青悅 (已結業)

第一次嬲到寫食評態度超差冇帶眼鏡既男待應 落漏單都算 叫佢吾該比2隻碗黎又冇左件事過一陣 位帶黑框眼鏡既男待應上錯隔離枱既野食 客氣咁同佢講話我地冇嗌過呢個喎仲要比人啤反轉頭咁碗麵都食完 野飲都飲一半 我地仲要係滴漏 滴都滴到天荒地老仲未見到另一個碗麵 咁咪問下囉 (冇睇時間 但起碼有半個鐘)咁另一位女待應(全黑頭鬆馬尾長陰高啲既 唯一個有禮貌 A待應)有講吾好意思話落漏左咁都諗住算等左又半個鐘 (全程已經超過一個鐘)都候未有 同A講話取消 食吾到 埋單之後人就吾見啦 坐左係個位又等左8分鐘即刻比碗麵黎但又吾過黎埋單排左係面 仲要比人插隊 收錢個位理都吾理結果到我埋個陣 仲要收我個面錢 咁冇食梗係吾比啦同佢講話冇食 態度差到一個點同另一個同事講話 佢話冇食到取消喎依家埋單走喎勁大聲 攞明比說話我聽 先不論嘢食質素如何 淨係態度差到咁仲敢收10%service charge想去俾錢受氣食兒童餐可以去既一碗麵定價76蚊2啖咋就冇嚕 相都冇影 連紀錄下食過乜都冇興趣 真係第一次 味道都吾突然好食 配料都好少永世Blacklist!!!第一次嬲到寫食評態度超差冇帶眼鏡既男待應 落漏單都算 叫佢

食物一般、服務極度差侍應好似喺度瞌眼瞓，叫極都唔應，卒之搵到侍應可以落單啦！等半個鐘都未有食物，要求再追下食物有個肥胖女侍應，等陣啦！語氣好似好唔耐煩要俾錢消費，點解要受到一種咁嘅對待！食一餐飯一肚氣！永不會再幫襯呢間食店

叫左個火車頭河粉，如果我唔過12歲應該收貨。材料易食，切絲跟切粒河粉大概酒樓白飯碗半碗左右，適合趕時間上班人仕。如果有日我唔想食野應該會再去。另一個炸軟殼蟹生前應該棲息於油中，食完反思左環保問題，比返個清澈嘅海洋湖泊啲蟹所以為咗環保啲野係食晒，之後要再去老麥食過

外賣冬蔭功海鮮炒飯、黃咖哩雞煲、馬拉盞炒翡翠苗… 返到屋企第一眼係心諗 係咪淨係比左一半份量？？ 少到可憐 ， 炒飯得2隻蝦（唔好食既） 雞煲得幾舊雞 ，翡翠苗似人地食剩。。。價錢又唔係平，無料都算 ，仲要唔好食。。。 feel到佢地好努力好用心咁趕客 我就一定唔會再食嫁啦，你地想嬲就試下啦 唔好食唔好食唔好食唔好食唔好食商場野仲衰過求其一間小店！ 真係唔好食青衣真係無野食都唔好食。。。。。。。。。。。。。。。。。。。。

今日（星期二）下午2點係青衣搵地方食野，serach 到呢間有生牛肉河，我呢個卡邦尼控兼生牛河控就想去試下。到達餐廳門口時為2：20，好尷尬的時間，因為佢門口同時棟左午餐同下午茶兩個餐牌，但下午茶個牌又無寫幾點開始，再望一望價錢，只係差6蚊就算，唔理咩時段照入座。企左係門口大約一分鐘，無人理會，無人帶位，但店內並不是很忙，甚至可以講是清閒，但d員工行黎行去唔知係度做緊咩。之後終於有人安排座位，再放低個午市餐牌。我坐係近門口，然後我照叫左個生牛肉河。係等野食既期間，眼見有幾個客人分別入到餐廳又走返出餐廳，當時大約是2：26至28分左右，後來偷聽到個金髮扎馬尾，口罩間歇性帶落下巴既女待應，用好唔溫柔的語氣同個d之後走返出餐廳外的客人講「未到下午茶時段，依家入座要計午市價錢」。當中有個客更問左聲：「咁即係點呀？即係我要出返去呀？」個客問完嬲爆爆咁出左門口。其實好多餐廳都會俾客人坐到兩點半再落單，我好係好明點解要叫一個坐低左既客，要行返出餐廳等兩點半，只係差2至4分鐘的時間，個客唔嬲既都真係要好好脾氣才有可能。係我打緊呢篇食評既期間，我隔離枱個女士落左單等左成廿分鐘，見野食仲未黎，再追單，然後

曾經幫親數次，食物質素每況愈下。我估係廚房師傅轉左。今日去開青衣搵食，就試下他們的下午茶。一坐低發現職員個個貌似part time，未見有supervisor 在場。到我落完order，等咗15分鐘都未見有飲品到時，我再問問職員是否有落單。個身形稍胖的女侍應聽完，一言不發就行開，番嚟就問我要乜野。我再問你哋冇幫我落單？她就簡單一句答我“冇”！連句sorry都冇。跟住我就即, 啲職員咁唔想做。我亦唔會幫襯咁嘅餐廳。

食過外賣同堂食同一個炒菜 外賣份量少過堂食差唔多一半食物味道一般 偏鹹 試過炒飯碟底有堆鹽 冇炒勻旬員工態度差 係面前行過 舉曬手都唔理 要行出去 叫住佢先停寧願上多層食泰國嘢好過 冇下次

從未見過倒自己米臭脾氣嘅樓面老闆(定經理？)，明明有七人枱，但兩次刻意寧願吉咗都唔俾我哋入座。個擺款男人不停徘徊recep，零眼神接觸，禮貌問佢有老人家，先俾大家坐，肚餓血糖低...條友仍然答:"未有位。"行咗去。有次落單，呢條友仲寸寸貢嫌老人家講嘢論盡。Vs. 以往位女士(唔確定係咪老闆娘)好相與，態度殷勤。食物算好ok，所以過去三年同阿媽及佢朋友，幾個老人家做完運動都會幫襯。真係冇大枱時，呢位女士會砌埋兩張細枱，或問我哋介唔介意分開坐，又醒又好人。疫情時人手短缺，伙記有時漏單或落錯單我哋都體諒，仍然支持人人有工開。但最近遇着呢個醜怪佬，擺架子，整蠱老人，心地實在太壞。怕老人家血糖低暈倒就唔好啦，唯有轉場。第一次被蔑視時等咗廿幾分鐘，今日等咗十分鐘，要知道佢哋係有枱刻意唔serve你要你扶老齋等吹咩。心地唔好嘅人，好難再支持。希望佢快改邪歸正，話哂佢都有阿媽生，自己好快亦會老囉。

經過見到餐廳環境望落都唔錯，就㩒咗張飛仔，假日晚飯時段都只係等左10分鐘就入得👍Lunch會有lunch set提供，晚餐時段就要單點食物🥢粉、麵、飯、菜同小食嘅選擇都好足夠🍜生牛肉河粉$68牛肉份量好多，肥瘦啱啱好，入口嫩滑😋河粉食落好爽口，唔會太腍或者太硬🥰湯底好香濃，唔會太油膩🌟 Lamlam脷指數 😋😋😋😋 (4/5)🐷炭燒香茂豬扒伴酸菜凍檬 $76依個香茅豬扒撈檬一定要推介🤩同出面食到嘅香茅豬扒完全唔同有好香嘅炭燒味，肉質好嫩，咬落唔痴牙🤤酸甜汁唔會過酸或者過甜，加埋一齊食簡直係絕配💯🌟 Lamlam脷指數 😋😋😋😋😋 (5/5)🥥椰青 $38椰青水多到就嚟滿瀉，飲落都清甜👍椰青肉都多，整體嚟講都唔錯🌟 Lamlam脷指數 😋😋😋 (3/5)🌟整體評價: 味道嘅質素同餐廳環境都幾好，同價錢成正比，食物嘅選擇都好夠，經過都可以嚟試下👍🌟 Encore指數 ⭐️⭐️⭐️⭐️ (4/5)

我好少俾評價，不過可以令我上黎打呢篇食評真係難洩我心頭之恨。叫左個軟殼蟹炒飯，喇沙，同個蝦餅小食，加個滴溜咖啡，椰青。你地睇下相中軟殼蟹，我未見過軟殼蟹咁既樣，好似中左幅射咁。飯凍冰冰，又超級硬，煮定好耐。個喇沙個面發到好脹，好明顯又係浸左十年先俾人食。咖啡就算吧啦，買雀巢咖啡都好飲過佢。埋單$359，質素一舊水都俾多。信我，食呢間野同食屎冇分別，人生最差既一間餐廳，想爆無限個粗口….個服務更加唔好提，唔好幫襯！

生牛肉湯河，肉質鮮美，份量足夠。扎肉蝦餅撈檬，扎肉同蝦餅都係得兩塊，但勝在蝦餅肉厚大件，好味！作為撈檬靈魂嘅酸辣汁另上，大大支任你落，好滿足！蒜蓉炒椰菜仔，炒得剛剛好，唔會太老，蒜蓉味好惹味。食物味道好好，但撈檬同椰菜等了大概十五分鐘先到，生牛肉湯河就好快到。之後發現炒菜多數係三四碟一齊攞出廚房，可能等埋幾張單先一次過炒，所以咁慢？想食菜就唯有等多陣。

平日，青衣城都不太熱鬧，四點去食下午茶，這店都不斷有客。講真，青衣城食嘢唔平，我食過這店午餐，下午茶略平少少。是次叫了海鮮喇沙。有一隻青口、兩舊豆卜、兩片魚片和一隻蝦。連熱檸蜜$61。喇沙送來，顏色很美和吸引。嚐一口湯，嗅一嗅，很撲鼻的椰香，又很惹味，或許花生粒及香料等。我幾滿意這碗喇沙的稠稀度，適中。不過這是一碗「海鮮」喇沙，得一隻青口和一隻蝦，沒有其他海鮮，卻嫌吝嗇。內裡的麵和米粉，軟硬適中，亦吸晒喇沙的醬料，好味。通常在青衣城午餐，想不到食咩，我就去這間店，因為價錢合理，食物款式多，也坐得算舒服。不過下午茶就不太優惠。

前排同frd去青衣城睇戲，就諗住睇戲之前食啲嘢，咁啱行完GU就諗住近近地食吓越南野。可能因為係tea time下半場關係，鋪內人流較少，都坐得鬆動。同frd嗌咗個炒金邊粉同火車頭河粉，套餐包兩杯熱飲，金邊粉上枱仲熱辣辣，味度都算正宗，加埋士拉差辣醬食就十分惹味。火車頭嘅牛湯偏咸，不過亦都有牛骨嘅鮮味，加啲青檸汁就啱啱好，份量都足夠兩個人分。店內氣氛都有活力，侍應普遍為年輕人，有講有笑，都肯主動加水同俾牙簽，走嘅時候都會提你拎齊嘢。總括而言，服務不過不失，食物味道亦偏正宗，價錢大概$50-70，可以一試👍🏽

好耐冇嚟青衣城，今日同屋企人嚟青衣城行，見到呢間餐廳而且價錢都算不錯，所以入去食。我嗌咗個豬扒酸菜撈檬，豬扒份量都算多，而且肥瘦均勻，燒得有焦香嘅味道不錯👍🏻 酸菜爽口，唔會梅晒👌🏼整體來講都幾好👍🏻👍🏻個檬汁都幾好，酸酸甜甜好開胃，我之前去泰國食都係類似呢種味道起碼有七成相似，所以佢都算做得唔錯，食嘅時候我見到有應該係泰國人嘅廚師行咗出嚟，所以佢哋大部份食物應該都係有泰國人煮？所以先至可以做到有泰國風味幾好如果下次再嚟青衣城，應該都會再幫襯試吓其他唔同嘢食

今晚想食青悅～經過上次的經驗都知等得耐～所以一早落定單叫外賣自取都要等成半個幾鐘～得一個後生仔係度pack外賣～其他人企哂係度唔郁～兩個高級d（一個無著制服的）既係度打牙鉸～叫左個蒜香椰菜仔d菜未熟好硬～金邊粉一灘野咁～金邊粉隻蝦係霉的～波羅炒飯的軟殼蟹都炸到好硬～雖然我知道口味這樣野要好主觀的～但我記得以前好好食～而且成日都要等一段時間先有位～但點解會差左咁多😫以前的金邊粉我好鐘意食的～超失望😑