青田冰室

營業中

休息中

我住田景，但因為樓下間茶記出品太差又唔抵食，啲員工成日發夢做野又無系統，所以都唔太想去呢兩間食，但我好鍾意食雞脾薯條，自從NOVOLAND入伙之後同屋企人嚟行下時就試下呢間。我同屋企人嚟過幾次，都係下午茶時段嚟，但我覺得佢地個下午茶餐係OK嘅今次嚟食咗雞脾薯條至少隻脾都大隻啲，薯條都多啲，仲要係波浪薯條，雞脾烤得剛剛好，仲有肉汁流出嚟，樓下個間次次去都係炸到乾哂兼勁細隻。我之前食過炒蛋咸牛肉潛艇，但唔記得影相真係出色過我樓下個間好多，隻包係芝麻熱狗包，烘過嘅，咸牛肉同炒蛋真係溝埋一齊炒過嘅，新鮮熱辣。剩係個包會烘過呢樣，我已經覺得好開心，無辦法，樓下個間真係去親都覺得點解要比錢食垃圾，佢哋個芝士炒蛋潛艇真係令我大開眼界。其他食物/時段我未試過，但就下午茶餐嘅出品我絕對覺得合格，對得起個價錢，唔會覺得自己比錢食下欄野咁，雖然過去都要搭巴士，但我寧願比幾蚊車錢食得開心啲，都好過行幾步路但次次都食到發脾氣囉。衛生就還可唔係太污糟，但唔知點解每次食都有烏蠅飛埋嚟🤔

喺屯門青田邨嘅青田冰室，搭乘兆康西鐵站轉K54巴士就直達，好方便。我同朋友一早就去咗試佢哋嘅醒晨早餐。朋友點咗雪菜肉絲米粉配炒蛋餐肉，再加一蚊轉做厚多士。佢話雪菜肉絲米粉味道不錯，份量足夠，炒蛋滑溜溜嘅，但就話厚多士凍哂，仲只有半塊，咁就有啲失望。我自己就試咗沙嗲牛肉公仔麵，配火腿腸仔，另外加三蚊轉咗丹麥多士。牛肉嘅質感太軟，好似失去咗口感，可能係醃得太耐。不過火腿腸仔同丹麥多士都算係標準水平。至於飲品，我哋就點咗凍檸茶走甜同凍杏霜，味道都算普通，冇乜特別。員工嘅態度都幾好，有禮貌又親切，感覺舒服。青田冰室嘅食物質素同服務都算係中上，如果唔係啲多士凍咗，應該會更加好。

勁污糟，叫份烏冬食食吓咬唔爛，跟住扯一扯原來係條橡筋，呢間嘢本身已經貴，啲人嘅態度又差，幾時執笠？另外啲阿姐又係有問題，叫佢嚟碗湯到我食完都未黎，熱奶茶上次等咗半個鐘⋯⋯

本身見在屋企樓下有茶餐廳，以為可以變為飯堂，得閒去下，開左2個月，環境一次比一次污糟。食左兩次下午茶，有一次叫左個干炒肉片河，46蚊，d肉片完全係白烚放上去，連少少豉油味都無，完全無味，嚴格黎講，仲有一d水味，份量亦都好少，莫講話想要張紙巾，連一張普通的餐紙都沒有，只有一包包紙巾賣，但餐具十分污糟，有一些還留有污漬。有另一次買外賣，外賣有額外收費，杯收1蚊，湯碗收1蚊，盒野又收1蚊，total 收3蚊，但又無寫明。。。服務差，由其是收銀員，完全唔想理你咁，佢係完全沒有冰室/茶餐廳風味既一間冰室，每次離開都感到憤怒！以後都唔會再黎！

下午返嚟冇嘢做就試下呢間青田冰室🤟🤟🤟店內選擇挺多， 不過感覺偏貴餐牌見到又有茶餐快餐下午茶感覺好多嘢選擇 店內裝修光猛整潔👍👍好黎正題~🤜🤜😕菜遠排骨河 可能下午茶餐份量偏少 菇得半個味道偏鹹， 略欠火喉其他正正常常。麻婆豆腐飯唔明白點解飯都可以熟唔曬有啲硬味道可以接受冇問題 不過溫度 就唔夠熱咖啡奶茶嘢飲正常， 冇乜特別不過不失不過如果冰室嘢飲都有問題都真係幾大鑊下~好彩佢冇兩個人食完加嘢飲95蚊埋單可能嗰邊嘢食暫時少選擇希望遲啲開多啲唔同類型嘅餐廳喺嗰度就好店內新裝修都算清潔 姐姐服務態度都ok

今日2月11日，叫左個早餐，沙嗲牛肉意粉＋多士，太陽蛋，午餐肉，點知中伏，個多士得半塊，太陽蛋得一隻，個午餐肉仲叫做黑毛豬午餐肉，完全唔覺係黑毛豬午餐肉，個沙嗲牛肉，仲要沒有牛肉味，完全唔似牛肉，個黑咖啡好苦澀，完全唔掂，餐廳內清潔好 dirty, 櫈有食品碎，完全沒有人抹，清潔，仲要個沙嗲牛肉加多一元，多士加一元，仲要加一，加晒成個早餐44元，多士和蛋都係得一半，咖啡又唔掂，大家樂都仲好食過佢，完全沒有下次，沒有 services, 清潔度勁差，

聽過街坊有劣評有好評，抱住試伏心態試下。諗住穩陣啲，咁就叫咗2 個都係炒飯，咖哩炒飯同埋咸魚雞粒炒飯。個咖哩炒飯正正常常，都幾有鑊氣，同埋味道唔差，晚餐送埋湯同野飲，係抵嘅！咸魚雞粒炒飯有驚喜，雖然咸左啲，但整體味道好好，有鑊氣同埋啲飯炒得夠乾身，我諗我會再返兜。茶記嚟講算唔錯，不過其他嘢例如蒸魚嗰啲真係唔敢搏。

屋邨附近新開無幾耐既茶餐廳，諗住試試佢，近近地唔駛日日食意樂，結果好伏！早幾日食左個早餐沙牛面已經唔係好掂，有兩塊牛好似有啲腥腥地，以為係咁岩唔好彩者。今日比多次機會佢，兩個人食個lunch，一個食西炒飯，一個食日式吉列豬扒飯。1. 個炒飯濕到呢……食過最難食既西炒飯……（唔知係咪微波爐就咁叮完拎出黎）2. 炸豬扒又炸到乾晒……服務方面都唔好得去邊，叫得人搭枱，張單又唔分A/B枱號，送餐亂鬼晒。張枱櫃桶入面啲餐具十有八都係有啲污跡享度，新開張就做得咁求其，真係不了🫨個價錢又唔係平過人，寧願行遠少少去返盈豐/寶田食都無咁嬲！

混亂至極。叫餸20分鐘後，先話無生炒骨，仲要發現根本連另一個餸同連帶嘅飯無落過單。後來我哋加返個餸，又等咗20幾分鐘，都未到。首先，即使另一個餸臨時無，咁請問係咪應該落咗單先呢，過咁耐先落單，我同屋企人又呆坐咗咁耐， 貴店有無尊重過我哋？ 貴店嘅時間值錢，唔通我同屋企人嘅時間就唔值錢？收銀枱嘅金色頭髮店員，請問「急」係咪有用呢？你係到亂咁大呼小叫，試問等枱嘅客人會點諗？就我而言，我唯一感受就係影響客人用餐。冰室態度惡劣、混亂，好似係香港冰室嘅「特色」，但錯嘅嘢就應該要延續落去咩？態度唔好就可以用「特色」作為藉口？恕我不能苟同。煩請 貴店反思。2023年12月30日

屋企附近開咗間新嘅餐廳所以試吓叫咗三樣嘢 但係三樣嘢都令人失望1. 粒粒西多士係講明要煉奶但係俾咗個糖漿我…2. 魚香茄子煲呢個完全唔合格 個茄子煲冇豆瓣醬味亦都冇鹹魚味 剩係得濃濃嘅蠔油味 根本上就唔係咁樣煮 我好懷疑個廚究竟知唔知咩叫做魚香茄子煲3. 豉汁蒸鯇魚鯇魚非常之唔新鮮 食落去係霉嘅 仲有魚鱗同埋魚鰓都未處理 好恐怖 我好耐冇試過喺香港食魚會有血腥嘅味道當埋單嗰陣反映比收銀姐姐聽 收銀姐姐擺出一副闊佬懶理嘅態度 咁樣應該好快做唔到落去…