雲貴川風味 (譚公道) (已結業)

某日午市路經，發現開左間連鎖米線店，仲有好多人排隊，於是今晚再去睇下駛唔駛排，好彩都入到去，座位同旺角個間比，都算闊落。非常仔細的order單，可以走配料也可以加多。我的選擇小鍋米線($25)，有鮮肉碎、秘制酸菜、芽菜、韮菜、唔辣，加唔辣豬肚絲($7)和麻辣雞肉($7)，唔駛等好耐就上。配料份量適中，深色的雞件麻辣味略嫌不夠重，肉質有D老，不過幾入味，同埋有洋蔥送都ok。豬肚絲幾爽口，以為深色等於入味就錯了，有D乾，可能辣味會好些。米線和湯底比較出色，米線爽滑，湯底濃郁。

今晚同友人去開土瓜灣上堂，諗緊食乜好就見到雲貴川，7點幾去，唔洗等位，酸辣米線係甘熱既天氣好開胃，叫左下面幾樣野：1）3餸酸辣米線（雞亦，辣腩肉，豬皮）$472) 2餸酸辣米線（友人叫）$383）蒜泥白肉(好食，推介) $28 4）凍利賓納 $8（跟面線價）Overall 好好味，CP值高，下次再來開呢頭會再食。

原本想去附近食台灣牛肉麵，但係無開。老婆話附近有間麻辣米線經常都有人排隊等位，不如去試下。去到，剛好有位，唔洗等。我叫咗個酸辣米線，小辣，魚腐，麻辣雞肉，豆卜。老婆叫咗麻辣米線，微辣，麻辣豬脯肉，鮮腐竹。仲有叫咗鴛鴦雞亦4隻。米線配酸菜，一流的夾。麻辣雞肉及麻辣豬脯肉都好味。豆卜及鮮腐竹索咗d湯，無得頂。辣度不是太辣。魚腐及雞亦就麻麻地。魚腐無味兼太淋。我好鍾意食雞亦，所以一見到有雞亦就即點，鴛鴦雞亦即係2款味，麻辣及炸醬，雞亦不夠入味而且煎得不夠乾身。另外，因為好多人等位，食得比較趕。

呢間雲貴川真係細細個就食到大由細鋪食到佢搬大鋪高峰時期簡直係一星期起碼食兩, 三餐添, 直頭係食上隱是晚dinner, 叫左兩碗米線 + 口水雞翼 +  麻辣皮蛋拼拍青瓜 + 蒜泥白肉個人覺得佢d 麻辣米線係好味過酸辣的"送"方面呢, 我就比較中意佢的麻辣豬耳, 另外家人話麻辣腩肉都好正另外口水雞翼亦好味過佢d 烤雞翼而蒜泥白肉就麻麻地啦, 冇乜特別味道水準係keep 到的, 不過希望佢唔好成日加價啦再加多幾蚊, 我就未必會再幫襯佢了.......

復活節連放幾日假, 雖然放假不過都冇去邊度玩今日打算係屋企hea下, 咁先算係放假架嘛黎呢度已經變咗常客, 今日左一次黎到, 復活節竟然有嘢送！只要食滿＄100再上Facebook群組like 就送一碟皮蛋或者青瓜同男朋友簡左個青瓜另外叫多個麻辣木耳, 不過對麻辣木耳有少少失望麻辣但一啲都唔辣, 同蒜蓉木耳冇乜分別涼拌青瓜個口感都幾爽脆, 對比上比木耳更加好食小辣 + 辣腩肉 + 腐皮唔知係咪因為湯底同埋腩肉都係辣嘅關係令到成個湯底都變咗紅色, 見到真係有啲驚! 我係驚自己食唔到咁辣.不過好在只係顏色呈現紅色, 辣度方面好在我都可以接受到, 而且味道好惹味10分唔錯!👍🏻小食份量有啲多最後尾都食唔晒要攞走😂😂😂

今日又尼到土瓜灣蒲，諗住一條友就求其食個麵就算啦，點知竟然比我誤打誤撞食到好野！今次尼到呢間雲貴川風味道，我見有我最愛ge米線，咁就二話不說衝左入去！係其他麵店我多數都係叫開酸辣湯底，咁尼到呢道，冇理由5叫返個酸辣米線啦，有比較先知邊間比較好食加嘛！我見佢除左麵食之外，仲有好多小食，其實我好想叫多個拍青瓜，因為見到隔離枱果碟好似好好味咁，但我又5係太肚餓，怕食5哂，十五十六之後都係冇叫到。個麵終於上枱喇！一望落去個湯底同埋聞落去都知佢味道夠哂濃！d米線撈埋個湯一齊食，認真冇得輸！再加上佢面頭ge芫茜同蔥花，成個麵就咁比我9秒9旋風式吸入！

今日叫外賣自取，專登揸車過嚟攞米線，返到屋企先發現冇俾魚片頭我， 錢就收咗餸就冇俾我，搞到我成碗面肉都冇一啖落肚，真係食到一肚火平時員工態度已經差，叫佢攞啲葱一係就黑面一係就串我，叫我落單嘅時候自己圈，希望老闆睇到呢段留言真係要叫啲員工改良一下態度服務。

呢度真係變左自家食堂啊！係日本完左幾日，一落機竟然最掛住既係雲貴川米線啊！同朋友拖住個gip搭taxi過黎食！飲番杯凍檸茶真係人生一大快事！朋友飲檸樂，都好正！今次唔知死叫左中辣，但其實都唔係好辣咋！唔好睇個湯咁紅好似好辣，食落去係小辣既feel，菜心好嫩而且好腍啊！辣腩肉今日仲好多添啊，一樣咁好食唔會太肥！今日個湯仲好多肉碎，走左芽菜真係好食好多，每次食都太多芽菜啦食完真係好滿足！一人都係$60咋！

酸辣/麻辣粉個湯底味道淡左些少😅，加餸價錢普通，餸既份量多同大舊，雞翼同辣腩肉炆得好入味好正，份量多到好誇張，食極都仲有！蔬菜份量多，牛柏葉又大舊又多，有成5大舊👍

味道還可以的，但吃辣的人就不會回頭。已經要勁辣了，但只是有一點點味道，而且也不夠麻。勁辣只是微辣吧了。其實也不知道是否應該用辣這個字。雖然麻辣向來不辣，但說是勁辣就是讓食辣的人吃，不用遷就不吃辣又要叫勁辣的人了

又黎喇又黎喇! 男朋友真係當呢度係飯堂, 每個星期總會幫襯一至兩次的😂 情況的確有點誇張每一次黎到呢度嘅人都好多人, 不過今日多人得來但未至於需要排隊, 可能因為節日關係沒有太多人吧! 客人都比較疏落... 落單的時候這裏的職員服務態度真的很好, 很耐心, 詳細地睇大家有沒有落錯單, 服務態度來講這裏的確有用心服務鴛鴦雞翼 - 4隻 $26鴛鴦雞翼有兩款口味, 就是炸醬雞翼 & 麻辣雞翼, 炸醬口味食落帶帶絲微香味, 個人覺得炸醬雞翼味道做得的確不錯! 麻辣雞翼吃下來有些少微辣感覺, 不會太過火, 除了這些口味之外個人還吃到了孜然調味粉, 整體感覺的確唔錯小鍋米線 $37辣腩肉, 腐皮 少辣雖然叫了小辣, 上枱時米線辣的程度看起來有點誇張, 橙紅色的辣油鋪滿整個湯底, 雖然看似很辣但味道其實可以接受, 辣腩肉食落保持口感, 腐皮分量高足夠! 但這裏的吸引程度其實是湯底內裏的米線, 米線滑溜而且吃下軟身得來內裡依然保持一定相口感, 確實沒有令人失望!

今晚和契女做完按摩，佢話喜歡食米線，我就帶佢黎呢間，因為我都好耐無吃過，契女叫芝心丸豆卜菜心，我就叫麻辣雞肉豬皮菜心，D豬皮入味，雞肉夠辣，另外又叫皮蛋個汁好味，駌鴦雞翼，土豆絲(呢個夠爽）

都好耐冇自己一個人食lunch, 如果你見到我未入去雲貴川時，係一條短短十幾間舖既街上，唔知食乜時來回橫過馬路差不多4、5次時，會以為我精神有問題！最終，我可以停埋條街一邊，揀左食酸辣米線！通常食米線，我都揀酸辣，但近排身體唔好，想食少d辣，所以揀左小窩米線，但係揀辣度時又圈返少少辣。服務員一見到張落單紙，真係心水清，小窩米線係唔應該揀辣的！佢見我揀左多酸少少辣，所以佢叫提議我揀酸辣，我最終又食返酸辣😝我揀左黑木耳絲同辣豬肚絲，又係辣😝辣豬肚都幾辣， 有點彈牙；黑木耳其實冇咩味,不過夠爽，而且沾到辣豬吐的油/汁，有少少味，唔錯。p.s. 食緊個時隔離枱4個年青人落單，其中3個同我之前一樣叫左清湯/小窩米線，但又係叫酸菜同少辣，服務員又係提議佢地揀酸辣米線！其實係我地幾個唔清晰，還是張落單紙有d tricky 呢😝😝😝

必食麻辣皮蛋, 味道一流, 雖然皮蛋心唔係糖心, 不過自己反而鍾意食呢個口感, 食落軟心差唔多每次食雲貴川都會叫😋今日叫咗個辣腩肉同豬潤不過今日個豬潤唔係咁好食, 好似有少少唔新鮮辣腩肉食落有咬口, 米線唔似譚仔嗰啲咁林因為今日個豬潤差咗啲, 只好比個ok👌🏻喇

今日又又又再一次係土瓜灣打躉😂每星期例牌有2-3係呢頭食野, 今日又係返個輕食米線下午1:00黎到竟然高朋滿座, 不過等左一陣就有位了入面有個姐姐好好服務架! 不停咁叫我等等, 執緊枱喇, 岩岩清潔完可以入得喇, 服務一讚👍🏻👍🏻👍🏻👍🏻門口出面貼滿好多雜誌既報導好多人都食佢, 證明好食程度有返咁上下喇😀麻辣皮蛋 $16雖然叫麻辣, 不過一d辣, 被蛋食落好香嫁味道唔會好重阿摩尼亞味, 好食!麻辣米線$24 - 麻辣腩肉$7 +竹笙$9雲貴川個湯底的確冇得輝, 湯底都幾香濃嫁不過唔算太辣, 麻辣腩肉同竹笙係我嘅最愛, 必選孖寶腩肉醃製得好入味, 食落硬身, 米線食落彈牙有口感再加埋一杯凍奶茶👍🏻👍🏻👍🏻周末食第一餐真係好滿足呀❤️