雲桂香米線專門店 (已結業)

今日同朋友想食米線因為朋友覺得食嚟食去都係嗰幾間好似X仔同埋X哥米線， 咁我未去過雲桂香咁我同朋友一齊試下呢一間。 入到去其實坐得都幾舒服嘅係尖沙咀呢一間。小食我就叫咗口水雞 ，口水雞都辣且好味 ，有川菜館風味。 雞非常細心已切開咗， 而且份量十足， 令人客更易入口細嚼雞味同辣椒嘅味道。 咁我要左小鍋米線， 酸辣程度就要左香濃酸辣湯底 、中小辣、 配菜就要腩肉同墨魚丸，咁其實呢個米線我覺得佢都十分足料，因為佢都落咗好多芽菜、酸菜、芹菜、蔥和芫茜。 腩肉亦都畀咗半肥瘦我食，我都幾鍾意，墨魚丸亦都彈牙。 米線亦都口感十足，湯都酸酸辣辣係我鍾意嘅味道。 總括嚟講我覺得好過某幾間米線餐廳。