雲南過橋米線

營業中

休息中

呢間雲南過橋米線，以前lunch成日去食，今日故地重遊，特別幫襯，回味一番！點左碗酸辣炸醬紅薯寬粉（走青走芫萎）+肥牛+牛柏葉。酸辣炸醬味濃，酸中帶少少辣增加食慾。紅薯粉口感煙韌，又彈牙。配埋爽口牛拍葉，同肥牛，簡直一流😋另一碗酸辣炸醬紅薯粉條（走青走芫萎）+豬腸+魚肉春卷。豬腸洗得乾淨又夠入味，魚肉春卷浸滿湯底味，咬落啖啖香濃湯底，食指大動。2個人加埋食左$83，😋已經飽到捧住個肚走，大滿足👍

雲南過橋米線，是我上班午餐食粉麵之首選。因為湯底麻辣味带香，及湯㡳帶酸，配上炸醬，炸醬成份其實就是瘦肉粒，经過調味，炸醬味道非常正宗，味道濃郁，還有配送的酸菜，酸中带着甜味，與米缐斉食，真是很味。之前經常食加配$6元的，腩肉，肥牛，大腸，豬肚，牛柏葉，麻辣豬耳....等。及加配$5元的也有食。味道及料都ok。我平時都是喜歡選擇炸醬酸辣米線，今日也一樣，不過今日選擇食加配$5元的魚蛋。之前从來未食過魚蛋的。廚師今日居然失手了，還是今日的廚師是新手呢?今日的湯底居然比較淡，没有平時濃郁的湯底味道了，魚蛋有四粒，比較細粒的，魚蛋不是彈牙的那種，而是帶點實的感覺，及没有魚蛋味。我是此間的老顧客了，希望你能保持水準，才會顧客盈門呢。

今日係荃灣返工，荃灣分店唔夠人，放飯時間都下午4點喇，同事介紹話有間米線好食，好多人等位，我諗住行去睇下，多人就唔等啦點知去到又無咩人等，我就鑽左入去坐低左望一望，原來平日既2:30至5:30消費夠32蚊就送野飲，咁好抵喎我就叫左熱檸茶，同酸辣米線，餸就要大腸同自家制既水餃（每款6蚊）我叫左小辣，酸辣程度岩岩好，味道濃郁，肉醉都好入味，麵唔會煮到太淋，有啲咬口自家制水餸，苟菜豬肉料，足料豬肉苟菜味道岩岩好，豬肉都好新鮮有肉味大腸切細同切幼左，如果切返粗啲會比較有口感雖然間鋪頭細細間，但真係幾好食，怪唔得之同事話平時多人等

平時食米線食開川味 譚仔果d連鎖店 呢間雲南過橋米線就第一次食👻 睇過鋪面同埋個餐牌就同川味超似樣🤣🤣 都係有湯米線同撈拉麵🙊 我就食個腐竹撈拉走蔥同芫荽👻👻加多個豬頸肉 個撈拉就冇汁 而個汁亦都冇咩味😾不過個餸 腐竹同豬頸肉都好足料 豬頸肉係五香味 幾特別既 不過撈拉個汁就係一個敗筆😾😾

OT O到八點幾，見肚餓又無咩野想，天寒地凍去食下酸辣粉都好，至少暖笠笠先啦。來到公司附近的雲南過橋米線，就快九點都仲坐滿人，質素應該有保證啦掛！？撘枱坐，卡座都幾迫，咁細張枱平日要坐四個人？好辛苦啫好彩今晚夜唔算多人，兩個人都好濶。酸辣炸醬紅薯寛粉加豬大腸（$31）賣相都唔錯，大腸幾多，粉亦大碗，仲撘左兩條生菜。大腸軟腍入味，不算太肥，但剪得好隨意，大大小小的，有幾件仲剪到絲狀。寛粉好彈，吸湯食係好味嘅，但太彈同大條，只能著條著條食，咬到有啲口軟，下次都係食番幼得啦。要了小辣我覺得剛剛好，酸酸地小小辣幾對胃，鍾意佢個炸醬味同芫荽。只要唔加太多餸，價錢都唔算貴啦，一碗係夠飽嘅。好似又加左價？新年得25蚊碗啦。

係細細個嘅時候，我總會跟爸爸二人周圍走走，每次去到荃灣廣城行街時，佢都會帶我黎呢間雲南過橋米線食晏。呢間舖頭仔細細，經過左咁多年都無懼租金問題，依舊可以生存到，可想而知佢係一路都有穩定嘅人流先可以做到。相隔多年，我已經變成三個小朋友嘅媽媽，陪我黎嘅唔再係爸爸而係我三個女嘅爸爸。一入到去就見到入面嘅一檯一櫈依舊，所有兒時嘅回憶返哂黎。一睇個餐牌比起以前多左紅薯粉呢樣野。明白係呢個潮流帶領下一定要有少少新意先可以引到人黎食，所以加入新嘅菜式亦必然。價錢當然比起我細個時加左，話哂都過左咁多年，但對比起出面其他米線店其實佢又算平。而且呢度又有秘製醬汁嘅配撘，其他嘅米線好多都得清湯同麻辣酸辣。我地共叫左三碗分黎食，因為小朋友仲細個，一個人又食唔到一碗。酸辣腩肉魚皮餃幼紅薯粉：腩肉同出面嘅唔同，瘦嘅肉比較多，如果唔喜樂食瘦肉嘅人就未必啱，但佢用汁醃得夠入味，睇個肉嘅顏色已經睇得出，但同時又唔會太咸。魚皮餃係四海個隻，值得一提嘅係肉碎，佢係而醃過嘅所以好香好味，加埋d酸菜一齊食十分夾。幼紅薯粉亦都相當彈牙，紅薯粉吸左湯底食特別好味。個湯底除左有酸辣嘅味之外，有少少清甜嘅味道，唔係普通滾水咁。清湯豆卜

好日都唔落一次荃灣西 咁岩去開 就去食以前中學成日食既紅薯粉仲記得第一次食個陣只係$16,$17一碗粉(未加餸) 宜家已有升到去$22,$23一碗 雖然價錢就升左 但都仲係咁抵食 而味道都仲keep到水準 中午入去食 一入到去 有一半位都係附近中學既學生 本身啲位已經有啲窄 因為繁忙時間去食 所以就更加逼 而且因爲天氣熱 所以店主就將個冷氣開到好大 好凍 最唔滿意既就係 個冷氣係咁滴水 滴到我個袋濕哂 但係又全場滿座 無得轉位 唯有食快少少快啲走

經過見橫裝懷舊，餐牌又清晰，就入去試一次。座位有啲逼，侍應見我一袋二袋，好好心，主動叫幫我keep 係收銀想我坐得舒服，讚點左撈通菜魚皮餃炸醬另上，通菜份量夠好surprise, 炸醬唔太燶味，麵質正常、份量好多好飽見到人地叫魚肉春卷好吸引，下次會試！扺食！

今日去開荃灣廣場買嘢，行行下有啲餓，兜去享和街食碗米線先。呢間鋪頭我食過好多次，比起連鎖店抵食夾大碗。我如常叫咗碗酸辣湯米線，今次配蘿蔔、蟹籽丸同小麻辣腩肉。呢度嘅蘿蔔超大舊，又夠甜。腩肉比較瘦，可以話係接近零肥肉，啱晒啲唔鍾意食太肥膩嘅人。我唔係太食得辣，呢種麻辣我都接受得到。推介埋我平時食開嘅自製韭菜餃，皮薄饀多，都唔錯架。另外，叫咗支黑豆漿 （外面比較少有）。呢支黑豆漿唔係太甜，飲落去有淡淡芝麻香味。嚟得呢間鋪頭食，你就預咗要坐得迫。成間舖得九張卡位坐枱，而每邊卡位坐兩個人嘅話都要肩並肩咁坐嘅。唔介意食完即閃，但求一碗抵食、味道算唔錯嘅米線，可以試吓呢間。同埋我搭到尾班車呀， 3月1號起又加價，越嚟越難搵一啲平靚正嘅嘢食啦。

因為下面'一試難忘'的食評所以今日專程一朝早去試。結果是這間店的著粉和'川風味' (有很多間分別的大陸食店)冇大分別。我試了一個幼著粉加肥牛加腩肉。肥牛冇食因為太肥。腩肉比川風味的瘦，這點我喜歡。份糧和川風味差不多, 可能多小小。雙人位的確太小, 不足夠兩個成年人。我覺得香港居民對食物的要求越來越低。可能呢班'香港人'未試過80年代香港食店的食物或其他原因。我估計行過去中國大陸羅湖以北食著粉, 都會抵食好味過香港的大陸人賣的著粉。

同事叫外賣食米線……香味飄到黎我到……我一聞到就好想試！係我鍾意嘅麻辣香味…所以決定收早一於行過去享和街試下。舖頭唔算大…唔起眼…但就幾多人食……下午四五點唔洗等位都坐咗8成………我點咗小窩米線…中麻辣…兩個餸已經好滿足…因為份量好夠！食極都仲有…麻辣味又夠香！下午茶時段仲飲品免費…！食過番尋味！！推介……！！

之前去附近川x食野時已發現呢間都係食米線嘅鋪頭！由於川x食開又較出名所以個時冇試呢間！今日再入荃灣一定唔放過啦！入到去地方唔大但人唔算太多坐得還可以啦！見到個餐牌同野食同川x好似！價錢又差不多！咁為左比較下邊間好食d我就點返同係川x食一樣嘅食物！我點左酸辣乍醬紅薯粉！另外加兩個餸分別係肥牛同豬腸！再加杯凍檸茶！麵到時真係嚇一跳！係勁大碗！冇諗過只係配菜嘅乍醬係一大pat!真係一大pat!同叫多個餸冇分別！超抵食就是了！至於湯底就中上！唔算最上乘但絕對落得肚！小辣都算辣！配埋酸辣湯底好香口！乍醬好夠味口感又好正！肥牛唔肥唔瘦係我至愛！唯口感有少少硬！但絕對可以接受！豬腸唔肥同入味！唯切得有d細！至於凍檸茶就真係唔得！完全冇味！建議大家叫返罐裝氣水免中伏！不過呢個價錢真係冇投訴！絕對有下次！

這間位於享和街的米線,雖然門面及裝潢不算太吸引,但朋友介紹之下便試了一次,怎知一次之後已不能返轉頭,這裡的米線很滑 最好味應該係果炸醬 量多而入味 ,自家制魚肉春卷更是這裡的皇牌 ,彈牙有咬口又新鮮, 湯底又好味 3送加凍飲都係47蚊 這裡與其他米線鋪最大分別除了味道好之餘是份量多 一定夠飽 十分推介

荃灣既米線鋪，最愛光顧這間，湯頭同配料最合口味加$5就有罐裝飲品，好抵~車仔麵形式，先揀麵底，辣度，再選配料蘿蔔魚肉春卷寛薯粉(小辣)寛薯粉煙靭q彈好好味湯底夠濃味但不會咸到令人口喝。我喜歡這裡湯底的味道！選小辣就剛剛好。炸醬肥瘦肉參半，很惹味，蘿蔔鮮甜沒根，魚肉春卷不錯吃，但有點過咸！

其實，我本來想吃老闆娘炸雞球米線的，但是去到又沒有開門...只好在附近找其他便宜獨吃吧。這兒都多番經過，仔細一看原來像川味般有湯米線、撈米線，一試無妨。腩肉大腸撈米線比較喜歡撈米線，因為撈米線沒有湯，不會令米線浸太久。這兒的米線不及川味那麼煙韌，但又比茶餐廳最hea的米線硬些微。腩肉太鞋，半點兒肥肉都找不著，女士才會喜歡這種腩肉；我向來最愛半肥瘦，甚或一層肥一層瘦相間；在此店吃腩肉，食之無用，棄之可惜，實在惱人。大腸不算太肥，還算乾淨，但只得少少幾絲，少得可憐。炸醬比川味辣少許，惟香味不及川味。整體比川味遜色(1)米線太軟；(2)腩肉過瘦；(3)辣得不香；(4)空調不足，位置亦不方便，還不是有大批大批同胞一群一群闖進來，大聲叫罵，影響食慾。但我可能還是會再來一趟，一試其魚肉春卷。