青山灣漁港

營業中

休息中

屋企人生日, 去左久仰大名既三聖邨食海鮮🤭一去到都真係大開眼介😱 有幾檔海鮮檔批發, 自己揀好海鮮就攞去餐廳 / 酒樓加工, 每款海鮮都可以自己揀煮法🙌🏻 今次揀左青山灣漁港加工, 環境同味道都超讚🤭我地買左龍蝦🦞蟶子王🐚蘇鼠班🐟象拔蚌🐚龍蝦🦞 - 芝士焗龍蝦伊麵底芝士味超級濃, 龍蝦彈身, 焗到個殼都脆脆咁, 非常吸引😋蟶子王🐚 - 粉絲蒜蓉蒸蒜蓉好多, 好香, 撈少少豉油已經好好食😋蘇鼠班🐟 - 清蒸蒸得恰到好處, 非常滑象拔蚌🐚 - 刺身切得厚薄適中, 超有口感另外叫左個欖角骨, 味道好特別, 拔絲甜甜地, 好好味

09.07.2021今日陪家人飲茶，諗住上網搵下屯門邊間酒樓最好食，睇哂啲comment，原來係「青山灣漁港」同黃金海岸酒店「粵」跑出。「粵」價錢比較貴，所以選擇了青山灣漁港。這間酒樓幾年前裝修過，走新式格調，空間夠大，坐得舒服。因為今日是平日，又未夠十二點，所以只等十分鐘已經可以入坐。但入坐前並無職員提醒探熱和拍安心出行或填申報表。除了常見嘅點心，也有特式食品，例如鮑魚灌湯餃、黑松露粉果、金萡芝麻卷。俗稱「菲林」嘅芝麻卷，有香甜嘅芝麻香味，宜家很少酒樓有得食，所以值得一試。另外，被推介煎堆、叉燒餐包，說很受歡迎。果然名不虛傳，呢啲出名點心真係好好食，而且職員熱辣辣捧出嚟，一出就會極速搶哂。有個小插曲，當時煎堆一出，有女職員答應會送一碟來，點知捧煎堆嘅職員隨手把最後兩碟放在我地隔離一張長檯，可能係熟客，而且一枱成十多人。當然有點不滿，因為明明答應了，向之前女職員反映，佢立刻跟進、道歉，而且當第二次煎堆出來，馬上替我地親自送上。這些服務態度算是不錯，有錯馬上跟進。最後三個人只吃了二百幾元，算係好抵食，而且點心質素不錯，難怪咁多人推介，實至名歸，下次可以再來。

估不到的這麼好吃，本來有一個海鮮湯（海鮮是海鮮舖送），酒樓發現如果全部料去煮一窩海鮮湯，價格會很貴，所以事前跟我們解釋，然後找個最適合客人的方案及方法去烹調這個海鮮海整體來說，太好吃了！店員又好服務！加工費連加一、四位茶錢1140左右

去了一趟屯门，主要想吃海鲜，三圣村这边有几十家海鲜🦞摊位，随便选，有些人是明码标价的，我们这次选了四种，澳龙🦞，螃蟹🦀️，蛏子和小鲍鱼，总共是650💰。在海鲜摊选好海鲜，就可以进行下一步了，找一家酒楼🏨进行加工，我这次选的是青山湾酒楼，因为环境好，这次选的做法是蒜蓉蒸澳龙🦞，豉椒蛏子，盐焗螃蟹🦀️以及脆皮鲍鱼，鲍鱼做法很新奇，我很喜欢，脆脆的，有一点咸味，保留海鲜原汁原味，加工费是360💰

這天下午帶兒子游水完畢就到附近的三聖邨吃東西老公提議吃海鮮 我當然和議在海鮮檔買下琵琶蝦及鮑魚兩樣海鮮均都來自南非再選了今次這酒家進行加工及吃點心酒鮮檔的店員就跟我們說琵琶蝦可以芝士焗而酒家就推薦我們鮑魚就用炸的方法做脆皮鮑魚 (酒家招牌出品)我們就跟著選了這樣的加工製法之後點了數款點心等待海鮮的製成・南非的琵琶蝦肉質屬爽口彈牙比一般用龍蝦價錢實惠因為龍蝦頭的重量都佔了大半以同等重量琵琶蝦比較可食的部分琵琶蝦卻較多酒家這個芝士焗琵琶蝦名為 青山灣脆皮琵琶蝦都做得沒有挑剔夠鑊氣之餘 油份卻出奇少味道跟周邊的酒家比較都不相伯仲・輪到談酒家出名的脆皮鮑魚鮑魚選了大隻的南非鮑以往吃鮑魚多以果皮蒸較為多沒想到脆皮鮑魚都有著豐富口感薄薄的脆漿包著鮑魚脆皮面一點都不油膩 薄而鬆化趁熱 咬一口 出奇地好吃 口感非常有層次先是脆口 跟著是鮑魚外圍的彈牙最後是中間剛熟 彈牙中的軟綿綿吃下非常滿足😋😋😋・而點心整體都很不錯全是有溫度的我最欣賞就是脆皮黃金豆腐同樣外脆內軟 鹹味適中另外亦覺得金箔芝麻卷相當精緻將傳統大眾化點心變成高貴甜點忘記讚讚酒家出品的叉燒因為點叉燒飯時漏了說肥叉結果一上枱後見到叉燒的瘦度感

今晚老闆萬歲話要食海鮮…好耐都冇入過三聖邨入去兜一轉…自己買好料…就行過去酒樓加工… 聽朋友講青山灣酒家都唔錯….就一於去試試先…格局裝修都幾精緻..花雕蛋白蒸蟹.. 😋 好香嘅酒味配埋蒸蛋白.. 一流…不過呢個餸..需要嘅時間比較長..心急既朋友就唔好點… 重有椒鹽賴尿蝦….勁香脆同惹味…上湯龍蝦伊麵底….龍蝦啖啖肉…😋陳皮清蒸鮑魚….陳皮夠香…. 鮑魚新鮮又蒸得岩岩好鮮甜…蒸埋條魚…火喉配埋個蒸魚嘅甜豉油同埋蔥.. 好滑呀..加多個菜….大滿足…

最近試過幾次去食晚飯圍餐，食物質素都ok,難得平日放假，諗起便去試佢嘅早茶，八點去到剛有位，坐低叫了茶便寫點心，有孖寶餐叫了排骨粥及沙律春卷，再叫了幾個點心，點心都快來及夠熱，味道都好食，侍應反應都快，出名的芝麻卷真係是名不虛傳，夠芝麻味及質感適中，不會太甜，但是頂點，約三十几蚊略為貴左D，菜乾排骨粥見顔色好白以為不好食，食過覺得質感都幾綿，略嫌排骨及菜乾較少，如果比D送粥簿脆會更好，但點心阿姐話佢哋一直都冇喱様嘢架喎，環境都ok,但都好多食客幫襯，九點幾後都要等位。

我哋去咗海鮮市場買海鮮! 我哋買咗😍: 花甲(一斤左右), 鮑魚(六隻), 蟶子(6條), 北寄貝(3隻), 奄仔蟹(2隻)!!呢度一共都係買咗$750-, 都幾抵呀! 個海鮮檔哥哥都好細心幫我哋揀同埋介紹有咩正海鮮比我哋😋😋! 買完之後, 我哋就上咗酒樓加工開大餐喇!!! 🤩YEAH🤩第一次嚟呢間酒樓, 可能時間都算早, 冇乜人, 好快就即刻入座! 坐低就有姐姐嚟問我哋D海鮮想點煮喇!🤤🤤🤤我哋講好晒落晒ORDER, 就係等食啦~第一碟嚟就係鮑魚🤤😍, 姐姐介紹叫脆皮鮑魚煮法, 話係佢哋個招牌菜嚟, 好啦~🤩咁就聽佢話, 叫咗呢個煮法! 個鮑魚又係超新鮮! 😍🤤個炸粉一D都唔厚, 咬落口感好彈牙呀!! ❤️好好食, 姐姐真係冇介紹錯!!! 之後油鹽水花甲! D花甲真係好鮮甜,😋 一粒沙都冇! 同埋有粉絲底, 個湯係胡椒湯, 勁好味, 花甲粉絲同埋個湯一齊食真係好正!! 😍我哋真係飲晒個湯! 好味!👍🏻👍🏻蟶子就揀咗用豉椒炒, 都好惹味! 蟶子都好鮮甜, 唔韌！👍🏻🤩有水準! 北寄貝就粉絲蒜蓉蒸, 😮呢個有驚喜, 因為以為都係似普通似貴妃邦咁, 但我覺得比貴妃邦再好食D,😍超新鮮, 係爽

今日去咗屯門三聖邨食海鮮❤️❤️❤️呢度啲海鮮相對西貢來講平👍🏻👍🏻所以特登嚟呢度試食😋😋😋😋我哋一人四行👭👭叫咗燒鵝 炒蜆 芝士龍蝦伊麵 蠔 蒜蓉蒸粉絲 大閘蟹 同埋鮑魚呢度啲食物相菜嘅速度都幾快😋😋😋等咗15分鐘左右就嚟齊個燒鵝夾皮整得幾脆嘅佢啲肉都整得幾淋👍🏻👍🏻👍🏻而且價錢都ok 而芝士龍蝦伊麵 份量都幾多嘅芝士味都好重 但麵棉質就一般😩😩😩而其他幾樣我就覺得唔算話太新鮮我覺得就冇乜特別

好耐冇入屯門，入到去就試下很有名的三聖邨海鮮。首先到關財記選材料,全條街佢最多人。之後去左青山灣漁港。食左兩隻龍蝦(芝士脆皮),西蘭花班球(大魚新鮮劏買左1斤),蟶子皇8隻,脆皮鮑魚4飯,咕嚕肉一碟,兩個白飯。龍蝦好膩,芝士和肉好容易分開。一般。還是普通芝士焗好。西蘭花班球,魚肉新鮮彈牙，好食。蟶子皇,咕嚕肉無咩特別。ok啦。最好食是鮑魚,炸得好食唔乾又彈牙。都預左貴,但$1,650(關財記800,酒樓850)兩大兩細有點過吧。

太掛住之前喺澳洲黃金海岸嘅日子，每晚臨瞓前坐喺露台聽住海浪拍打嘅聲音真係好舒服寫意，所以同朋友Staycation 都揀咗喺黃金海岸，夜晚無咩街燈嘅情況確係好似喺澳洲咁。當然揀得住屯門黃金海岸嘅話，就唔少得去三聖食番餐海鮮啦！喺海鮮檔到揀完海鮮後就見到大大個招牌寫住青山灣漁港，唔使左揀右揀就直接上咗去。上到去職員好詳細咁講吓我哋嘅海鮮建設點樣煮，基本上我地都係跟佢嘅建議，另外再叫咗兩個燉湯，個燉湯都好足料，味道都好好。蝦就選擇咗豉油皇大蝦嘅煮法，本身蝦都好大隻同有蝦膏，配上豉油嘅味道真係好味到頭啜埋手指。豉椒炒聖子真係好爽口！但海鮮對今晚呢餐都唔係主角，最好味嘅係呢到嘅椰汁桂花糕，入口超香嘅桂花味，最重要係唔會一味得個甜，好清甜嘅味道，朋友話好食到直頭問個職員有無得買一底嚟買。一間餐廳能夠做到主菜至甜品都咁好食，仲有個個都好笑口嘅職員，以後自己再嚟三聖食海鮮首選都揀呢一間！

20/11 當日因為限聚令關係 我地求其擺幾圍當食飯算，但我地比左錢，原本由12道菜變11道菜 真係唔開心，最後第二日話比返碟餸我就算，係酒樓樓下比我擺酒少個餸真係唔開心，d老人家家第二日先講返我聽

屯門三聖邨出名食海鮮，其實都有好多唔同食法，大部份都會喺三聖對開嘅海鮮街買咗海鮮，再拎去酒樓或餐廳加工，咁樣就可以比較有較高嘅彈性，可以揀自己認為新鮮嘅海鮮，想食乜都可以自己買呢間酒樓係我推介俾大家，位於三聖邨商場最高嗰層，除咗環境裝修OK，最重要係佢加工嘅海鮮都整得好好食，所以一定會推介俾大家唔好睇佢依家好似冇乜人咁，就算平日，一到食飯晚飯時間，都真係坐滿好多枱人㗎，由於而家疫情關係，所以大家坐得更加舒服，因為要有一個社交距離，所以都唔錯㗎唔好講咁多，介紹一下今晚啲嘢食先，全部海鮮都係界外買返嚟，所以基本上都係好新鮮，主要介紹吓佢整得好唔好同埋佢嘅食法！白灼鮮蝦，呢個就整得唔錯，因為佢嘅火候控制得好，簡簡單單，你當佢係前菜又得，當佢係一個主食又得酥炸鮑魚！黎得食海鮮，都想食啲不平凡的，今晚我哋揀咗鮑魚，最主要係因為呢間酒樓嘅招牌菜及食法，就係呢個脆炸酥炸鮑魚！淨係睇相都覺得吸引啦，而且一啲都唔簡單呢個煮法，真係唔係度度都有，呢度就做得非常好，難怪佢係招牌，佢將鮑魚揸得非常香脆可口，外脆內軟，出面酥炸可口，入面爽口彈牙，確實非常出色！蒜蓉粉絲蒸扇貝，呢個唔使多介紹啦，今晚我哋三個人，就

喺屯門要食海鮮梗係嚟三聖啦今次朋友介紹嚟青山灣漁港度食海鮮喺附近海鮮檔自己揀揀完海鮮之後同會有人幫你拎埋啲海鮮帶埋你過嚟酒樓呢度環境好闊落 唔會話坐到好辛苦 今次四個人嚟仲有個卡位添 坐得非常之舒服如果唔知啲海鮮想點加工可以同職員講 佢哋會推介俾你今次買咗花甲 鮑魚 賴尿蝦 扇貝同蝦花甲就用油鹽水煮 味道鮮甜唔會好鹹鮑魚就整咗脆皮鮑魚 皮薄脆鮑魚有好彈牙賴尿蝦就梗係食椒鹽㗎啦扇貝就一定係蒜蓉粉絲蒸 真係非常之好味👍🏻蝦就用咗美極煎 都係十分好味😋四個人勁大食仲嗌左個咕嚕肉酸酸甜甜好開胃仲有叫埋青山灣炒飯 炒飯好足料 勁多配料結果嗌得太多 最後食唔晒要打包個炒飯走不過真係好滿足😋

今日老公突然話好想食海鮮，一般我地都會一大班朋友/一家人去食，始終人多可以叫多d唔同海鮮款式；不過既然老公話想食，好啦！兩個人都即興去左三聖食海鮮。我地先喺海鮮檔度揀海鮮，我地揀左上記海鮮檔，買左鮑魚、聖子、瀨尿蝦同一條斑；然後揀左青山灣漁港負責煮功；第一道黎嘅係豉椒炒聖子，聖子殼薄肉厚，聖子清潔處理得好，無沙；豉椒汁明顯有落蠔油帶出鮮味，令個汁唔會好咸並略帶小小甜，好惹味！魚我地就揀左拆肉炒西蘭花，魚肉實厚，但又唔會過老，岩岩好！不過個廚重手左d，覺得有少少咸，但可以接受，都好好味。果皮煮南非鮑魚，好大隻！好厚肉！時間剛剛好，果皮好香，口感嫩而爽口椒鹽賴尿蝦，鮮甜又大隻，蝦鉗位都食到大舊肉🤤🤤最後追加左個甜品-芒果布甸做結尾；外型算唔上靚，但加上cream,藍莓，又用高身杯，都算係咁啦