雷門鐵板燒放題 (已結業)

身為一個mk仔, 係mk食野是常識吧。 話說, mk最多既就係café, 打邊爐同放題, 咁今次我地一於就食放題啦~去到等左無幾耐就入得去, 心諗mk d野通常都等到喊出黎, 今次唔洗等, 唔通中伏?入到去見到幾個店員已經係度吹緊水, 真係愈來愈似中伏。一坐低其實真係坐得唔係話好舒服, 設計唔多好, 有點兒窄。睇下個menu, 真係好多選擇, 但我係一個重質唔重量既人, 所以都係睇定d先。跟住揀好晒野食就叫waiter啦, 唔該左好耐都無人so我, 最後有個店員眼尾瞄到我, 但佢竟然唔係過黎, 而係叫第二個落緊單既店員一陣過黎, 我心諗唔通佢係老闆?咁本事既? 但佢明明著住店員既衫, 唔通係cosplay?算, 食放題最在乎既係咩?係上菜既速度, 尼間野既速度都係慢果種。大概20分鐘上一張單, 而且份量唔足, 好似無論你寫幾多都係俾你地人頭既份量咁, 野既擺位都算靚既, 但牛柳粒等幾粒L 要叫多次。總括黎講, 炸物佢就會炸足俾你, 因為炸野好hea就做到, 但要少少技巧既野佢就唔出足, hea得就hea, 百幾蚊唔係話唔抵, 但其實唔會話食得好滿意lor。

第一次寫食評 ，去到旺角比樓下派派傳哥哥呃左上黎食，果哥哥把口又得 講到明好多明星上黎食，上到去真係幾多明星相，但淨係識一個鍾一x明星，上到去唔駛等位，惡夢開始來了，食放題當然最主要食刺身，我同班fd緊係第一時間點順手點埋其他熟食，好啦我地唔知呢間咩規舉，刺身半個鐘都未黎，其他野都要3個字先黎，最快黎係飲品，我同班fd真係飲野飲飽，就算係飲品都衰過人，我班fd點左綠茶，但飲落似水。講下食物 個蟹子沙拉，蟹子真係得一啖，味道還不錯，但我最不滿意燒老虎蝦，啲蝦真係唔新鮮，仲有啲臭，燒雞翼香，但冇味道得過咸字。壽司特別係三文魚花之卷啲魚變哂色，好似擺咗喺度幾日。刺身終於黎啦，數量唔岩是常識，最期待的老虎蝦細到蝦米甘，三文魚唔多新鮮，馬刀魚薄過張紙，個心好不氣憤狂寫刺身要回本，點知可能有心作對甩哂單...食到2個鐘待應姐姐可能想趕我地走，比左張甜品紙我地，我地叫左北海道乜乜（忘記了）點知冇哂，迫住食朱古力蛋糕，點知細過舊擦膠，食一啖真係唔想食，好彩夠細，我肯定係平貨，其他甜品味道都係一般般。好啦諗住走佬，點知大約九個字之前點既刺身壽司黎左，已經冇乜胃口x_x總括來說哩一間係我食過最差最難食最唔

Overall!Sashimi:Thin, frozen, some never arrivedSushi:tasteless rice, eel was dryGeneral seafoodyster - super small, too much onion!salmon - never cameoctopus - never cameeel - never cametuna - never cameDeep fried food:All was frozen beforeMeat:Chicken - was ok but not enough came and took too longBeef - tough, over cooked, tastelessSausage - small sliceUdon:Was ok - average tastingHot Pot:no dumplings in hot potDrinks:Green apple green tea - all colouring and flavouringMango green tea - was de

今日係我第一次寫食評，真係不吐不快！唔講唔得！話說我係彌敦道見到有雷門既單張，睇下又唔係貴，價錢中等，食物款式又好似幾ok，咁就同老公一試，上到去唔洗等就有位，一開始樓面俾左個卡位我地坐，但卡位太窄了，所以要求轉坐其他枱，開始叫野食，上菜唔算等得太耐，叫左好多食物，刺身先到，哇！第一次見識到何為薄切三文魚，真係好似張紙咁薄！而且數量又唔齊！老公叫左20塊，但只係黎左10塊，咁我地就叫多幾次，但次次都唔齊，終於忍唔住叫樓面黎齊d，當然最後係唔足啦，我就問樓面點解會唔足數量，佢就揾左個經理黎，經理就答：“因為佢地係根據人數而俾數量，唔係客人叫幾多就俾幾多！“我聽完呢個答案真係覺得好好笑，呢間叫放題，放題唔係任叫任食嫁咩？我食過咁多間放題，真係從來冇聽過呢d話囉！咁辜寒好心就咪鬼做放題啦！講完三文魚，講下最簡單既芝士西蘭花，4個字講晒：“難食到嘔“！我放入囗，吐都吐唔切！芝士就一小篤，西蘭花淋pet pet！完全談不上係一個廚房師傅整既食物！冇水準！再黎就係“鹽燒雞皮“，正所謂“鹽燒“就係燒得好乾身，較為脆囗，但係呢個“鹽燒雞皮“就油立立，又淋，囗感好似未熟咁，10成9係炸既！仲有一個燒雞翼

前提: - 從Group on上發現是次放題優惠 - 同7位同學老師一齊去 - 當日餐廳人較多 人氣不錯 - 108$ 網上團購, 現場每人付39$ 2.5小時任食優點: - 一口牛實在不得不讚, 牛味濃郁但沒有騷味, 好食！ - 燒三文魚壽司絕對值得一試。 - 炸物如天婦羅等, 10分滿分俾7分。 - 員工態度不錯, 不繼為顧追問未到的食品。 需要改進: - 綠茶味道比較淡。 - 刺身如三文魚較為薄身。 - 希靈魚刺身太細件。 - 整體上菜速度較為慢。 - 餐廳位置比較窄。後話: - 整體10分滿俾7.5分。 - 147$ 放題已經算中上, 不錯。 - 建議4至5人去, 太多人的話, 一上菜就秒殺。

下次買團購之前真係要睇清楚上網睇相好似幾好，去到啲位勁窄，黎食物又黎唔足好慢一，而且冷氣開到好大，食物好快就凍了有員工服務態度好，但食物太差了，魚生細到呢 /_____\三文魚紙咁簿，希靈魚超細片，最好味的係甜蝦和虎蝦刺身燒三文魚頭都好，係全晚最滿意的食物

話說係街見到人派傳單，女友想食放題。已經手拎一張另一間的傳單。最後決定再行多一陣睇多幾間先。行到一度，好多人派放題傳單，咁有個仔突然插入黎，俾張雷門傳單我，又喺我耳邊不停講野……誇到呢，又話咩三大必食放題，又話約有十個明星食過……最後我都有入去，不過唔係因為佢講啲野，而係佢張傳單啲相真係幾靚幾吸引。上到去，好多人，諗住無死啦，多人食唔會差到去邊。等位好快，約5分鐘左右， 禮貌還ok，係啲位好似好窄同個廁所唔係好clean。野食放面，等既時間可以接受，但食物質素就唔好提，都要略略講下：刺身，真係好刀工到呢，又薄又細塊，希靈魚刺身仲衰，手指尾兩節既大細.所有刺身同張tempo差唔多厚……基本上串燒之類都有雪藏味，係個燒雞串幾好，壽司真係omg,舊舊飯都散，個曼魚壽司不如唔好出把啦，又薄又散，完全唔似曼魚！叫佐個清湯牛肉咼，清湯就好似水加小小味精，味精水…………牛肉有啲好似切細塊上……整體黎講，食一次就算，比得咁既錢，度度放題又差唔多，就算食物質素差都無哩間咁差。題外話，我好想問返個仔，佢口中既明星係唔係好似古裝劇企後排啲士兵，一出場比人插一刀然後哎呀！嗰啲！

唔使等位，食物質素亦算係唔錯，價錢亦都合理買相雖然唔算得靚，但係味度的確係唔錯。特別要讚的係刺生的新鮮同味道。但係除咗第一轉ORDER叫做嚟咗九成，第二轉ORDER就已經嚟得五成，第三轉ORDER就嚟得一兩成！仲要衰到一夠兩個鐘就要求你埋單！大佬，等你D野食都已經等到夠鐘！感覺完全係佢地為咗圍到本，要拖到你夠鐘之後踢你走！

今日去咗試下日本放題、行經見到個廣告幾靚所以就上去試下。喜歡食玉米嘅我、即時點咗一客、比我想像中要多、而且牛油味十足~Yummy~再點了沙律、超大碗呢、有啲surprise ~到肉了、雞冀是蜜汁味的、我喜歡不太乾的所以like!!!不過羊肉比我想像中要小而且賣相也一般般。雞軟骨也比較乾了一點。但炒芽菜就夠爽口、而且不會太濃味。後來我再叫了一個豚肉鍋物、好像鍋物類的比較入味、味道也不錯、整體食物真的一般般、但以$350兩位也可以接受。但對想食食物原味及質素的朋友便會一定失望了。

這是我有所而來吃過最差的一所餐廳，等候位置的時間雖然很短，經理還算有禮，客氣地招待顧客到位置，我跟朋友所坐的是4人桌位，但很擠逼，幾乎不可以說是4人坐的，應該是2人桌位，環觀四處，甚麼人的座位都不算寬，但也算啦，我來這所吃是因為雜誌上所寫的食評還算吸引，但一落單我只能說一句成語去形容：金玉其外，敗絮其中。東西來得慢之餘，大概我們一開始寫下得單，都是在30分鐘后才上臺，我先不論是不是很多人顧客等候食物，但我所看到的是別的顧客比我遲來，食物卻早到，這是什麽意思？食物來的數量跟寫單的很不一樣，我和朋友4人寫單是寫了20塊魚生，但來了只有10塊而已，而已我們顧客所點食物的單上沒有規定只可以寫多少塊，4人寫20塊魚生不會過分吧？！30分鐘后來了只有一碟食物，其他大概過了1個小時才來，這態度我相信不是餐廳給顧客應有的對待，當我們詢問員工和煩請該為員工幫我們催促一下，爽快地答應，但過了15分鐘還沒來，結果我們又再一次問，該員工居然說沒有了，還說沒有寫單，我相信不只有我遇到這問題，這是一個很嚴重的問題，客人來消費，應該客氣點說可以轉其他給你們嗎？這種說話才對吧？最後準備結帳時，才一次過上漏下的食物，我

同媽媽預祝母親節, 媽媽話想食放題.. 星期5晚的旺角.. 又要方便又唔想同人迫.就黎左呢間---雷門.門口個經理笑容滿面, 都幾有禮貌, 好快就帶左我一行5人入去坐.安排左個角落位俾我, 唔使同人迫MENU好多野食揀, 有壽司, 刺身, 鐵板燒, 火鍋, 沙律, 飲品, 甜品.影完第1張相就掛住食食食無影到了..哈哈都唔係人地講到咁差呀.. 好多野都好食.. 至少對得起呢個價格吧不過黎呢度不要太在意黎既數量同款式岩唔岩..睇得出佢地係有D唔夠人手, 都係放題通病吧我地都係密密食密密食, 佢黎咩我就食咩..哈哈,, 見好味既就再落單咁..其實我都唔知佢D野黎得岩唔岩架, 好食味得LOR....當中D刺身都好新鮮, 仲好細心咁每碟都落左冰墊底保冷, 但又唔會有雪味..好食!一口牛都好好味好香, 我地叫左3次..哈哈仲有羊架同燒波蘿..正!睇得出D野食都有落過心機煮..而唔係求其煎熟塞俾我.仲有好多火灸壽司, MY FAVORITE 可惜我個肚食唔得多.之後食甜品,,有炸雪米慈, 炸香蕉.. 正! 呢D出面D放題都無得食.總括黎講, 性價比好高~ 野食唔差, 可以ENCORE~

我未去過一間放題嫩似呢間咁差！同屋企人幾個去食。入到去已經睇到個空間細。坐埋個位又窄到腳撞腳。真係坐到好唔舒服。但都算啦。諗住睇下啲食物可唔可以補救返。未食之前見到咁多野揀以為都幾好幾豐富。但點知上到黎先知另一會事。一開波叫左個一口牛點知得個幾粒，又細又乾又難𡁻。啲海蝦上高個啲白色好似白汁嘅醬又唔知係咩整。成陣怪味。杯熱朱古力又淡到好似水咁。你不如卑杯水我仲好飲啦！後來我見到隔離兩枱都有杯冇飲過嘅野先知唔係得我中招。叫啲刺身叫左幾次。但成粒中先黎得個三次 仲要係有一次卑錯，應真火滾。叫啲刺身寫廿片佢卑得個幾片。佢想我地幾個一人塊半咁分？唔止刺身其他叫乜都係咁。樣樣黎得個少少。咁佢不如唔好卑我地寫數目量，就咁卑我地tick算啦。人數寫左佢又就得咁少。簡直大失所望！啲服務員自已卑錯野黎。同佢講返又要成面不滿先收走。最好笑係後尾又攞返黎。見到有啲服務員係廚房走出邊行邊𡁻。真係難怪啲野黎得咁慢。好心佢做呢啲野就唔好卑人到啦。係旺角食過咁多間放題。有啲係會有甩漏。但個啲全部都唔會卑少又咁差服務。真係未試一間可以咁差。其他個啲平過佢都好佢多多聲。攞住啲明星黎做招牌但原來係得個樣。真係以後都唔會再黎

老母買了團購無時間食, 結果塞左俾我搞掂佢。打去訂枱, 因為遲收工時間一改再改, 都仲好好態度, 幾好上到去, 格局有點細, 坐果張枱都...好細先唔理咁多, 叫左野食先, 有睇過其他人寫的食評, 話叫得太多佢地會"特登"漏單,所以第一次落單, 無太過火。點知都係叫20件黎得4件,所以結果都係算啦, 狂叫,其中叫左個海鮮什菜鍋...黎到果陣..食食下, 唔知點解, 有陣怪味,了了下個鍋, 有隻10倍核突的死蝦!!!!!!! (見圖)跟住就乜都唔敢食, 埋單走人, 點知一埋單, 佢就玩野, 將漏單既野全部放曬上枱....驚住咁食...食D 又收埋D...然後走人>"<

估吾到第一篇就係要寫咁差既食評！因為牙妹生日，所以黎左依間野食放題，其實一上到黎已經見到啲位置吾太舒服，不過諗住咁平都無乜所謂啦，佢上左壽司先，見佢細細件，仲覺得幾好，吾會太飽，點知好戲在後頭！佢真係嚴重漏單！寫完又再漏，店員嘅服務態度又差寫左三次刺身一件都無黎過，追左好耐先比得果少少追多幾次已經覺得好無癮！無哂mood！食物就真系好麻麻，軟殼蟹壽司，啲軟殼蟹又凍又油又稔！天婦羅竟然可以凍冰冰，芝士西蘭花同枝豆一啲味都無，連飲品都係藥水味，令人非常失望得果兩個鐘頭食，又不停漏單，邊有咁多時間等姐！吾駛旨意再有下次！

同個朋友去咗食放題$158估唔到店仔細細d食物幾好食喎一坐低當然係叫飲品我叫咗凍杏霜你冇睇錯！係凍杏霜！仲要好夠味！小食同魚生同其他放題差不多，不過不失但係個鐵板燒就有驚喜蒜香一口牛好夠蒜味鍾意蒜頭唔可以錯過另外芝士焗蠔芝士夠厚身一啖食落好滿足蠔焗完唔會乾仲有汁鵝肝多士要加十蚊不過非常值得鵝肝夠厚塊多士超脆又有少少沙律做side dish唔會太漏夠細心一定會再去！！！