雲興隆小廚 (已結業)

二月二十八日 (星期五)一月中，Suyi大病了一場，在家擺了風水陣托賴，這兩個月身體好多喇，也沒有什麼病痛還以為有好日子過，但接著是幾個壞消息是夜倆口子還要港九兩邊走，為無謂的事奔波了幾個小時回到九龍灣，來到以煲仔飯聞名的雲興隆，本想吃過煲仔飯，一煲翻身上次幫襯雲興隆已經是牛下的日子，還記得，倆口子也不時出入附近，尋找牛下滋味印象最深刻的是碳爐雞蛋仔哥哥，在農曆年期間又再遇上他其次就是雲興隆的煲仔飯，未知新鋪水準能否保持?八時許，店子爆滿，要等一等位我倆先到附近新開的759逛一會，約十分鐘就有位喇是近廚房的二人私家枱，近廚得食哩~點了窩蛋牛肉煲仔飯與薑蒽田雞煲仔飯前者牛肉鬆化，但牛味失卻直接點說，是不知什麼肉來的後者的田雞肉質彈牙，挺鮮味可是，煲底的飯焦卻失去芳蹤，頂多只有一兩匙豉油，也太咸，吃煲仔飯，個人還是較喜歡甜豉油的熱辣辣的煲仔飯，最爽的是配上凍飲這杯凍檸茶不過不失，甜甜的能中和挺鹹的煲仔飯後來聽說這裡的小炒的水準會相對較穩定，下次一於相約九龍灣之友齊來吃小炒~

好友相聚除夕夜嘅晩上，寒風刺骨，好想食暖笠笠煲仔飯，不二之選當然係由牛下搬過黎嘅雲興隆啦😃一行6大1B，地方真係足襟見肘，幾乎要背對背坐，感覺過於親蜜。我地點了8餸一湯 臘腸滑雞煲仔飯 $58臘腸唔肥，唔會食到成口油，雞肉勁滑，飯香撲鼻，飯焦脆卜卜排骨煲仔飯 $48排骨入味，飯香撲鼻，飯焦脆卜卜潮式蠔仔粥 $48蠔仔超新鮮，唔腥，好鮮甜煎蠔餅 $48蠔鮮，唔油，香脆金銀蛋白菜仔 $58好味生炒骨 $58甜酸適中，用新鮮菠蘿，正川椒雞 $68雞肉外脆內軟，但比較辣紅燒豆腐 $48味道唔錯胡椒豬肚湯 $69胡椒味拿揑準確，豬肚夠淋，超好味總括味道滿意，服務一流，上菜速度超快，但份量略嫌細碟及地方淺窄P.S. 唔係太記得正確價錢

工作完同朋友經過已清撇牛頭角下邨, 大家便想起以前邨內大大少少美食, 當中依然存在之小廚亦只餘三四間, 他們要在於附近重新搵過新舖位延續他們理想........同朋友相談後, 一於去當中最親情嗰間"雲興隆小廚", 因為當年由老闆兩夫婦辛苦經營到仔仔成長後到舖頭工作, 真正"生水相傳" 他們已在新址約兩年多了, 去到已有好多人在排隊, 等咗15分鐘終於有位坐下來我哋見到老闆同仔仔都忙碌地工作. 但帶著熱誠及親切笑容去款待各客人, 我哋order咗馳名煲仔飯同時菜 1. 窩蛋牛肉煲仔飯- 即叫即整, 要等15分鐘, 用新鮮牛肉及完隻雞蛋 - 牛肉夠嫩, 加上完隻雞蛋打落煲仔飯內, 蛋汁慢慢流入熱熱的牛肉及飯內,正- 哈哈.....食到最後差不多還有飯焦, 正2. 馬拉盞通菜- 清清地, 辡辡地, 爽爽地 - 唔多油夠健康下次要order 馳名"冰梅骨 "

自牛下重建後,舊有嘅商店同食店都各散東西...偶然風聞雲興隆喺新舖位重振雄風,點都要支持下~~兩個人,叫咗3餸1湯乳鴿,正,好好食,送酒一流~呢個湯好清,又有魚味一貫水準,如果多返啲汁會更好鐵板日式燒汁豆腐,幾好食,個豆腐唔會一夾就散,正~昔日牛下光境得到延續,實乃大眾之福~

今日相約三位朋友在這間店食飯,因為就來搬入來這兒,所以特登來試試,成日都見到排隊, 結果冇令我地失望呀!好味道呀! 到入伙時,會推介朋友一齊來這兒食番餐呀!

前兩年係牛下食過 覺得好好食而家佢開返新舖 特登去試下雖然睇到其他食評知道佢差左 有左心理準備不過都係有少少失望 叫左沙拉骨 金銀蛋時菜 同咸蛋肉餅煲仔飯沙拉骨好食 係酸酸甜甜既野我都鐘意無試冰梅骨 因為之前食過~所以試下呢個唔係出名既沙拉骨~咸蛋肉餅煲仔飯無飯焦 好失望. 以前食有好多飯焦嫁~呢度又比廟街果兩間貴咁多就算下次黎都唔會食煲仔飯`

自從牛下拆了之後，九龍灣就少了好多有風味既食店，而其中只有少數繼續另覓新舖經營下去，雲興隆就是其中一間，以水煮菜式、煲仔飯及炒餸馳名，好食店得以保存，實在可喜可賀。雖然我只是在牛下臨拆之前幫襯過舊舖一次，可是卻令我十分懷念。煲仔飯有飯香之餘還有一份焦香，炒餸鑊氣十足，真的十分美味。因此當我知道原來佢地有繼續經營之後，已經急不及待去試，但是這次卻令我有少少失望，沒有以前那麼美味了，可能是沒有了那份大排檔味道。食左兩次，每次都是叫了煲仔飯及一碟餸，煲仔飯真的沒有以前那麼可口，但仍然美味，炒餸就依然那麼好味。最欣賞這裡的蝦乾排骨飯，食落有一股咸香，是蝦乾誘發出來的味道，排骨鮮甜多汁，兩者混和後，味道昇華百倍，加上煲仔飯那份焦香，必試。排骨飯出色之餘，豉汁白鱔煲仔飯都十分香口，豉味很重，鱔肉份量多，而且仲好結實，沒有煮過火既感覺，依然十分嫩滑，而且成煲飯都佈滿了白鱔，令人食指大動。可是叫了一煲沒有腊味香的腊味飯，就真的打了一個突，味道遠遠不及其餘煲仔飯般出色。雖然腊腸充滿酒香，可是實在太硬，其他腊味也不見得出色。接著的咸蛋肉餅飯又給了我驚喜，可能而家好多地方都無咸蛋肉餅煲仔飯的關係，肉餅好鬆化

聽人講e間野d野食幾好食,,,咁咪去試下囉,,,還掂咁近兼職個頭,,,哈哈,,,見到d野,,,仲有好多明星去食過添,,,但係我就嫌佢餐牌d餐少左d,,,咁冇法啦,,,還掂都黎左,,,叫左個常餐,,,哈哈e到d常餐好搞笑,,,好似早餐咁,,,先來多士+炒蛋+火腿,,,轉多士炒蛋唔洗加錢,,,幾好幾好!!!楊州炒飯,,,又係好大碗囉=3=,,,好大碗,,,食唔哂,,,凍奶茶,,,麻麻啦,,,整體黎講,,,覺得同普通茶餐廳差唔多...

牛頭角下村拆村以後，只有少數的店鋪另覓新地步延續，雲興隆就是其中一間。以前的雲興隆在十三座，位置夠大有露天位，更有壯觀的煲仔飯陣，現在當然無呢支歌仔唱，換來光猛乾淨的店舖，時代變遷下失去大排檔風味也是無何奈何之事。雖然這裡煲仔飯有名不過想試一下別的就點了鹹魚雞粒炒飯，小菜就選冰梅骨、椒鹽九肚魚和鐵板釀豆腐。冰梅骨做得非常好，排骨的肉夠多而不韌，咬下去啖啖肉又有肉汁。其醬汁濃度足以令排骨滿滿的掛上但又不會有膩人的感覺，酸中帶甜的醬汁吃起來令人非常開胃。有著這醬汁連配菜的蘿蔔也格外的好吃，而且吃起來爽口，整道菜也很適合隊著啤酒吃。椒鹽九肚魚則比預期中遜色，炸漿是夠薄脆，椒鹽量亦適中不會死鹹，可惜衰在九肚魚上。九肚魚雖味道正常但肉質梅了少許，再加上因為拆肉避開中間那條大魚骨的方法導致魚肉變得散碎，假如拆肉是對分的話吃起來應該會更好。鐵板釀豆腐一上菜時就聽到鐵板的"施施沙沙"，峰煙四起的感覺超興奮，放了差不多一分鐘才能拍到一張清楚的照片。這釀豆腐本來是很普通很住家，但放在鐵板上好像就整個昇華了。豆腐的外皮硬硬脆脆，裡面則很滑，但豆味就不濃，醬汁不會過鹹過淡，總體可以一試。鹹魚雞粒炒飯就做得不好

自從搬後只食過兩次..d煲仔飯好似冇以前咁好食!第一次d飯都好濕,失望...第二次就好d,水準唔穩定~環境好迫,冇以前大排擋的風味!第一次冰梅骨甜酸恰到好處,肉質鬆嫩唔乾,好食西芹炒豬頸肉豬頸肉好爽,但好咸魚腩煲仔飯好多魚腩,但好腥,唔新鮮~雖有飯焦但好濕第二次士多啤梨骨士多啤梨汁甜酸度剛好~但肉好鞋...如果冇個汁我諗仲難食!炸魷魚唔厚粉~鬆脆香口!五香肉丁滑雞煲仔飯比第一次食好好多~飯唔會好濕~加埋五香肉丁的辣油好正~飯焦好香咸蛋肉餅煲仔飯肉餅好鬆,唔會落好多粉,而飯粒粒分明,唔濕,食到底好多飯焦,水準返泥啦~

四月三日 (星期六)今日曼車大戰,特地到老公仔家睇波本想買外賣的,後來決定為免麻煩,在九龍灣吃了才回家突然想起牛下的雲興隆,記得搬到不遠處經一打探,原來搬到了得寶花園地下來到門口,可能時間尚早,不用等就有位了裝飾比起以前在牛下的確實現代化了是潔淨的桌子,整齊的座椅,整體感覺是舒舒服服的來雲興隆,當然少不了煲仔飯餐牌寫明要等二十至三十分鐘,但也是絕對值得的和老公仔商討後,決定點黃鱔煲仔飯煲仔飯,我最喜歡當然是入面的飯和飯焦,材料相對不太重要除了吃窩蛋牛肉煲仔飯外,其他我只是一般!老公仔說黃鱔不錯,頗新鮮,很爽很脆的鱔肉鄰座的伯伯說黃鱔比白鱔有益...但是原因我就不知道了!飯焦都多,有一碗左右,帶一點燶味的,我吃得津津有味!風味尤在我們見到牆上寫上的是日推介豉椒炒蟶子,又點了蟶子炒得得香,有一點沙但蟶子肉很新鮮,很爽滑,用豉椒炒很惹味,送飯就簡直一流想吃多一過清一點的菜,可以選金銀蛋白菜值得一試的是湯很清甜,應該沒有落味精的配料十足,除了新鮮的白菜仔還有不可缺的咸蛋白,蛋黃,皮蛋,每一樣都很富其味道,吃得出的用料新鮮我們都喜歡吃呢!雖然價錢比之前在牛下時貴了一點,換來的是較舒適和乾淨的環境

零九年十一月以煲仔飯起家，重新後的雲興隆，搬到寶花園內側小巷，讀書時來的補習的地方。一家人主理的煲仔飯、小炒檔，店員一家服務殷勤，甫坐下送來兩杯茶，縱是生客亦會有禮的介紹時日菜式。與兩位朋友試試新店手勢，因煲仔飯仔作需時，朋友未到，就先叫下窩蛋牛飯。入冬後其門如事，然而小菜如涼瓜欖菜肉粒、黃金蝦及招牌的豬纖骨出菜效率很高，不需多等已經有得吃。招牌的豬纖骨甜酸恰到好處，肉質鬆嫩不似坊間般乾巴巴的，惹味可口，主理人選材及處理皆花上不少心機。喜歡吃甘味涼瓜，涼瓜欖菜肉粒炒得乾爽，甘香不苦，還有欖菜及肉沒提起味道，風味一流。煲仔飯等上廿分鐘，飯粒雖然濕了一點，吃起來卻是鬆香，肉餅沒經化學過，沒有加油，但吃到底還有不少的飯焦，在區內來說，已很不錯了。每人百元樓下吃上幾味用上新鮮菜料炮製小菜，與及有心去做的煲仔飯，已經很滿意了。

門口識員話煲仔飯好食，咁就俾佢呃左入來，一座底無耐另一個識員勁sell我地食小菜，ok 冇問題，但前前後後點左4個小菜，點知佢話冇，咁算啦！咁就問下有冇白飯跟？佢話冇，不過你出去俾錢時可能唔收你錢。咁你即係想點定係玩我 最後叫煲仔飯，點知又話賣哂.....叫乜冇乜....最終叫左個辣子雞，魚頭煲、辣酒花螺、三絲炒米.....後話的咸魚粒炒飯辣子雞：雞無辣椒香味，明顯是雞還雞、辣椒還辣椒分開煮，失敗辣酒花螺: 冇酒香，只係得辣油，有一些螺是凍的，感覺像微波爐番叮，超失敗三絲炒米: 火腿酸的，明顯變壞，要求換一個咸魚粒炒飯，直頭草奸人命咸魚粒炒飯: 一碟濕飯，咸魚粒無未，難食。魚頭煲: 算係最好食，不過唔夠入味，蒜頭有點生。總括：客人沒有選擇勸，識員不誠實，以後唔會再幫襯。

打正旗號買牛丸.心想味道、口感一定很超卓.不過......可能是我舌頭笨拙的關係吧.除了覺得該店牛丸比一般的結實之外,我覺得其實沒大分別.在我心目中, 暫時還是粉嶺群記牛丸位於第一位.