雲貴川風味 (譚公道) (已結業)

係附近做完野，行過見到間食米線既，就入左去可能未係繁忙時段，可以一人佔一張枱，坐得舒服啲睇餐牌見到面食都有好多款式可以揀，有小鍋米線、麻辣米線、清湯米線，亦可以揀涼拌米線、涼拌紅薯粉等，而配料亦有分不同價錢，任君選擇，全部都係幾蚊一款非常抵食而我就叫咗酸辣米線，配蟹子丸、雞翼、生菜湯底非常惹味，配以好多肉碎、酸菜、芽菜、韭菜等，非常足料，仲可以俾你自己揀唔同辣度、酸度、芽菜及韭菜嘅份量，可以按照你自己嘅個人喜好去揀

我好鍾意食米線，最鐵諗成日周圍試唔同嘅米線！雲貴川有好多間分店，黎到附近做野，咁黎左呢間分店試下。湯底主要分酸辣、麻辣、清湯3款，我好鍾意食呢度嘅酸菜湯底，酸辣程度適中，唔會太酸或者太辣，味道剛好。呢度嘅餸料款式多，好多選擇！諗左陣先揀好食乜野呀！最後揀左揀左麻辣豬耳同埋麻辣腩肉，餸就一般，冇咩驚喜，但湯底都ok！可以一試！但唔會特登再走過黎食喇！環境就麻麻地，坐得唔算舒服！好在冷氣都夠！唔會食到身水身汗！

以前逢星期日下晝係土瓜灣上運動堂，上完之後最中意去雲貴川風味食下米線/粉麵～我最推薦佢地嘅涼拌薯粉，有得選擇辣度、酸度、肉碎、芽菜、韮菜、蔥、芫茜，幾貼心！👍🏻我一般會選擇小小辣，薯粉夠粗身，又爽口，同醬汁拌埋一齊好好食😋下午茶時段（2點半起）仲會送一杯豆漿，豆漿味道偏淡，但同涼拌薯粉味道都幾夾～

米線鋪林立，但整得好食既米線又唔算多；位於土瓜灣呢間雲貴川就係我其中一間常去既米線🍜鋪；究竟有咩驅使我去？好簡單，食過你就知佢既魅力所在。首先選麵底：酸辣米線🍜$25； （包酸菜/芽菜/肉碎/芫荽/蔥）呢d配料都唔少架... 另外加餸菜 最令人著迷既當然係個湯底啦⋯⋯個湯底同別間的不同；有點濃，但我鐘意😍 辣酸味中帶點甜，味道有少少似係花生🥜醬。Any肥，唔理佢係咩湯底都好，好食就係好湯底啦😋😋😋😋😋😋

呢幾年米線大行其道，包括我在內都會經常幫襯，呢間米線有分店，今次係第2次去食。第一次食個陣覺得幾好食，覺得好貼心既係會比張單你揀，無論酸度，辣度甚至米線軟硬程度都可以揀。上黎既時候成碗麵紅卜卜，當時都嚇親，驚好辣，但好彩係個樣睇落辣，實際唔太辣既。講返今次呢碗，叫左酸辣菜肉餃子薯粉，比上次就失色唔少，雖然菜肉餃子話係招牌推薦，但皮實在太厚，一咬落去全部都係皮，而且薯粉太諗，唯一值得欣賞係大碗同足料，起碼有好多蔥同我鐘意既芫茜。不過，下次我唔會再特別去食，除非咁岩經過肚餓啦。

今日下午經過雲貴川 人唔算多好快就入座坐低叫咗碗豬腸蘿蔔豬紅米線上菜時間都好快 味道都正常可惜食到一半嘅時候 發現碗中出現一隻蟑螂嘅屍體！見到咁樣 已經好想反胃已經即刻無再食並用碗仔盛起蟑螂拍照作為紀錄再認真睇多一次 再發現另一隻中型蟑螂嘅屍體！呢個時候我已經無再食並向店員反映店員只係冷冷回一句 洗唔洗幫你換咗佢？店員嘅回應好似已經係經常發生咁麻木了返到屋企更肚瀉咗一場 最後我報咗食環署跟進 如果想試蟑螂米線嘅朋友 可以一試

今晚黎接女朋友收工，附近得呢間無咩人就入左黎食。咁夜食清啲，叫左碗通菜酸辣米線小小辣，成碗都係橙色。師傅重手左似中辣🙃一啲酸味都無😅另外追加左蒜泥白肉同埋雞翼，白肉撈左啲辣椒同埋蒜蓉，適合重口味人士👍🏻肉肥瘦適中👍🏻雞翼值得一讚👍🏻皮脆肉嫩，雞翼入面有肉汁面且好滑👍🏻

只要老闆不在，員工散漫非常...晚市繁忙時段，幾個員工佔據大枱用膳，邊吃邊看手機談天說地交流賭博心得...剩下樓面一個收銀一個，忙到手忙腳亂用膳員工也是一樣漫不經心。 反而以前在北帝街剛開業店小時還可以，可能因為老闆經常在陣。

呢間米線舖頭是我由學生時代就開始幫襯的，雖然坊間有許多雲南米線舖頭選擇，但試過多間之後，這裡依然是我心目中的第一位。聽聞土瓜灣和旺角分店是由第二代打理，餐牌亦別有心思，是可以自己勾選大中小辣，走/多韭菜芽菜酸菜等，甚至還可以直接選擇多/少米線，素吃少油等，由於我食得挑剔，店家這心思深得我心。麻辣腩肉，麻辣雞肉是我最爱的两种配料，肉质鲜嫩，麻辣味够香且有層次，教人回味無窮。其他店家秘制的麻辣配料本人亦非常推薦。

雲林米線林立，一間讓我回頭encore,encore 再encore 的食店不多... 其中不得不提就是—「雲貴川風味」。呢間米線鋪係土瓜灣已䇄立十多年，有咩驅使我會多年來捧場？！是愛還是責任... 係愛牙... 哈利。我是酸辣米線人，食米線🍜最重要係要湯底跟酸辣既配合程度。呢間雖則係連所經營，但湯底有層次(甜中帶辣，辣中帶酸，豬骨味都包圍住整個味蕾），重味精得黎又無何奈何甘好食... 我最愛order 酸辣米線，中辣（$25）另配豬腸（$8），配料多，一個餸都已經夠食。埋單只係$33，真係抵食

其實我對呢頭一知半解，知呢頭有好多食肆，但唔知有乜好野可以食，最近又開始係呢邊短時間返工，咁就一間一間試。其實我自己都算鍾意食麵米線個啲，但又唔想食日食出面個兩間大牌子，見到呢間野就走左入去食午飯時間好多學生同人，坐無虛席。好熱鬧，預要同人搭枱。咁我就叫左個小辣既酸辣米線加莤（我個人勁鍾意多莤），餸就要左五花腩，菜肉餃子，蘿蔔。蘿蔔好食雖然唔係車仔麵但都必食，餃子大大粒又夠足料（我都係見隔離枱咁大隻先叫👍🏻）五花腩都合格。湯底好味，同麵軟硬適中，不過老實講就米線最好淋少少，所以我鍾意呢到麵質，推介！

今次試左一碗麻辣湯底嘅肥牛竹笙米線，呢度嘅彈性都幾高，湯底可以俾你揀辣度，米線都可以揀林d定嘢爽d我揀咗爽d嘅米線，又真係冇平時嘅米線咁林喎。不過呢度嘅麻辣湯底顏色真係好恐怖，都好似血咁既色水，見到其實有啲驚，不過食落又唔錯，幾夠麻，而且肥牛份量都幾多，晚餐都好夠飽。

中學果陣成日黎雲貴川食米線，又大碗又平又好食！畢左業幾年，每年番親香港都會黎食，水準都仲係咁高！我最愛既腩肉小鍋酸辣米線多芫荽腩肉好多，超入味，仲令到個湯更濃味，不過有時d肉會鞋，米線軟硬度可以自己揀，我鐘意食軟d既。30蚊就有一大碗，多到食唔哂！

腩肉酸辣小鍋米線+麻辣皮蛋😍$32+$16搬左去土瓜灣之後😎中意食米線既小弟。呢間就成為我既飯堂😂腩肉米線始終都係我首選😋腩肉夠哂入味，好正😋皮蛋亦唔錯👍

點小辣/小小辣記不清了，並且要求少鹽，然而面上桌之後，發現辣的甘犀利！而且鹹的必須飲汽水！有人推薦這家，所以來試下，吃起來味道一般般，有點小失望。小辣都辣成這樣，大辣得有多恐怖。