雲興隆小廚 (已結業)

凍冰冰既天氣最適合食暖笠笠煲仔飯跟朋友一直想來試 終於就到時間餐廳位置很方便 九龍灣站行去需5分鐘跟淘大商場很近 在得寶中心地舖好易搵 6點半左右完全不用等位點了五香肉丁滑雞煲跟臘腸排骨飯等了15分鐘左右就食得。。正呀 本人不吃得太辣一開煲就聞到香噴噴飯跟汁撈埋覺得味道適中 幾香口野味加上飯焦。脆卜卜感覺 雞肉都好滑另一煲臘腸充滿油香 加埋鼓油讚呀 好快就清哂兩煲飯見到餐廳仲有好多拿手小菜一大班友黎最岩 推薦•••••

煲仔飯係香港既美食ICON，愛煲仔飯既人十個有十個都係中意食飯焦。今次小編揾到呢間餐廳，係而呢度你可食到完美飯焦!一入鋪頭見到枱枱都有煲仔飯，煲仔飯打開蓋即刻聞到焦香味，令人垂涎欲滴。窩蛋牛肉煲仔飯 $67牛肉質感濕潤而有咬口，蛋汁與飯粒互相交融後，同飯焦一齊食，口感豐富。其中飯粒口感都好重要，這裏的飯生熟程度剛剛好，火候均勻，飯焦帶啡黃色但無燶到，難得。蠔餅 $68蠔餅用大油鑊猛火即叫即炸，蠔仔都好肥美。呢度既蠔餅同外面食到既唔一樣，佢脆醬調較得幾好，而且脆口既外圍又帶有鬆化口感。風沙花甲貝 $98平時風沙雞就食得多了，風沙花甲都真係第一次試。不過佢既花甲貝好似唔大適合呢個煮法，成件事太乾爭爭，而花甲既鮮味都無埋，好韌呀啫啫通菜煲 $68不過不失，啫啫會油膩D都係正常既中意食煲仔飯既你，一定要黎試下啦，記得要叫蠔餅，不過其他小菜就自己考慮下la

冬天又係食煲仔飯的節奏✨🕺🏿✨✨先係窩蛋牛肉煲仔飯🕺🏿✨✨✨✨✨✨一開蓋就聞到好香飯焦味🤤隻窩蛋流心到好吸引👍🏻督爆佢個下真係好治癒😗牛肉份量都幾多下 足料✨亦都好滑身!!啲飯煲到岩岩好 幾乾身重點係！！全個底都係金黃色的飯焦!!✨❤️✨❤️😍😍❤️❤️😭😭😭😭吃光光！下次光顧叫咗冬菇滑雞煲✨都是滑蛋牛肉的好🤔瑤柱豆苗✨汁太多🙁冰梅骨✨啫啫通菜煲✨有點油有點油膩 送飯剛好

「世界上最殘忍既飯係咩😅」香港除了興記、四季，其實仲有好多地方都有煲仔飯食，仲要唔洗排隊排幾個鐘，而款式種類仲有更多的選擇😂.前幾日偽文青去了九龍灣覓食，之前已經食過呢間小店一次，果次就食小菜，都已經覺得唔錯，絕對有下次😆.而今次再去是為了煲仔飯，他的煲仔飯，即點即制😂薑蔥魚腩煲仔飯$57，肥美魚腩與薑蔥這個配搭，就是絕配😍😋黑面神B都好🍇話「好少煲仔飯有魚腩」，但呢度有啊😄仲要有勁多飯焦，「煲仔飯一定要有飯焦先要做煲仔飯👍🏻」，而且飯焦是剛剛好的，脆卜卜，沒有焦黑，再吸收了豉油😄正啊！.一個煲仔飯又點會夠喉，就點了泰式麻辣豬頸肉，薄切豬頸肉，撈埋麻辣醬一齊食，惹味😂.喜歡煲仔飯的朋友，又唔想排隊，可以選擇呢間小店🙆🏼.

一到冬天，就會想到要食煲仔飯。以前牛頭角下邨差不多拆掉的時候，去過食咗個煲仔飯，所以當知道呢度有煲仔飯食，就耐唔耐去食吓。叫咗個蝦乾排骨煲仔飯，d 蝦乾令到成個飯超香，而排骨的肉是很稔身。重點一定是那個飯，煲得好乾身，而且刮到最底飯焦超多，最後整個飯被我清到見底，下次會繼續試吓其他款式的煲仔飯。

天氣涼最啱就係黎個熱辣辣既煲仔飯啦，一打開蓋就聞到焦香味，飯熟既程度啱啱好，唔會太濕或太少水。今次揀左蠟味令成個飯都充滿油香，果然蠟味同煲仔飯先係絕配阿～食到最底既飯焦脆卜卜唔會燶左或痴底，火喉均勻。員工既服務態度都好殷勤，推薦！

同女朋友食飯，食來食去都係個D，離開下d連鎖店，去下D 老店支持下，遲D無得食都唔知點算，今次試個窩蛋牛肉飯。嘩！出類拔萃好多！起碼叫有D肉食呀！平時過D 都係得幾塊細細塊..不錯！不錯👍

久聞此店，見它門口的雜誌報章報導，和晚上的人頭擁擁，相信應該有所信心保證。今天一嘗所願，但卻帶著失望離去。我們的菜式：1）金銀旦魚湯浸時蔬味道不過不失，但實在太細碟了，便覺不值了。2）鉄板煎豆腐豆腐塊也很小，看似先炸過，外皮只覺硬不覺脆，豆腐本身也不夠滑，普通。（但奇在每枱都有叫一碟）3）豉椒炒蟶子蟶子不夠鮮，鑊氣不夠。4）臘腸滑雞㷛仔飯終於等到「最強」㷛仔飯，真是希望越大失望越大。完全根本一丁點也沒有㷛仔飯香，完全沒有飯焦。不明白何謂「最強」。應該不會再有下次了。拜拜！

未夠7點坐底落單，得3枱客，開始多人，遲來既幾枱客都有餸，我仍然一碟都無。追問阿叔，應該寫單高瘦哥仔無入單，餸黎到又發現唔係我叫既餸，老闆一句唔好意思都無。係咪出左名既舖就毫無服務質素？食物質素一如以往。

冷凍無比的天氣之下又起了想吃煲仔飯的心，完全忍不到一分一秒。誇張地說句飢寒交迫，但冷空氣來襲之下，不想離開被窩半步。可是有名的煲仔飯似乎總不在附近，集中在港島，誰要去那麼遠？左搜右索，詢這問那，終於讓我覓得以前牛頭角下邨有點人氣的煲仔飯小廚。　　小小店面縮於角落，單靠著地址還真的有機會走漏眼。店子雖小，但可是客似雲來，爆滿的座位教不少顧客不得不震住等。幸好我們去的時候未算太晚，上一輪客人又剛好快要吃完，也不用等太久。不過你知道的，搭枱是常事，加上兩條友，走道的雙人座早就滿了。　　不像店子的懷舊街坊氣息，餐牌設計可是圖文並茂的新款式。價錢明顯的不斷有作更改，而且價位也不算十分便宜，今昔之別。翻來翻去內攏都未見有我心心念念的煲仔飯，不禁問了問職員。結果……嗯，有夠白痴，其實就在最底一版，整本翻過來就是了。一如很多小廚的作風，牆上貼有餐牌，還有特色推介，不過我們還是Stick to Basics。　　首先端來的芝士焗鮮魷　$90滿盤盡是金黃成色，大量澎湃的芝士醬足本呈獻。將先已沾粉炸得薄脆富酥感的鮮魷片蘸滿芝香濃郁的芝士醬。鮮魷的外皮稍稍變軟及有點黏口，加上有些少滲油的情況。不過鮮魷件彈牙稔

有朋友介紹話哩度煲仔飯好食，就抱好太期望去。土魷肉餅煲仔飯：只係不過不失，真係唔算特別好食；椒鹽九肚魚：哩個餸真係極差，九肚魚外面層炸粉好厚而且炸到死實實咁，難食黃金脆肉瓜鮮魷：哩個餸算係全晚最好味，全靠啲咸蛋黃味道，不過幾"漏"下希望越大失望越大 ...

這間店之前係牛頭角拆左搬左來淘大, 一直都想試都無機會. 過年前就終於同友人來食個晚飯...估唔到真係咁好味, 唔怪之得咁多人來幫襯. 好彩早到一步唔係都要等位..2個人點左個土魷肉餅煲仔飯, 魚湯什菜煲同埋個XO醬炒五花腩肉....雖然個魚湯味道一般不過勝在無咩味精唔會太口渴, 至於個五花腩就非常好味, 肥肉帶點爽口XO醬又夠惹味..不過今晚既亮點係個煲仔飯, 即叫即整. 飯粒分明岩岩好,肉餅多汁配埋D煲仔飯豉油, 真係唔怪之得枱枱必叫.下次有機會都會來試埋其他小炒.

天氣轉趨寒冷, 其實既arm開始食煲仔飯, 豬女於是選左呢間試下!系唔系牛頭角下村風味不得而知, 但系個煲仔飯確實比一般食既好好多, 至小拎出黎既時候唔會太滾, 令到D飯濃唒! 叫左個窩蛋牛肉都幾特別, 個食法有D似韓國石窩飯咁拌D蛋汁, 最令我地驚訝系個牛肉竟然唔”鞋”, Arm Arm 好.上菜速度突然加快, 一次過黎埋個金銀蛋白菜同埋煎壕餅! 金銀蛋白菜都尚算系okay, 唔太油膩, 系食呢D咁重口味既小菜, 叫個菜最好不過!另外個煎壕餅都真系好香口, 而且D壕都幾大隻, 豬女差唔多一個人食左半碟!不過, 狼仔覺得座位上較迫, 一張枱坐左十個人, 而且我地兩人差唔多坐到出門口, (好彩最後有位侍應姐姐比多左張椅子放野), 最後快快咁食完就閃…

昨晩去了西環坤記吃煲仔飯，但是不及預期中好，有點失望。見到有食評介紹這𥚃的煲仔飯也不錯，於是今天便到這𥚃吃，比對一下。我們叫了鮮魷蝦乾煲仔飯及豉汁白鱔煲仔飯。似乎現在的物價真的漲了不少，和坤記的差不多，只是便宜少許。但這𥚃的飯及餸份量少一些。等了二十五分鐘左右便有得吃了。這𥚃的鱔比較美味,但豉油不夠甜, 葱粒太少，但加了薑絲，飯就兩間差不多。而鲜鱿蝦乾就很普通，沒有特別。總括而言，兩間的煲仔飯也只是很普通，我們決定還是自己在家整好了。

咁前排收夜, 同個朋友一齊食飯....咁諗5到食乜, 就話去食煲仔飯, 咁朋友就帶左我去尼間... 可能都夜去到都好多位, 坐得幾舒服!! 咁一坐低一人叫左一煲飯....之後就後悔喇, 都幾大兜...我叫左土魷肉餅魭魚片煲仔飯叫左兩個菜, 一個蝦醬炒, 另一個就腐乳, 雖然配撘有啲怪, 但夠料, 正四味蝦(無記錯既話), 老闆娘推介, 但我地食5係好出邊四味XD 但都入味既總括而言, 份量幾足下, 上菜快,老闆娘幾好傾.....可成為深宵食堂, 坐係到吹好耐水都無趕我地走!!!有機會再去