雲桂香米線專門店 (已結業)

尖沙咀厚福街出名多野食，但當中有一間米線專門店 - 雲桂香唔知你又知唔知呢？走近時會看到我們需要緩緩的向下走才可進入店舖。疫情抵下，辛苦了一群醫護人員了，所以店舖都設了醫護人員及同行者均可享有85折優惠，感謝🙇🏻‍♂️來到雲桂香米線專門店主打當然時米線，再配上自己喜愛的不同配料，非常滋味。熱拌豬頸肉雞翼米線以熱拌米線的形式上枱，當中少了上湯，只需攪拌米線與炸醬，便可嚐到美味的米線，其中鹵水雞翼入味，肉質軟腍；豬頸肉肉質煙韌，口感彈牙。豬大腸腩肉小窩水晶粉來到時已聞到香噴噴的酸辣味道，真係流哂口水！豬大腸口感舒化韌脆，有嚼勁；腩肉入味，口感軟彈；而水晶粉軟韌彈滑，有咬感，吸滿了湯汁後，味道酸辣，惹味又開胃。有時諗想食咩都好煩惱，其實簡簡單單一碗米線粉麵已令我心滿意足。

呢間雲桂香位於tst 厚福街既basement, 好闊落，唔會好似平時其他分店咁迫。個裝修有d 似cafe,我估係頂人地間鋪來做。小鍋米線+酸辣+雞絲+生菜 (小辣）叫左走芫荽，煮淋d 同湯底淡d,全部都有做齊，very good. 因為間唔鐘其他米線鋪都會ignore 你既要求。小鍋紅薯粉+酸辣+豬軟骨 (小速）平時食開米粉，個紅薯粉比較um, 不過都值得試下。豬軟骨一如以往，都係又足料又好食，煮得好軟。湯底味道濃。

今日同朋友想食米線因為朋友覺得食嚟食去都係嗰幾間好似X仔同埋X哥米線， 咁我未去過雲桂香咁我同朋友一齊試下呢一間。 入到去其實坐得都幾舒服嘅係尖沙咀呢一間。小食我就叫咗口水雞 ，口水雞都辣且好味 ，有川菜館風味。 雞非常細心已切開咗， 而且份量十足， 令人客更易入口細嚼雞味同辣椒嘅味道。 咁我要左小鍋米線， 酸辣程度就要左香濃酸辣湯底 、中小辣、 配菜就要腩肉同墨魚丸，咁其實呢個米線我覺得佢都十分足料，因為佢都落咗好多芽菜、酸菜、芹菜、蔥和芫茜。 腩肉亦都畀咗半肥瘦我食，我都幾鍾意，墨魚丸亦都彈牙。 米線亦都口感十足，湯都酸酸辣辣係我鍾意嘅味道。 總括嚟講我覺得好過某幾間米線餐廳。

尖沙嘴返工既，lunch time想話食個快又飽既午餐，平時食開米線既，來來去去都係果幾間，見到有間雲桂香，之前都係其他分店試過，今次當然要去試下。對雲桂香好評的原因其一係因為除左多野揀，仲要係大大碗勁足料，就好似今次試左小鍋紅薯粉配肥牛和豬紅，正宗的小鍋湯底，令到肥牛同豬紅燈都好快入味，個湯配紅薯粉更是入味。我再點了一份這裡出名的炸燕皮肉餃，第一次吃感覺外皮又脆又香，裡面包著厚厚的肉更是嫩滑。再點了一碟腐乳通菜，通菜的顏色十分青嫩，吃起來也是嫩嫩的，份量也挺多的，送紅薯粉也很好吃。再點一杯喝的，點了這麼多也不過$100，尖沙嘴想食好D,真係又化算又好味啊。

午飯時間同同事去了厚福街搵食，這間雲桂香以米線、薯粉等為主，款式都幾多。下午茶時間，還送豆漿或熱飲。豬潤炸醬涼拌紅薯粉紅薯粉比較煙韌有咬口，旁邊還有些炸花生、炸菜、咸菜及肉醬等，要了小辣味道尚可接受，唔算話好辣，不過有咸菜關係，食到差不多底，味道確實幾咸。腩肉魚腐酸辣米線腩肉半肥瘦，肉質嫩腍唔會太乾太鞋，酸度適中，還有些豆板醬味道，湯底亦唔算太咸，米線爽口，即使食到最後亦唔會發脹。最後飲埋杯凍飲清下味蕾。

心思思想食撈米線但唔係間間有。特登搵黎去，好彩冇失望！食過其他分店好多次，服務都唔係好，以為里間都係一樣啦，但服務出奇咁好，仲傾左兩咀添。環境有啲奇怪，同我心目中米線鋪嘅概念差好遠。涼拌米線實係不得了，今次叫雞絲炸醬，本身醬汁夠重口味，加埋清清地嘅雞絲真係好夾！

今日去食雲貴香，我自己叫咗小窩米線， $28好抵食。我叫咗豬頸肉，辣味，豬頸肉好彈牙，湯底濃，我會比7/10。朋友叫咗個雞絲撈紅薯粉。雞絲味比較淡，不過因為個紅薯粉味好濃所以夾埋一齊都還好。另一個朋友就叫咗豬軟骨米線，都好好食。另外仲叫咗雲吞米線同埋墨魚丸米線，但係我地下次就唔會叫雲吞，因為得兩粒冇咁抵； 墨魚丸反而就好多粒

一行三人，又來尖沙咀搵食！天氣涼涼地，當然想食啲辣辣地又有返啲水份嘅湯粉啦！嚟到呢間周圍都有分店的雲桂香，坐唔夠5分鐘已經開始多人！我們各自叫了一碗，由無辣到小辣到中小辣都有齊。呢度上菜一如其他湯粉鋪速度快，啱晒打工仔！先試冇辣的湯底，味道清甜帶點微酸，啱晒喉嚨痛又想食熱野嘅朋友！在是小辣和中小辣的分別，其實一旦來講分別不太大，但可能越食越辣？但味道依然都係非常好，可惜炸醬中的肉碎不算太多，芽菜等配菜亦不見得多，如果不另外叫餸，感覺就好似剩食麵咁。✔️總括而言：不過不失，但以呢個價錢食到一個午餐，CP值高值得翻叮。

早排夜晚收工之後，同同事喺尖沙咀搵食。由於中午嘅時候食得太飽，所以諗住搵啲輕食，醫飽個肚就夠！但係尖沙咀實在太heavy， 最後喺厚福街9號揀咗～雲桂香～落到去揀咗個 涼拌紅薯粉 再加*豬軟骨 同埋*肉燥 ，仲揀多杯凍檸檬茶。喺咁熱鬧嘅地區，呢間鋪頭喺地庫比較少人，空間感亦都足夠。估唔到涼拌紅薯粉嘅中辣亦都可以咁辣！！辣到咀唇都腫埋。。。味道還不俗，正正常常，辣味夠香，豬軟骨啖啖肉，亦都煮得夠淋，如果下次唔揀咁難就更加好喇！

身邊總有幾個勁鐘意食米線既朋友，而除左譚仔，都仲有不少選擇。雲貴香就有不少分店， 大家經過不防去試下。米線方面，有小鍋米線 / 紅薯粉，熱伴 / 涼伴米線，重慶酸辣粉等等，款式多，任君選擇。雲南米線 HK$58, 這款小鍋米線已包含多款菜款，唔想諗食咩食餸既朋友可以選擇這款米線。另外選擇自由搭配的朋友，首先選擇麵款，然後再選辣度，再選菜款。 Order 了小鍋米線小辣，小辣不太辣，味道剛好。而菜款點了海帶及魚腐，海帶份量多，而魚腐大約有三大粒。

最近兩大日本服裝連鎖店做特價，正好可以買隊衫，相約友人到TST一齊掃貨，買呀買呀......又到10點多，雖然比較夜，但身處TST唔怕冇野食，係厚福街搵食，間間都走去𥄫下，見到呢間雲桂香，雖然佢有好多連所店，但從未食過，見到價格合理又啱食即入去了。 落地下1層，餐廳內堂面積頗大，裝潢十分歐陸風﹐想像唔到係食米線呀。 Menu，都幾多選擇，本身想食辣，但因最近太熱氣食返清點。 夏日飲可樂爽。 蟲草花雞湯米線，＄47。 好大碗米線，蟲草花﹐聽落好養身，酒味雞湯底，雞湯濃味，唔覺太有酒味﹐水晶粉爽滑彈牙，吸收了雞湯的精華更美味，雞肉份量多，肉質唔算好滑但正常水準，有埋生菜都幾好呀。食物味道不俗，坐得幾舒服，服務態度友善，營業時間到凌晨12:00，又多一入夜食飯之選。

豬潤小鍋米線（中小辣）$36🐷豬潤薄切，有六、七片。豬潤既烹煮時間拿捏得宜👏🏻質地唔鞋，但未至於鮮嫩；正常水平。🍜米線粗幼、口感適中不過不失🤔配料有芽菜、韭菜、酸菜、肉碎、蔥、芫茜🥗份量慷慨，每啖米線都可以同配料一齊食😋其中肉碎最出色👍🏻肉碎以瘦肉居多，十分入味💯湯底中小辣🌶唔辣，亦無麻既感覺，食完唔夠過癮🙈下次可以挑戰更高既辣度🤤勝在湯底唔算太油。整體而言，米線味道不過不失、無太大記憶點。順帶一提，餐廳衛生情況一般

餐廳位於地庫，一入好茶餐廳feel，但再高級少少咁，座位寬敞，坐得舒服🤓上菜速度好快，5分鐘到就有，岩晒尖沙咀區既上班人士😂叫左小辣，對於食開譚仔三小辣既，呢個絕對應付到😝可能因為湯偏酸，小麻辣，比啲肉醬沖淡左辣味，所以較易入口。豬膶份量唔少，好粉，但我比較愛譚仔豬膶，大家可以比較下😂但口味因人而異，冇話邊間比較好食。配料多，而且一碗都幾大碗，米線唔會太淋，食完好滿足😋但樓面好急速，一見我地停手，就幫我地收起啲碗😂

趕時間去食咗個晚餐就有嘢做，所以是但求其揀左一間連鎖米線鋪頭，諗住可以好快咁填飽個肚。呢度位置都幾多，所以好鬆動。一入到黎就有位可以隨便坐，我哋兩個人都可以坐四人枱。我哋結果叫咗一個涼拌米線同港式米線。嗰涼拌米線就叫咗燕皮肉餃，而另一個港式米線就叫咗墨魚丸。都唔使等太耐，大約10分鐘，啲嘢食就上到嚟啦，果然係趕時間嘅好選擇。呢一個涼拌米線其實佢除咗有米線之外，仲有少少炸醬，所以會有少少辣，但係唔係太辣，可以接受到。至於個餃子真係唔多掂。🤢唔知係咪冇煮熟，或者根本冇煮過。四隻餃子入邊，四隻都係唔熟嘅，好硬，硬到敲落張枱度會有聲😓個港式米線就普普通通啦，不過不失。啲墨魚丸都算彈牙嘅，咬落去唔重雪藏味，為求快趣，要求都唔係好多，起碼係熟嘅🤗。

不嬲食開佢嘅港式米線配豬軟骨，貪佢唔會太油。同埋下午茶包一杯大大杯嘅嘢飲。今日無端端叫咗雲吞，嚟到先記得，我以前叫過，中過伏，唉，又賴嘢。唔知其他時段係唔係，因為不嬲都食下午茶時段，豬軟骨都有三舊仔，覺得叫雲吞中伏係因為得兩粒，雖然好大舊，但始終覺得唔抵，同埋皮好厚，好多層，個人唔太鍾意。下次都係叫返豬軟骨😓順帶一提，次次叫佢走飲筒，佢都跟埋飲筒，勁嬲🤬😡🤬😡🤬