雲南桂林過橋米線

營業中

休息中

店鋪環境殘舊,食物質素其實只係好一般!對真正想食碗麵其實都無咩所謂，反正食完就走！但係員工既態度就惡劣到頂點…叫佢落點個樣好似死左幾個老豆咁，又唔耐煩，無禮貌. 落完單我都火火地…唔好講到我比幾十蚊大晒，要你受氣. 但相反我比錢黎消費無任何事得罪你仲要受D咁既態度對待就不如我比番你.我一路睇個女收銀點對其他客❨就係幫我落單果個❩結果都係一樣仲要一邊做一邊當住其他客人用口埋怨話客人點點點又話自己心情都唔好…等. 跟住一個阿叔仲勁,有檯客因為檯上無Menu自己去攞比佢贈一句｢你坐低啦，咁心急仲咩｣真係唔想因為幾十蚊要係到打咁多字，但係我用餐果十幾分鐘簡直係比錢黎容忍呢間餐廳D員工同要聽D員工自言自語講客人錯咩錯咩. ❨講真我都係做飲食都忍受唔到❩所以只想同大家講千期唔好去幫襯，免得大家一肚【火】

去過雲南的人都知道，過橋米線是一種標誌性的食物。南方人尤其是雲南，桂林，廣西，都喜歡用米線，她們通常喜好米粉作為主食。而在香港開設的雲南過橋桂林米線，其實是小鍋米線。本身就有少少肉碎，酸辣中小辣就足夠。

之前一直食開譚仔，所以今日Lunch來試下呢間叫左碗腩肉米線，$32。米線便淋，份量仲要偏少，食唔飽...腩肉係好細塊既肥豬肉，味道還好...所以覺得川味美食抵食D

呢間野第二次去，第一次去質素平凡，相比類似嘅雲貴香會好食啲，第二次去個服務員不得了，入左去十分鐘，雖然得佢一個人，叫落單叫咗3-4分鐘回應一句俾啲時間，ok 之後望住佢回應元去第二張枱幫人落單冇嘢做去執餐牌，都唔行埋黎之後我直頭行出去叫佢落單用一種好唔滿意嘅態度叫我坐返埋去我同佢講見佢咁忙唔得閒我行埋你叫你落單佢話得佢一個人咁我再行返返去佢就捧兩碗米線出去俾人都冇再行過嚟我就着咗地行出去叫佢寫單條友玩嘢唔落叫我慢慢等仲要用眼秒我我問佢你老闆喺邊佢話佢老闆收咗工返屋企好耐啦我話你咁嘅服務態度5優做唔好做我話咁我屋企喺度等你落單佢仲可以講話叫我慢慢等我話佢態度差投訴話你鍾意投訴慢慢投飽佢如果你地去消費重要咁比人對待，野唔係特的好吃重要比錢買難受建議你地好好諗清楚

小秘書今日要join個business event，所以搞到七點先收工，本來可以跟埋班同事食埋飯先返屋企，不過小秘書今日又無咩心情應酬同飯聚、又唔想臨時打返去要屋企人幫我搞咁多嘢，所以就走咗去食米線，簡簡單單食餓個肚就算。「雲南桂林過橋米線」一向都唔係賣裝修、賣服務嘅小店，小秘書間中去幫襯都只係為咗過吓心癮。不過今日小秘書覺得佢啲嘢似乎差咗好多，就由負責落單果位大叔講起👀 叫大叔落單就好似我哋煩住佢咁，無嚟好客 碗米線面頭層油多到嚇死人🧐 我明明叫嘅係腩肉，但係就肥肉就多過瘦肉🤨 餐廳擺設就愈來愈殘舊，浪費咗咁大個舖面👉🏻👈🏻 不過勝在夠經濟，加埋可樂都係$45😉 是但囉

每個月必定嚟依間分店，每次同係食同一款食物－淨雲吞要少辣。伙記依舊帶鄉音，服務態度一樣欠奉，依舊入座便要你搭枱，無論是否仲有空枱。還好的是地板比以前乾淨，沒有濕立立的，可能天氣好吧。一安排好我入座就叫淨雲吞要少辣加可樂。淨雲吞湯底有肉碎、芫茜、蔥花、酸菜，加上自家制的雲吞十分美味，湯底帶有少少酸少少甜的佢每粒雲吞，雲吞皮不算太厚，但唔會未入口就溶化，雲吞的餡是菜肉餡，十分結實，但肉質又唔算鞋每次都會加一罐可樂（+$8）因為可以減少味精帶來的口渴感覺，但食酸辣雲吞又點會冇味精呢？結賬$38+$8

每次去尖沙咀飲野前都會去雲桂香食過快餐，主要都係因為依度平、靚、正。我個人黎講最鐘意就食酸辣墨丸米線，米線同埋配菜用料十足。米線唔會太淋同埋墨丸彈牙。此外，湯底味道十足。可惜，餐廳嘅環境衛生同服務就一般般。相信如果做好依兩part 就應該會有更多人黎。但整體黎講，都算實惠嘅😐

星期五晚又做得咁夜😭仲諗緊尖沙咀區邊度開24，有同事就推介左呢間米線😁歡樂組組長勁鍾意食米線，我地就即刻搭的士去吖我叫咗個小窩米線木耳加腩肉，清湯原來嗌咗清湯係冇肉碎係碗野度，不過清湯嘅湯底有一種味道，好惹味非常好👏🏻👏🏻同三記係有少少分別佢哋嘅腩肉又係好特別，頭頂係小小肥膏，下面係瘦肉而我兩位同事嗌左酸辣湯底，多啲肉碎喺碗湯度，其實我試咗一啖同事嘅湯底亦唔算好辣，下次叫辣湯底先😋😋

差唔多一個月食一至兩次但個味唔夠定，有小過酸，有時正常要keep住一個味對廚房黎講係有難道。衛生一般，D筷子成日有野痴住。服務：有個呀姐好似前世欠佢，態度差差差，會話人，例如呀姐：大，中，小咩辣客：一般呀姐：大反應地問咩叫一般，你講一般我點寫。

This shop is very similar SIM LUM KHUI 성림거. The taste is soup and topping are almost same. But no Korean people here. This shop is not popular for Korean visitor. If any one ask me which shop is better, I will say 雲南桂林過橋米線. I love both shop but this shop is little bit better for me

食咗幾日好heavy 嘅美食😋就想食返啲light少少嘅輕食🍜丫哥譚仔米缐不嬲都係我最喜愛嘅選擇之一😆平時基本上一個月都係會食阿哥譚仔米線一次。🙂今日就有個朋友介紹話不如去食呢間啦😏其實雲南米線我之前都有食過嘅☺️今次都已經係隔咗好耐都冇入過🤔再次食嘅時候都有驚喜😝其實佢嘅湯底係都好好飲，雞絲足料😃牛柏葉亦比較少有😬豬耳係第一次食嘅，俾我有驚喜👍🏻個汁好好食🙂可以用米線來撈😘其實除咗阿哥米線之外😆這是其中一個不錯的選擇

昨天朋友叫來食米線今天又叫老爹去一起吃不是我說真的好食嘿嘿把老爹吃的呼嚕嚕而且又便宜就是室內看起來舊舊的地方又有點繞所以沒什麼人老爹伸大拇指給老闆：正！我發現自己真不是個認真的吃貨竟然忘記拍照！只好在快吃完時才拍一張吃得好難看才想起來拍，但真真好好食！尤其是那個辣味的炸醬給大家強烈推薦！強烈推薦！吃完有一種味蕾爆棚的感覺老爹聽我寫的食評說現在回想起來還有一種要流口水的感覺 (*≧▽≦) 嘿嘿對了今天是中秋節祝大家中秋快樂記得吃月餅哦～

好耐無遇到過要比劣評既餐廳，因為今次真係好差！先不計食物質素，員工態度已經唔單只係無服務素咁簡單，要用惡劣來形容，品嘗食物前員工已幫餐廳用態度趕客，餐廳究竟期望客人用什麼心情對待自己的食物呢？事源係我同同事叫外賣，到後去比錢時，一出去已經見到員工表情不快，平時外賣到會聽到：『XXX餐廳，外賣到！』，點知呢位望左3秒見佢又唔講野，我就主動問佢幾錢，而同事見佢唔耐煩又無咩反應就想入去拎散銀唔好勞煩店員找續，我就好奇問店員，其實有無得找錢，員工話有，之後我話唔需要啦朋友已經拎緊，而店員竟然係問我：係咪玩野呀？其實在公司有工作，在有限午飯時間下，分配時間出來和一個外賣店員玩，無疑係浪費重要時間資源，希望餐廳如果真想做好，提升除左食物質素外，服務質素都係好重要一環，但前題都要餐廳有心做好。關鍵既食物，同事方面我不清楚，我自己就只點左一份麻辣木耳，辣味多但除此真感覺唔到其他美味來源，皆因食少少已經辣到要浸水，為美味而加辣就容易接受，為辣而加辣就顯得無謂，辣唔等如美味，唔係一味辣就足夠。

同事一直都有光顧，今次艾左兩米線，一個兩送，一個三送，點知凈系送左兩個一送，全部都系素！！！仲收多十幾蚊錢！！！打電話番去仲話我地沒艾到甘多送！明明系落漏單！！個阿姐態度惡劣，仲鬧同事，一味自己講野！完全吾比人講野！仲話下次補番！下次？不知道牛年馬月！還會再食態度惡劣到甘既餐廳？！！

忙到連呼吸都唔得閒，所以今日一有空，就即興約我死黨出來食LUNCH（好感激佢抽到空)一向都知呢間米線店不到lunchtime就要等位，所以未夠一點前我就可以坐到架位，完全唔爆。不過時辰一到就⋯⋯⋯⋯俾人搭枱啦，真係陰功🐷。朋友係我路途中已留voice message 俾我，叫我order定大米線，要有腩肉、豆卜同酸菜，之後叫我叫其他餸，所以我再加豬耳、雲吞加米線。五樣餸入面，我最愛豬耳，不過始終落左湯，冧左少少，亦因為加左酸菜，酸辣嘅感覺重左，令到個湯更好飲。朋友喜歡豆卜，因為已吸晒湯嘅酸辣精華，而唔知點解，食米線總係要食腩肉，但我覺得un左D，未係最好。另外我地都叫左皮蛋做小食，一人一杯野飲，好開心咁就過左個lunchtime啦！