食落好juicy又有嚼勁，my favourite 🥰

被稱為香港第一米線，係我成日午餐嘅選擇。而家米線價格都係30至$50。呢間米線出名多人排隊依家開咗分店終於唔使成日排隊今日趁放假一於再去食米線佢必食嘅餸包括腩肉雞絲同埋我最愛嘅冬菇佢仲有推薦嘅係炸醬不過我覺得炸醬偏鹹亦都唔少人鍾意食佢嘅豬大腸佢嘅米線相比出面既辣平時食少辣嘅朋友可以先選擇小小辣。老實講佢米線唔係彈牙。佢出色嘅地方係佢濃郁嘅香味湯底但每次食完都會有口渴嘅感覺😆可見佢係落咗味精嘅🤦🏻‍♀️不過出邊食嘢一定有味精㗎啦🤐所以佢仍然係我既午餐之選❤️

我由係葵涌做野都大大話話有22年了，在石蔭叫打滾了22年，所以呢間係仲做得越來越大，仲企得住脚真係有一定的實力。我見証住佢由1間蚊舖，鄺大到後面開多間舖。主力煮麵架有2個人。1個是煮麵煮得最耐架胡鬚佬應該係老闆，1個比較年青的高大男仕煮係門口係大街個間店煮。昨天跟同仕食午餐，因為每次都食唔曬d米線，所以3個女仔都叫了小麵，佢架米線份量比較多。上星期食過d米線都很彈牙的，不知道是否轉了牌子米線，今星期d米線比較淋。我坐後行個間舖，可以望入厨房望住佢煮麵。見佢真係一個個小窩咁煮d米線，所以都幾幸苦下。佢係家庭式作業，所以都幾唔錯！要支持小店，多一分忍耐。唔係就全部都係連所店架拉。雞絲最花功夫，我叫餸一定會叫d自己都小整，同埋要花功夫架餸菜，先值得。真係唔會好似同仕咁叫腐皮，丸，木耳，豆卜咁呢d行野。識食緊係食腩肉，雞絲，豬大腸，蚊冬菇，豬軟骨，呢d架功夫餸拉。雞絲：份量多，全手撕的，一定唔會係機碎得來1絲絲感，雞絲吸曬d湯汁，勁好味，建議如果唔太食得辣，就叫腩肉後唔要辣，因腩肉本身就辣，就算唔要辣都幾辣下。豬大腸：都洗得幾乾淨，只係切得太薄。蚊冬菇：好大隻入味同淋，正。豬軟骨：都幾好味，份