雲南小鍋米線

營業中

休息中

久仰大名既米線，交通又不便，如果唔係黎開呢頭都好難會見識到了呢間米線，佢係屬於偏濃味嘅，湯底都偏鹹，不過我鍾意食濃味野都叫做接受得到。我唔記得喺食之前影相，佢個雞絲削都好鬆好大堆頭架，腩肉都好味。總體而言，呢間個味道都幾似以前嘅星林居，可惜現在嘅星林居已經大不如前。而呢間又未至於好食到真係要排隊嗰種囉，但雞絲係好讚既！

朋友係米線迷，成日都食米線，佢屋企附近有一間米線話好好食喎，咁我就去食下啦，帶埋佢佢話炸醬同埋腩肉都好正，我揀咗炸醬酸辣米線，小辣，賣相唔錯喎，成碗份量好足，而且配料好豐富，有芽菜、肉碎、韭菜等，我覺得個米線質感都唔錯，唔會一夾就散，同埋都可以吸到好多湯汁味，炸醬幾得意，味道比較濃，好似好熱氣咁，不過又好好食😋小辣我覺得唔夠辣，我朋友話中辣啱啱好另外我哋仲一齊食咗一個小食，麻辣豬肚，超好食，呢啲先叫辣啊，豬肚食落好爽，唔錯！

位於石蔭呢間小窩米線，係我同朋友嘅童年回憶，由中學食到大學食到出嚟做嘢，由廿幾蚊碗食到四十幾蚊，由一間鋪食到兩間鋪，一眨眼已經食咗十幾年。配料十年如一日，係近幾年多咗少少款式，特別係螺旋藻，既健康又索汁，係唔錯嘅選擇。另外以前只有豆漿、紙包或者罐裝飲品，而家就多咗幾款茶餐廳飲品，例如檸茶、檸水同咸檸七之類，仲多咗好多小食👍🏻食足咁多年都係鍾情於兩個配搭，第一係雞絲螺旋藻小辣，第二係腩肉雞絲小辣，今晚揀咗前者，老實講唔知係回憶總是好，抑或質素真係下降咗，我覺得味道大不如前，配料除咗份量少咗之外分別唔大，雞絲依然係好鬆好幼細👍🏻但湯底差別都幾大，非常鹹同酸，而且冇以前咁香，雖然依然算好食，但就有對比有失望🙁可能因為夜咗去，朋友本來想叫嘅腩肉已經賣晒，所以揀咗雞絲同豬軟骨，豬軟骨幾稔幾入味，但朋友都呻話湯底太鹹太酸，食完非常口乾😢唔知係咪因為開咗新鋪應接不暇，導致質素下降，希望鋪頭越做越好，保住我哋回憶中嘅味道💪🏻

小鍋米線配腩肉，黑木耳，螺旋藻($54)永遠足料大大碗既石蔭米線呢間野每次都好多人排隊由兩年幾前入位，上手介紹我食米線就愛上咗佢到之後佢開分店，陪伴我呢兩年幾宜家我就轉位無咁容易可以食佢啦🥺🥺(其實平時都係搭的士上去食，因為佢位置有啲僻） 💫必點既係腩肉，肥瘦適中大眾推介既仲有雞絲同炸醬我自己喜愛有螺旋藻，每次必點！以前食過豬軟骨都勁稔冬菇都唔錯好大舊好入味😋呢度既正常湯偏辣肉碎腩肉都辣辣哋食唔倒辣既朋友要注意呀！舖仔較細，雖然開多咗間分人流但由於太出名所以基本上永遠都要等位建議大家預鬆少少時間唔好介意有時真係肩並肩坐架無法子啦，好食呀嗎！

快閃午餐。没帶飯會去呢間食最好味的米線。我在葵涌做了2x年。個時佢地已很多人食，我見証住佢由1間很細的舖仔到而廣大至2間舖。所以比較易找位食飯。現在多左新的餸，好似豬軟骨，豬大腸等等。

在石蔭附近居住的人都會知道，這裡有一間有名的米線🍜舖頭，幾乎每天都會有一條長長的人龍在等待⌛️，但今次經過的時候竟然還有空位，一定要好好朝聖了 說真的這問舖的裝修真的很殘舊，招牌還褪色了，但為什麼這間米線舖這麼有名真的要試試看！ 餐牌上的價錢真的非常便宜，如果不加任何餸，其實$26亦已經可以飽肚，市面上要找到這個價錢實在少之又少 🥢雞絲 豬紅 小鍋米線🍜一試下去，真的明白了為什麼這裡會這麼多人排隊吃，湯底是酸辣湯，辣度可以自由選擇，而且最欣賞是酸味，酸味十分濃郁，和辣度配合得天衣無縫 加上餸菜非常多，如果不加餸，基本上肉碎及芽菜都已經夠吃，加上餸菜只是錦上添花，豬紅亦十分入味，我相信一定有用醬汁煮過才放入麵的 唯一美中不足的是雞絲雖然多，但不夠滑，吃下去有點像瘦肉的感覺呢，如果用雞腿🍗去做應該會更好吃呢

今日無帶飯，又想食米線就去左食哩間大家都話好好食既雲南小鍋米線因為驚好多人，所以都係外賣自取番去慢慢食我叫左腩肉雞絲酸辣既小辣打開當然聞到香噴噴啦首先講下個湯底，雖然話係酸辣但佢辣得泥有小小甜雞絲既份量都幾足😍雞絲加埋個湯一齊食係幾正既吸曬d果😆😆腩肉食落去同平日米線鋪d腩肉有d唔同佢比較爽，唔會太厚但咁買就47蚊，好似貴左小小😅仲等左差唔多20分鐘😞

湯底好夠酸，正常湯底既話辣度岩岩好（試左朋友個小辣，都幾辣下），而且配菜都夠多（酸菜、芽菜、韭菜、肉碎），幾抵食👍🏻。豬軟骨好lum好入味，我地個個試完都贊不絕口🤣，而且份量有三大舊，每舊啖啖肉，真心推介😋

由一間地區小店，做到依家咁出色，因為廚師真係好用心做每日堅持天未光就開始煮湯底，每一碗都係逐碗逐碗煮出黎中意食米線嘅絕對唔可以錯過想清淡啲可以試下螺旋藻雞絲米線，非常健康嘅選擇腩肉都係必食，如果食到少少辣就唔好走肉碎，咁成碗米線就會更好味

住係附近，成日都心思思想食不過次次見lunch hour門口都排晒隊人潮咁多就次次都放棄左見係星期六，唔趕時間一於去食la！Lunch 時間到，門口依舊有人潮，不過好多都係等外賣，店入面其實仲有位，即刻就入得。叫左雞絲腩肉小鍋米線。今日唔知咩事，等左成15分鐘都未上菜⏰見店入面電話係咁響都無人得閒聽，好似好唔夠人，不過我唔係趕時間，所以我無催單。等左3個幾字，終於上菜！見到已經流口水，因為d雞絲🐔真係好澎湃！成碗都係，好多好足料！雞絲撕得好幼，有d似食既尤魚絲既口感，不過本身有d乾身，要吸多d汁先好味！而湯底真係好正！酸味，辣味，甜味，咸味都岩岩好，食落係好豐富既感覺，唔會話好單一既酸或者辣！我忍唔住邊食邊飲左好多湯。而腩肉🐷真係必叫！本身腩肉既調味好入味，腩肉好香好諗，加埋少少辣🌶，係會想食完再食😚呢餐唯一唔好既係等得太耐。但味道一流！兩個餸各自加左$10, total 埋單要$46, 以一碗米線黎講聽落係有d貴，不過味道真係正，都值既👌🏻

趁住平日放假，即管試試傳聞星期六日要排隊嘅米線舖。一直想試好耐啦，果然無令我失望😌😌😌因為湯底本身有肉碎，所以無叫到炸醬，叫咗雞絲腩肉米線小辣加杯凍檸茶。平時食開譚仔3小辣，呢度小辣我都覺得足夠。雞絲好足料，但食落有啲乾，浸落去索下湯就好了。腩肉肥瘦岩岩好，仲好入味。米線唔會淋gg，有啲𡁻口。最後埋單$54走人。總論是值得一試🥰🥰🥰註：地點都有啲偏僻，附近無嘢行街架。係為咗食佢，突登坐車嚟。好彩係落咗巴士行5分鐘左右就到。

今日同同事lunch唔知食咩好都係叫咗個米線食次次都係食譚仔好悶所以轉轉新口味就去咗食小鍋米線幾鍾意佢個酸辣湯因為冇花生🥜仲有叫咗個雞肉 普普通通啦～仲有叫咗幾個小食

#sumsum飲食攻略屈機的米線呢間真係sumsum心目中的Number 1🥰舖頭好細間 lunch時間好full 雖然環境唔係太乾淨 但都可以接受嘅如果想食嘅我建議大家12點前去啦腩肉雞絲米線湯底好濃又唔算太咸腩肉係第二到食唔到嘅好味雞絲係絲到索哂啲湯佢啲腩肉比較辣 所以湯底我會叫唔辣嘅否則一定食唔到另外螺旋藻都係鎮店之寶 大家可以試試 好正嫁！間唔時好掛住我就會特登搭車去食🥰

經同事介紹下得知葵涌有間米線很好吃的。查看之下，得知小店藏身葵涌石蔭，於區內蠻出名，更有「石蔭米線」之稱。主打雲南式小鍋米線，而且每碗米線均是獨立烹調，非常有熱誠！剛好要到葵涌石蔭附近、當然要品嚐一下。小店最馳名的配菜是腩肉、雞絲及炸醬。味道有辣與不辣，任君選擇，價錢相宜。貢丸小鍋米綫 ($35)(米線底 $26、餸料每款$9 - $10、勁辣加$7) 剛端上桌的米線，熱騰騰的還冒著白煙，看到這樣的情景總令人忍不住食指大動。米線軟熟滑溜，肉碎帶點微辣，令湯底惹味。

雲南小鍋米線較早前已有報導，今日順路到來，點都要一試啦。舖面算唔大，一眼望落只有5張圓枱，比較舊式的格局，往往就是這樣才能食出他們的味道。小本經營唔好比大鈔啦!!店中推介了5款小食：涼拌雲耳、涼拌黃瓜、麻辣豬耳、麻辣肚絲及麻辣鴨胗。雲南小窩米線以招牌的過橋米線作推介，當中更可以選擇小窩薯粉或小窩米線再選擇你想吃的配料，再選擇辣度。小窩薯粉+腩肉 -$40小窩內已加入了指定的配料：有酸菜、韮菜、芽菜同肉碎，加埋腩肉，陣陣的香味已經傳入我的鼻。當中腩肉特別好味，咬落唔會腍身而有口感，而且辣辣地非常惹味，絕對係會食上癮既米線。