霸嗎拉麵 (已結業)

做完指甲，就找地方食晏，忽然間想食拉麵，見到對面馬路就已經有一間霸嗎拉麵，就去試試看，下午三點多，店內也有三四枱食客，見到有雞叉燒拉麵，於是試一試，選了適中拉麵，少油和走蔥。一上枱首先是一是湯底，雞湯濃而不膩，可能是叫了少油的關係，所以感覺不太油，拉麵有咬口，雞叉燒是用雞肉卷成的，所以非常厚身，脂肪不多，咬下去感覺有點像慢煮雞肉的感覺，很嫩滑，而且表面的雞皮有輕微的煎過所以有少許的金黃色。可能喝了太多湯底的關係，之後喝了足足一大枝水

座位設計同一般拉麵店一樣，唔算好闊落但係都可以接受。見Menu有雞肉拉麵幾特別因為唔係間間有，不過最後都係決定叫返最傳統穩陣的濃厚豬骨豚肉玉子拉麵🍜一開頭聽落以為同普通嘅豬骨湯底豚肉拉麵差唔多，所以本來冇乜太大期望，但係原來食落去都幾大分別。首先我覺得值得讚嘅係嗰塊豚肉，雖然唔算好大塊，但係因為都幾厚切，所以都OK，唔似得有d拉麵店塊肉好細塊。塊肉都OK，食落去半肥胖瘦。個湯唔知點解會有一種好似炭燒嘅味，可能因為塊豚肉炭燒過，所以個湯底飲落去都幾特別。麵底都算彈牙，不過偏硬。

同朋友本身想試呢間拉麵店好耐，今日叫左2個炙燒豚肉海苔味玉拉麵，我同朋友都一致認為呢兩碗拉麵好唔掂! 佢個湯底明明睇落好濃，但竟然係完全無味! 豚肉本身幾厚幾吸引，但點知竟然都係完全無味! 我地係咁落調味料先食到碗麵，真係食得好痛苦!我地另外點左炸雞同炸餃，估唔到一落單就即刻有，似係一早整好，正常炸餃同炸雞應該係熱到辣口或脆身，點知佢係淋同暖暖地，我地淨係每人食左一舊就放棄左成碟野。真心咁耐以嚟未食過有比呢間更難食ge拉麵，真係好失望!

過年食到肚滿腸肥, 午飯時間行到街上都唔知食咩好,不知不覺行到來銅鑼灣, 見到街邊有間日本拉麵館, 店外的拉麵圖片甚是吸引, 見到圖片開始感覺肚餓, 開始有番的食欲, 入到店內座低之後, 好快我order咗個辛辣灸燒豚肉味玉拉麵.好想食的辣麵, 會覺得零舍開胃, 食過好多日本拉麵,雖然是紅油湯底辣麵, 但總覺得味道不太辣, 今天這間叫霸嗎的日本拉麵, 碗麵來到我面前時都是紅油, 但唔同的是有兩隻紅辣椒在麵裡, 見到都流口水, 濃湯豬骨湯底, 我選擇的是中辣程度的麵, 首先飲了一啖湯, 入口鮮香, 帶有辣味, 吞落肚之後, 口腔中的辣味開始發功, 開始感覺到辣味了, 頓時成個人精神一振, 這才是我想食的辣拉麵, 胃口大開, 食一啖拉麵一啖湯, 好好味呀! 麵條軟硬度適中, 配合辣豬骨濃湯, 越食越想食, 仲有流心蛋, 蛋白嫩滑而且入晒味, 蛋黃流心, 蛋黃流入濃湯之中, 拉麵湯底又多了一份蛋香, 超好味道! 仲有厚厚的一大塊灸燒豚肉, 又香又淋, 在口腔中咀嚼有很香的豬肉香, 過年期間食太多的肉類海鮮, 原本都唔是太想食肉, 但這豚肉又竟然被我食到一干二淨, 因為配合的辣湯及拉麵, 實在

想食呢間好耐架啦～今次終於食到，而且見到有龍蝦拉麵🍜😍點左期間限定的極上原隻龍蝦味玉拉麵，而且只係$128就有原隻龍蝦🦞，感覺都幾抵食。一上檯感覺好正，龍蝦大隻到突出埋個碗，而已經切開左幾節，所以食落都方便。湯底係用櫻花蝦去熬，好香蝦味好濃郁，麵身都幾Q彈有咬口不過略嫌麵香味不足。龍蝦肉都幾多，本身好有期待，點知⋯⋯肉質好實，唔彈牙，雖然都知呢個價錢一定唔會係新鮮龍蝦，但係重點係咬落去會食到好濃烈的雪藏味！！感覺似係未解凍晒就拎去煮☹️ 即刻唔想食，好失望～極度唔推薦食！

週末隨行，見到一拉麵店，肚餓的友人即行拉了小人入內醫肚是也。小食先上是常識吧。奈何這裡的唐揚炸雞……雞厚粉更厚，吃下是一口的炸粉加汁，只吃到汁，超激厚的炸粉，老實說是有些不敢恭維。羽根燒餃子還不是一般的日式煎粉皮餃子，一大塊皮，然而粉皮不夠香，餃子料少欠汁。小人不是太餓，叫一碗雞白湯拉麵。最美妙的是當侍應端上桌時小人多口問一句，侍應隨即回應曰一字：「雞」。多超正的服務態度，不說都不知是雞拉麵啊！每逢見到期間限定就眼光光的友人，一叫就叫了龍蝦拉麵。龍蝦一大只擱在拉麵上，別以為大就是好矜貴……好吃還可……只可惜這只龍蝦大是可以；然而肉是超級的實，龍蝦無龍蝦味，大而無當。是不是限定……有心機吃與否最為緊要！

銅鑼灣地段貴 .... 食物貴點唔出奇 ...但要一間貴點 .... 但有質素其實有點難 ... 不過今次好彩 ... 幫襯左呢間拉麵店 ....Order左普通豚肉拉麵 ....賣相唔錯... 䓤同荀都夠份量 .... 湯㡳濃郁豬骨.... 係會飲既湯底 ....有覺得有日本風味 ....最鐘意就係配埋隻蛋 ....令人好滿足..... 舊叉燒淋淋地幾好味 ...價錢一百蚊左右...但製作唔馬虎 .... 亦好多誠意....絕對支持 ...

由一入門口已經被服務員的態度影響心情，極度不建議好天黎影響食欲! This is my first time coming to this restaurant, and for sure I'm never coming back again disregarding the taste of the food we ordered due to the waiters extremely rude attitude that had utterly ruined me and my friends' appetites!

年廿八洗邋遢，執整完屋企，就要執整下自己嗰樣，咁先見得人。做完facial，出開港島就必去搵食。行經間拉麵店見排長龍，走埋去八下，就被「原條加拿大龍蝦」吸引了，唯有湊熱鬧齊齊排。門面設計成一間小屋，屋頂放了吸引的菜式海報，還掛上一個個紅燈籠，裝潢很特別，在這條街特別搶眼。終於輪到我，店內裝潢也有特色，色彩繽紛的牆身圖畫和多句日語相當吸晴。內裏座位不少，最入端是師傅們製作地方連一行單人座。靠牆設有多張二至四人枱，而中間則有兩張打對面向木板的單人位，感覺係獨自快樂，岩我！看看枱上的物品，放齊餐具、紙巾、檸檬水、餐牌、點菜紙、餃子汁、黑椒粉、蒜粉和一味料，都算幾齊備。雖然目標是原隻龍蝦，但也看看餐簿，看看有沒有新發現。餐店除供應拉麵外，還有子供套餐、羽根餃子、唐揚炸雞、石燒飯、丼物、小食、追加配料、甜品和飲品。拉麵有三大類，分別有濃厚豚骨湯拉麵、雞白湯拉麵和期間限定拉麵，三類都吸引，但話明期間限定，錯過就沒有，今次把握機會。用點菜紙剔出自己所需，可揀拉麵的軟硬度和配菜所需。*************************需耐心等待一會，極上原隻龍蝦味玉拉麵 Lobster & Egg Ra

今日冇約人食lunch，自己一個想食麵但又想坐得舒服， 拉麵🍜絕對係一個好選擇😆上幾次黎食拉麵都係簡唔辣既，今日心血來潮想試下辣味係點order左<辛辣炙燒豚肉味玉拉麵🍜>食拉麵最先要試下湯底🥄湯底味道好濃郁😋辛辣味🌶較重(有大中小辣可以簡，我簡左小辣)質感係中間，即係未到有種‘張’住個咀既感覺，但又唔係去到稀薄果種(對我黎講個質感就係金田家(厚感)同一蘭(薄感)中間)麵都好食，個麵既硬度係我鐘意既。呢間拉麵🍜其中一個賣點係厚叉燒🐖係真係成吋厚! 個肉係慢煮再燒，所以幾juicy唔會乾👍🏻温泉蛋都ok，可以再流心d總括黎講，我下次都會繼續黎食辛辣味都好食但可能個辣味有d蓋過左個湯底本身既豚骨香味，所以我都係鐘意唔辣既多d😝喺香港食拉麵🍜都係差唔多要$100度$93有呢個水準（有埋隻蛋）我覺得都ok😁Ps 午市叫拉麵可以加$10幾蚊有餃子🥟我覺得幾抵，但我一碗拉麵已經飽左，如果2個人食可以試下xd

又口痕了，好掛住日本的味道。。忍唔住今日捉左個fd去食拉麵～因為佢個門面好日本feel，所以我地揀左銅鑼灣呢間拉麵店。呢度主要有3款湯底，我地一個叫雞白湯一個叫辛辣豚肉。等左10分鐘左右拉麵到了～先試湯頭，雞白湯好濃雞味，而雞义燒係厚切好抵食。仲有個蛋，中間係糖心！朋友的豚肉拉麵，豚肉超厚而且燒過有油香！拉麵應佢要求夠硬身，湯底亦夠濃厚。我地仲追加左個唐揚炸雞，新鮮炸起好香口！一上菜朋友已經忍唔住食左件！

經過駱克道，被店外的廣告牌上的龍蝦吸引著，決定一試！早上十一點剛開店，我是第一個客人男友點了期間限定的原隻龍蝦味玉拉麵大大隻加拿大龍蝦肉質豐滿、爽口彈牙！配以櫻花蝦豬骨濃蝦湯，結合蝦湯、招牌豬骨湯和櫻花蝦油而成，當中的炸櫻花蝦油，散發著櫻花蝦獨有的濃郁鮮香！男友將所有湯都喝完呢！嗜辣的我就點了辛辣炙燒豚肉味玉拉麵！淋上由 3 種辣椒精心調配而成的秘制辣油，辣度剛好，豚肉油花肥瘦適中、燒得香脆我們更追加了多一隻溏心蛋及紫菜送招牌22 號麵條，麵條稍粗，更有嚼勁之餘，掛湯能力更佳

剛從日本回來就愛上咗食拉麵，覺得拉麵是日本傳統食物的代表，充分表現出日本人的認真和執著，而且係一種重質不重量的食物。無論在餸料的烹調，麵條的軟硬度，湯底的敖製，甚至是賣相都可以感受到廚師的細膩手藝和心思。慶幸我們住在香港這個美食天堂，有很多日本出名的拉麵店都會來香港開分店，「霸嗎拉麵」就是其中一家。來自日本廣島的「霸嗎拉麵」，其秘製湯底聽聞好得，今天終於嚐到，果然有一定的水準，味道香淳，原來是用豬脛骨、豬背骨、雞骨和多種蔬菜長時間煮出來；炙燒豚肉醃得入味，火喉恰到好處，炙燒出來的顏色均勻，雖然䐁肉有少許肥肉，但入口即溶；糖心蛋蛋白軟滑，蛋黃流心；自家製麵條質感硬、中、軟可給客人選擇；海苔有三大塊，味道香濃。加埋其他配菜如醃筍、蔥花...就成了一碗美味的炙燒豚肉海苔味玉拉麵！食完才看到有期間限定「極上原隻龍蝦味玉拉麵」，下次一定要試下。

見到幅相係咪好似幸福滿滿咁樣嘅感覺食嘅時候就有中伏嘅感覺佢係超級多膏呢樣嘢我認嘅不過佢嘅龍蝦好似湯渣咁鞋冇咬口老老實實如果佢唔畀埋隻龍蝦我食我都係覺得佢值呢個價錢因為 佢個湯底係值呢個價錢超級濃厚嘅龍蝦湯底其實如果佢個龍蝦呢個質感我寧願佢拆咗啲肉淨係畀pat膏我哋食或者嘗試將龍蝦肉切粒會容易接受啲我知咁樣上碟會震撼啲但係好睇唔好食麵條彈牙同埋佢畀咗一粒西蘭花我真係唔知想點同埋個蛋我真心希望佢切開佢主角湯同麵滿分

今日同女朋友食lunch，佢話好耐無食拉麵，咁岩我地經過霸嗎門口，見到最近期間限定既龍蝦拉麵，我地好想入去試下啦！龍蝦我好鐘意，見到咁霸氣有原隻龍蝦拉麵就叫左啦！加拿大原隻龍蝦，大大隻霸氣上枱，揭開龍蝦，見到滿滿蟹籽，龍蝦好大隻，龍蝦肉質好彈牙好鮮甜，完全唔係平貨貨色，食食下仲見到龍蝦膏呀！湯底超級驚喜，濃郁龍蝦湯底，入口蝦味重又唔會腥，濃厚蝦湯好滋味！溏心蛋流心度非常高，蛋味香濃入味，食到醬油香！拉麵彈牙掛湯力好高，一口湯一口拉麵，非常滿足！女朋友叫左佢最愛既雞白湯雞叉燒拉麵，雞肉厚切夠肥美，肉質非常滑溜鮮嫩，雞肉味甜，溏心蛋同樣地高水準，雞白湯香甜清香，比蝦湯清淡，但不失濃香雞湯味！羽根餃子是必點，餃子蒸得香脆中間餡料好豐富，一口一件好滋味呀！