靚靚麵工房 (已結業)

今晚眾人開會後, 三名男士話要去食野如果平時要番工既我, 再加上已經食左晚餐出去, 我一定會即刻調頭走.....可惜, 我今晚鬆懈左.....結果踏上不歸路~~~ 哈哈哈其實之前已經來過一次, 友人話我知呢間車仔面店出名有d特別既送選擇,唔會來來去去都係豬皮, 蘿蔔, 魚旦等等今次又食左不少野, 但好在我都個friend share, 但都已經好罪過~~~好~~講下今晚四人叫左d咩先 :1) 一串生腸, 一串墨魚 - 十分普通, 仲要落左好多soy sauce, 已經食唔到佢既鮮味, 生腸,墨 魚, 還是肥媽最好 =]2) 煎釀三寶: 有豆腐, 魚旦, 紅腸, 青椒, 茄子, 豆腐普通啦, 同平時係街食既差唔多, 但佢有落足 魚肉去釀, 所以挽回一些分數, 至於魚旦, 亦沒有太大驚喜, 反正就是一舊魚肉炸左, hahaha3) 仲有叫左一串叉燒同雞腎, 叉燒好味, 有d蒜容po面, 仲要係即燒既, 肉質入口彈牙, 很不錯 至於雞腎, 都ok啦, 唔un4) 另外就係車仔面送, 試左口水雞翼, 有d麻辣, 但又未至於令人覺得頂唔順, 雞翼肉質彈牙, 一 d都唔會淋姐

尋晚一個人九點幾唔知想食咩，唔食又唔得，又唔想使咁多錢，行行下就決定食煎釀三寶，5蚊5件，完全符合我的原則。之前都食過幾次，都無任何失望的感覺，尋晚落完單就知道"死喇"。叫咗3件豆腐、2件紅腸，舖頭會攞入廚房弄熱先俾顧客。等的時候，望望其他嘢食，心裡一沉，D煎釀三寶的魚肉完全唔覺眼有，有都係仲薄過張A4紙。咁俾咗錢，都要收貨照食ga la，豆腐還算可以，都算脆，紅腸就不敢恭維喇，同D魚肉一樣咁薄，豆腐同紅腸的魚肉少到食咗都唔知食咗，完全感覺唔到，同齋食炸豆腐到紅腸無分別，再咁落去，應該無人會買ga la！

收工路過, 諗住食少少野先回家開飯點了一個魚肉翅, 12 件三寶 (5 蚊四件)魚翅普通, 但冇咩要求... 所以不是重點..........................................d 三寶, 同友人你一件我一件咁, 但食到一半一右就覺得奇怪, 好似, 分唔衡咁左計右計, 起碼係有兩粒係唔知去左邊 (一係就兩個人一齊記錯囉)粒冬菇, 細過我中指的指甲, d "魚肉"就當然係............................... 不知道在那裡啦不過既然都食左一半, 同埋又唔係咩大損失, 就無謂追究了唯一一讚的, 是件豆腐, 雖則係番炸, 裡邊都仲係好軟滑

上星期二，出席雲陽宴的川味宴前，抵不住肚子傳來的空虛感，想吃一點東西頂檔，卻不滿足於燒賣或魚蛋，漫無目的去到尖東，經過靚靚車仔麵，見這裡有串燒供應，就來一串試試。在「安格斯牛柳」和「蜜汁叉燒皇」中揀了後者，雖自稱為「皇」，也請不要期待太高，叉燒不是即叫即燒的，只不過是那種「老早燒定，守株待兔」的貨色，就連放回爐上翻熱的動作也欠奉，心頭頓時打了一個冷震，莫非真係店方態度如何，食物的味道也定必如何？這串「蜜汁叉燒皇」由四件厚切叉燒組成，肉質偏瘦，有好有壞，好的是沒有豬頸肉的肥膩，可惜入口卻很「癡牙」，而重點的蜜汁味道並不豐盛，似有若無的，就是不能給我一種吃叉燒的感覺。一串十二蚊，街頭小吃來說不貴，但整體水準卻有點不值，下次都係穩陣點，食番燒賣好過。

真係好唔掂，原本無寫過食評既我都忍唔住要發洩一下!!呢間野係我公司附近，所以都幫親左成4、5年，睇住佢越黎越唔掂，又成鬼日加價真係把幾火! 以前附近無咁多野食，都要迫住幫親，佢個事頭婆d態度惡劣到唔憂做咁，叫外賣自取要等耐到死，好有禮貌咁問下佢幾時有，哇~ 好似問佢退錢咁: 係要咁耐架，唔好吹! 有次佢地淨淨地加價，我個同事都只係講: 加左價呀? 佢即係發顛咁: 係呀，算加得少啦 (態度奇差)。我同事無再幫親lu! 後黎附近多左野食，佢地有競爭，態度先略為改善。講番今日，我去買3送車仔麵，$31 好貴~ 番到公司一打開，d送少到死，d 送都唔值錢，比得1、2舊，真係無良! 一食d 豬大腸，wow!! 攪錯! 有怪味，唔係 豬大腸陣 "art"味，係膠味，比同事試下，佢吐都吐唔切! 攪到成碗野都係o個陣味。$31 無左，如果係堂食，實剷佢!希望快d多d其他食店同佢競爭，等佢自己知衰。

由於晚飯食得唔太飽, 所以去尖東搵食睇左 menu 好耐之後, 決定要食金牌碗仔翅 ($14), 上果陣已加胡椒粉同醋, 色水偏淡一試之下, 果然味道唔係咁夠濃不過食太多濃味野都唔太健康, 雖然話淡, 但有陣陣既麻油味, 亦十分足料兼大碗串燒牛 ($12), 等左一段時間奉上既時候有點不同, 其實我地係想要串燒沙嗲牛柳, 不過黎左串燒安格斯牛柳粒女友想問可唔可以加沙嗲, 老細話原味先好食都岩既, 因為個食法唔同, 見係招牌野, 試下都 ok老細話無加咩醬汁, 只係加左 d 鹽我覺得肉質嫩滑, 有牛香, 其實係幾好味不過女友就都係鍾情沙嗲汁如果下次再黎, 我諗要講清楚想嗌邊樣, 因為同樣價錢

同肥妹妹係尖沙咀影左成晚相, 真係渣機渣到手都累埋呀!!!經過靚靚車仔麵, 咁岩又未食過, 見到鋪頭又貼滿哂明星相, 雖然就係舊左D不過都諗住無死呀, 醫肚要緊!!!坐底睇下張menu, 又幾多選擇喎, 多到我都唔知揀咩黎食好呀最後決定嗌個油麵, 餸方面就要左響鈴, 口水雞翼同埋九轉大腸!先黎就上左個油麵先, 原本叫左辣醬架, 不過佢無加到, 後尾叫佢另上又無左回事, 無奈!唯有自己落辣油啦! 仲有, 原本碗麵個湯底其實已經好油, 十分唔適合胖侶食用呀!!!不過油麵既麵質其實唔錯, 呢樣值得讚下!! 到講下D餸啦, 首先係個響鈴 :　有少少crispy, 入面個咸都唔錯, 有D似食緊腐皮卷, 可以試下。 然後到個九轉大腸 : 大腸炸得硬左D, 而且無咩大腸既味道, 有d失望! 最後就係口水雞翼 :　成隻雞翼都無味, 完全食唔到有咩辣味, 對呢一個餸好失望!總括黎講, 呢間野賣點就係勝在夠哂多餸你揀, 不妨一試其他既餸呀!

09.11.04　$15蒸飯@尖沙咀靚靚車仔麵利強記的蒸飯稍微脹價一塊到HKD16今天想吃蒸飯，就嚐一下靚靚的15塊蒸飯蒸飯有鳯爪排骨、煎蛋牛肉及咸魚肉餅就是沒有我想要的滑雞…點了鳯爪排骨飯外帶，HKD15還送上豆漿比利強記的便宜一塊，還多了飲料呢～蒸飯不算很熱米心有點不熟，不像利強記的又軟又香排骨共有約五件，純綷的醬油味而且很乾鳯爪非常的“鮮艷”，同事看到那顏色都不禁嘩一聲豆漿很淡，而且很甜加了半杯熱水還是甜甜的…很失敗的中餐蒸飯還是吃利強記的好！詳細食評及照片請看：http://hk.myblog.yahoo.com/foodiebarbie/article?mid=2070

開始搵返舊相寫食評,希望有睇既唔好見怪.個個openrice識我既人都知我係飯局前先要掃一輪街,今次都唔例外.(因為之後要去川燒)紅磡火車站沿天橋慢慢行去尖東方向,呢幾間店舖可以話佔盡地利,難怪咁多年依然頂得住.同意其他食友所講,地方真係幾逼挾下,不過快手快腳食完就算,仲係度發白夢咩!甜蜜花枝戀 : 其實係煎墨魚餅,切片蘸甜酸汁另上,香口野,當小食都幾好,不過就唔贊成放落湯到,變得唔夠熱辣辣,食落都會差一d.魚皮鮫 : 交來貨,無驚喜,皮厚又無乜味,下次可以唔要.肥牛 : 都有四五塊,份量算係咁啦,雖然都幾鞋口,肉都唔算韌.淋左沙爹汁同牛腩汁,湯底有點微辣,但都幾香口,麵就大路野,不過不失.p.s : 差不多比周邊既明星相包圍,都唔知掛咁多明星相做乜,唔通明星就實識食咩?定係有d自戀?

尖東-在一年裡面只會出現幾次的地方!對上一次是參與Le Soleil的盡興飯局,因為月尾會和同事在咐近吃自助餐,但人數太多要先付訂金,唯有自己先走一次去落訂!一個人想速戰速決於是走咗嚟食車仔麵,亦獻出了第一次!座位感覺非常擠迫(是我身形龐大問題、罪不在店方)看見點菜紙上有很多選擇,滿心歡喜挑了一些平常比較少見的配料!九轉大腸---用碟另外分開上檯,酸酸地有黑醋的味道,外面硬裡面靱!試咗2件無再食.辣豬油渣----炸得唔夠乾身,咬落一口肥油,但無香味.甜蜜花枝戀----即是煎墨魚餅!完全唔熱,無彈性有腥味,一件夠晒!牛腩----瘦到咬落成口渣!點算?粗麵加麻辣醬----麵餅OK,麻辣醬就不麻不辣只有咸.炸魚蛋----食齋麵唔係辦法!叫多份炸魚蛋諗住會穩陣卦?點知原來唔係估計中嘅暖暖地,而係凍嘅!而且腥味濃郁!凍檸茶----MC Jim都有Rap--D澀味係會Stay喺你條脷.....第一次成二百幾磅人,好似D得八十磅仲話自己肥嘅妹妹仔咁,每樣舔一吓就擺低唔食嗌飽!全部夾埋食咗唔夠十份之一就起身埋單.車品品老闆娘對唔住!係我錯!我懶!食車仔麵都無嚟揾你!

d 菜色好普通又少來來去去都係..xx肉餅..yy球 就算我唔係食家都知道炒野要乾但係佢地ge 星州炒米係濕ge..d 料都不值一提仲有見到我個fd 食 番茄雞球d 雞球冇咩色..好似就咁烚熟可能車仔麵會好d掛

今日同朋友想食少少小食去靚靚度買煎釀三寶, 我比較鍾意隔離o個間, 但係佢貴$1買左一串生腸, 一舊尖椒, 一舊矮瓜, 原先叫左兩舊豆付, 但佢比左一舊青椒我明明睇住佢放兩舊豆付. 出返黎竟然變左豆付好香口, 尖椒第一次食, 覺得同青椒冇分別.矮瓜大大舊, 唔會太林較差既係生腸, 哩度係灼熟, 唔係凍食. 而且仲冇芥辣同甜醬. 得返d 腸味

尋晚同老公食左唦"dad "湯底河粉+蘿白+炸魷魚+炸牆+筍+唐生菜味道唔錯, 多選擇, 不過地方好迫, 侍應崔住落單...會再去試其他配答

上星期六.在附近行到肚餓就搵野食.記得呢頭有間車仔面檔,就入去試下啦.叫左五餸車仔麵豬皮,豬腸,豬紅,全部蚊到好淋好淋唔會趙甩牙好好味魚蛋同蘿蔔都係入味.而蘿蔔冇渣.五樣餸都好入味勁正濃濃的辣湯底刺激到我流眼淚.食完要博命飲水豆漿味道只是一般四十元.都算幾貴.總括講真的無招呼.衛生亦麻麻.但食物倒不錯.不過知道味精都好犀利.

很久沒有吃過"嗱喳麵"了。記得之前有段時間吃了不少地方的，但都不令人滿意。就算在車品品吃也是如此。作為城中其一名車仔麵店的這兒，也沒有例外飲宴過後，肚子依舊是空洞洞的。走過這裏，心想來碗三餸油麵也好。不吃點東西下肚，恐怕未返到家已昏倒在街頭了菜甫煎蛋及酸齋是這兒的名物，當然從菜單上選出來了。再加些牛腩，配上油麵，這宵夜，還挺豐富的先喝湯底...嘩...鹹得要命再吃一口煎蛋，老得很之餘也是凍冰冰的，大皺眉頭；酸齋的酸味很假，好像吃了些化學物進肚似的；牛腩也是味淡淡，毫無柱候香的....最好吃的，竟然是那油麵環境擠迫之餘，地板及檯也是"黐笠笠"的。吃完後，馬上逃之夭夭，頭也不回一下