霸王川莊 (已結業)

兩個人去食午餐點了一個兩人套餐兩碟前菜，一碟肉，一窩水煮水連加一約＄400在YOHO MALL來說是二人餐嘅一般價錢餐廳環境有足夠陽光中式裝修十分典雅中國茶指定係八寶茶很有特色，也有足夠嘅茶香是這所餐廳嘅其中一個特色雖然主打四川菜但係都有好多唔辣嘅菜式所以都適合一家大細來食麻醬涼菜是我其中一個很喜歡的菜式雖然好似好普通，不過很清新非常好食嘅頭盤另外一碟頭盤是香醋青瓜片鍾意酸嘅朋友們實在是最佳嘅選擇另一碟係咕嚕排骨又係凍食不過有點硬調味是不錯的最後嘅主菜係水煮魚唔食得辣嘅朋友就算係揀咗最少辣都未必可以食得好多調味配菜OK但魚有點醒所以麻麻哋整體來說，前菜十分好味！

服務真係衰過m記，食個酸菜魚…冇鮮味，但個酸字，叫左四樣燒物，同你自己燒冇分別…加粉上去咁大把，酸菜…係用粒來形容，手指甲咁大塊既酸菜我第一次食，但……我都忍佢，所謂伏只會中一次，我最頂唔緊，要上來講既係，佢俾你用來食野既容品…唔係碗，係塊碟…！ 點解會叫塊？ 真係你自己來試下先知，可能有碗啦，但冇人招呼你的，叫個酸菜魚，有湯有剩，服務員唔會俾個碗來？ 唉！ 真係落下面雞地入間餐廳叫個酸菜魚，一定好食過佢！我話既

前日食過水煮鱼1辣我覺得ok好食，有四川味，但今晚再黎食酸菜鱼，好失望，好似滾水煮鱼甘，鱼有泥味，而且鱼片切得太厚，话左要辣，但唔辣，加左碗辣椒比我都唔辣，我系香港人，食都覺得無引，太淡啦，酸菜味去唔到鱼度，汤底好多薯粉，返而薯粉入味，本末倒置，建議餐廰要派人去深圳取經，禄鼎记+太二，呢两間野系酸菜鱼数一数二，排隊要幾粒钟先有得食，食完再返黎就知道有幾唔得。

好差既服務！ 好明白餐廳為左要客人order 野飲所以唔提供溫水，只提供熱水（本身已經要收每位客人茶錢）。但係當一個客噎到想要杯水都堅持不給予既做法實在有點兒那個。今天晚上光顧該餐廳，食左一陣好似噎親。要左杯熱水，熱到飲唔到（因為佢地唔會俾溫水），跟住叫左杯冰水果茶，飲極喉龍都係頂住好辛苦，我老公問侍應話太太噎到好唔舒服可唔可以要杯水，個侍應問完最高級既女經理話唔得（我個時條喉龍架住好驚，完全唔明點解間餐廳d 人可以咁）。 我老公激氣到問要幾多錢先可以有杯水，最後原來係要俾錢買玻璃瓶水。即時話俾錢先有細瓶水加冰，當時接過時手都震了。如果一早知係俾錢有水就秒速俾左，但係真係估唔到當個客求救話唔舒服，喉嚨架住想要水都要來來回回問完都係唔俾。很涼薄。最後餐飯冇食完（食左冇1/5就噎到），飲完水就俾錢走。 講真，日日出街食飯都唔會再去呢間餐廳。服務非常差。

yoho mall2樓有好幾間餐廳，行到最入先到呢間，一睇門口知佢地新開努力搶客。但唔好以為新鋪d野唔得，我敢講平時食開譚仔8級辣的我，出面食其他香港川菜都無咩feel,呢間卻食到辣味，當然唔係辣到噴火，但起碼覺得佢尊重川菜個名先丫。辣味羊肉或牛都好香咁上檯，仲有隔離檯的水煮魚水煮牛，隻碗有咁大得咁大，下次來我一定要叫啦！位位有杯八寶茶，可以自己熱水沖，呢樣已經唔係間間川菜鋪做到。講明，我唔識呢度的人，絕非廣告。

嘆一嘆！嚟到下午茶時間，周圍喺商場行嚟行去，我多食店都吸引，最後見到呢間霸王川莊，價位非常吸引，又有落地大玻璃，感覺非常寫意，裝修都好舒服。見到下午茶餐牌，叫咗個酸菜魚粉：魚塊尚算嫩滑，酸菜湯底，唔夠酸又冇辣味，味道麻麻，可以唔使試糖醋骨炒飯，個炒飯好足料，炒得好乾身，呢個值得推薦原來下午茶餐牌，有特價串燒，叫咗4款唔同款式試試，有鰻魚丶一口牛丶豬肉，全部全消都有用孜然粉，未到更勝一籌，而且好友四川味道，同埋喺門口有個玻璃房即時燒，感覺比較新鮮最後，個下午茶係包埋飲品，雖然要比八寶茶嘅茶錢，感覺都幾抵飲！

Yoho開左新一邊，知道有好多餐廳新開左，霸王川莊原來都有份，終於唔洗出中環啦，即刻要試試！7點黎到，以為好多人，點知唔洗等位，直接入得～Order了川北涼粉，辣得黎酸酸地，好開胃呀～辣子雞。之前食過既都炸得太燶，太脆，呢間反而剛剛好，唔會乾爭爭，恰到好處😛重頭戲，水煮魚，有得揀四款配料，揀左薯粉、蓮藕、豬紅、腐竹，加多左午餐肉。魚好滑，所以配料入哂味，好正～原來standard都已經係中辣，辣到叫哂救命，即刻叫左水果茶飲，但辣得過癮！炸蕃薯條，外層啲粒粒脆脆地，口感唔錯。蔥油餅，普通，辣到要食返呢啲平衡一下味蕾！其實仲叫左串燒，會提供幾重調味粉俾你自由配搭，幾貼心，不妨一試！

應凍的野凍，應熱的不熱。話係川菜又唔係好川。係個水煮魚似d樣。個撈麵都可以，不過以九十幾一個剩撈麵，一般會expect 個份量唔係一個雲吞麵咁大。叫個白飯，硬的，似幾二年前返鄉下探親d飯。個炒五蔬，又油又鹹。叫個豬腳，得塊皮，也是凍的，最奇係拌碟有薯條？唔通薯條係四川發明，馬可波羅帶去發揚光大？再黎多個濕立立的黃金蝦，川港西大兜亂，唔怪得係霸王。服務方面都係霸王，係佢地面前揮手都當睇你唔到，個經理都係同佢講完都唔記得（佢自己都話唔記得要拿野比我）係霸王先可以做到咁目中無人，強！

元朗商場新貴Yoho Mall 進駐了不少新食肆！例如我之前到訪過的Mango Tree Cafe、Glasshouse、王子私房菜還有今趟的霸王川莊 ！ 甫踏進餐廳便見到一個爐端式燒烤吧，看見師父正在燒製重慶川燒看得我口水也流，期待一會可以嚐盡這兒的串燒！ 對於霸王川莊這個品牌車媽媽對它都有少許情意結的！皆因十多年前在沙田返工已經經常幫襯它的姐妹店華記及麵霸山莊，想當年在那處簡直係美食沙漠有這兩間較有質素的餐廳對我們一眾當區職場人士來說講簡直是個大喜訊！ 今日被安排於三尺高的落地大玻璃充滿自然光的環境下吃這一頓四川菜，飲品當然是用上四川傳統的蓋碗茶來泡製的八寶茶，內裏包括有玄米茶外還放了紅棗、杞子、圓肉、冰糖、菊花、陳皮及甘草，入口甘甜細膩喝罷滿口芳香。 餐廳用了二維碼卡只要掃一掃便可看電子餐牌及點菜，超智能的表現好富時代感呢！ 吃惹味川菜最佳拍檔相信必定是啤酒啦！今次我們更可用＄65品嚐少爺啤酒體驗套裝，右手邊起的是很特別的Cha Chan Teng Gose 鹹檸啤、甘香的Pilsner少爺皮爾森及重口味的The Rye黑麥在木三款本地手工啤。 先來一點前菜熱身第一味是雙味秋

一向記性甚差，可是對三年前在中環一夜「雨傘下的辛辣」仍記憶猶新！打從那一夜，三年間所發生的事情實在太多，仿似每一件也沖擊著底線而來，感受到比雨傘下的辛辣更嚴峻的壓迫感，香港人儘管吃不吃辣，但同樣徘徊於「愛與痛」、「生與死」的邊沿，莫非這就是我們的命數？！ 自此辛辣與生活並存，盼在追隨那界乎生與死邊沿的美味與刺激下，人不會變得麻目，怪不得我總愛嚐辛！ 同樣以看不出川味的新派裝潢示人，「霸王川莊」進駐元朗形點僅數星期！ 高樓底、落地大玻璃，跟中環店的酷形成截然不同風格！ 元朗店更率先引用手機二維碼卡的電子餐牌和點菜功能， 簡單一掃，點菜一事可以變得純熟與迅速，切合香港不用急，但最緊要快的精神！ 八寶茶是養生之物，四川人習慣根據時令而轉換用料，然而「霸王川莊」則以清熱、潤喉消燥的選料為本！ 雙味秋葵 HK$78 夏天正是秋葵當造的季節，而友人們也喜愛秋葵，於是先來一道雙味秋葵熱身！ 雙味秋葵 雙味秋葵是小辣的菜式，以兩種不同烹調方式，展示兩款口味的秋葵！第一種是以灼熟秋葵配上酸醋汁。新鮮秋葵口感爽彈，簡單以酸醋佐味，品嚐秋葵的原汁原味。 雙味秋葵 而另一款是採用風乾後的秋葵配上甜辣醬。風乾後

本週與 YOHO Mall 及辣局都很有緣分，繼週一王子私房菜及週二臥龍正宗成都麻辣火鍋，週三中午又與辣友來到 YOHO 新翼的 霸王川莊，大嘆多款火辣辣的美味菜式，加上少爺啤助興，簡直是寫意盡興不得了！ 上回到訪 Outback Steakhouse 時，已對同層的霸王川莊虎視眈眈，所以辣友一提出在這裡搞局，馬上舉腳贊成；又，因為這頓吃在麻麻地的 臥龍成都 之後，更覺食物高質出眾呢！ 在寬敞舒適的新場坐下，除了幾位熟悉的好朋友，也有新認識的朋友，大家一起盡情吃辣、大啖喝酒，好不愉快！又，照片拍於下午茶時段，晚上要來吃，還是訂位較好。 喝一口味道清甜、解辣一流的 八寶茶 後，涼菜很快上檯了。首先是 雙味秋葵 ($78)，分別由抽乾的秋葵及新鮮秋葵拍擋上陣，前者配上甜辣醬，後者襯以香醋，一清一濃，都很開胃。 接著又有 川北涼粉 ($48)，好久沒吃這粗厚的粉條，心中竟然有幾分感動；粉嫩爽滑的口感，配上香又辣的醬汁，非常刺激食慾啊～也很喜愛 甜華梅小紅茄 ($18)，小小一粒非常清甜，加上話梅的酸甜香氣迷人之極。 同上又有 YOUNG MASTER 少爺啤的 手工啤體驗套裝 ($6

We had skewers and an entree to share. Food was tasty but a bit expensive. They give you a set of spices so you can choose how hot or mild you'd like to make your food. Service was good. The table setting was very pretty and menus are in English and Chinese. Licensed restaurant. Will definitely go again.

又黎到Yohomall搵食，今日番工番到成肚氣，所以搵間食辣野減下壓先平日放工黎到七點幾人唔算多，唔需要排隊直入一睇餐牌就比佢隻辣椒同水煮魚吸引左，問咗職員可以減辣（因為餐牌寫有四隻辣椒），最後叫左成都水煮魚片（$238）小辣，水煮魚仲可以免費揀4款配料最後揀左娃娃菜，鮮魷魚，豬紅，木薯粉條等左十分鐘左右有得食啦，符合餐牌講嘅直徑14重20磅水煮魚份量頗多，夾起又唔會覺得好散，鮮魚片都夠大塊，而且食落都幾滑！豬紅同鮮魷魚份量唔算太多，但鮮魷魚幾爽口，木薯條粉同娃娃菜吸哂d辣汁非常刺激，辣得黎唔會嗆喉對我地黎講，2個人食既份量剛好，如果唔夠食仲可以添加一配白飯（$13）茶芥＄10一位，記得飲多幾杯先好走P.S幾好飲

YOHO裝修好都一段時間，次次黎到都要等，見今日終於唔洗等，太好啦！之前食過中環個間都正，所以一開始知道元朗有開好想試下會唔會唔同。茶。入邊紅棗菊花杞子，甜茶解辣一流～小食。糖醋排骨。白紗糖入面有焦糖脆脆。好味！仲有中環的細心製作。小食。水晶粉皮。一開始以為佢＄18好細碟，點知又幾大碟，所以依碟既價錢印象最深刻小食。紅油抄手。唔錯！個saucing好好味 主食。霸王炒飯。無乜特別又唔係好差主食。水煮魚。配菜係我最愛的薯粉，雞髀菇，牛柏葉，牛肚。魚有好多塊，辣味岩岩好，薯粉入哂味好好味呀！其他配菜就唔夠淋有啲硬但魚同薯粉塔救正呀～～～～～新開黎講唔錯除左大部分waiter/waitress都好似遊魂咁，叫又無乜反應，又無笑容，又hea下hea下Anyway我都會返黎再試下其他野

黎到YOHO MALL，見到間間舖頭都咁多人，於是揀左間冇咁多人（等左10分鐘有位），而且好有啅頭（四川風味又有特大麻辣煲）既霸王川莊一入到去店員就沖左聲稱可以解辣既八寶茶，飲落去好香，甘甘地～由於好肚餓，急不及待就叫左個水煮魚，其實本人大食怪唔太鐘意食多骨既魚，諗住加錢轉桂花魚，不過店員話原本果隻其他冇骨的，於是冇轉到，再加左枝竹，米粉同娃娃菜⋯⋯等左一陣就有得食啦！嘩～黎到個鍋真係超超超大大大⋯⋯份量有點嚇親，不過身為大食怪應該可以KO到既！飲啖湯，發覺真係唔野少！都真係幾麻幾辣WOR！係大陸果種風味⋯⋯試試魚片，幾滑同埋真係起曬骨。腐皮同米粉都好滑！加埋D湯食落去好正！而娃娃菜吸曬D湯⋯⋯食落去辣死人⋯⋯哈哈！不過食食下發覺出事了，原本好過癮，但因為開始個湯變到冇咁熱，成煲野都變到好咸！超咸！係咸到完全食唔到⋯⋯最後煲野未食曬就投降LU⋯⋯總括黎講，可以一試，都幾辣，仲辣過係大陸食，但要食得快，如果唔係咸到完全食唔到⋯⋯ 下次可以試下唔辣睇下會點先！