影片
更多
2024-09-07
113 瀏覽
我住田景，但因為樓下間茶記出品太差又唔抵食，啲員工成日發夢做野又無系統，所以都唔太想去呢兩間食，但我好鍾意食雞脾薯條，自從NOVOLAND入伙之後同屋企人嚟行下時就試下呢間。我同屋企人嚟過幾次，都係下午茶時段嚟，但我覺得佢地個下午茶餐係OK嘅今次嚟食咗雞脾薯條至少隻脾都大隻啲，薯條都多啲，仲要係波浪薯條，雞脾烤得剛剛好，仲有肉汁流出嚟，樓下個間次次去都係炸到乾哂兼勁細隻。我之前食過炒蛋咸牛肉潛艇，但唔記得影相真係出色過我樓下個間好多，隻包係芝麻熱狗包，烘過嘅，咸牛肉同炒蛋真係溝埋一齊炒過嘅，新鮮熱辣。剩係個包會烘過呢樣，我已經覺得好開心，無辦法，樓下個間真係去親都覺得點解要比錢食垃圾，佢哋個芝士炒蛋潛艇真係令我大開眼界。其他食物/時段我未試過，但就下午茶餐嘅出品我絕對覺得合格，對得起個價錢，唔會覺得自己比錢食下欄野咁，雖然過去都要搭巴士，但我寧願比幾蚊車錢食得開心啲，都好過行幾步路但次次都食到發脾氣囉。衛生就還可唔係太污糟，但唔知點解每次食都有烏蠅飛埋嚟🤔
我同屋企人嚟過幾次，都係下午茶時段嚟，但我覺得佢地個下午茶餐係OK嘅
雞脾薯條
338 瀏覽
0 讚好
0 留言
今次嚟食咗雞脾薯條
至少隻脾都大隻啲，薯條都多啲，仲要係波浪薯條，雞脾烤得剛剛好，仲有肉汁流出嚟，樓下個間次次去都係炸到乾哂兼勁細隻。
我之前食過炒蛋咸牛肉潛艇，但唔記得影相
真係出色過我樓下個間好多，隻包係芝麻熱狗包，烘過嘅，咸牛肉同炒蛋真係溝埋一齊炒過嘅，新鮮熱辣。剩係個包會烘過呢樣，我已經覺得好開心，無辦法，樓下個間真係去親都覺得點解要比錢食垃圾，佢哋個芝士炒蛋潛艇真係令我大開眼界。
其他食物/時段我未試過，但就下午茶餐嘅出品我絕對覺得合格，對得起個價錢，唔會覺得自己比錢食下欄野咁，雖然過去都要搭巴士，但我寧願比幾蚊車錢食得開心啲，都好過行幾步路但次次都食到發脾氣囉。
衛生就還可唔係太污糟，但唔知點解每次食都有烏蠅飛埋嚟🤔
張貼
