雲桂川冰室 (已結業)

今日母親節由於我媽去左屯門嘅關係，所以就去左屯門搵佢食母親節飯，而龍門居多野食就係人都知，但冇理由母親節都掃街食，於是乎就搵左茶餐廳食小菜慶祝。呢間小店座位唔多，大約都只係坐到１２個人，但係外賣單就接唔停，我地都等左一個鐘左右食物先至到，而食物我地都冇失望，係值得等嘅。西蘭花炒帶子炒得好有鑊氣，絕對同酒樓有得比。帶子數量都幾多，而且都算大粒，食落都唔會食到雪藏味。豉油皇大蝦煎香左嘅外皮有少少脆，蝦殼豉油味好濃，而蝦本身都幾大隻。XO醬西芹炒蝦球，落左ＸＯ醬去炒特別惹味，不過美中不足嘅係蝦係蝦仁而唔係蝦球。水煮牛肉可以自選辣度，牛肉份量都幾多， 又夠滑。豉椒鮮魷魷魚份量好多，而鮮魷炒得都好入味。

呢晚同爸爸兩個人懶得煮飯，一於出街食，佢傳統啲😆最鐘意食中式小菜，呢間冰室就啱曬喇！晚市都有好多選擇，煲仔菜、川菜、蒸魚、小炒，所有小菜套餐都送白飯秘製粉絲大蝦煲 $88賣相吸引，總共有6隻大蝦，粉絲味道濃郁，索曬蝦嘅鮮味，好食😋惹味，值得一試黑椒牛仔骨煲 $88一上枱個煲熱到炸炸聲，鑊氣十足，洋蔥炒到金黃色帶有少少香口嘅燶燶地，牛仔骨入味又鬆軟，黑椒汁用嚟送飯就岩曬水煮魚 $98估唔到冰室都會有川菜，呢盤水煮魚份量十足，魚肉鮮嫩，入面仲有好多芽菜，如果有薯粉仲正！店員一開頭無問我地要幾辣，好彩都啱啱好😆😆三個小菜味道都唔錯，我諗食完呢餐之後，呢間餐廳應該會變咗做我屋企嘅飯堂🤣

< 雲桂川冰室 > 📍屯門去完屯門行山之後去咗呢間冰室食嘢 佢嘅下午餐三十幾蚊就有交易 好抵食😋招牌雜錦米線 $55有選擇困難症嘅我就叫咗雜錦米線 佢有得揀辣度 叫咗小麻小辣🌶 有豬扒、雞翼、牛肉、牛丸同貢丸五樣餸 份量都幾多😆😆 湯底帶麻香 唔會死辣 牛肉有四五塊 有牛味 幾軟淋👍🏻 牛丸同貢丸𠝹咗十字紋 好入味😛 雞翼同豬扒炸過 好香口😋 米線份量好多 仲有芽菜蔥花 好足料😋😋另外仲叫咗杯凍奶茶 奶味濃 茶唔澀 幾好飲👍🏻

聽個名仲以為係食米線🤪點知原來係間都幾多嘢食又抵食嘅冰室😚食個悠閒嘅下午茶就岩晒😎🧀 流心芝士火腿西多士($32)呢個一定要試，超超超好食強烈推介，十級邪惡🤤🤤流心嘅芝士加火腿本身已經冇得輸，仲要加埋西多士咁邪惡嘅combination，食完肥十磅都抵😛🍜 常餐 ($40)常餐四十蚊就有齊晒奶油豬、火腿奄烈、五香肉丁公仔麵同嘢飲🤣奶油豬又香又甜又脆，熱奶茶茶底好濃🥰 久違了既五香肉丁公仔麵更加係大飽口福🤤🥪 黑松露多士($30)黑松露炒蛋又香又滑，多士烘得香脆😋總括嚟講唔間餐廳嘅質素都好高又好抵食，去開龍門個頭都可以食下😍

［屯門］雲桂川冰室.黑松露炒蛋西多士食剩指數:10/100無睇錯呀！真係黑松露炒蛋西多士黑松露炒蛋都幾滑西多士有花生醬餡炒蛋同西多士加埋又幾特別平時多數加糖漿同牛油咁食係幾得意.招牌雜錦米線食剩指數:10/100諗唔到叫咩餸好就叫個雜錦咩都有有豬扒、雞翼、花枝丸、貢丸、牛肉豬扒同雞翼有醃完再炸咸香味十足花枝丸同貢丸都幾彈牙湯底好夠味仲有炸醬大碗到一個人食真係幾飽. 乾炒豬扒公仔麵食剩指數:10/100冰室茶餐廳實叫碟炒粉麵豬扒分量好多應該係話成碟都好大碟食落感覺唔算好油麵都唔會炒到好淋下午茶咁先係38$仲包野飲真係抵食夾大件

今日係屯門做野，做完順便食少少野先繼續做由於人生路不熟既關係，所以行過見到邊間就撞入去了最後見到雲桂川冰室呢度既食物選擇都好多，除左炒粉麵飯之外，仲有小菜、雞煲、火鍋等等所以我地今日食小菜，叫左個西蘭花炒帶子同埋黃金蝦！西蘭花炒帶子賣相都已經好靚，砌到好似朵花咁，帶子好大粒，炒得都幾香另外黃金蝦都幾出色，外面被咸蛋黃包住，炒香左個外皮有少少脆卜卜蛋黃味好濃，蝦肉都好大隻下次有機會多D人試下雞煲同小菜先原本外賣仲有九折優惠，下次再嚟都可以買外賣返屋企

今日入開屯門影相打卡，係附近搵咗間茶記坐低食個下午茶。呢間真係好抵，份量十足又好食，下次再入屯門會再幫襯😋。我哋叫咗兩個下午茶餐，一個炸雞髀薯角同一份流心芝士火腿西多士。炸髀薯角份量極多，雞髀大大隻、啖啖肉，都只係$36，真係好抵！薯角係新鮮即炸，所以好金黃香脆，抵食！平時食普通西多士多，第一次食流心芝腿西多士。西多士入面都係好足科，熱辣辣嘅芝士仲好拉絲😍。因為份量好夠，食完兩個下午茶餐都已經好夠飽。但見到餐牌有好多川菜，朋友話好想試呢度嘅辣野，所以叫咗個水煮牛肉。嚟到份量都係一如既往極足料，好多牛肉！辣度唔算太辣，但好夠味，味道可以比美出面川菜嘅水煮魚/牛。牛肉亦夠淋、無筋，真心推薦大家可以試吓佢嘅川味小菜🤤。下次再嚟會試埋水煮魚同口水雞😍。

今天去了屯門的單車徑踩單車，到下午肚子已經好餓，又想喝杯凍飲，就隨便去一間冰室。本身沒什麼期待，怎料隨便點了幾道餸都有驚喜。兩個人點了三道菜，兩個飯，兩杯凍飲。第一道：海鮮花膠豆腐煲，裡面非常足料，有帶子，有蝦，還有兩塊大大塊的花膠，真材實料，而且我本身怕海鮮的雪藏味，不過這煲海鮮煲不但沒有雪藏味，而且把花膠煮得好軟口。第二道：西蘭花帶子，帶子一樣沒有雪藏味道，而且足足有十一粒帶子，成本不少，滿足我這個海鮮控。點了兩道海鮮，第三道就選了咖喱牛肉，咖喱味道香濃，牛肉不老且挺嫩滑。這幾天天氣開始回暖，兩個人運動後再喝杯凍檸賓跟菠蘿冰，最舒服不過。這樣埋單才$292，吃到這質素很化算。

屯門龍門居一帶出名多嘢食中午想食港式小菜經過雲桂川冰室睇吓餐牌選擇非常多好似幾唔錯 就入去食啦！-茄子炆魚腩 $70香噴噴 睇賣相已經流晒口水茄子真係白飯小偷 好正👍🏻👍🏻👍🏻魚腩炸過再炆 肉嫩又入味辣子雞 $68麻辣味非常過癮雞肉切成小塊 方便一口接一口食配料尖椒、洋蔥都好好味估唔到冰室能夠做到咁出色嘅川菜水準👍🏻👍🏻👍🏻手撕椰菜 $60炒得夠爽脆 尼道椰菜超惹味👍🏻👍🏻👍🏻雙拼椒鹽鮮魷 + 豆腐 $85又係一道令人食唔停口嘅菜式非常香口 沾醋食好正👍🏻👍🏻👍🏻屯門牛真係要嚟多啲幫襯食到最後友人一直話要再嚟食全部都好好味👍🏻👍🏻👍🏻

過屯門去新開嘅遊樂中心夾公仔因為朋友個上門補習改晏左我又出左門口 就去佢補習嗰邊接埋佢先去到見呢個屋苑啲餐廳都係小店式呢間睇落最多選擇又幾好坐就揀佢嚟試下啦本身想食啲炒粉麵但見隔離枱炒小菜同個雞煲都好正又心大心細跟人叫XO醬西芹炒花膠好夠鑊氣 100蚊都唔洗勁多花膠 又夠厚身水煮魚可以自選辣度 我地揀左小辣魚片份量都好多 又夠滑 最下層有大豆芽 索晒辣汁好好食椒鹽鮮魷粉漿夠薄身 炸得香脆椒鹽好惹味菠蘿冰俾左大半杯菠蘿 好抵呢度啲野真係性價比好高小菜份量足 又夠晒鑊氣全部都會跟白飯 係抵食嘅

遠道而來，由馬鞍山長征，入屯門搵朋友拎之前代購既貨拎完就係富健花園食LUNCH由於富健附近都係一啲比較大眾化既食店 , 行左一圈決定試下雲桂川冰室肚仔餓，係點餐既時候首先嗌個菠蘿油頂下肚仔先（咁遠水路，竟然無食早餐就出左門口，失策失策）菠蘿包岩岩新鮮出爐，夾住牛油，慢慢溶化，好好味呀！原來呢間冰室係午市都可以叫雞煲既，一場黎到，當然要試下係咩質素啦；叫左小辣，辣度係岩岩好既程度～店員上完雞煲之後會同你講等幾耐左右食得，我地為左方便SET 左手機timer，夠鐘就有得食啦～相對出面既雞煲 ，呢個會無咁死咸，味道調得岩岩好～另外叫左杯凍檸賓，如果可以再濃多小小就正啦額外仲叫左個水煮魚，魚肉好滑，份量都多不過要留意比較多骨，食果時要小心啲

是日放假，準備去東涌拿賀年禮盒上巴士前，當然要在龍門居「雲桂川冰室」飽吃一頓美味的早餐～. 🥢鮮茄濃湯雞扒面+黑松露炒蛋+豬仔包+餐飲 $44以鮮蕃茄製成嘅蕃茄濃湯湯頭濃而不杰，酸甜帶點微酸，很是開胃！公仔麵軟硬度恰到好處，口感彈牙雞扒兩面煎香，肉質嫩滑，約有三四塊呢🥰隨餐附上黑松露炒蛋和奶油豬仔包此兩款是雲桂川冰室的早餐招牌炒蛋加入北海道特選3.6牛乳炒制顏色呈金黃色，口感柔軟香滑水嫩，帶陣陣奶香配上黑松露，增添不少層次感😍豬仔包烤至鬆脆，再塗上奶油食落發出「嚓嚓」聲，奶油的甜香，令人一食愛上奶茶水準亦不可小看奶與茶互相輝影，濃而不苦澀，幼滑如絲😋.🥢香煎牛扒+黑松露炒蛋+奶油豬仔包+餐飲 $45同樣都配黑松露炒蛋和奶油豬仔包其中黑松露炒蛋咁大份牛扒如一隻手掌般長👍目測有0.5 cm的薄切厚度肉質嫩滑軟腍，牛味香濃😋.🥢鮮油菠蘿包+餐飲 $26表面薄脆，底面柔軟中間夾住一塊厚牛油滿咬落是滿滿的牛油香凍檸茶，茶味香濃而不苦澀😎

今日入左屯門探朋友，LUNCH係佢屋企附近食，佢揀左呢間雲桂川冰室，大讚小炒有鑊氣，即叫即炒熱辣辣。椒絲腐乳炒通菜鹹香惹味，份量十足，通菜爽脆嫩綠，食落無渣，加入椒絲腐乳炒，惹味爽口!豉汁蒸倉魚濃味豉汁拌飯一流，魚身滑溜，無泥味同腥味，食落啖啖肉，嫩滑又入味。沙爹肥牛粉絲煲肥牛油脂豐富，香嫩鮮滑，粉絲完全吸收哂沙嗲汁，又香又惹味，美味極致!白飯魚煎蛋金黃色煎蛋餅食落香脆，內有白飯魚，無骨刺又嫩滑，簡單惹味，好有住家飯感覺。咸檸七喜甜中帶咸，清爽冰涼。

朋友說天氣凍，問我打唔打邊鑪。咁而家餐廳禁令下唔可以約夜晚啦，如果日間食，我第一時間都係諗到火鍋專門店，一個半鐘一份肉，其餘任食o個d，點知我friend 話去一間冰室食……下﹖乜o個d 午市唔係得快餐、碟頭飯、粉麵咁o架咋咩﹖都好少見去茶餐廳食lunch 跟住隔離個人打緊邊鑪……呢間餐廳o既雞煲，真係午市就有得食，跟住可以再追加火鍋配料。花旗蔘益氣生津，冬天用o黎進補簡直一流，所以揀o左花旗蔘醉雞煲($188/半隻，無加一)。碟雞好大份，先聲奪人，我同個friend 一致認同抵食！你會見到佢好新鮮，浸淫o係d 酒裡面，聞落好香~個湯底亦一d 都唔失禮，有住濃郁花旗蔘同各種藥材o既氣息，好似有杞子呀、紅棗、淮山等等滿滿o既一鍋，味道甘甜，同個雞超夾。私心地，o係佢滾起未食第一round 之前我已滭o左一細碗自己飲……另外我地寫o左一客烏冬($22/2 個)，有人蔘雞湯做底，感覺高級！打邊鑪又點可以唔食丸呢﹖叫碟四寶丸($38)，每樣都有少少最免除煩惱。可能某一樣咁o岩缺貨，而家只有3 款，但當然會搭番足粒數俾你。仲嗌o左份鮮魷($55)，特別想一提佢打邊鑪隻醬，個formula 好惹味

其實好少入屯門今次幫朋友搬屋所以入咗屯門之後佢帶我去一間非常之地道嘅冰室裏面嘅食物款式有好多種我見到我好想食嘅水煮魚所以下午時間我都叫咗水煮魚嚟食水煮魚嘅質素好高雖然佢唔係非常之辣但係好有川菜味而且非常之多魚識落非常之飽肚同大份另外仲叫咗椒鹽豆腐拼椒鹽茄子呢一個數我極力推介椒鹽味啱啱好唔會太鹹而且唔會炸得太過火個豆腐係玉子豆腐真係非常之香口最後仲叫咗黑椒牛仔骨煲牛仔骨非常入味而且唔會好銀送飯真係一流估唔到喺屯門都有一間咁好食嘅冰室下次再入屯門一定係食佢