靚粥工房 (已搬遷) 新店位置

去年已想光顧這家粥底火鍋但起碼要一個月前訂座,,所以一直沒成事今天終於可以來試了！而且只需早幾天訂座啊！此店是一家小店,,座位不多,,大約容納到30人吧？和友人一行6人到來每位$198,,額外加手切肥牛,,每位加多$25店舖根據訂座人數,,預備了一set食材好多海鮮啊！有泥鯭﹑蝦﹑蟹﹑鮑魚﹑蟶子﹑象拔蚌&蜆還有其他食材～魚蛋,,爽口彈牙有魚味蝦滑,,,手打蝦滑同樣爽口油炸鬼,,就這樣單吃很硬,,沾一沾粥讓其稔些便好吃啊！手切肥牛,,不會太肥,,牛味很濃！正！每位加$25都抵吃！蟹,,是三點蟹~不多膏但很鮮味！鮑魚,,每人一隻~~彈牙兼鮮甜！因貨色新鮮,,剛上桌時還見到鮑魚會動啊！！蜆,,,肉厚帶甜！而且沒沙！不過不是全部開口～店員說要鍋內的溫度夠高,,蜆才會開口的！象拔蚌,,同樣是每人一隻～size雖不大,,但也很厚肉～～而且很鮮甜呢！與蟶子並列第一位！蟶子,,,是蟶子王很爽口！又鮮味沒沙！正！！海鮮的鮮甜味令整煲綿綿的粥很好吃！！每位$220左右,,不算太貴！而且這裡的服務都很貼心啊！　會主動加茶,,加粥,,幫我們攪勻粥底甚至我們這班嘩鬼令粥底都痴底了,,就幫我們換一個新煲呢！值得再

我係第一次食粥底打邊爐，都係求其係open rice search 邊間有位就去，咁岩靚粥工房有位就去試下la老闆都幾nice既，d海鮮好甜同新鮮，就算煲耐左d海鮮都仲係好甜而且都有好多款海鮮食份量係一人一隻la，但都唔會唔夠食條泥鰻魚真超級好食個粥底去到尾係充滿海鮮既甜味價錢合理，無加一現場都都可以叫d現炒小食但因為一晚都好多人食，要等位，所以最好都係book定先今次6個人食，大概2xx一個人值得一試

Wa! 12月20號喎！係食好西小隊成立第13個月既紀念日子！咁重要！賴生梗係一早就安排定食餐好嫁啦！話說早係3個月前，賴生已經取得同屈小姐既共識，訂左今日食《靚粥工房》啦！聽聞呢間野既海鮮粥底火鍋好出名嫁！不過，呢間野除左要一早book之外，仲要分時段食嫁，分別係6-9:30，9:30至收舖，而且每日既海鮮係唔同既，不時不食麻！總之人頭$198，免加一啦！因為賴生同屈小姐都好鍾意食牛肉，所以每人加左$25蚊，多份手切靚肥牛！(註：原本個餐無牛嫁~ 因為店主話好多人唔食牛~ 我地係早一日店主whatsapp我地confirm booking果陣先加既~ )本身呢，賴生就book左7點既，但因為我地實在按捺不住食好西既心情，賴生好早就係樓下等屈小姐放工接佢去啦！我地因為係第一輪，所以早到左都即刻有得入！鋪頭其實真係好細，容納到20人左右，難怪咁難book! 而侍應叔叔(定店主?)都好快手，我地一坐低就用5分鐘左右set好架步啦（我指拎埋野食出黎喎！）今晚有：1）三點蟹 （每人1隻）（4星）- 蟹好新鮮！蟹肉好鮮味！- 但冇乜膏&要拆蟹先食得，餓死我地😂😂 (賴生仲要拆2人份量)2）泥猛

午餐太座提議到這小店，當然不能反對。店舖門面都幾殘舊，店內就放了幾張方枱、圓凳。勉強收貨。午市未有粥底火鍋，唯有叫了兩個粥，蘿蔔糕及炒麵。粥的配料不多，尤魚，魚片及蠔仔都很新鮮。但放了過多的味精和鹹了一點。蘿蔔糕不錯，煎得少少過燶。豉油皇炒麵是即炒的，但豉油過甜不鹹也不香。失敗之作。本來想試的粥底火鍋現在隨緣吧！

成日都聽我阿哥講 柯士甸個頭有間又平又正既店原來就係靚粥工房，198一位有海鮮有粥食又就係超值開火煲粥既時候，食任開胃菜先送粥必備既炸兩仲有個響玲，不過明明唔係打邊爐有湯底呀？？原來，佢地既辣椒鼓油醬汁點一點就已經超好味！蝦丸，自己落入粥底，睇落去好似好實咁！但煮好後，會較為彈口，自家制👍🏻👍🏻彈口既魚丸新鮮既聖子聽我阿哥講上次黎食係一大隻，每人一隻今次就係細細隻，一大堆大就食落超滿足細細隻就食完好空虛每人都有一隻既鮑魚仲有條魚最初怕落入粥底會散開曬不過準備材料既人都有考慮度，所以揀左呢種骨係完整好容易抽出黎，肉質較實！咁樣個粥就唔會有魚骨啦！蜆肉，隻隻都有肉，唔係空殼！經過左咁多種海鮮煮成既粥非常鮮甜，仲配埋南瓜冬菇，更有咬口

每位$210就由店主安排新鮮食材，份量又啱啱好，唔會浪費，打完邊爐可以食埋個粥，超鮮甜，食唔哂仲可以打包個粥，返屋企再食，正見佢地都有其他食品，例如豉油皇炒麵及腸粉等

幾年前朋友介紹過這間小店已經好想試,但經常無位,訂枱都需要一個月前,今晚收工己經好夜成10:00,同朋友想起火鍋,就試下睇下有無位,好彩不用等就可以完成我咁耐的心願!! 先黎果粥底,已經好興奮,跟著不停有各種生猛海鮮同配料成十幾樣,聽聞海鮮係在塔門每日新鮮送過黎,所以十分新鮮,亦欣賞手打墨魚滑,同一般食開不同,非常彈牙,牛肉又新鮮,雖然蟹比較細,但憑著我潛水經驗,蟹係新鮮捉,$180 依個價錢簡直超值,我朋友不喜歡食粥,但我迫佢食到最後試下個粥既鮮味,連佢都讚不絕口,因食落似飲湯,好正,依個夜宵真的不得了

有時等待是值得的~苦等了一個多月，終於等到這一天了……這次是一年後第二次再重來這裡吃粥底火鍋了，至於要煩惱點甚麼材料吃嗎？不用擔心……因為擔心也沒用，這裡是沒有得選擇的，原因是店主會按當天最新鮮的海鮮提供(但如果有甚麼特別唔食的，可book枱時講聲，就會用其他材料代替了)而不可不知的是，老闆原來一家都是水上人，每天都在塔門捕魚，現時這店每天的新鮮海產，都是老闆的父母於海捕獲後即日運來的，難怪那麼新鮮呢！這裡是分早晚兩段時段的，若果選擇晚段，好彩的話一個星期內都可訂到、早段便需要一至兩個月才可以訂到了！價錢劃一價:每位$190這個就是用粥做成淡白色的湯底，唔係有很多米，店主會不斷的加粥及攪混，但滾到最後的時候，因為吸收了所有海鮮及肉類的精華亦都變成了一窩鮮甜的濃粥了這裡有一種罕有的大尾魷，是塔門水域獨有的，不是經常有得提供，要吃到便要看當天的彩數，慶幸兩次來到都吃到這種魷魚肉厚脆嫩，每啖咀嚼起來都有不同的口感。鮮雞非常嫩滑亦有雞味，建議睇錶~落粥後十分鐘即刻撈起，再沾一點辣椒豉油……正呀蟶子好彈牙，但落粥底後小心走失，唔係太熟的話就變香口膠了這裡沿用牛展代替肥牛或鮮牛，唔係太喜歡牛展那質

如果你有聽過fiona的小黑與我，你會以為我放錯文章，我不是在說和貓貓的故事，這是有關我的一個朋友仔，小明。人人都話我寫字母好難估，那麼我就講下佢地嘅名字。小明，是我同事的男朋友，佢同坤哥一樣，都鐘意食好西。我們談的都是食，是明乎其實的食客(請你不要心邪)，小明和靚粥工房的關係就如我遇上神蹟一樣。兩年前，當我係openrice 剛剛見到靚粥工房的時候，我好想去食，但當然我係的唔起個心肝去訂，因為佢一定要廿九幾人去先夠食到多野，心想：如果去到就好啦。當日，我竟然見到小明有日係FB check in ，然後為左食好西的我當然厚面皮問佢detail，才知道原來小明每幾個月就會包場book一次，於是我當然排隊等小明發落。兩年間，我竟然食過前後五次的靚粥工房，現在每次吃都還是令我吃得非常愉快。上星期，佢問我有冇興趣，基本上，不用等埋發叔，我都會再次再次報名來到小明的晚宴。Side A你以為呢度好似心粥館來食粥嗎？首先，呢度日頭係有得食下午飯，唔係一定只有食粥做午飯，而佢有幾野好出名，什麼飯麵粉都有，小小鋪頭卻如茶餐廳的大千世界，今晚來到包場，我們一定有叫，大部分這裡美味的小食我們都一概不遺漏。每

原本諗住生日嗰日同屋企人一齊黎食但我早一個月多啲打黎book位但係都要過咗過生日十日到先有早段時間(其實上年都已經想食但係book唔到)其實間野係街度好唔顯眼果然入面真係好細！我哋係第一檯到嘅客員工就已經問我哋上得未，我哋話得佢就開始上，仲好快就上晒所有料添！有好多海鮮啱晒我真係魚蝦蟹都有，非常新鮮特別要提嘅係個牛𦟌，真係真係好食好有牛肉味！仲要份量唔少添，係密麻麻咁一層一層咁鋪喺隻碟上面而且碟雞仲要係新鮮雞！所有都好好，唯獨有一樣奇怪係啲油炸鬼，因為凍哂林晒店員亦都周不時會幫我地加粥底最後真係好飽好飽，仲打包埋成個粥底添！咁既價錢有咁既質素，絕對係抵尤其係對我呢個又鍾意打邊爐又鍾意食海鮮既人PS.如果大家想book位記得要至少早一個月打去問！而且啲海鮮可能次次唔一樣架，因為嗰日有個人問打邊爐有乜食，店員都係答佢"答你唔到因為每次都唔一樣"其實我都好想試下佢哋個魷魚，唯有下次啦。

第一次食打邊爐係用粥底底底底呀, 都幾得意呀, 一黎呢, 就更係有個爐啦, 咁個底更係粥底 (廢話)最更要呢, 有咩野食呢? 有油炸鬼, 有D菇菇, 有鮮雞, 牛肉, 鮑魚, 小蜆同大隻蜆, 重有泥鯭, 好正, 樣樣野都好鮮味, 雞有雞味, 泥鯭 冇腥味, 最後重落埋D蟹, 滾兩滾, 快活過神仙, 一個字正但我覺得重頭戲其實係個粥, 所有食材煮過後, , 有蟹既鮮味, 加上其他野既甜味, D粥簡直係人間美味不過聽聞佢最出名係大尾魷, 可惜老闆話幾日都冇貨, 冇計一個人190, 啤酒汽水另計, 抵食

幾個好友gathering! 呢間朋友食過話好味！要早兩個月訂位！晚上9點半到！原來呢度好細！怪不得咁難訂位！只有4張枱！無乜裝修！牆上貼滿可另加嘅食物小菜！坐低店員已極快手上粥底！加好多食物！因為其中一位未到！店員都會問定可唔可以上食物！好快已經放滿一枱！三女一男真係怕食唔晒！即刻開動！海鮮類：三點蟹：雖然細隻，都有膏，蟹肉新鮮！魷魚：爽口彈牙！鮑魚：自己對鮑魚一般！好在細隻唔韌！幾鮮味！貴妃蚌：蚌類我喜歡，呢度好新鮮爽口！蜆：無沙，雖然較細隻！蝦：海中蝦！爽口正常！泥鯭：本來唔敢食！怕有怪味！同事食咗話好味，試一條，肉質彈牙！無怪味！其他雞：食了1件！彈牙！牛𦟌：味濃有咬口！魚滑：彈牙爽口！魚蛋：潮洲式手打魚蛋！魚味濃！南瓜：淋身好味！鮮菇：新鮮！響鈴：脆口！因為三女一男，最後當然食唔晒，好在無額外再加食物！唔係好浪費！店員話可以包走，因為$190一位包晒食物！我們都食到8成，所以我哋無包走！

任食邊爐有時食到有d 悶 - 朋友K 有次毅然打去book 咗呢間靚粥工房 9.30pm 12位, 要兩個月後有位都照book (其實耐到都爭d 唔記得)! 吃粥之夜漸近, 雖然book 咗咁耐, 竟然放飛機的人唔多 - 可能大家都知這靚粥真的可遇不可求。店子近童軍總會，就在阿老表黑羊米線的斜對面。店子裝修樸素，放了大概20個座位；牆上貼滿了日間的餐牌，當中有不少是以塔門食材而製的菜式，最有名的就是塔門大尾魷了 (聽聞特別厚和爽脆)。老闆阿喜和伙記們非常落力，為我們端上一碟又一碟的火鍋料。令人嘩聲四起的海鮮來了 - 最新鮮的應該是鮑魚，上枱時仲郁緊！除鮑魚外，有蜆，蟹，泥鯭，蝦，大尾魷，魚滑；蔬菜有鮮冬菇，南瓜等。既然來食粥底的鮮味，不能缺少的是'吸水力'超強的油炸鬼和響鈴 (不過浸兩秒好了)。粥底滾起來時是淡白色的，米不算很多。當天的蟹不算很大隻，但滾出的鮮味不比大隻的蟹差。整晚的海鮮都非常鮮味，真的不得不佩服想出粥底火鍋念頭的人 - 最後喝到的粥底盡是海鮮精華之餘，吃入口咀嚼的海鮮仍能保留著原來的鮮甜，鮮味未至於只附在粥或食物上。一邊在滾食材，店員間中會為我們補粥。同行的有6男5女

一年前食過明明好好味，個粥底未落任何食材時，都有好濃厚的大地魚味，但今次打到差不多冇唒食材，先開始有些少鮮味！失望呢！而且要book成4-6個月先可以book到位，覺得不值lei!除咗粥底，另一賣點係海鮮，雖然今次啲海鮮都好新鮮，好多想到枱都仍然會動。都叫做唔算最差！但要一提一年前同今日的油炸鬼都係好好食，而且一定係清得最快𠴱碟！

原來粥底火鍋已經流行好幾年，只是國內比香港較為普遍。這天趁著炎夏未到，受好友一家邀請首次品嚐。站在門外良久，令人費解這間零裝潢的飯堂也須要很早訂枱？？其實理由很簡單吧！這裡有食火鍋必備的強勁風調，每位$190的價錢便食到一桌海鮮食物，而且店員會不停主動加粥水，最重要係環境唔嘈，包場聚會一流！20人便可包場，難怪要早1、2個月來預訂！ 火鍋底用了水多米少的皮旦粥，再加上鮑魚仔、海蝦、塔門蟹（體形雖少卻有蟹肉蟹味，令整碗粥生色不少）、魷魚（非常易咬）、肥美的蠔、大蟶子、蜆（貝殼類都處理得很好沒有沙）、馬駮蝦滑（十分欣賞，像零腥味的鯪魚魚球）、牛展肉、雞肉、泥鯭魚、冬菇南瓜、響鈴，仲有送粥一流的油條！聽聞這家的食材是由塔門每天新鮮運來，雖然不能求証，但當天有看到店員接過買餸車仔的食材，更相信是每天購入，難怪除了肉類一般，大部分食材都新鮮令人滿意！