青花 (THE FOREST)

今日去咗旺角一間叫「青花 The Forest」嘅泰國餐廳食晚餐，餐廳嘅裝修充滿田園風味，座位闊落，可能因為地理位置方便，平日嘅晚市都座無虛席，建議大家預先訂位。餐廳採用QR code落單，上菜嘅速度都幾快，而且每一碟嘅份量都好多，非常足料！🍊泰式虎蝦金邊粉金邊粉味道帶微甜，唔會炒到好濕，配料嘅青檸、炒蛋、芽菜同韭菜都豐富咗金邊粉嘅味道層次，主角有兩隻大虎蝦，而且係開邊煎，所以隻虎蝦好入味，口感爽口彈牙又冇雪藏味🍊炭燒牛豬雙拼串燒沙嗲沙嗲串燒都幾出色，豬肉串同牛肉串雙拼，各有三串，肉質唔會燒得太嚡身，食落仲有一陣陣嘅炭燒味，配埋香濃花生味嘅沙嗲醬一齊食好夾🍊炭燒豬頸肉燒豬頸肉嘅份量都好多，每一片嘅厚薄適中，唔會燒得太乾身，單獨食會食到炭燒嘅味道，配埋酸辣青醬就帶有微酸同微辣，食落幾開胃🍊馬拉盞炒芥蘭份量非常足料，用咗馬拉盞同紅蝦米去炒芥蘭，味道非常惹味，芥蘭食材新鮮，食落去爽口清脆🍊泰國奶茶奶凍呢個甜品非常有泰國特色，用咗泰國風嘅特色鐵碗，底層係由泰國奶茶製成嘅奶凍，每一啖都充滿濃郁嘅茶味，味道偏甜；上層鋪滿粒粒涼粉啫喱加一層順滑嘅奶蓋，中和底部嘅甜度，口感層次豐富📍旺角奶路臣街17號

🦐大蝦冬蔭公💰$96🍝泰式虎蝦金邊粉💰$138🥢油酥手抓薄餅💰$52🥘馬沙文香料牛肉咖喱💰$48好耐冇食泰國野，行旺角見THE FOREST呢間泰國餐廳環境極靚，落地玻璃窗採光勁好啱晒打卡影相✨有得揀室內/室外用餐，野食又幾吸引就決定食個靚lunch🍝泰式虎蝦金邊粉必嗌，蝦勁大隻肉彈牙，金邊粉酸甜得宜、有鍋氣，夠晒惹味🦐大蝦冬蔭公酸辣味過癮香料味足，飲完出薄汗都幾爽🤣🥘馬沙文香料牛肉咖喱配🥢油酥手抓薄餅簡直絕配，牛肉咖喱醬料濃厚，味道偏溫和唔會太嗆口，對唔食得辣人士好友好（小女子是也），🥢油酥手抓薄餅新鮮即製，超酥脆+層次豐富，牛油香亦好出，勁讚👍🏻

位於旺角鬧市中的泰國菜，食物充滿特色。🪑可以揀坐室內定室外，室外環境清幽，不過夜晚有少少黑，冬天店舖於室外位置亦會放有暖爐唔怕太凍。室內燈光充足，同食物一齊打卡一流。📸💚藍蝶花蟹肉菠蘿炒飯個飯加入咗蝶豆花，令成個顏色變咗藍色，不過蝶豆花嘅味唔會遮過咗成個飯，容易入口。而且飯上面嘅蟹肉豐富，亦有好多配料，例如：肉鬆、腰果等。最好食就係側邊嘅菠蘿，美味燒過嘅菠蘿，入口好多汁。🍍💚炭燒牛肉串燒沙嗲（6串）每一串嘅肉粒都好大粒，每一啖既肉都好多汁好juicy，如果配埋沙嗲醬，味道更加濃郁，適合重口味人士。💚大蝦冬陰功(小)泰國菜必嗌冬陰功湯，有大量餡料，飲落酸酸的，辣味唔算太辣，就算唔係好食到辣嘅小編都可以飲到。仲配有大蝦，蝦肉亦都好大嚿。💚豬腩生菜包有別於日常食嘅生菜包，佢有粒粒分明嘅豬腩肉，每粒肉粒都肥美多汁，每次用生菜包住佢嘅時候，都會多到飛晒出嚟，份量亦很充足。💚龍鬚三色冰奶蓋超級特色飲品，俾佢面層唔同顏色嘅鬚鬚吸引到，食落去甜甜的，好有龍鬚糖嘅感覺，再配埋底下嘅三色冰，甜而不膩👍🏻。💚楊枝甘露奶蓋豐富嘅餡料，啖啖都充滿住果肉，係可以飲既甜品😋💚另外飲品推介：泰國奶茶

位於旺角地鐵站附近的青花 (THE FOREST) Champak Restaurant呢間餐廳不但方便到達仲以其獨特嘅東南亞風味而聞🔅🔅餐廳嘅裝修搭配柔和嘅採光同落地玻璃窗坐喺呢度用餐 感覺就好似置身於一個清新嘅熱帶森林非常適合放鬆心情🥰✨雖然位於鬧市中 但餐廳嘅氛圍卻讓人感到安靜宜人路邊炭火蒜炒牛肉生菜包 ($118)呢道菜獨具特色🥳牛肉鮮嫩多汁 蒜香四溢搭配清脆嘅生菜 口感層次豐富 非常適合兩個人share大蝦冬陰功 ($96)🍤飲落無咩檸檬葉/香茅味 唔算係典型嘅泰國風味 但都做到酸辣可口同埋濃郁易入口 ~ 不過不失勝在夠大隻 蝦肉鮮嫩 配料有勁多菇紅咖喱香料三文魚 ($138) + 搭配白飯另加$15三文魚煎得啱啱好 幾香口無骨唔錯紅咖喱嘅香料味道偏甜 入面仲有菠蘿+龍眼肉又鹹又甜的fusion實在太衝擊味蕾了😆😆芒果糯米飯 ($78)色彩鮮艷 糯米嘅香甜搭配新鮮嘅芒果真心好好味啊 ! 必試整體來講💐呢度嘅菜式唔單止賣相精美適合打卡味道亦都唔錯 絕對值得一試！呢間泰國fusion菜會係個唔錯嘅選擇~

聽朋友講呢間泰國菜好食😋於是今晚特登去食七點無得book 要walk等到七點半先有得入🥲不過野食都算嚟得快豬頸肉超好食 個汁少辣😋配飯超正蟹肉飯好多蟹肉😆蝶豆花嘅飯好靚 不過唔係好食到個味呢個生菜包配豬腩肉就麻麻🥲啲豬腩肉好硬 唔好食馬拉盞炒芥蘭就正正常常😆芒果糯米飯好味（個蠟燭係自備😂）不過個飯份量少 好煙韌👀

📍青花今日來旺角呢個商場食嘢，原先係俾門口個泰式奶茶味吸引，雖然最後冇飲到泰式奶茶有啲可惜。餐廳環境比較淡雅，都算ok。🍍藍蝶花蟹肉菠蘿炒飯 $138八種食材層次豐富，口感ok，但係都係會覺得有啲太多料，唔知食邊個味好，而且偏貴。🦐泰式虎蝦金邊粉 $138越南虎蝦有兩只，都算大隻，羅望子汁作調味，酸甜口食唔慣，青檸清新一定要淋，唔係成個味就唔好啦。🥭芒果糯米飯 $78有椰子脆片，椰片很香脆，幾好，芒果都係甜嘅但係呢個價錢太貴。

最近喺旺角附近開完會 成班同事即興上去食餐飯，於是就過咗嚟呢一間餐廳 嚟到估唔到咁多人 當時已經係平日 8:00到嘅時間 都有好多人預約咗等緊入座而我哋有成八個人，所以都等咗一段時間 如果真係想食，就記得book位首先講吓個環境 呢一間嘅裝修有好多乾花掛喺個頂度 其實都幾靚，幾好打卡另外講吓啲食物覺得個咖喱飯幾好食，再加埋嗰個筒飯其實都好特別 另外嗌咗個大蝦金邊粉 呢個個味道都非常之出色 飲品方便嗌咗個奶蓋楊枝甘露 呢個超好飲，一定要嗌 仲有芒果糯米飯 覺得呢個還好 因為個芒果有啲硬同有啲生

同朋友相約晚餐，揀左一間好多好評的餐廳🌟去到明明有位，但就話reserve曬。要等位餐廳內冇咩人既情況下，最後都等左有45-60分鐘😢我朋友仲間唔中問點解冇人都要等咁耐🤯裝修簡約清新風，俾人感覺係傳統打卡餐廳菜都上得算快😲✳️泰式虎蝦金邊粉 👍👍👍👍金邊粉微辣，份量足夠而味道甜甜辣辣，十分開胃😍美中不足，虎蝦較乾身，吸引力不足😐朋友完全冇意欲掂個虎蝦🤧但金邊粉本身不俗🤲🏻✳️馬沙文奶油咖喱雞 👍👍👍份量十級足，但未能令人食指大動😳最後主張唔浪費的我，都由佢浪費左🤫較普通😥✳️炭燒串燒沙嗲 👍👍👍較乾身，味道重左少少🤥整體普普通通😶✳️油酥手抓薄餅 👍👍👍👍整體黎講，冇預訂位有機會要等待較長時間，而食物價錢與份量相宜，食物質素可以改進，打卡餐廳，食個氣氛同環境（但都未算好特色），可以一試，但吸引唔到我做回頭客🫣

網上見到青花呢間餐廳好多好評，就book位試試，結果冇失望👍🏻👍🏻👌🏻地點位於旺角地鐵站附近商場係頗方便，同朋友上到去發現青花真係好受歡迎~好多客人~感到有啲嘈，但因為book咗位嘅關係，店員安排咗冇咁嘈近outside嘅側邊位👍🏻👍🏻。點餐可以掃code，一目了然。食物好有特色，尤其個炒飯，味道特別又好味😍😍。另外馬拉盞椰菜亦好出色，炒得好香又夠味👍🏻👍🏻。總括嚟講係值得推介，價錢有少少貴不過間中食下都ok☺️☺️。

難得朋友係異國返黎當然要約食飯，朋友想食泰菜就近近地搵間係旺角嘅青花試下，上網見佢環境同食物賣相都不錯就試下啦，食物又幾好食wor荔枝菠蘿紅咖哩大蝦 $128 個咖哩一啲都唔辣好香，荔枝有少少驚喜甜甜地加埋個咖哩味道好清新油蘇手抓薄餅（3塊） $52 因為叫左紅咖哩當然唔少得叫埋手抓餅，黎到時仲熱辣辣，小小蘇脆，配埋紅咖哩基本上無得輸冬陰單骨炸雞翼 $82食飯點都要配啲小食，雞翼味道正正常常 路邊炭火蒜炒豬腩生菜包 $118 同平時泰菜食開嘅生菜包好唔好，一般係肉碎炒，而哩個係有少少似韓式燒豬腩肉生菜包，燒得好香脆，豬皮位置好有咬口，好好味芒果糯米飯 $78芒果好甜椰汁好香，但個飯本人覺得有啲甜，淡返少少就完美啦3個人叫左5樣野岩岩好食得晒好滿足，環境都幾好傾下計幾舒服，不過冷氣好凍愈坐愈凍。

呢間餐廳環境寬敞舒適，擺設充滿咗泰式風情，牆上掛滿咗色彩繽紛嘅泰國裝飾畫，同埋用咗好多綠色植物點綴，感覺好清新。▪️ 泰式船家湯脆炸花腩肉金邊粉 ▪️ $72呢道泰式船家湯脆炸花腩肉金邊粉真係唔錯。湯底濃郁香辣，充滿咗泰國香料嘅獨特風味。脆炸花腩肉外脆內嫩，脆口嘅炸皮同嫩滑嘅豬腩肉形成咗強烈對比，口感豐富。金邊粉吸收咗湯底嘅味道，爽滑入味。▫️ 芒果糯米飯 ▫️ $78芒果糯米飯係泰國甜品嘅經典之選，呢度做得非常到位。糯米飯煮得軟糯香甜，配上新鮮甜美嘅芒果片，兩者完美結合，再淋上椰漿，味道更加濃郁。食落去芒果嘅鮮甜同糯米飯嘅黏糯真係超級夾，呢款甜品真係無得輸。▪️ 菠蘿紅茶 ▪️（Lunch Set）菠蘿紅茶清爽解渴，帶有淡淡嘅菠蘿香氣同紅茶嘅醇厚味道，甜度適中，飲落去相當清新。呢杯菠蘿紅茶唔單止好味，仲可以幫助解膩，配埋主菜一齊食，真係剛剛好。青花 (THE FOREST)📍旺角奶路臣街17號THE FOREST 1樓107-108號舖

#seriishungry_旺角平日夜晚嚟到旺角搵食，經過呢間特色創意泰國菜。見到好多嘢食飲品嘅造型都好特別，又有好多人排緊隊喎，好奇之下就排埋一份，試吓呢間泰國嘢！餐廳嘅範圍都幾大，但係竟然座無虛席，好多人食緊嘢同時出邊都好多人排緊隊。環境都幾光猛闊落，坐得幾舒服！🤤香辣蟹蒜炒麵 $118呢個炒麵都幾足料，除咗蟹肉放咗好多之外，仲有蘿蔔條芽菜炒蛋等等。醬汁都微辣香口，撈埋個面一齊食好好食。而且蟹肉都比得幾多一啲都唔慳㗎。成個麵份量唔少夠兩至三個人分！🤤泰脆炸豬手 $148呢個炸豬手一上檯簡直嚇親我哋，因為佢真係非常大份而且連骨原條上。外皮炸到好脆，有啲似燒肉嘅口感。但係肉質就稍嫌有啲乾同硬，調味都真係偏鹹，唔鍾意重口味嘅朋友應該唔會太鍾意。底層仲鋪咗啲菜，夾埋個豬手一齊食就會冇咁膩同重口味，但份量真係好多建議三至四個人一齊分會比較好！🤤泰國珍珠奶茶奶蓋 $48呢個珍珠奶茶奶味都幾濃，質感偏厚身，珍珠都食得出係有炒過嘅。總括而言，呢間泰國菜造型好啱打卡味道都唔錯，而且性價比幾高，每一個餸菜份量都唔少，好啱朋友聚餐一齊食。但係味道就未到好特別，不過想試吓一啲特色好睇泰國菜嘅朋友都可以嚟呢

同朋友想喺旺角食泰國菜就上嚟睇下有咩選擇見到呢間好高評價就嚟試一試7點左右去到 個場剛好爆晒大概等咗10-15分鐘左右就入得✅食前做咗啲功課 見到有人推介泰式涼拌三文魚所以就嗌嚟試下同生蝦做法一樣 上面有少少泰式醬料再配合蒜頭同辣椒一齊食食咗幾清新 亦有辣椒嘅後勁🌶️估唔到三文魚刺身都可以咁食主食嗌咗藍蝶花蟹肉菠蘿炒飯🍍同奶油咖喱雞🐔一上菜就見到顏色好靚好吸引除咗蟹肉菠蘿 仲有腰果、肉鬆同埋提子乾加埋一齊酸酸甜甜 又有唔好層次嘅口感馬沙文奶油咖喱雞入面唔見有香茅同其他香料完全唔辣 但就出奇地惹味😋我諗淨係個汁已經夠送一大碗白飯雞肉方便亦一啲都唔慳料都有幾多嚿下同埋個菠蘿好甜好好食！！飲品我就叫咗杯奶蓋楊枝甘露平時好甚少食楊枝甘露但見佢加埋奶蓋應該OK 所以叫咗杯試下雖然唔係少冰 但竟然都冇沖淡到啲味唔會愈飲愈淡 本來以為有奶蓋可能會濟啲 但結果又冇係可以完全飲晒成杯甜酸度適中 係一個幾好嘅配搭環境方面 整體裝潢係行森林風 (完美配合餐廳名hahhahaha我見有open area 秋冬時喺出面食應該幾chill會有鬧市中遠離煩囂嘅感覺但而家實在太熱.. 開咗都應該冇人會坐🤣所以當時都係關

在繁華閙市的旺角，這些地區能夠找到有一間好美味，又可以輕鬆打卡的餐廳不多。服務還是重點☺️我們一行二人進入餐廳，最初安排了雙人座位，但由於我們的東西也不少，在不是黃金的時間，希望安排有一點位置放袋子。女店員二話不說讓我們將我們的物品放在隔離枱櫈的位置上，態度很友善👍🏻先說說這次的用餐經驗，我們點選了兩款食物，分別是豬肉串燒和大蝦柚子沙律，賣相已經令人食指大動，飲品是蝶豆花椰汁奶蓋😻點了少甜，還真是小甜的，有顏色，有層次，味道不錯呢😋這樣休閒又愉快地共享下午茶😘舒適又自在🤩

在搜尋食咩晚餐之際，見到呢間環境同食物都好靚，一於去拜會下，訂左17:00食晚餐。碰巧見到經Open Rice book位，19:00或之前離坐，單點有85折，而加一就以正價計。環境清新怡人，坐得放鬆舒服，看看餐牌，選擇了以下食物：🌴泰式豬頸肉沙律🥗豬頸肉入味，肉質爽唔韌，配菜有少少辣，好惹味。🌴蝶豆花蟹肉菠蘿炒飯擺盤好靚，燒菠蘿好甜，肉鬆同腰果量都唔吝嗇，同個蝶豆花飯好夾，估唔到蟹肉量咁多。🌴馬拉盞炒芥蘭份量相當大碟，芥蘭爽脆，馬拉盞嘅味可以再豐富啲。🌴蝶豆花青檸茶🍋‍🟩淡淡嘅味道。🌴鮮熱情果梳打🍹清新嘅感覺。無論份量，味道，菜式嘅設計心思都性價比高。