青悅 (已結業)

上次黎青衣城食過一次，叫左份咖哩飯都幾唔錯，但係因為得一個人食唔到幾多野有啲可惜。今次同friend黎可以叫多幾一兩份小食，問啲小食係點樣個陣啲侍應都幾用心去介紹，當中最中意就係越南春捲，又脆又唔會太油膩，點埋魚露食真係一流，推薦！

下午黎到青衣城己經兩點半，就去食越南粉，揀左火車頭檬粉，材料有牛肉丸，牛筋，牛腩，牛柏葉同生牛肉片，食落都算唔錯，埋單$64加一後$70,以下午茶黎講唔算抵但勝在坐得舒服

由接待到叫野，全部串咀。問佢拿水，佢話你唔叫唔會比你！本來午餐菜式都幾豐富，但點解要去間餐廳受佢氣！可能舖位太旺人流多，所以可以不用理會侍應的態度。食物方面，餐牌寫鷄全翼所以我先叫，來到竟然不是雞全翼。脆漿好厚食物質素有待改善

當日到青衣去食午餐，屋企人想食越南料理，就揀選呢間啦，當日點了：❣️火車頭河粉這款河粉配料種類很多，有生牛肉、牛腩、牛筋、牛丸、牛柏葉；河粉量足夠；湯是清甜的。整體不俗。❣️順化鮮蕃茄牛腩河粉 牛腩粉淋的，細細舊，不是好吃的牛腩；蕃茄湯亦鮮甜的，但湯面有些浮油。❣️三色冰 主要有三種水果西瓜、奇異果和芒果製成三色，冰是椰子沙冰，入口有椰子香，是一款挺解渴的飲料。總括來說，整體食物質素一般，如只當是街坊餐廳，是可以接受的。

青衣城有許多不同食肆，一個人就簡簡單單吧！餐牌有許多選題，湯粉、喇沙，飯有碳燒肉類、海南雞飯、紅青和黃咖哩、炒粉絲等等，我都揀左很久。最後揀了火車頭湯河，$72，有生牛肉、牛筋腩、牛丸、牛栢葉。湯清甜，配料足，各款都好味。牛肉不鞋，幾好食。不過，午膳時間，食完都難多坐一會。我見隔離枱的阿婆，食完，職員便問係咪八達通付款，轉頭就攞埋單催佢埋單的樣子。我飲埋杯咖啡也當然識做離座走人。咖啡偏淡，冇乜特別。這食店咁多選擇，返轉頭光顧機會大。下次想試黃咖哩牛舌牛筋飯$72。

第二次来青衣城吃这一家餐厅，点了黑椒铁板牛柳粒，肉质松软有牛肉味，不错！马拉盏莲藕苗一口下去有汁，非常爽口，应该是他们餐厅特色菜。吃整条古法明鲈鱼，基本上明火全程保温，配菜也丰盛，两个人三个菜撑到不行。一定要点这家的泰式奶茶，极香浓！同街边奶茶店没得比！服务员态度可，中途给我们加了两次水，上明火鱼的时候也小心翼翼，非常有礼貌，虽然餐厅不大，环境也还好，挺满意的，下次来青衣，会再一次选择这家越南餐厅。

今晚叫外賣回家吃，其中發現香茅豬扒檬的猪扒凍冰冰的，味道很差勁，比快餐店的還不如。覺得不知道他們放了多久才给我，覺得很失望。如果堂吃的話，我肯定要他們退回去给我新鮮的。

食越南菜開胃又醒神，今日又好想食生蝦同羊架所以今日同啲朋友又再次嚟到，雖然唔係經常嚟但估唔到D侍應好Nice同我地打招呼真係好有親切感，今日又叫咗我最鍾意食嘅越式沙律、生蝦同埋炭燒羊架，沙律水果新鮮、生蝦爽夾彈牙、羊架燒到啱啱好夠Juice真係冇得輸再加多個椰青大蜆湯真係食到我舔舔脷，保持到水準真係抵我成日要來幫襯佢要比10個讚佢👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻😋

今日經過青衣城 見到有呢間叫青悅嘅越南料理 睇一睇個餐牌又唔係好貴 就入去試吓 起初入去之前見到網上嘅評語不佳 心諗你間嘢都應該普普通通 有評論話呢度啲員工冇禮貌又點又點 但係我嘅睇法exactly 相反 嗰度啲員工都懷著和藹親切的態度同埋有耐性咁去解釋每樣餸菜 十分之有禮貌 跟住我再睇啲評價就話啲食物完全唔掂 又話啲豬肉未熟又壞咗咁樣 但係我食呢個豬頸肉撈檬之後 完全冇問題 反而仲越食越滋味 之後再叫左個春卷 又脆又美味 臨走嘅時候啲員工仲會同我講多謝晒 拜拜 小心行 我十分推介各位以後到青衣城一定要試試佢 啲嘢食又掂服務態度又好 之後再經過我一定會再食 係咁多 唔信嘅人可以自己去試吓 包你食過返尋味

疫情關係，以往經常都會去既泰國也三年沒去了，朋友介紹了青衣城的青銳越南/泰國餐廳給我，雖然好像有點遠，但地鐵直駁商場，其實也很快很方便。我最喜歡他們的燙河，燙底足料，河粉也很滑。還有蝦餅超彈口，鐵板魷魚🦑正👍，咖哩系列也不錯，此外，服務員的態度也是值得一讚，誠意推介。

2:40到達…有女同事老遠問幾位後….置之不理😕安心出行、疫苗通行證後，自行入座. 2:43希望點餐，有女同事回應‘等等’ 🙁了事！ 2:47依然未有人回應，期間有三位員工，約二十客人，隔離枱食物傳遞给人客需要雙手接食物，何等服務？ 吧了！ 唯有拜拜⋯⋯😡😡員工態度可稱之為行屍走肉🧟‍♀️莫不關心🥱屹立青衣城超過十年， 曾幾何時最愛餐廳…唯有忍痛分手吧！😢😢

星期六同朋友去青衣城，本來已經想搵越南菜食，咁啱經過2 樓既時候見到呢一間越南菜。一入到去侍應好有禮貌咁安排左舒服嘅坐位比我地。之後我哋四人叫咗一個越南扎肉拼蝦餅酸菜凍檬、鮮蝦紮肉炒越南粉絲、蝦醬海鮮炒飯、馬拉盞炒翡翠苗和蒜茸牛油脆香雞中翼。食物上菜時已經驚嘆食物份量，好抵食。越南扎肉拼蝦餅酸菜凍檬配魚露酸酸甜甜好開胃，而且好大方有一大瓶魚露。另外鮮蝦紮肉炒越南粉絲抄得好惹味，有兩個好大既蝦，好滿足。由於同行有人不食通菜，我哋四人仲嘗試咗侍應推介的馬拉盞炒翡翠苗，果然食直落嘅感覺好新奇同埋新鮮，而且配馬拉盞整個菜都好好味。最後嗰個雞翼，小食簡直來講簡直一流，同行嘅人都好鍾意食蒜香，所以都好鍾意呢款雞翼。最後大家都食到好滿足咁樣離開，而且價錢合理，簡直係物超所值，會在再約朋友下次去！

比自取時間早到，所以問職員是否準備好，職員表示正在準備，然後見到比我後的號碼已經取走，所以再問相關職員，然後說正在打包等多1分鐘，然後直接離開，相隔10幾分鐘後甚至已經過咗外賣準備時間都未準備好，所以再問職員先同我講遺漏左，再要等多幾分鐘。已經不只1次。

今日同朋友經過青衣城想食個lunch，見到有間越南菜都幾多人等緊就去試吓。入到去望到個餐牌都幾多選擇，有湯麵、炒飯同炒粉等等。我同朋友分別叫咗個火車頭河粉同濕炒豬頸肉河粉，上菜速度又幾快手唔駛等好耐啲嘢食就到，啲嘢食嚟到發現啲份量有幾大份，五十零蚊來講又幾抵食。先講火車頭河粉， 啲配料又幾多又有牛筋牛腩牛丸等等食落去有幾滿足🤤，個湯啲味又唔會太鹹都幾牛味。另外個濕炒豬頸肉河大大份差啲食唔晒。侍應啲服務態度又幾好👍🏼，我同我朋友想兩份share食嘅時候，侍應見到就會主動問我哋需唔需要碗仔。我想要辣椒魚露嘅時候又好快手拎到過嚟。最後五十零蚊有呢啲分量同質素嘅食物同埋服務質素都幾好，個人幾推薦lunch或者下午茶嘅時候可以過嚟試吓。👍🏼

犀利喇你..青悅。激到咁懶嘅我都要第一次寫食評鬧你。外賣total兩舊水但完全唔知食左乜。1.帶子、鮮蝦、椰絲、柚子沙律 - 帶子幾乎搵唔到，原來切碎左size細過一毫子，老到柴皮嘅蝦一隻，椰絲? 恕我食唔出... 普通外賣盒裝得半盒 咁樣賣$71。2.鮮蝦札肉炒越南粉絲 - 又係一隻老蝦..加兩片薄切切既札肉，even拼埋都唔夠一片正常既札肉size，椰菜有啲炒完仲生勾勾咁，賣$67。點解話叫你慳啲? 邊啲真實食評，邊啲流嘅，你估食客睇唔出? 自己餐廳出品咁差，就應該好好反省改善，走去扮食客留好評就會有好生意?! 不過見到你地咁嘅經營理念，我建議都真係執左佢好過喇，無謂咁辛苦啦，俾粒正常帶子個客都好似會搞到你破產咁。