雲桂川冰室 (已結業)

十年唔入一次屯門，一入竟然俾我試到呢間超抵食嘅港式茶餐廳！一坐低見到其他人嘅下午茶，我已經心底裏講咗好多次「嘩！點解可以咁大碟😂」🥞法蘭西多士($28)本身係諗住叫流心芝士火腿西多士，但落錯咗，不過唔緊啦，因為好好食🤣大大件新鮮炸起嘅西多，入面花生醬好厚，仲要有粒粒花生喺入面！同埋我好耐無見過傳統裝糖漿嘅壺了，好地道！🤤🍔芝士咸牛肉炒蛋豬仔包($34)係港式嘅漢堡包🙈豬仔包焗到好脆，入面超足餡！好厚！🔸乾炒豬扒公仔麵($38)呢個真係抵到痴咗線，到底邊到仲可以搵到$38咁大碟炒公仔麵😂😂😂叫完之後好後悔，因為我飽到喊出嚟，最後搞唔掂要攞外賣盒拎走佢環境都幾乾淨㗎，其他小菜價錢都非常合理住屯元天嘅人可以過嚟一試🤣

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 ➖➖➖➖➖➖➖➖➖➖➖➖➖➖➖作為屯門人，話比大家知其實「龍門居」暗藏左好多高質小店😍好似呢間「雲桂川冰室」以平民又貼地嘅價錢，就食到豐富早餐真係吾好錯過呀🥳.🔸五香肉丁麵+黑松露炒蛋+奶油豬仔包+奶茶公仔麵軟硬度恰到好處，入口彈牙吾會腍五香肉丁份量足👍最貼心嘅係，飛走多餘嘅紅油🥳跟餐附送嘅牛油厚多士，可加$3轉奶油豬仔包烤至鬆脆，啖啖奶油嘅甜香，超正😋另外，加多$8可以將腸仔煎蛋轉成黑松露炒蛋用上加入北海道特選3.6牛乳炒成嘅滑蛋色澤呈金黃色，入口滑溜水嫩，奶香突出😍加上黑松露嘅獨特香氣，好滿足呀！奶茶，係小店嘅鎮店之寶集香。濃。滑於一身茶香甘濃，奶香十足，吾會澀🥰.🔸香煎香扒+黑松露炒蛋+奶油豬仔包+凍檸茶黑松露炒蛋更大份，目測有3隻蛋🤣如手掌般大塊嘅牛扒肉質細嫩，牛味香濃😈加$5可配公仔麵添～.🔸牛油菠蘿包菠蘿包外皮酥脆麵包鬆軟有嚼勁加上中間嘅牛油磚，香油香十足🥰

胃弟又帶大胃遊屯門搵好西，上次佢帶我去食雞煲摸門釘，我已經好不滿，今次改去龍門居附近，冇諗過食雞煲，只諗住歎個下午茶去咗一間冰室，飲杯奶茶等食先食大餐梗要鹹檸七助陣杯嘢夠鹹夠刺激，爽呀睇餐廳名估佢係出名米線，湯底都幾惹味雜錦好多料，牛同雞都好嫩口嚟冰室點可以唔食西多士呢？流心芝士果然唔同啲，同火腿完全唔撞係咩大餐呢？冇錯，就係雞煲喇，估唔到佢下午茶係有雞叫，一補上次嘅遺憾睇住靚雞出浴，好療癒呀，食埋仲正呀，辣味同香料味出奇地香淥埋生菜吸埋啲湯味，更能食其髓味

在OpenRice 落單，用外賣自取落了個炒鮮魷，選了7點取餐，想俾多少少時間店家準備，提早在5時半落了單，約7點到取餐去到後姐姐好惡咁話份餐整好咗好耐，怪我點解唔早去拎我話，張單明明寫7點取，指埋俾姐姐睇但佢當睇唔到，遞份凍過冰的餐俾我就調頭走，冇對唔住，亦冇幫我換份熱餐，亦冇幫我重新加熱，迫我硬食份凍冰冰的小菜明明店家的錯，但佢的態度反而係我錯咁，拎住份又凍又硬又油的小菜外賣返去，真心難食到食唔落，食到一肚氣想食野啫，唔係想受氣，永遠唔再幫襯！

雲貴川冰室，我哋入開屯門探朋友都會選擇呢一間餐廳食飯，雖然地方細細，但係勝在菜式夠多，而且廚房嘅爐頭鑊氣好足！今次我哋揀咗下午茶必備之選嘅西多士配冰凍嘅檸檬茶！西多士外脆內軟，抹上甜絲絲嘅糖漿，配上西多士內但有一點點鹹味的花生醬，簡直是懷舊冰室的必備之選！檸檬茶當然不用再說，就是由餐廳自己每天新鮮煲的紅茶底，加上幾片新鮮的檸檬，減膩之餘，更重要的是餐廳的茶水靈魂。另外一個晚上，茶包都選擇了這一間小菜作為晚餐，點了一份約$100左右的黃金蝦，一份菜品應該有有10隻蝦，每一隻都是大大隻，肉質彈牙，配上裹滿鹹香的黃金，配飯一流，如果晚上跟幾個朋友一齊聚會，我會選擇着點一瓶大啤呢🥰

今日去屯門探朋友，佢介紹左我去食一間性價比好高既茶餐廳，我地叫左兩個小菜，「西蘭花炒帶子」，估唔到咁有鑊氣，即叫即炒，又香又熱，西蘭花好入味，但又唔會太咸，要黎撈飯岩岩好！帶子都幾多同埋都幾大粒，好味！「黑椒牛仔骨煲」，個煲熱到d黑椒汁會彈起，真係用心制作，好開心牛仔骨唔會太多肥膏，有好多牛肉都食到，味道濃郁，肉質鮮嫩夠稔，黑椒汁惹味，又係好適合撈飯，叫左杯凍奶茶少甜，真係有聽到要「少甜」，都夠香滑，水準唔錯，好滿意既一餐！

中意食住家菜既話呢到岩哂你❤無論食物既味道定係服務都大滿足，我地果日去食早餐，雖然店舖細細但入座都算快，唔中意等既叫叫外賣夠100蚊有九折優惠tim!大力推介佢地包類產品，無論醬汁定係用料，睇落好似同出面嘅一樣，但一放入口，果種健康味美真係好難係一般茶記到搵到，絕對唔好睇小佢地廚房既女師傅力量。 多人食唔係冇原因！仲有哩嗰公司三文治大件夾抵食，醬汁一樣都係好好好味😍😍同行友人都話佢哋過沙爹牛麵湯底，一啲都唔係死咸，係真 沙爹牛味 勁俾心🤣🤣🤣同老闆娘傾過下計，先知原來平日佢地都有好多學生過來食，所以佢地都好著重食材嘅用料同健康，所以茶餐廳黎講佢地真係賣得超有值。而且選擇多籮籮，夜晚或者宵夜都梗有一款啱你心水🥰🥰

今日入左屯門探朋友，係樓下求其搵間餐廳醫肚，見到呢間都幾多食客幫襯！一般茶餐廳/冰室格局，令我驚喜既係佢地menu既選擇超多，包羅萬有！🌶水煮魚用鯇魚做，望落去雖然紅卜卜，但小辣其實食落唔太辣🤣，魚片既肉質夠新鮮，略嫌太多骨，食既時候要小心！🥦西蘭花帶子健康之選！餐廳小菜推介之一份量夠大，有紅椒同紅蘿蔔配襯，$88連白飯套餐幾抵食！🍜酸菜肉碎雞翼米粉呢碗麵有驚喜！大大碗，配三隻雞翼，味道恰到好處，d米粉索哂d湯食幾正，係下午茶餐既必食之選。呢間冰室價錢合理，份量大碟，要繼續支持呢d街坊小店佢地先可以撐得住💪🏻。

由於太鍾意茶餐廳嘅關係，所以今日經過呢度，就隨便入咗一間冰室食 lunch，點知真係開心大發現，絕對有驚喜，總之一句講晒，唔好睇佢細細間，個名好似食米線咁，但呢間其實係一間高質嘅冰室！喺門口就已經睇到佢嘅餐牌，可以當係選擇非常多，如果需要等位嘅話，就可以睇定食乜嘢先啦，其實佢嘅選擇有好多，包括米線，川菜，小菜，粉面飯等等豬扒炒公仔麵，難得冰室，一定要揀番啲香港本地著名嘅菜式啦，呢個都算係表表者啦，炒公仔麵真係非常香口，同湯麵嘅食法完全不一樣豬扒嘅數量都幾多，公仔麵亦都炒得唔乾身，亦唔會有太油膩，而且味道適中，唔會太鹹，確實係做得唔錯由於唔想淨係食粉面飯，我哋都叫咗一個小菜，就係黑松露蝦仁炒蛋，係咪賣相都幾吸引呢，由於我同朋友都好鍾意食蛋，本身都以為係冰室叫呢一個食物，風險都幾高，因為可能都唔方好食得去邊咁你就錯啦，佢呢間冰室真係做得好好食，但夠香夠滑，黑松露融入晒喺成碟炒蛋入面，而蝦仁亦都大大粒，完全冇偷工減料，加上蔥花，令到成個口感都好香好正！呢一個更加係我最鍾意嘅選擇之一，佢就係 椒鹽豬扒飯！我當時覺得好食到忍唔住同老細講咗兩句讚美嘅說話，因為真係好好食！香港有好多茶餐廳或者冰室，

係屯門搵食見openrice呢間雲桂川冰室評價都好唔錯當時比較早又有位所以一家3口入左去食自選雙拼我地選左椒鹽豆腐加椒鹽雞軟骨黎到超級大碟而且仲好脆好有獲氣氛好夠味有驚喜佢都有幾多款既煲品選擇最後老公中意選左黑椒牛仔骨煲又係大大煲 真係同其他人評價一樣 好夠份量煲入面有好多配料 所以牛仔骨都好惹味 仔仔食到唔停口食左煎炸野同肉 點都要叫番個菜我好中意西蘭花 所以選左西蘭花帶子帶子都唔小咖 西蘭花就好大舊都係個句 份量十足飲品有菠蘿冰同鹹檸七通常叫鹹檸七 係另外比梳打水成日感覺抵D

Tuen Mun 屯門 • 雲桂川冰室 ☁️📍屯門龍門路45號富健花園地下15號舖➰吉列魚柳配黑松露炒蛋和奶油豬仔包$42特色菠蘿包$24西多士$22沙嗲肥牛粉絲煲$68咕嚕雞球$68➰先大讚服務態度友善，早餐時段截至11:30，但11:40都俾我同屋企人叫早餐🥳🥳吉列魚柳超大塊，奶油豬仔包酥脆甜蜜，炒蛋十分滑溜🥰 特色菠蘿包有火腿、炒蛋、芝士、番茄和生菜，豐富🥳 西多士不過不失，邪惡的選擇😍•小菜點了咕嚕雞球，略嫌厚粉，不過酸甜開胃🤤 沙嗲肥牛粉絲煲份量十足✨街坊餐廳，份量抵食，支持👍🏼

食物系好味同抵食，返工時間特登中途落車去買，但員工真系有需要培訓下，星期三叫左三個早餐1:黑松露炒蛋三文治 2：招牌豬扒包 3:煎牛扒配黑松露炒蛋奶油豬。第一個電話打過去問我係5係上下有塊包夾住個款🤭🤭第二個電話打過去問返我，我地有哩個餐咩。終於成功落單，去到拎左外賣返office我要咯牛扒變左雞扒😭😭😭，今日星期五又打去叫外賣早餐43蚊咯煎豬扒配黑松露炒蛋奶油豬，今日確認冇比錯了，返到office打開我O咀了，奶油豬變左黑豬唔緊要，但發現比左刀同匙羹我竟然冇比叉我。我應該用咩黎食塊豬扒尼？😭😭😭老板娘老細我都見過佢地好好人，所以勁鍾意去度買食物。

茶餐廳做街坊生意，價錢平，今日下午茶時間未太多人，但未吃早餐，好肚餓，決定吃飽一點。水煮魚面層紅油望落好刺激，辣中帶麻香，少辣，魚塊肉質鮮嫩，好入味。海鮮花膠豆腐煲材料豐富，蝦爽口、魷魚爽、豆腐香滑，味道清淡，適合老人家和小朋友食。XO醬海鮮炒烏冬有蝦、火腿、爽脆芽菜、香甜洋蔥、香蔥等多款材料，XO醬少少辣，鹹香惹味，好大碟。菠蘿冰內菠蘿粒清甜，清新解渴。咖啡 香醇幼滑。每款餸菜份量多，上菜快，下次可以再黎。

今日入屯門工作，順路探下老朋友，朋友想食茶餐廳，推介行遠少少，呢間好抵食，時間尚早，不算好多人。茶餐廳做街坊生意，人流不少，選擇多。胡椒豬肚雞煲（細）細煲已經有半隻雞，雞肉肉嫩，湯頭胡椒味濃，豬肚爽口，飲少少湯，暖胃又補身，豬頸肉加落雞煲內煮，肉質爽口彈牙，食完配料可以加生菜，生菜吸收晒湯精華。星洲炒米夠鑊氣，炒得乾身，咖哩味濃，好惹味。檸檬菜蜜天氣涼，口喉乾，飲杯特別潤喉。咖啡朋友覺得好香濃，幼滑順喉。價錢好抵，份量多，下次再黎

今日入屯門行山，搵到哩間平民茶餐廳，好味得黎性價比又高😍😍 因為我地黎食既時候係夾住左早餐同午餐之間，所以我地就一人叫左一個早餐再加餸😂😂 食多d野去應付一陣行山所需要既體力！.自己叫左個奶油豬，即刻烘，好脆又多奶油😋 貪吃既我咬左啖菠蘿油，好高質，好脆，覺得好味過麵包舖既菠蘿飽😂.淨係食個飽唔夠飽，我地加左兩個餸一齊食！黑松露蝦仁炒蛋比較少見，始終黑松露都算係高級食材，但估唔到茶記都有得食😋 d蛋有黑松露味又夠滑！燒汁茄子牛仔骨都好正！牛仔骨大件夾抵食，好有鑊氣👍🏻👍🏻.成餐飯既重點除咗係食物夠正之餘，老闆好nice！佢同佢d伙記都好有禮貌，要推介俾屯門人！✌🏻