雷門鐵板燒放題 (已結業)

今次試下呢間雷門放題。佢地啲刺身新鮮，三文魚同甜蝦味道唔錯。雖然有好多冰鎮住但係食落都唔係好凍，溫度啱啱好。食完刺身就梗係食啲熱嘢啦，叫左下面呢個炸帶子。有啲甜酸醬，幾夾喎又。上菜時都仲熱嘅!仲有反卷壽司，平時出面嗰啲反卷鬼死咁大舊，呢度嗰啲細細舊，啱晒咀形!!

同事突然心血來潮說想吃放題,叫我這個食家想想,但我只是普通食家,不是食神呀在香港想吃一餐出色的放題,提早一星期訂位是必需的,所以這次真的難到我了.幸好突然露機一閃,最近聽朋友說旺角有一間不錯的放題,但前一天訂位也可以的,那一刻心想:試試無妨,反正難吃也是跟同事吃,又不是跟朋友,呵呵...極醜惡呢雷門地點是非常近旺角火車站,是從前電訊盈科的位置,其實之前也試過這些前一天訂位的放題,但都不是好東西來呢,反而這次雷門如我凡印象頗不錯舌拿魚刺身當然不是那些幾百萬一條的吞拿魚,但味道比同類型的放題較好是不爭的事實,而且刺身也說得上是新鮮的,我們共點了5次呢.三文魚,油甘魚等等也算早中上的水平,新鮮鮮甜,值得一試再試炸雞軟骨真的是我的至愛,每次吃日本放題也是必然之選,可惜這次的水準稍嫌不足,口感不夠香脆,可能不是新鮮即炸的關係,但當是小吃是可以的相反燒菠羅和炸年糕則不錯,味道跟大門橫丁相近,菠羅汁多,年糕剛不算太油膩,值得一讚壽司們真中規中矩,刺身雖然新鮮但飯團不夠堅韌,很易鬆散,可以有改善的空間作為放題店,我給他的定位會是中間位,價錢中等食物質素中等,但作為一個朋友間的聚會點著實不錯絕對有潛質繼

年初二打牌前去食個飯先, 同阿威哥去左MK搵野食好耐都無去過雷門, 見行左轉兆萬都搵唔到野食又挑起左放題條根, 咪去返老地方囉講返正題, 食物品種就真係無咩點變過架啦, 連一人送兩件的特色食物都無變, 我就叫左燒香蕉, 咬落去, 粉多過蕉...叫最期待的牛油雜姑, E? 唔係用錫紙包ge? D姑好唔新鮮, 又超咸, 最尾無咩點食叫一口牛, 好難咬, 1口咬唔哂刺身, OK, 雪味係有少少, 不過咁ge價錢係抵ge其實食左第1圈就已經唔係好想食第2圈...

估吾到可以咁難食！！魚生切得太細條，食落仲有Ｄ冰未溶；甜蝦食落霉霉地；串燒好似冇燒過；牛舌硬到咬吾開；牛肉火鍋吾熱又冇味；好多嘢點左都冇嚟。最好飲就係罐裝汽水囉！成2百幾蚊食垃圾！！

成班friend考完試去食放題，唸著去旺角食，揾揾下見到張海報，「雷門鐵板燒放題」，好似唔錯，於是去試下，諗著一入去由排等，點知一黎有位坐睇下張餐紙，都幾多款，叫左三文魚，鰻魚壽司。落左兩次單，等左好耐，只係黎左一張單既野食我叫左個金菇肥牛卷，味道唔係太突出，仲咸左D，燒豬頸肉，味道唔錯，個汁整得幾好，有埋飯就更加好攞黎送飯一流，炸雞，冇乜特別，個醬純粹开胃，蟹粥，賣相唔錯，但味道普普通通！如果下次再食放題，未必再黎呢間！

想去“太和味” 但裝修 就咗呢間 雷門路經有亞姐派傳單 6點前早場優惠 128+10%男仔侍應好似明星 有笑容 有問必答另一個短髮女生 放食物上枱無出聲就推開我隻手點魚生 三文魚味淡 瘦 有根  虎虾 尤魚 都算新鮮焗蠔~ 點6隻來2隻 原來點幾多雙都係比2隻要點好幾次 都煩㗎一口牛~ 好香 但得un 天婦羅~ 皮厚 油 虾無味 淋 似吉列多啲蚧子沙律~ 醬太甜 金菇牛肉卷 牛肉小金菇 無切開2件 唔夠細心鐵板燒虾~ 唔太咸 好味 美中不足有4隻1隻霉海鮮火煱~ 火煱無爐火  (冷氣夠個煱凍晒)煮熟上枱 牛奶湯底好襯海鮮 好味

有一晚同朋友約咗去旺角行街睇"畫展"順手食個飯，諗住反正食咩都要百幾蚊不如食放題，去到放題集中地兆萬中心門口有4間走來比傳單我地，見呢間單張上都有我地想要嘅嘢就試下啦，反正好唔好食得個知字 好食嘅下次約人多個選擇，個派傳單嘅話佢地同事帶上去才有9折所以我地就跟咗一個哥哥兜一大個彎上去，上到去(8:00pm)見坐唔滿，當時諗可能只係地點不在兆萬中心嘅問題。誰知坐低15分鐘就知出事，只來咗兩罐飲品(韓國CREAM SODA)加一個牛奶雜菜鍋同兩客小食，個牛奶鍋賣相還好, 只是沒有外面吃的放得咁滿,而且無牛奶味，只係一鍋有雞湯味嘅白色水，料又只有三分一鍋三分二都係水(湯)，兩客小食係牛肉粒同炸帶子,小食碟只有手掌大而餸*牛肉粒細到五毫子直脛都長過佢，仲只放得半碟,炸帶子一睇就知係訂現成貨的魚旦味炸帶子......誰知原來我地已經係好彩，遠處有一位大叔好大聲地客訴佢坐了半小時只來了一客粟米粒,拍枱話要走....之後坐咗37分鐘才來了刺身和其他小食，點解叫小食？係因為佢份量只有前菜的size,炸帶子這種可一粒粒計算的我明白，但不明為什麼叫個煮雜菇同葱爆肥牛都是用醬油碟上！！（光顧過牛陣的話，會知

個次我地好多人一齊去食野分左2張長枱坐一開始 D店員幫我地分好枱號之後我地寫單個時都有寫返枱號遞左好多張單 有刺身,壽司,炸野個D結果等左成個鐘先食到一碟炸雞炸雞食唔到雞等左咁耐都冇野食上枱就催D店員叫佢幫我地跟下催左成4-5次 先有D剌身同其他野食上枱(份量唔多鐵板牛肉未熟 仲生既 血色咁樣而且D野食都係催D店員先有咁既服務質素令到成個氣氛變得勁差又餓又勞氣就叫左經理嚟理論起初 經理既態度都唔好我地不斷投訴 個經理先同我地解釋返原來2張枱點左既野食去哂1張枱搞到另一枱一D野食都冇但係過程中 1個店員都冇過嚟通知我地呢件事亦都冇叫我地重新落單要我地成枱白餓左成粒鐘2個鐘裡面 上到枱既野食已經小所食既野亦都好小 但係咁既服務態度 食物質素 就已經要170賣單(計埋服務費真係好唔抵真係未試過食野食得咁唔開心

星期六晚食價錢好似都係148，價錢吸引，食物都唔錯！壽司款式比起其他同區放題比較少，但質素都幾好。火灸三文魚壽司既三文魚入口即溶，調味料都令到三文魚好香。花之戀壽司大大舊，蟹子都好多！刺身拼盤都好足料。我地ORDER 20件真係來足20件，刺身都好新鮮。大大塊！煙肉火局蠔即叫即火局，味道特別。但係蠔既大小都幾大差別，有D大大隻，有D就幾乎無。但好在呢款蠔可以任叫！炸物就有D失色，應該係一大批炸起，要幾多就俾幾多你。所以全部炸物都係凍既環境就真係麻麻，地方太細令到我地坐得好唔舒服。我地甘岩有坐正廚房對出，經常有人出出入入。。。。整體來講，呢間放題絕對食得過，希望下次會有更多款式！

當是同朋友行左幾間放題，係雷門樓下有派coupon就同朋友入左去食，坐低先發現原本coupon位置一早俾人撕走左，問個經理佢就話每人照減$100 因為我地3個女仔一齊食，嗌親都少少，但間野就俾左好多我地 最中意佢既鐵板一口牛同炸雪糕，不過因為炸雪糕送尼果陣已經有少少溶溶地，即食應該更加好味

本身係去式組長，但個經理窮追猛打咁追我地 ，好啦，入去啦，見到d顧客食野個面色都唔係好難睇同埋爆場，實冇死掛, 惡夢就開始啦!!講講刺生先，三文魚沒有特別, 冇吞拿魚 ，甜蝦肉內經常有蝦殼,另一種蝦大多數都是霉炸物方面,炸雞我係食唔到隻雞係邊!!火鍋D牛肉(鞋)到好似樹皮咁唯一安慰就係牛肉粒,花之戀飲品ok最後我同朋友奮鬥左1個鐘,我地就提前走,依間店係第一間令我開ac寫文，勁!!

地點絕對就腳方便，又唔難拎位 (4人）當然價錢既原因都唔會有d咩expectation la...野食種類ok來野食既速度普通服務, 同好一般既放題一樣.. 我唔係要求你有笑容,只係想有人應有人理遮..野食... 其實...同百佳差唔多, 可能百佳會好小小燒蟹棒係可以擺入口既，天婦羅都唔駛死既藍蝦冇味，未去到霉既d肉質甜蝦都係冇味, 幼到... BB咁...三文魚, 入得口, 呢款刺身都入唔到口間野就冇可能仲開門la...榮螺係有咬口,甜的,真係食得的白鳥貝,叫2轉來一轉,都係食得的既D熟食... 好多既賣想真係好難擺入口...

經過兆萬 睇下食邊間放題好 呢個時候 有一妙齡少女向我推薦雷門 講到又有鐵板燒 又有火煱 一牛口幾好食 仲熱情咁帶我上門 就去會一會佢 上到去 都坐滿人 心諗無死啦 第一輪就叫刺身 選擇少啲 但三文魚 甜蝦都唔錯 但吞拿魚個啲基本款又無 之後就係伏既開始鯖魚 好硬 無魚味 咬柴咁 仲痴牙芝士西蘭花好水 無芝士 白烚味火灸壽司 全部都係難食 無燒既 花之戀啲三文魚 嚼勁耐一口牛一開始食個時 鬆肉口太多 但到最後 佢叫做可以入口炸物 難食天婦羅 諗既 痴線漏單是基本 但點解我叫左4件肥牛金菇 佢黎2件 但之後到我叫2件 佢又俾番3件我 想補償？！唔接受喎 總之難食 成百七蚊 花錢買難受

原先聽人講好好味，讚不絕口，又睇廣告好平，就決定去試好野！book左2大1細，點知一入到去竟然俾張2人我地，話大張既已經冇哂！但係我覺得訂左3位，應該留張大d既枱！第一轉黎既刺身，d三文魚俾哂d筋我地，冇三文魚味，無口感！好有禮貌同個經理講全部都係d筋位，可唔可以換過哂佢。個經理串到話可以，咁您地唔好咁快叫刺身啦啵！大佬咩服務態度呀，我叫您換過哂佢，您叫我唔好嗌？我係客人俾錢黎食仲要睇佢面色，真係佛都有火！之後三催四請先黎刺身，d甜蝦象拔蚌超腥，真係有史以黎，最差服務質素同最差食材質素既放題！請我都唔會再去呀！無回頭!請埋d串串貢既人做野，簡直不知所謂。

果日同朋友去食雷門....之前都食過幾次...但一次就比一次差...星期日食飯時段...旺角餐廳應該度度都人山人海...我一上到雷門...小貓三兩都心知不妙咁坐低...叫野食...好多單都無黎...咁已經好有禮貌問個經理...對話如下我:請問D野有未...經理:黎緊等等....咁我就照等啦....等多20分鐘,咁我又再問我:唔該!應該半個鐘...請問得未...經理:出緊架啦等下啦...咁好啦.....如是者我左加埋40分鐘......果40分鐘只係見到經理不停同其他同事吹水又係到溝女...果40分鐘我一樣野都食唔到我舉手叫人黎....樓面同經理扮見唔到....我大叫埋單.....即刻有個人走埋黎......我埋完單....臨走前再問多次個經理...我真係忍唔住發火....我:你又話有既...係邊呀,半個鐘有突啦!係咪求你先有呀經理一面好得戚個樣講....邊有半個鐘,你岩岩吹係幾耐架Ja,係咁架啦....個感覺係好似有個傻仔俾人玩左40分鐘都唔知,最尾仲要死死氣埋單.....食完係帶住唔開心既心情離開......