雲吞生麵食

營業中

休息中

想當年我曾經在🏫九龍塘讀書， 放學後去九龍城📚補習。 而每次🎒補習前我總會去九龍城呢間雲吞麵舖🍜幫襯一碗雲吞麵。 🎓☺️眨吓眼都咁多年了，呢間舖頭啲雲吞好似🏓乒乓波咁大粒， 雲吞裏面嘅🦐蝦又大隻又爽口🦐彈牙超好味。 啲生麵又彈牙， 個湯底係好足料嘅🐟大地魚湯。 仲有新鮮嘅低糖豆漿🥛！如果我地夜晚嗰餐諗住🥘打邊爐，仲會打包兩打雲吞返屋企☄️烚吓烚吓🔥。 出面啲舖頭 真係食唔到㗎。 仲有佢隻招牌🐯貓貓旺仔， 你唔好睇佢又肥🙈又大份， 佢啲身手仲勁過🥊洪金寶呀， 簡直係雲吞麵舖裏面嘅🐅震山貓王🥋。

以前也在這裏吃過,味道沒有變,吃得出是大地魚湯,雲吞大大粒,有一隻匙羹那麼大,墨魚丸一般,這店有不同大小的碗,單點是細碗, 雙屏是中碗, 三屏是大碗,價錢中等,不會太貴。

小秘書好鍾意食湯麵類嘅食物，白飯真係少食少食 今日下晝要去九龍城廣場買啲嘢，路過「雲吞生麵食」當然要幫襯吓啦。雖亦早排佢嘅出品出咗啲問題，雲吞咬落吓去唔凍又唔熱咁，餡味又唔多新鮮，一陣腥味😌 不過都不減我對會「大雲吞」嘅熱情👀 今日又忍唔住走入去😝大大粒嘅鮮蝦雲吞係 #小秘書 至愛，今日食物水準已經回復當年，好好味😋 蠔油韭菜花依然keep住水準，口感非常幼嫩、完全無渣㗎！間中地道一吓都唔錯吖！

小秘書見今日五點幾就走得，抽起條筋走去九龍城廣場啲Outlet店行吓，順路去「雲吞生麵食」叫碟韭菜花、同雲吞米做晚餐🤤我想話比大家知，呢度除咗「雲吞」，「韭菜花」就係「雲吞生麵食」嘅招牌菜🤤🤤 阿姐將啲韭菜花揀過晒，將最嫩果部份比客人食，成碟菜完全無渣㗎，所以每次我都好享受一個人吞晒成碟菜落肚😅🤣 食晒碟菜都唔止，我通常仲會叫多個雲吞米做主食，咁先夠飽肚呀嘛🤪 不過今日真係好令小秘書失望呀！雖然粒雲吞依然大到乒乓波咁，但係餡料就今非昔比，鮮味完全冇晒，成粒雲吞留低嘅只有唔新鮮嘅雪蝦嘅味道，湯底又唔夠熱，完全唔入得口👎🏻 好在仲有碟韭菜花打底🤨 唔知係咪今日啲貨買唔切，我平時星期六日去幫襯，通常都會見到老闆座陣👀啲雲吞係好大粒又鮮味㗎，估唔到無人睇住，食物品質就一落千丈！下次我都唔會平一張嚟幫襯喇🤨

第一次幫襯，一入店即聞到大地魚味（嗯不錯），侍應推介新出雲吞豬潤麵:湯底濃厚，有胡椒味，雲吞真大，大大隻蝦，豬潤沒苦味，彈而香。飲品試店員推介的低糖豆漿（$9），用膠樽上，飲不完可帶走（體貼），價錢合理。

我今日經過九龍城 看見一間雲吞麵檔 見店內幾多街坊都入店食 令我十分都想一試 因為眾多街坊食得就知道質素不俗我馬上入店坐下叫了一碗雲吞麵3至5分鐘左右 面就已經來了看見面上沒有雲吞 我不慌不忙用匙羹撈底果然不出我所料 有四粒雲吞 放在底部這是老派雲吞店的做法 但是令我覺得驚奇的是 每一粒雲吞都至少有乒乓球大小 當然大不等同於足料於是我用匙羹盛起一粒用口一咬 雲吞內竟然全部都是滿滿嘅蝦肉蝦肉爽口鮮甜 並且雲吞皮薄令我不禁再把剩下嘅雲吞放進嘴裏再配上滾熱湯底 及生麵獨有嘅口感 令我一口接一口 風卷殘雲地雲吞麵吃光這時候我才發現原來雲吞生麵食 是在1993年已經開始營業 如此質素的雲吞麵 難怪能夠傳承多年

幾年前我問一個住係九龍城既小朋友：「你鍾意係九龍城食咩呀？」佢話：我帶你去食雲吞麵丫！記得第一次去食個陣唔太肚餓，只係叫左碗淨雲吞。時至今日，價格有所上升之餘，粒雲吞亦不甘示弱，愈黎愈大粒！＄30一碗雲吞麵有四粒雲吞。而每粒雲吞大粒到等於人地兩粒雲吞！真係有小朋友隻拳頭咁大呀！蝦！全部都係蝦！幾乎食唔到豬肉既存在！而蝦十分新鮮，爽口彈牙！唯獨個麵鹼水味太勁要用醋中和一下。對面食客叫左淨雲吞，都係三十蚊，有五粒雲吞！下次都係嗌返淨雲吞好啦～

港島有幾間好出名嘅雲吞麵, 我就一直唔識欣賞, 因為又貴又細碗，有時仲要排隊. 我鐘意雲吞生, 大大碗, D麵爽口冇䶨水味, 4大粒好似乒乓波咁大嘅鮮蝦雲吞. 又新鮮又足料, 啖啖鮮蝦! 飽肚又好味! 都只係$30! 扺讚! 雲吞麵真係唔洗食名氣, 真材料先最滿足

每次落到去九龍城，這店是我必食的。28元碗雲吞麵，有4粒大大粒既雲吞，粒粒雲吞大大隻蝦，真係好抵好好味！鲮魚球和魚皮鲛都好好味牛腩呢就真係不推薦了，食過好多次都係好失望呢！也許雲吞麵先係此店主打吧！

在九龍城區有不少麵食鋪, 而雲吞生突出之處我認為是價廉物美.  雲吞是大大隻十足份量的, 一碗麵一碟菜足以令人飽滿.以往我在九龍城區光顧其他麵食鋪, 真讓人不解何以叫"菜心全走"的話, 總有一半時間是"當聽唔到", 端上來一碟油菜還一臉"有你著數" 的模樣.  自從我轉投雲吞生之後, 一次這樣不快經歷都沒有過.  不是說他們有特別出色過人之處, 而是有心.  人家要甚麼便做甚麼, 不似其他麵店按自己常規而行, 一成不變.雲吞生的雲吞是很有份量的, 蝦亦很爽口.  一碗淨雲吞有7隻或者6隻)才28元.  雲吞麵的話亦是28元有4隻雲吞.  有時我會點淨牛肉, 他們的淨食都會跟好幾條菜; 所以一個人吃就算只點一味亦足夠.  今天第一次點了雙拼 - 雲吞拼牛:.  唔係o......雲吞只有3粒; 太少了:.  牛肉亦不見得很多.  所以第一次感覺"唔飽".  雖然雙拼才加3蚊, 比起其他麵鋪都平, 但雲吞份量大減一半, 實在一點不化:. 不知3拼的話是否只有兩:, 但亦不打算要試.  以後還是點淨食好了.淨牛肉是我做運動前的選擇, 是想有點蛋白質.  雖然他們的牛肉味道及肉質只是一般, 但

這星期難得放假，便相約兩位友人一同到九龍城展開一場玩玩食食之旅，在之前，我們並沒有做什麼資料搜集之類，到了中午，友人提議吃泰國菜，本來想到傳聞中有名的＜金寶泰國菜館＞，但天意弄人，我們竟然迷路了，當時剛好路經＜雲吞生麵食＞，而且肚皮已餓得打鼓，沒辦法之下，想也沒想就進去了。中午時段，各張檯也坐滿了人，大部分都是學生到來光顧，環境寬敞，坐位間也算闊落，衛生方面還可接受。第一時間當然看看餐牌上的食物款式！湯麵種類可選擇單拼($15/$18)、雙拼($21)或三拼($26)，墨魚丸、貢丸、牛丸屬於$15的類別，而牛腩、牛筋、魚蛋、鯪魚球和招牌雲吞等等需$18。既然是到＜雲吞生麵食＞食麵，那當然要一嚐它的招牌雲吞，所以點了一碗招牌雲吞麵($18)。選擇坐在近門口位置可細看到店員煮麵的過程。(員工十分忙碌)下單後，在等待的期間，看到近門口的收銀位置，在牆壁上貼滿了老闆與明星們的合照，用作宣傳的用途過了大概三至四分鐘，雲吞麵就已快速端上檯，在麵上放有四粒「加大碼」的雲吞，大粒飽滿，薄皮透出鮮蝦餡粉紅色，十分吸引，單看已讓人口水直流！但味道如何也要吃過才可下結論。雲吞麵最不可忽視的就是其湯底的味道，

眼見好抵食. 今時今日可以搵到$20 一碗雲吞麵, 真係唔係講笑入去食個面.叫左多蔥雲吞河黎到時變左走蔥雲吞河..算夾下時, 見到一條細眼睫毛..都算..講真都唔係第一次, 特別係食面..唔知點解成日都有~個面..冇味...幾粒雲吞, 都算OK但食食下見到隻小強行過.....真係嚇親...環境真係好惡劣....下次真係唔好攪我..

放左學去食晏，平時食開都係牛腩河，因為貪佢夠平又夠入味，最重要唔肥，今次兩個friend嗌左魚蛋河同雲吞河魚蛋河略為冇味，雲吞都算係咁，幾隻鮮蝦包成一個雲吞，但係食食下真係嚇鬼死！成條尾指闊度既綠色菜蟲瞓左係個雲吞河上面真係噁心之極！即刻叫佢換過碗，點知又有隻死蚊滋係到！算啦，費事再換。我個friend食都食唔落。衛生環境又差，坐係廁所位隔離，成日又烏蠅又蚊！可怕！唔敢再食！

上星期與同事行完街,同事推介這間麵家D麵好好味～入去試試,一入去環境不好,好多蒼蠅飛來飛去~隨時加料都不知道.. 與同事一人叫了個麵..叫了雲吞+牛腩麵....雲吞好足料,但個湯就多油食一次夠了... 環境令人不太想多坐/再次光臨!希望改善~~~

我成日都會落去食雲吞麵,d雲吞好大粒好多蝦,十五蚊一碗低食！韮菜花同支庒維他奶都好好味！天氣凍就會買生雲吞同d朋友打邊爐三十蚊一打 ,重有成日會見到d明星去食！