霸王川莊 (已結業)

食左個水煮魚，其實幾好食，我未食過中環個間，雖然叫小辣都好辣，好多辣椒，啲魚係真係冇骨，啲水晶粉亦好好食，豬紅亦都唔會一夾就散，紅油龍抄手亦都係ok的，個餡算足料

過了個多月後，於晚飯時間yoho mall I期人潮終於有點減退，今次7點15分取票等位，等了大約10分鐘就可以安排入座，但因友人未到，所以店員安排到齊人後可以再入座。枱上大有一小廣告，可以掃描QR code 直接用電話下單，但因為太餓就關係，直接與店員下單。兩人點了霸王的水煮魚及一串燒豬大腸。水煮魚送4樣配料，選了豬紅，薯粉，菇，豬肺。 想不到最最吸味的是豬肺，豬肺本身帶有一點甜，辣中甜十分美味。薯粉煙韌有咬口，份量十分足夠。豬紅及菇合格。魚肉肉厚骨少，肉質嫩滑不鬆散。可惜辣度不能調節，店員表示不能小辣，但可以小辣椒。食了一口體溫開始上升，幸好店中冷氣夠强。燒豬大腸，第一次食燒的，大腸乾淨留有獨特的大腸味，燒的好處是可以把多餘的油脂燒走。因為太辣的關係點了熱情果沙冰，沙冰意想不到的解辣，份量足夠！

搬左入YOHO Town無耐，親戚黎左賀新居入伙，適逢樓下新商場開，成班食貨之人梗係第一次時間睇下有咩好野食啦。行行下商場見到新開左間川菜，親戚有唔少好辣之人，即刻拉大隊入去試試喇。等左一陣坐低無耐就有店員過黎話可以用手機scan QRcode睇menu落單，咁新奇第一次用手機落單，大家即刻係咁試玩lol。平時成班人食野個餐牌要傳黎傳去好麻煩，呢個叫菜方法突然變得好方便唔錯唔錯，最岩成班人一齊用，值得一讚。 因為我地有d唔食牛有d唔食魚，所以唔理喇，一開波阿媽就決定叫個毛血旺先，其實我唔知毛血旺係咩黎，仲同表妹講個名好霸氣叫”水煮精品三國毛血旺”，阿媽解釋話係好出名既川菜黎，咩都有好似大雜燴咁，個個都岩食喎。一黎到哇一聲，好大盤好多料!!! 勁岩成班人一齊食，入面d料浸埋麻辣湯好惹味，愈食愈上癮，樣樣都好好食。個個都話呢個好大好抵食，所以已經決定下次再試下其他水煮系列。 等位時見到有串燒食，個個都話想試，所以叫左雞翼拼盤，牛肉，鴨胸，雞腎，帆立貝，秋葵，豬大腸等等啦唔太記得其他叫左咩哈哈。本身好中意食雞翼，佢呢間d雞翼燒得好入味，7隻唔同味道，最中意食香辣芝士同泡菜。佢d串燒會有4隻唔

同一班傻既同事做野， 成日被佢地點去食我唔食既野。 今次又拉左我去食川菜!川菜！我唔食辣野 點食呢！但同事話呢間特別， 一定要試。一入去 可能新開，人唔多。 我地住係近bar既位， 空間幾多， 枱都算大。 原來佢既水煮係列係好大盆既， 唔怪得之成間餐廳都好闊落， 因為推盆野出黎 冇位真係唔得。我地自己用手機落， 問店員係咪有優惠， 佢話遲下會有。 信住佢先， 註冊左， 睇吓佢之後會有咩優惠。點左水煮菇，酸辣麵，辣子牛肉， 水果茶等。水煮菇真係同海報寫既一樣咁大盆。 係大到好似pizza. 裡面見到紅紅既辣湯， 我原本唔咁試， 但見好似幾香， 就夾左一些菇， 果然菇硬身 冇咁吸辣， 反而好啱我。 辣味一開始唔覺， 一兩秒後慢慢發出黎， 麻同辣交織， 我食到出汗， 但又好好食，唔覺唔覺食左好多。 非常推介!辣子牛係安格斯牛， 所以好鬆化， 一口一啖。 但呢個辣味刺激多， 我食得唔多。酸辣麵都唔錯。 酸同辣都平衡到， 可以再食。食辣野 我點都叫定凍飲打底。 佢地有水果茶， 好解辣，係店員推薦既。最後 走既時間 我真係出一身汗但好想快d再黎過。

期待很久的商場終於開張，一心想著逛逛然後在商場找一間餐廳食lunch。因為間間都好多人等，所以找了間相對少人的一試，結果卻非常失望! 由於是食lunch時間，所以要搭台我都明白，但就非常混亂。都不記得有多少次送錯菜，很多時間送了隔離台的東西過來，自己點的卻不知所終。終於來了的霸王炒飯卻非常的咸，好像落了兩次鹽一樣。 由於食唔飽所以找來了一位男部長加單，心想串燒應該穩陣，就點了數串。誰不知等了半個鐘都未來，就找來了剛才那位高高的男部長一問，他施施然話去check單，之後回來卻說完全沒有落單，自己卻彷彿忘記替我落過單一樣！他只笑著說自己忘記了，完全沒有說過唔好意思之類或提出再幫我落單，全程態度都是非常輕佻。有這麼的部長管理，怪不得整間餐廳都亂七八糟！餐廳真的要檢討下。

諗住試下元朗YoHo 間四川野⋯⋯霸王川莊。伏中之伏！難食到🤢同中環嗰間差一百倍！啲野食：難食不在話下，個賣相又差！求其加啲辣椒粉就話調左味！無味道只有純辣味嘅垃圾四川菜！旁邊幾張枱都話難食！服務簡直差中之差，個服務生，又要扮形攪晒甫士咁寫野，同佢落單又唔應，唔知佢聽唔聽到，你有你落order，佢有佢望來望去，講晒之後，佢回答你一句：落得單未？！最後都係落錯單！！食左一半都無就頂唔順，太難食！！我去茶餐廳，食唔晒，個亞姐都會問下你，做咩食剩咁多啦。嗰個經理真心唔掂！問都無問，仲叫你自己行去門口比錢。行到去門口，一個人都無，無人話無指示你邊那到收錢！！最後嗰個經理仲奇怪！收錢都唔願收，想推比啲細嘅做！😬我問：「你地同中環嗰間一樣㗎？」🤵🏻答：「係。」😬問：「你地同中環嗰間啲味都差好遠，中環嗰間好味好多喎？」🤵🏻話：「係呀，啲味唔同。」🤔心諗：（你知唔知自己答緊咩野呀，大佬）

星期五入屯門探朋友得知形點1 grand opening，大伙兒就落去行吓，估唔到新開已經好多人。見到有間食川菜，朋友們話好耐未俾個味蕾刺激吓，所以二話不說就衝入去。一坐低店員介紹可以scan qr code用電話落單好方便，其實之前去大陸都有玩過，估唔到香港都有喇我地嗌咗一個水煮牛同雜菌，一黎到朋友們都嘩一聲因為係好大碗架水煮系列味道好野味，初初食唔覺好辣，慢慢食落就開始辣同麻，非常刺激~我地之後有嗌咗d串燒試吓因為見到佢地可以有唔同嘅粉俾客人調味由綠色開始係青椒，芥末，紫天椒同川椒味~試哂咁多種都唔錯，不過如果有啤酒送吓就仲正~可惜佢地酒牌仲攞緊，唔係就prefect池喇

形點新翼前兩日開幕,形點既商場好好行,地方寬敞設施好,開左新翼住附近朋友叫我一齊去食川菜,大約7點去到,超多人呀(餐廳旁有長椅)等左一個鐘～有位了。紅棗杞子菊花圓肉甘草茶～Free Wifi,掃一掃QR code即入點餐直徑14吋重20磅水煮牛肩肉$248!!個個睇見到嘩嘩聲,牛肩肉浸泡住麻辣湯中,份量多而且每片都超大,要咬開分兩次食,入口爽滑麻辣味厚,辣度是餐牌4粒辣椒仔,麻得很過癮,這種麻感覺是讓人從舌根麻到舌尖免費加4款配料,*幼身薯粉容易夾起自然食得爽!*豬紅嫩滑多汁又入味*茶樹菇味濃郁,平時煲湯落的而家變成辣味,味道好夾呀*切成條狀午餐肉先煎香再放入,所有麻味已慢慢滲入,無人不愛!清炒油麥菜$68,份量不多但菜嫩蒜味重炒得好食,所以再叫個娃娃菜$68,菜嫩多汁幫忙解一解舌尖上的感覺～老家糖醋小排骨$62,酸甜糖醋汁包裹整碟排骨,不乾柴且非常醒胃,愛甜的可蘸上附上的糖。魷魚鬚串$15/1,孜然粉味重,韌度適中,爽口嫩滑,細嚼下,食到淡淡魷魚鮮甜。肥美豬大腸串$20,外層酥脆內有香滑肥膏,佢系內臟又多脂肪好多人都唔接受,但佢有潤腸食療功效,仲補虛,所以我間唔中會食,每樣野都適可而

第一日開張諗住帶埋bb同媽媽試下，見中環果間咁多好評諗住唔會差，到門口先知未有bb椅提供，坐低等左45分鐘先上食物。點左一個水煮魚加配料，落單時問話係中辣，我周媽媽都食到辣，但真係唔止中辣囉食物質素：魚，食到一口魚鱗，最後去皮食配料點左魷魚（好硬好un);豬紅有怪味；牛柏葉（過熟又係un); 粉皮同雞脾菇都ok。但點薯粉變左金菇，電話落單都出錯餸都好出奇。味道除左辣，麻，另外係好咸。見隔離點餸既好似好啲。可能我點左全店最差食物掛🙄因為太辣婆婆食唔到想拎走，但話食物盒未到到係咁滴水時已經忍唔住搵經理投訴最後埋單做左少少少少調整。但原價$300食啲咁既野真心唔值。除左女經理態度好之外，其他侍應同食物真係好唔掂，只會答你，我今日都係第一日番工，唔清楚 應該無下次

今日同一班朋友去行下元朗的形點一期，見到好多新的鋪頭開噢！突然我們見到一間裝修幾特別的四川菜！我們都好鍾意食辣的。所以就想新開的去試下先！當然叫左我們的主角啦！水煮桂花魚重要的事要説三次！好食！好好食！好好好食！本身我就不是喜歡寫食評的人，但今天實在忍不住了！又大窩！超抵食！值得一試！簡直就系我們鍾意食辣的福利啊！我班姐妹都話下次要帶埋屋企人再來食！之後也叫了個醋骨好好味！酸酸甜甜！送飯簡直都系一絕！還有其他串燒！其他真的不多說！去試試就知道！現在他們都開始自己手機下單了，簡單方便！免得我們最怕忙的時候沒人理下單！有創意！