霸王川莊 (已搬遷) 新店位置

食咗一個鐘左右，八點幾就同你講夠鐘要交枱，仲懶有道理話之後有客嚟，你唔早啲走佢哋嚟到會冇位坐。咁跟住當然冇客嚟啦，真係講大話唔眨眼，當啲客人係傻。同一個人之後就一早幫你買定張單，九點幾就同你講要開始清潔啦。睇得出佢哋真係好趕收工，趕客趕成咁。我平日都好少寫食評。今次真係食到一肚氣，乜心情都冇晒。大家想慢慢食傾吓計的話，真心唔好揀呢間。嘢食嚟講，都成$250個人，you get what you paid, 性價比來講都係正常，但服務就真係好唔要得啦。

食物質素唔差，酸菜魚同炒花菜都有驚喜，但辣子雞啲雞嘅大細好似用嚟炒飯嗰啲雞粒size, 食落嗰陣油味仲要好似翻炸咁；叫咗支sake, 但19年，同職員反映問題，然後另一西裝外套職員走過嚟嘅回應就係呢支酒本來諗住扔唔賣？咁點解明知唔賣得但要上俾我呢？

妹妹介紹呢間好食😋一家人去尖沙咀食再行下街。叫左個套餐：酸菜魚，炸子雞，加飲品。另外再叫左碟酸蓮藕（忘記全名係咩）😜😋酸菜魚：超好食必食，多魚多酸菜味道食到似內地吃既一樣，底有麵勁好食，湯好好飲。炸子雞：皮好碎，味道野味。酸蓮藕：小食之選，酸酸地開胃，出面少見，大碟。套餐包飲品：飲品和我個頭差品多大，勁大杯。正呀八寶茶：好香清熱氣，解喝。🫖環境：座位舒適，有中國色彩，有音樂，寧靜。服務：好服務食物質素：正，大碟。價錢：略貴，酸菜魚抵食合理。總結：會再去，最好四人去就可以食多幾款菜式。

食過3次。。 食物質素一般，服務很一般。 安排入座時候，明明入邊有幾張2人空枱，都要安排我地坐一入門口既位置。 我地堅持唔想坐門口，因為疫情下人來人往不太好。我地8:55 入座，叫完野食9點last order。 然後野食未黎就要埋單。 明白10點要關門，但入座，點餐，催last order， 埋單前後10分鐘，感覺似食茶餐廳。食物方面，食過三次，都有叫炒土豆絲。 但次次都唔一樣🙈, 今次仲係變咗冷盤上淋紅油。。，到底換左幾多個廚？ 食物質素可以咁random? 咁既價錢食呢個質素，本人不推薦

今晚3大2小去K11 行下揾下有什麼好食啦，行到去霸王川莊見到做緊片皮鴨+ 酸菜魚優惠，未等位去試下，等位其間侍應介紹個$788 2人火鍋餐話好抵食，如唔夠可加其他餸菜。那我們就叫了個2人火鍋餐+個辣子羊肉，當我們見個餐牌辣子羊肉有4個辣椒符號時我們問侍應能否小辣，那個侍應答我們不可以的，但我們心想點解會唔得呢！跟著隔了一會我們再問另一個侍應能否小辣，這個又答可以。真的奇怪每個侍應答法都不同......!點了餐後侍應就行來問我們幾多位需要選火鍋醬料(每位收費的），我們問他全部人都不需要呢，他話唔得的，你們二人鍋，最少都有2個人要，那我們就話2個囉，但到結賬時張單居然收3個人費用和额外收多位火鍋湯底費用，我們就奇怪詢問什麼是湯底費？你們這個是套餐為何會有湯底費用，那侍應回應我們這是公司規定的，如二人餐多了人數食是要額外收湯底費(每額外人數計),但其實收了錢，個餐都無額外比多咗野我們的，為何要這樣收費和無預先講明呢！如果我額外比多個費用你們，你們每樣份量都會加回的話我都覺得合理，但你們不是但又要收費，真匪夷所思。幸好，你們最终都修改了張單，大家在任何餐廳結賬時都要記得睇清楚帳單上的收費啊！

同朋友黎食lunch 位置幾方便係k11上到，餐廳冷氣又夠涼叫咗酸菜魚 d紅薯粉好好食 個味好夠酸毛血旺好足料3個人都食唔唒Lunch set加錢叫咗個湯 d蜆粒粒都好大粒呀細細粒炸曼頭 個size好岩女仔食 埋單每人都你百幾蚊好抵又好食

一直都聽朋友話呢間餐廳嘅酸菜魚好出名，所以抱住好大嘅期望去食，但係最後有啲失望😓😓😓😓酸菜魚拼薯粉，個湯底係幾酸，但係唔夠辣，而且個湯底剩係得個酸字，一啲香味都冇，啲魚食落去有浸好腥嘅味道，魚骨都唔係去晒，酸菜都係肉眼可見嘅幾條仔唔夠多😥😥😥對呢一個菜真係好失望😪😪😪毛血旺，佢啲鴨血切到好搞笑，一開始上嚟我以為係豬紅，因為佢唔似出邊食嗰啲切到好薄好長，佢係切到好正方形咁樣。呢一個都係唔夠香，剩係得一個麻字，但係lunch set來講佢個份量都算多，一個人都未必食得晒，入面有芝士腸牛柏葉鴨血同埋一舊午餐肉

星期日，到幾個朋友去食川菜！心血來潮便改了叫打邊爐。選了酸菜和川辣的湯底，一放低，便聞到好濃的味道。😍再加上，新鮮的牛小排和芝士墨魚丸配上酸菜湯底，一絕👍食完濃味的，再補多個甜品，士多啤梨拔絲和話梅雪糕，perfect end😊

暫時真係香港食過最接近太二南充特色酸菜魚 珍寶 $426 （加咗配料 金針菇同水晶粉皮）其實真係可以唔洗加 因為真係唔抵水晶粉皮唔夠淋 同埋佢本身已經包咗薯粉魚仲可以揀辣定唔辣佢地個湯先係精華個魚雖然唔平但佢地啲魚係大過同埋厚過太二記得叫多個飯送啲魚今次仲叫咗個酸辣湯麵 $65 正正常常 叫埋真係會辣但都食到既特大新鮮果茶$58 700ml 見到有人叫咗1300ML嗰個但見到覺得無咁抵飲同埋佢地每人茶位$15 個人覺得真係唔抵😂😂😂禮拜一夜晚6點幾去到都唔算滿但7點幾就開始多人同埋有個女經理都好好人

久違久違嘅酸菜魚好食應有嘅都有魚夠滑夠鮮夠味個湯有鮮味唔會過咸亦都唔會過酸溫和易入口裏面嘅薯粉夠滑夠煙韌唔會話一夾就斷之餘仲幾掛到湯最開心係佢真係俾足紅花椒同青花椒成個辣嘅層次同韻味即刻提升左一個Level個人覺得真係試得過同場加映開心大發現: #八寶茶人生第一次飲八寶茶覺得勁新奇「八寶茶是中國傳統的一種飲品，流行於中國的四川、寧夏、青海等許多地區，各地區的八寶茶配料稍有不同，但都以茶葉為底料，配以各種乾果以及中藥材沖泡而成，輔以冰糖。茶葉多選擇青茶，而配料常見的有菊花或玫瑰花、紅棗、甘草、桂圓乾、枸杞、芝麻、葡萄乾、核桃仁、酸棗、沙棗、蘋果乾等。一般使用蓋碗（三炮台）泡製品飲，所以又被人稱作蓋碗茶。因為不同乾果泡開需要不同的時間，因此每一泡的果香味道均不同。近年，市面上也有調配好的八寶茶出售，配料更加突出清熱解毒的功效，滿足現代人的喜好。 」(wiki 2021)一睇到成個杯都係乾草黑人問號左😂跟住個fd話我知咩事我：😯然後飲落去清熱滋陰甜甜哋真心唔錯jeng呢啲補野好中和少少個辣味又解膩咁清雅清雅😂如是者我成個呀伯咁搵個茶蓋刮個杯邊撥開啲茶料

今日同同事試下霸王川莊嘅火鍋午餐，餐牌都好多選擇， 份量都足夠， 個酸菜魚湯底好香好濃味，酸辣適中。 牛肉都好靚好新鮮， 蝦丸好彈牙， 另外叫左杯芒果香桃沙冰非常之好飲，唔會飲到尾淡左無味，服務員服務都好細心，有禮貌，會搵機會再encore 。

一班同事lunch 去食小菜點知佢新出lunch打爐, 咪試下咯,估唔到食材好新鮮喎,醬料又多你可以自己整, 湯底有幾款, 另外套餐有得揀手打麵正！地方坐得舒服,百零蚊每人okay , 另外叫左杯水果茶大大杯, 唔太甜, 正！

有同事生日, 首選梗係食辣啦, 網上訂座仲有折添↑有drink menu, 不過lunch time, 都係唔太方便飲酒住, 留返下次食夜晚先↑每SET位都預備左杯茶料, 只要自己沖水落去焗一焗佢, 就會透出茶香, 有好多唔識得既料, 不過飲落去偏甘香, 茶味唔濃既, 飲法要好似老舊既形式, 用個蓋黎隔開D茶料, 如果唔係就成咀都係架喇↑佢既水煮魚出名好大盤, 例牌Size既直徑都成隻筷子咁長, 有一般鮮魚片或桂花魚揀, 想食嫩口D既, 梗係揀桂花魚啦, 辣度有1-5選擇, 第1次試哩間, 穩陣D, 揀左辣度3.  仲有4款配菜可以免費加落去, 今次揀左木薯粉、白蘿蔔片、牛柏葉同凍豆腐, 其實仲有好多款式, 我諗要下次先可以再試. 唯獨是蘿蔔片就無其他3款咁吸味, 可能煮得唔夠耐, 只係殘留倒D辣味係表面啫. 成盤魚其實都好多, 4個人食剛剛好, 都可以唔駛叫其他餸菜, 辣度3都好夠辣味, 麻味都夠重, 真係偏向成都既正宗口味.↑見到甜品有糍粑, 點少得去試一試, 好耐都冇試過食一碟似樣既糍粑, 香港餐廳黎講, 哩個係較為接近既, 外脆得黎, 入面仲好軟糯, 不過黑糖就可以多返少少,

今日同朋友行K11經過一間川菜館，突然又好想食辣嘢，咁就入咗去《霸王川莊》試吓～因為無訂位嘅關係，當晚菜館又全埸爆滿，最後我哋被安排到室外的位置。當晚又見涼涼地，所以無所謂。其實室外環境坐落都幾舒適，最啱就係約埋一班朋友聚餐傾吓計都唔錯。首先點咗個招牌<川莊口水雞>，麻中帶香雞肉嫩滑，真係食過返尋味<川莊辣子蒜片和牛肉>，辣味適中，食落夠晒惹味😋😋😋<南充特色酸菜魚(桂花魚)>，酸菜醒胃，魚肉嫩滑，越食越開胃🥰🥰🥰<醋香皮蛋豆腐>，前菜必選的涼拌小食。侍應又nice，呢餐飯都食得幾舒服，真係值得一試

之前有朋友推介食酸菜魚去霸王川莊~就決定嚟試吓！ 我哋叫咗酸菜魚嘅regular ，叫咗個抄手同埋一份饅頭~ 個人覺得抄手唔太抵食，70幾蚊得六夠三個人食只可以食到兩個，不過味道方面辣油都幾野味~ 而且雲吞都幾大舊唔錯嘅酸菜魚嘅份量好足夠！ 我哋三個人食魚食極都仲有，而且仲包埋一份薯粉係入面~ 叫一份酸菜魚都夠飽~ 味道方面酸菜魚就唔夠薯粉入味，如果酸菜魚更加酸會更好~ 不過整體來講味道好夠辣味都好夠，完全滿足到我想食酸菜魚嘅慾望~~ 最後饅頭雖然遲來，但係加埋煉奶係好適合做完結嘅甜品~ 酸菜魚嘅上菜速度就比較快嘅但係之後兩個小菜就比較慢，饅頭特別等得耐~ 差不多我哋食完咁製都未嚟，不過所有食物都係熱辣辣上菜所以問題不大裝酸菜魚嘅碗真係好似藝術品咁樣，係我食過咁多次酸菜魚覺得最靚嘅一個，而且影相都好靚~ 以性價比，味道加埋，所有嘢我都覺得好值得食！ 推薦！ 題外話，去到發現原來有一個片皮鴨套餐大約四百幾蚊左右就可以食埋酸菜魚，不過已經賣晒！ 下次可以再嚟試吓~