霸嗎拉麵 (已結業)

炙燒豚肉味玉拉麵 $88湯底濃郁，豚肉味出，不過略嫌多油左少少，下次要叫少油；麵底揀左硬身，有咬口得黎又掛湯，啖啖麵都食到香濃既豚肉湯，雖然有蒜粉，但如果提供埋生蒜蓉就好喇！炙燒豚肉非常厚切，炙燒左既邊位好香脆，肉質都算嫩滑，不過同時都有舊厚切肥膏，肥膩左少少；溏心蛋熟左少少，有啲實心，做唔到流心既效果，不過醬油味醃得好香。-雞叉燒味玉雞白湯拉麵 $88雞白湯底清甜，好香濃，不過會無豚肉湯底咁油膩；雞肉一樣厚切得黎，肉質唔會鞋，滑到好似雞脾肉咁；反而呢碗既溏心蛋整得好靚，好流心。

夜晚經過Sogo就過來食拉揀左雞湯的麵，湯底好有味，雞肉相反就一般。朋友就叫左一碗特盛的拉麵，叉燒好大舊，而且好嫩滑。終於明白餐牌點解係冇加肉😂😂如果想試下食拉麵，呢間係唔錯的選擇

平時放工經過長期都見到門口好多人排隊，所以一路都冇試過，今日同同事做完少少嘢見到冇乜人即刻入黎試下!呢個時間入到去都未算太多人，位置都算坐得舒服，枱面上亦都有齊調味料，可按個人口味自己加～同事叫咗呢個期間限定--原隻龍蝦味玉拉面，真係原隻龍蝦上，仲要好細心準備埋手套同剝龍蝦工具呀～讚！試左同事一啖湯底，櫻花蝦加豬骨湯底味道濃郁，即刻再"不"多啖！龍蝦拆開啖啖都係肉，龍蝦頭亦有膏，絕對同相係一模一樣，冇呃人！我自己就叫左呢個濃厚豬骨豚肉玉子拉面，個豚肉脂肪分布均勻，咬落去絕對唔係"鞋烚烚"咖！個玉子滑嘟嘟，入面絕對係溏心蛋黎咖！賣飛彿～如果鐘意濃味豬骨湯底，個湯真係會飲晒！！而麵我就唔多講啦，因為個人口味鐘意軟麵～

好久沒吃過拉麵，今天就選了覇嗎拉麵。辛辣炙燒豚肉味玉拉麵 - 本人䑁得拉麵最重要是湯底，湯底差的話，拉麵怎都無可能好味。這個豬骨湯底真心不錯的，辛辣味濃郁厚實。第二重要是麵底，我愛的是硬身的拉麵，這個麵是幼身的，非常有咬口，很好味！反而豚肉真的一般，內有一大塊肥膏，最大問題是叉燒狀的豚肉較鞋，。味玉流心的，不過有少少實心，再流心些會更好。豚肉味玉拉麵 - 同上，唯一不同是湯底，及少了味玉。 羽根燒餃子 - 餃子味道一般。

約咗喺銀座做指甲，但姐姐有客未做完甲，所以抽個空檔，自己一個人食啲嘢先～就喺隔離街，有好多嘢食，不過唔想等電梯上落樓，所以就腳食個拉麵算。過咗飯點，人唔算多，施施然入座。除咗拉麵，都有飯提供，不過唔係好肚餓，食個拉麵都好夠。加上佢哋推介自家製拉麵，聽說啲湯底都係新鮮熬製，決定試真啲。同普遍啲日本拉麵店一樣，呢到都係自己剔order，仲可以自己選擇麵嘅軟硬度，根據自己喜好調整油份同啲食材，對於我來講係最正有得揀辣度，我當然係會揀大辣。見到啲紅色浮喺面，已經流晒口水，忍唔住即刻飲咗啖湯，好好味，辣得來仲可以嚐到啲雞湯味，啲麵我揀咗適中，但試過後覺得下次應該揀軟面，適中都覺得偏硬咗啲～應該軟面更啱我胃口。好少有雞叉燒，圓形有厚度，食落似係雞髀肉，仲有少少雞皮，肉質略滑，本身已經有調味，浸下個湯仲惹味。但原來佢哋嘅豚肉叉燒都係自家手工嘢，相信雞叉燒都應該係，食過雞叉燒後，下次要試豚叉燒，相信都一樣咁好味。口味指數：環境指數：返嗒指數：

最近銅鑼灣SOGO又開始大減價，今晚放工就去咗買嘢，真係有好多人，特別係地面化妝品，好在我上九樓啫，快快買完就開開心心去食晚餐！我同朋友距離Sogo吾係好遠的地方，就見到呢間霸嗎拉麵🍜見有位就入去坐。環境都幾光猛，先取餐紙點野食，再去下單，上菜速度好快，等左一陣就有得食。今晚同朋友叫左醬燜雞叉燒味玉拉麵$88(份量好足，D麵都彈牙，流心蛋好味)、石煱燒䐁海老飯$78(熱辣辣，滿滿的，個底仲有飯蕉，好似煲仔飯，正喎）、五件羽根燒餃子$35(皮薄外脆好味👍)

這個星期是祟光購物節，約了男朋友放工後去逛一逛，看看有沒有什麼想買。在購物之前，我們想在附近先吃一吃晚飯，最後看到這間"霸嗎拉麵"門面很有日本風格，又乾淨亮麗就進去了！放工後特別肚餓，我們每人叫了一碗拉麵，再叫了一個小食。我點了醬燜雞叉燒辛辣雞湯拉麵（中辛）（$88)，男友就點了醬燜雞叉燒味玉拉麵（$88)，小食就點了辛口唐揚炸雞（5件）（$38)。拉麵先來，他們的醬燜雞叉燒是厚厚的那種，雞皮很薄，沒有太多肥膏，雞肉入味又很嫩！拉麵硬度是有得選擇的，我就選了比較硬，口感會比較彈牙～ 辛辣雞湯拉麵不會太多油（可能我點了少油的原故吧，但很少有餐廳有得選少油！值得一讚），中辛不會太辣，不過如果覺得太辣的話，店家有提供檸檬水，無限添飲～男朋友的麵最吸引我的便是味玉，色澤漂亮，很後悔沒有另加味玉在我的拉麵上！唯有下一次吧～令我喜出望外的是辛口唐揚炸雞！因為店家是新鮮炸的，所以需要等一會才上菜（非常燙口，不要立即吃）！表皮非常脆，比連鎖集團的炸雞好吃多了～最特別是辛辣的醬料，辣得來又很開胃！

今日特登黎銅鑼灣食野，本身穩左間創意日本餐廳，但食左個閉門羹，轉而穩其他野食。咁岩行過拉麵鋪，咁岩間舖唔多人。可能未到飯點既原因。所以就順勢坐低。見唔洗等位就入左黎。其實菜式並不多。fd叫左個雞叉燒辛辣拉麵。我今日想食飯，就從僅有既兩個飯中選左左邊個豚肉飯。價錢唔貴。佢呢度落單係要自己剃。我地唔知，傻傻咁叫左侍應，哈哈。。鋪頭仲好貼心咁有WiFi服務提供。fd果碗拉麵賣相後幾吸引。聽佢話食落都唔錯。好大碗既豚肉飯。個砂鍋好熱。面頭有好多塊肥肉，唔知係唔係應該撈落底借住個鍋個熱度逼晒d油份出黎。其實食落又唔覺得肥。but D肉偏凍，感覺係最後係咁已北上去咋。雖然D飯既面頭有炒過既蒜頭蓉都香口，但有反d豉油應該會更好。但我係檯面見唔到有。

今日與友人收工後經過銅鑼灣，發現霸嗎新出了期間限定的龍蝦拉麵，大家都很感興趣，於是入內一試。店內的裝修很有日本特色，就像日本的地道拉麵館。霸嗎主打兩款湯底，一款是雞白湯底，另一款是濃厚豬骨湯底。我點了期間限定的極上原隻龍蝦味玉拉麵。櫻花蝦豬骨湯味道濃郁，啖啖都是龍蝦的精華的，質地厚身，令拉麵容易掛湯。龍蝦肉新鮮彈牙，還有甘香濃郁的蝦膏，令拉麵生色不少。雞叉燒味玉雞白湯拉麵湯底清香，入口順喉。雞叉燒外脆內嫩，味玉蛋黃夠流心。總體來說店家的拉麵質素很高，難怪不乏捧場客！

跟朋友下午茶來到這裏吃點小食。原隻龍蝦味玉拉麵看到原來這款拉麵是期間限定，加上原隻龍蝦當真十分吸引，點了一客跟朋友一起吃。整隻龍蝦配木耳絲、温泉蛋、西蘭花，浸在龍蝦湯𥚃面，七彩繽紛，賣相滿分。龍蝦已開邊，方便進食，蝦頭內有不少蝦膏，蝦肉很鮮甜爽口、份量亦十足，另外有整隻溫泉蛋，濃濃蛋汁一咬流出,非常吸引，爽口的木耳絲連同味道十足的龍蝦湯底，配上爽滑彈牙的拉麵，非常好吃，希望下次再來品嚐。羽根燒餃子除拉麵外，也點了餃子，還是第一次吃這款餃子，餃子上枱時薄脆皮底向上，而且5隻餃子底是相連，好像一張紙一樣簿，煎得金黃色，很薄，師傅工夫真高，夾一隻來吃，入口皮底香脆、餡料內的菜連肉，餡汁豐富，多菜比例，清爽口感，皮薄餡靚，煎得不太油，讚。

日本拉麵一句向出名好食喺日本就食得多啦經過銅鑼灣條大街見到一間好有日本風情嘅霸嗎拉麵就俾佢吸引左入去門口仲有得飲檸檬水幸好這個時間不算多人不用等位就可以入去我哋一人叫咗一碗拉麵一個食辣一個食不辣炙燒豚肉味拉麵另一個辛辣味份量足夠 有3塊紫菜同甘荀玉米配料當然啦主場係個湯底好濃縮夠味甜中帶鮮味 在配合返個硬麺好夾當然可以選擇幼麵唔會過鹹或者太淡豚肉的好厚切 肥瘦適中這些才是好味道店員還會經常為你添加檸檬水10分細心

一起身就同朋友嚟食拉麵，佢哋一開門我哋就入去，地方好大好舒服。佢拉麵嘅湯底主打豬骨同雞白湯，今期限定仲有龍蝦拉麵；小食就主要係餃子同炸雞。我同朋友都嗌咗炙燒豚肉味玉拉麵。因為朋友之前食過，覺得佢哋嘅湯底偏油，所以我哋今次叫咗少油。佢嘅麵身偏粗，個人比較鍾意食幼身嘅拉麵。塊豚肉原來係慢煮，賣相幾靚！但瘦肉有點鞋口，肥肉又感覺有點油膩，隻溫泉蛋就整得幾靚。反而佢嘅炸雞幾有驚喜，新鮮炸起，好香，雞肉好滑。

好久沒吃霸嗎拉麵，趁着七點前人流還算不多，趕緊入座吃個快餐。今期的限定拉麵是龍蝦拉麵，因為怕剝殼麻煩，還是點了原始的拉麵。炙燒豚肉味玉拉麵友人點的豚肉拉麵，一貫的水準，湯底濃郁可見，不愧是我的飛佛。雞叉燒味玉雞白湯拉麵說來慚愧，作為霸嗎的粉絲，竟是第一次吃雞白湯拉麵。相比起來，白湯拉麵的湯底明顯較豚肉拉麵更白，就像是媽媽所熬的雞湯。濃郁的雞味帶微微膠質。雞肉叉燒更是出色，微微火炙過的表面散發焦香，雞肉味濃，不帶半點雪藏味，好吃！

朋友想食好耐嘅拉麵 仲要話係食過最好食嘅拉麵 由於覺得太誇張🤔咁就試試佢啦 環境唔算大 但好彩我哋唔使排隊 因為朋友話呢間野成日都排長龍 佢極力推介食豚肉（$83） 佢就食豚肉加玉子個款 （$88）佢仲有話個炸雞好好食 但係我哋食唔晒淨係叫咗拉麵咋 同一般拉麵舖一樣有張紙仔俾你揀 我揀咗軟面 走蔥 所以嚟到碗麵賣相冇咁靚係好正常😆 感覺好似比一般拉麵粗身少少 湯底簡直係靈魂👍🏻塊豚肉更加冇得比 厚身大大件 夠軟林林😋 細食嘅我都食得晒一碗！女仔來講份量就夠 對男仔來講就未必食得飽！

此食評純个人觀感个人口味🤓點的是 辛辣炙燒豚肉拉麵在此說明个人對拉麵有點挑剔，也比較愛吃辣🤓我會就我點的這個拉麵評分！不代表所有拉麵喔！🍜辛辣炙燒豚肉拉麵🍜$88配料方面叉燒-1片味荀-4至5片湯底🉐🉐湯底辣度對一般人來說可以接受的範圍，不算太辣，辣不是持久型那種辣，也不會說讓你不舒服，濃度不足，說句公平的話吃不太出豚骨湯頭，湯比較淡，辣度反而完美可以蓋過湯頭，如果喜歡吃濃郁重口的豚骨湯底，這裡的湯底恐怕不適合你口味了麵條🉐我點的硬麵，整體麵條硬度不夠，吃上去比較像硬一點點的軟麵條，放久一點或吃慢一點，麵條有點糊糊的口感，而且沒什麼口感，吃起來沒咬口也沒勁道配料叉燒🉐🉐一塊算厚和大塊，6分瘦肉4分肥肉，除了貼著脂肪的肉質比較嫩一點，其他位置的肉比較柴一些，吃著有一點失望😞味荀🉐🉐🉐份量還可以，不過不失，味道不算特別出眾整體🉐🉐以88元价格，我覚得可以吃到更好的豚骨拉麵了，而且配料偏少，紫菜跟蛋還要加錢才有，對於拉麵來說我覚得逹不到要求啦，也許是我比較挑剔啦，純粹个人口味和意見🤓