露天池畔餐廳

營業中

休息中

最近join 左staycation plan 我地就揀左呢個池畔自助餐食 我地揀左早段時間5:45開始食原先要求pool side不過去到仲好曬 所以轉左其他位食物選擇唔算多 冷盤有青口 煙三文魚 同蝦 仲有好多款沙律選擇其中一款意大利雲吞沙律幾好食 落左香辣甜椒汁 幾開胃好食平日都好少自助餐食飯 但呢間啲炒飯味道幾特別 推薦到最期待既燒烤系列有雞肉串、德國腸、漢堡扒、燒雞、燒蝦大部分都好一般 係燒蝦比較香最後到甜品 芒果布甸偏甜 比較好食係椰汁西米每枱都會送一份龍蝦 同可以點餐茶一杯 環境係幾chill 戶外自助餐係香港小有邊食邊聽音樂 可以幻想自己去左泰國一樣幾relax既不過天氣熱 有啲昆蟲徘徊係身邊同埋啲椅有啲濕濕地 呢兩樣扣左啲分可能春天秋天 天氣好啲會比教好

好味指數😋😋😋回頭指數⭐️⭐️開心指數🤗🤗Girls gathering，好早就book 咗呢度食「週末早午自助餐」，$588/一位，早兩日天陰陰落住毛毛雨，本身有D擔心坐戶外落雨就麻煩啦～ 點知今日天氣咁好，有陽光有微風，成個人開心晒😎間餐廳響11樓，全戶外，有一個好靚嘅泳池景，不過由於勁多人用泳池勁嘈，坐太近泳池嘅檯都唔係太chill，勁多人走嚟走去仲可能有細路響你前面玩水飛到你同食物～ 佢清場時就可以獲得一陣嘅寧靜嘅～～～唯一好處係，佢3點完brunch buffet，但朋友傾計係可以坐到5點嘅... 可以唔需要再搵吹水地方！講返食物，呢度嘅賣點係Grill食物，所以相比下選擇比一般嘅自助餐少...冷盤方面海鮮類有龍蝦、大蝦、煙三文魚、Parma Ham、青口... 亦有多款已調味嘅沙律，自己配搭嘅沙律菜，我覺得龍蝦質素唔錯，好多蝦膏！Grill 嘅就有廚師專門負責，有羊架、雞、三文魚、漢堡扒、德國腸、大蝦，仲有大菇、粟米、三色椒、秋葵等燒烤配菜... 推介羊架同漢堡扒（可以自製burger）熱盤方面有南瓜忌廉湯、薯條、飯...甜品有10款左右嘅選擇，同埋軟雪糕... 推介核桃批！自

話說工作就在附近, 於是就方便快食一個午餐, 所以就決定揀咗呢一間the grill嘅泳池餐廳, 本身小編好喜歡戶外嘅座位加上對住泳池邊感覺, 輕鬆舒適嘅環境我就點做一個蟹肉椰汁炒飯, 而我同事點咗一個海鮮意粉喜歡炒飯上面灑上一些椰汁, 而炒飯不是乾身的那種炒飯, 是一種有有汁的撈炒飯, 口味較重而濃郁, 而小編好喜歡多汁的飯。入面嘅材料有洋蔥, 蟹肉, 筍, 番茄粒。不過始終是在酒店食, 環境舒適, 價錢上都可能會相對成高一些

上星期同老細同事食飯，老細訂咗枱係酒店嗰邊食，去到先知原來係泳池旁的露天餐廳。坐喺木枱木凳上，藍天白雲，吹吹微風，好舒服，真係有一刻以為放假，可以坐一個下午放個空，當然下一刻就醒覺了😝餐牌上有好多選擇，我與同事一起點了2款食物share一齊食😋烤黑毛安格斯西冷牛扒、香草牛油、薯條．賣相看似不錯👌🏻．厚厚一塊牛扒，肉質鮮嫩多汁，可是味道比較清淡，有點似零調味，好彩有香草牛油醬，幫塊牛扒添味！．薯條，厚切多肉，比較好味😋．車厘茄也好好味，好juicy，甜甜微酸👍🏻．烤蒜頭也不錯，好似薯仔味道😂虎蝦意大利扁意粉．賣相滿分，有6隻大蝦，新鮮厚肉．意粉是al dente．可是味道就扁淡，同牛扒一樣，似沒有落鹽調味😒．大蝦似是雪藏蝦，不夠鮮甜美味黑胡椒炒烏冬、純素肉丸．呢個係隔離枱嘅同事點的，見賣相靚靚，也影下先．我食咗一口，呢個味道比較濃烈，比上面2款嘅濃好多鮮草莓奶昔．叫咗一瓶大家share．真係新鮮榨汁無添加，因飲得出有草莓、牛奶和水，無加糖㗎！

在這裏 staycation ，上房間之前在這裏吃了一個輕便午餐。先經過小樹林，進入 waterfall bar，看到泳池，在池邊吃午餐，這個體驗已經讓我感覺去了旅行 （笑）所以我覺得這裏環境非常好。食物當然都很有質素，唯一只是價錢略高 (笑）

周六的早上，約二十度的睛天，户外池邊坐著吃brunch，久違了的輕鬆悠閒感覺。自助餐主要是吃各款燒烤，海鮮，沙律和甜品。 選項可以說是不多， 款式數量和樓下cafe的buffet差很遠。 但這裏擺枱疏落，沒有壓迫感，比較適宜和朋友聚舊暢談，或者懶洋洋地吃點東西，度過慵懶的週末。自助餐的海鮮和沙律部分算中上吧， 但也沒有很特別， 最喜歡還是酒店自製的鵝肝醬 飲品方面包了無限續飲的橙汁， 也可以加錢香檳 Freeflow 。燒烤部分包羅萬有，牛扒，羊架，三文魚，各式腸仔， 燒雞，燒排骨等等和各式烤蔬菜，當中羊架十分好吃， 可能是我吃過最好吃的羊架了，牛扒就碰運氣，有很好吃的也有普通的。 整體水準是中上， 食肉獸的天堂甜品是令人意外的少款式，祇有約六款和軟雪糕， 幸好這些甜品都十分可口， 也算十分滿足。這兒性價比不算很高， 但池畔燒烤的氣氛 實在很不錯，輕鬆愉快的吃吃喝喝，渡過了愉快的週末。

今日放工去Grand hyatt the grill食晚餐以為坐露天地方會好熱啦點知又唔係喎都可以接受 全程都有啲風唔錯唔錯冷盤有龍蝦凍蝦螺同青口 龍蝦肉質彈牙爽口好新鮮不過可能係露天餐廳嘅關係冇乜刺身 剩係得煙三文魚但係質素都唔錯呢度主打係燒烤咁我都講吓有咩燒烤好食啦我自己就幾鍾意佢嘅牛肉同埋羊肉 第一次食中間仲係紅紅地嘅羊肉但係又唔係好生咋喎感覺唔錯 當然仲有燒蝦啦烤蔬菜烤魚都有甜品呢就有焦糖布甸 朱古力brownie 肉桂條 軟雪糕就有綠茶同雲呢拿味 不過個人覺得軟雪糕就可以慳返唔洗食喇

吃過君悅酒店的所有餐廳，全都很有質素，還有灣仔美景。今次來the Grill享受一下Poolside brunch。好天色下看著池景，吃著海鮮拼盤，配杯白洒，很美好的生日brunch!Brunch set 包括餐前麵包、海鮮拼盤、主菜和甜品，我們加了free flow drinks, 任飲餐洒呢！ 海鮮拼盤：有龍蝦、靑口、蟹腳、蝦、牛油果。海鮮出期地鮮甜，可以媲美外國的呢！牛排配薯條：主菜有三文魚、牛排等，我選擇了肉眼排配薯條。牛排grill得不錯，但真的太飽了，吃不完呢。乳酪芭菲杯：很清新的一杯甜品，原味乳酪裡有些布朗尼蛋糕粒，很美味，為這個生日brunch 畫上完美句號。在場還有DJ 打碟放音樂，環境實在無得頂。但要注意這裡的brunch 只是假期和週末才有的啊。

每逢展覽都連食幾晚中菜，今次客人指定嚟BBQ, 一早睇過食評麻麻，嚟到覺得食環境之選，宴客，傾計絕對一流，而且唔駛我煩諗菜單，大家鍾意就食多啲，咁既價錢仲比中菜平，而且有HSBC優惠。 餐廳後生經理招呼周到，對酒非常熟悉，睇佢開香檳既熟手就知道，1行7人飲咗1支香檳兩支紅酒但客人仲未夠喉，好處係唔駛埋單住，過去泳池邊有個露天小酒吧飲夠先一次過比錢，好多外國人喺度HEA下。食環境之選（無影相），會帶其他客人嚟。

其實，Buffet 黎講，The Grill好難合格， 可以選擇食物真系好少，按照600呢一個price range，全港最少，當之無愧。熱湯得一種。除燒烤，無其它熱食。無魚生。得凍蝦，凍蟹，凍青口。 最大獲系grill野都麻麻地。(唔好以為有T bone, rib eye)牛又唔得，魚又唔得。羊排都系好勉強。最好都系燒蝦。無主食(無飯，無意粉，得硬麵包），re-heat oven都無，成個Buffet唔知想點? 同朋友吹水，地方都可以。不過，飲料需要自己點。星級酒店收600一個人，貴唔貴好難講。基本食物應該無？主打又唔得，究竟The grill 你系想點呢？

第三次到這酒食自助餐，今次是在池畔餐廳，所有座位全室外，對住泳池，當日天氣很清涼，一點也不熱。有沙律，凍海鮮有一龍蝦，大蝦，看口，燒烤有羊架，牛，蝦，香腸，漢堡，甜品，雖然款式不多，但味道中上，最好是果汁任飲。

慶祝生日, 星期六去左GRAND HYATT食BRUNCH, 地點響灣仔會展附近, 今次特別在就係坐響泳池邊食, 自助形式, 主打炭烤特色菜，冰上海鮮。住響泳池旁, 環境空曠, 坐得舒適燒烤CORNER 有兩位大廚不停成你提供美食冰上海鮮有龍蝦, 花蟹, 凍蝦, 青口另一盤冷盤有煙三文魚, 巴馬火腿 Parma Ham頭一碟拎左D沙律食, 蔬菜夠新鮮, 配千島醬汁, 龍蝦鉗較龍蝦身鮮甜, 啖啖肉頭二碟都係拎左D凍海鮮, 凍蝦夠大隻好鮮味;龍蝦鉗鮮甜, 食多幾隻番本先; 特別推介蘑菇湯, 好香, 蘑菇味濃, 直頭係蘑菇蓉一樣, 好CREAMY。燒烤肉類方面, 覺得燒雞翼同燒豬頸肉唔錯, 雞翼好有燒烤香味, 燒豬頸肉厚切, 有口感; 流心蛋配煙肉麵包 (即係Eggs Benedict), 好味道, 好鐘意蛋黃慢慢流出既感覺總括食物種類唔算多, 但剩係食海鮮都好正, 同埋記得要飲蘑菇湯呀

終於，有時間寫這篇食記。2017年，最後一天，最後一餐。其實，在香港還沒試過在可以看倒數煙花的地方食自助餐，邊食，邊慶祝。不只是因爲貴，更因為沒有合適的人一起。今年終於有機會。我選擇的地方是在灣仔，君悦酒店的露天池畔餐廳。一千三百元一位，由七點到零晨一點，可看到對面海ICC倒數，及維多利亞港的煙花。相比一些對正會展的酒店餐廳便宜不少，但仍需預付費用。拍拖欣賞完利東街的燈飾後，準時七點左右便來到餐廳，進入餐廳前會路經一條走廊，走廊旁種滿樹木，充滿意境。五星級酒店當然服務周到，在玄關登記後，便立即有侍應帶路。餐桌被安排在池邊，浪漫氣氛濃厚。喜歡五星級酒店的其中一個原因，就是因為服務貼心，餐桌上放置了一頂紳士帽，和印有Happy New Year的公主冠，我女朋友當然立刻帶上影相。侍應看到，當然主動幫手拍照。休息一會後，立刻去看看有甚麼食物。行到食物區，立刻被一隻巨大的燒豬吸引，豬正被猛火燒著，香噴噴。再走兩步，就是沙律及海鮮，沙律有數款，推介芝士南瓜沙律，南瓜很甜，加上微酸的芝士，添食了三次。海鮮，要數最吸引的，第一，一定是面包蟹，第二，一定是波士頓龍蝦。面包蟹的羔會較多，較甜。食完冷盤，

我提早一個星期前已經喺OpenRice預約尋晚去食自助餐，點知天氣話凍就凍，中午已經12-13°C。其實酒店餐廳都好好，前一日打嚟confirm嗰時都講咗天氣凍咗好多，而餐廳嗰到係全露天嘅，所以提醒我要著多d預寒衣物。講真，當日我真係有諗過去唔去好呢⁉但約咗咁耐，同埋嚟緊天氣都應該開始凍，所以都係照去啦。酒店大堂好華麗，有超巨型聖誕樹，添加不少氣氛。經職員指示後坐lift去到餐廳所在嘅11/F，咁啱有人結婚擺酒，行經去好似樹林隧道嘅時候有飲宴人仕影緊相。旁邊職員問我係咪嚟飲宴嘅，我話book咗位去露天池畔餐廳，佢嘅反應係好似未聽過呢間嘢，仲奇怪點解職員叫我上11/F，嗰刻我諗緊自己係入錯酒店定去錯層數呢？最後佢搵另一個資深侍應教我沿住泳池邊行過去。原來行到最入先係，門口位好窄，好隱蔽，不過穿過門口又另一個天地。餐廳會包普通餐飲，但要同侍應講，而唔洗自助，天氣咁凍我叫咗熱檸檬茶，飲幾啖佢就會幫你再加d新熱茶，亦問我會唔會唔夠熱，但由於天氣太凍，而且啱啱再沖嗰d 只可以叫暖茶，所以大約隔5分鐘已經凍晒。呢到另外仲可以選擇自費飲酒。自助餐仲會送一份雜鵝肝泡芙在場有個大燒烤爐，廚師會即場燒比大

今年中秋都冇出去，追月補數食餐好。揀左 Grand Hyatt The Grill，呢度風涼水冷，又靜靜地，對住個咁靚嘅泳池，心情都放鬆左。食野嘅選擇唔算多，不過質素ok，沙律嘅選擇好多，連金柚都有，正！冷盤有龍蝦，田螺，可惜我興趣不大，淨係食左幾隻螺。以前中秋一定會燒野食，人大左又怕多人又怕熱，呢度就可以幫我應節。有粟米，我鍾意呀！仲有登龍椒！有澳洲和牛，不過我戒食牛，仲有秋葵，蝦！最開心見到菠蘿甜品好精緻呀，士多啤梨朱古力Caramel brownie今晚靜靜地食好野，感覺俾食得飽更滿足。